16 جولائی 2022ء بروز ہفتہ دعوتِ اسلامی کے تحت پاکستان کے شہر لاڑکانہ میں قائم مدرسہ منور الاسلام میں 12 دن کا فیضانِ قراٰن و حدیث کورس شروع کیا گیا جس میں قرب و جوار کے اسلامی بھائیوں کی شرکت ہوئی۔

اس موقع پر شعبہ تعلیم کے ڈویژن ذمہ دار مولانا منصور احمد عطاری مدنی نے اسلامی بھائیوں کو کورس کی ابتدائی باتیں بتاتے ہوئے اُن کی دینی و اخلاقی اعتبار سے تربیت کی اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر شرکا نے اچھی اچھی نیتیں کیں۔واضح رہے اس کورس میں کم و بیش 30 اسلامی بھائیوں سمیت دعوتِ اسلامی کے ذمہ داران نے بھی شرکت کی۔(کانٹینٹ:غیاث الدین عطاری)