Latest News Updates Of Dawat e Islami

سائٹ ٹاؤن کراچی میں ”غسلِ میت کورس“ کا اہتمام

Tue, 25 Nov , 2025

1 hour ago

کیماڑی ڈسٹرکٹ، سائٹ ٹاؤن کراچی میں واقع دعوتِ اسلامی کے جامعۃالمدینہ بوائز فیضانِ غوث الاعظم میں 18 نومبر 2025ء کو شعبہ کفن دفن کے تحت ”غسلِ میت کورس“ کا اہتمام کیا گیا جس میں درجہ خامسہ تا دورۂ حدیث شریف کے طلبۂ کرام نے شرکت کی۔

معلومات کے مطابق ابتداءً ڈسٹرکٹ اورنگی کے ذمہ دار مولانا فہیم عطاری مدنی نے غسلِ میت دینے کی فضیلت و اہمیت بیان کی اور طلبۂ کرام کو غسلِ میت دینے کا شرعی طریقہ بتایا۔

اسی طرح ڈسٹرکٹ ذمہ دار نے کفن کاٹنے اورپہنانے کے حوالے سے طلبۂ کرام کی رہنمائی کی اور انہیں پریکٹیکل کرکے بتایا جبکہ کورس کے اختتام پر طلبۂ کرام سے ٹیسٹ بھی لیا گیا۔اس موقع پر جامعۃالمدینہ بوائز فیضانِ غوث الاعظم، سائٹ ایریا کراچی کے شیڈول ناظم مولانا شاہد عطاری مدنی بھی موجود تھے۔(رپورٹ: عزیر عطاری ڈسٹرکٹ ذمہ دار ، کانٹینٹ:غیاث الدین عطاری)