پچھلے دنوں دعوتِ اسلامی کے زیرِ اہتمام پنجاب پاکستان کے علاقے کوریکی شہر ڈسکہ میں قائم جامع مسجد فیضانِ عشقِ رسول ﷺ میں سحری اجتماع کا انعقاد ہوا جس میں نگرانِ ڈسکہ کابینہ حاجی عثمان طاہر عطاری سمیت دیگر کثیر ذمہ دار اسلامی بھائیوں نے شرکت کی۔

اس دوران نمازِ تہجد، اسلامی بھائیوں کا پیر شریف کا روزہ رکھنے اور عاشقانِ رسول کو فجر کے لئے جگانے کا سلسلہ رہا۔بعد نمازِ فجر تفسیر سننے سنانے کا حلقہ لگایا گیا جس میں نگرانِ ڈسکہ کابینہ نے سنتوں بھرا بیان کرتے ہوئے اجتماع میں شریک اسلامی بھائیوں کی تربیت کی جبکہ اس سحری اجتماع کا اختتام صلوٰۃ وسلام پر کیا گیا۔ (رپورٹ:محمد عادل رضا عطاری سیالکوٹ، کانٹینٹ:غیاث الدین عطاری)