گزشتہ روز شعبہ رابطہ برائےت شخصیات دعوتِ اسلامی کے ذمہ داران نے ایس ایس پی ضلع جعفر آباد محمد جواد طارق سے اُن کے آفس میں ملاقات کی۔

اس موقع پر شعبہ رابطہ برائے شخصیات بلوچستان کے صوبائی ذمہ دار محمد وقار عطاری نے اُن سےدعوتِ اسلامی کی عالمی سطح پر ہونے والی دینی و فلاحی خدمات کے حوالے سے گفتگو کی۔

دورانِ گفتگو صوبائی ذمہ دار نے محمد جواد طارق کو مدنی مرکز فیضانِ مدینہ ڈیرہ الہ یار کا وزٹ کرنے کی دعوت دی جس پر انہوں نے اپنی نیک خواہشات کا اظہار کیا۔بعدازاں ملک و قوم کی سلامتی کے لئے دعا کروائی گئی۔

اس ملاقات میں صوبائی ذمہ دار کے ہمراہ ضلع جعفر آباد کوآرڈینیشن ڈیپارٹمنٹ کے مجیب الرحمٰن عطاری اور غلام حسین عطاری بھی موجود تھے۔(رپورٹ:شعبہ رابطہ برائے شخصیات، کانٹینٹ: غیاث الدین عطاری)

پچھلے دنوں ریٹائرڈ کرنل علی احمد اعوان کے بھائی اور ڈسٹرکٹ بار ایسوسی ایشن کے  صدر ملک وقاص کے چچا کے لئے ایصالِ ثواب کا اہتمام کیا گیا جس میں دعوتِ اسلامی کے ذمہ داران سمیت جامعۃالمدینہ کے طلبۂ کرام نے شرکت کی۔

اس موقع پر طلبۂ کرام نے قراٰن خوانی کی جبکہ دیگر ذمہ دار اسلامی بھائیوں نے مختلف شخصیات سے ملاقات کرتے ہوئے انہیں دعوتِ اسلامی کی دینی و فلاحی خدمات کے بارے میں بتایا۔(رپورٹ:شعبہ رابطہ برائے شخصیات، کانٹینٹ: غیاث الدین عطاری)

عاشقانِ رسول کی دینی تحریک دعوتِ اسلامی کے زیرِا ہتمام پچھلے دنوں مدنی مرکز فیضانِ مدینہ گلشنِ طفیل کالونی گوجرہ میں شخصیات اجتماع کا انعقاد کیا گیا جس میں   سابق صوبائی وزیر برائے جیل و ایم پی اے چوہدری بلال اصغر وڑائچ،چئیرمین مارکیٹ کمیٹی تحصیل گوجرہ چوہدری کاشف ایاز چھٹہ اور چوہدری بلال اصغر وڑائچ سمیت دیگر اسلامی بھائیوں نے شرکت کی۔

بعدِ اجتماع شعبہ FGRF دعوتِ اسلامی کے تحت سیلاب زدگان کی امداد کے لئے 5 ٹرک سامان مدنی مرکز فیضانِ مدینہ سے روانہ کیا گیا جبکہ وہاں موجود شخصیات نے دعوتِ اسلامی کی جانب سے ہونے والی دینی و فلاحی خدمات کے بارے میں مدنی چینل کو اپنے تأثرات دیئے۔

گزشتہ روز عاشقانِ رسول کی دینی تحریک دعوتِ اسلامی کے وفد نے دینی کاموں کے سلسلے میں پاکستان کے شہر لودھراں کا دورہ کیا جہاں انہوں نے ایڈیشنل ڈپٹی کمشنرجنرل ملک فرازاحمداعوان، ڈسٹرکٹ آفیسرایس این اے رانا ناصرعلی، ایس پی انویسٹی گیشن کیوان کریم عباسی، ڈسٹرکٹ انفارمیشن آفیسرنعمان مسعود، پی آراو برانچ ڈی پی اوآفس فرحان چیمہ ودیگر شخصیات سےملاقات کی۔

دورانِ ملاقات وفد میں موجود ذمہ داران نے شخصیات کو دعوتِ اسلامی کے ہفتہ وار سنتوں بھرے اجتماع میں شرکت کرنے سمیت دیگر دینی کاموں میں شمولیت اختیار کرنے کا ذہن دیا۔

اس موقع پر شعبہ رابطہ برائے شخصیات کے ذمہ دار فدا علی عطاری، نگرانِ ڈسٹرکٹ قاری محمد اشرف عطاری اور قاری محمد وسیم عطاری بھی موجود تھے۔(رپورٹ:شعبہ رابطہ برائے شخصیات ، کانٹینٹ: غیاث الدین عطاری)

پچھلے دنوں پولیس لائن کانفرنس روم سیالکوٹ میں مرکزی مجلس  شوریٰ کے رکن حاجی محمد اظہر عطاری نے سنتوں بھرا بیان کیا ۔ رکن شوری نے حاضرین کو ”توکّل ، رزق حلال اور حسن ِ اخلاق “ کا درس دیتے ہوئےنیکی کی دعوت پیش کی اور انہیں دعوت اسلامی کے ہفتہ وار سنتوں بھرے اجتماعات و مدنی مذاکروں میں شرکت کرنے کا ذہن دیا۔

نیز بیان کے اختتام پر رکن شوری نے سوال و جواب کا سیشن بھی کیا اور حاضرین کے سوالوں کا نہایت خوش اُسلوبی کیساتھ جوابات دیئے ۔ اس موقع پر ڈی ایس پی ٹریفک قیصر امین بٹ ، ڈسٹرکٹ انچارج آئی ٹی خرم اصغر جعسر اور وارڈن انسپکٹر و سب انسپکٹر نے شرکت کی۔ (رپورٹ : رابطہ برائے شخصیات گوجرانوالہ ڈویژن / کانٹینٹ : محمد مصطفیٰ انیس) 

گزشتہ روز سبی بلوچستان میں ریجنل الیکشن کمشنر قلات ڈویژن حاجی محمد یعقوب رِنْدکے انتقال پر صوبائی ذمہ دار کوآرڈینیشن ڈیپارٹمنٹ محمد وقار عطاری نے ان کے بیٹے عدنان رِنْد اور بھتیجے بختیار رِنْد سے تعزیت و ملاقات کی اور مرحوم کے ایصالِ ثواب کے لئے فاتحہ خوانی  و دعائے مغفرت کی۔

ذمہ دار اسلامی بھائی نے اس موقع پر نیکی کی دعوت پیش کی ، ہفتہ وار اجتماع میں شرکت کرنے اور اپنے مرحومین کے ایصالِ ثواب کے لئے مدنی قافلوں میں سفر و دیگر نیک اعمال کرنے کی ترغیب دلائی ۔(رپورٹ : محمد وقار عطاری کوآرڈینیشن ڈیپارٹمنٹ دعوت اسلامی بلوچستان / کانٹینٹ : محمد مصطفیٰ انیس) 

17 جنوری 2023ء کو شعبہ رابطہ برائے شخصیات (دعوت اسلامی ) کے ذمہ دار غلام محبوب عطاری کا ماڈل ٹاؤن پولیس ہیڈ کوارٹر میں جدول ہوا ۔ ذمہ دار اسلامی بھائی نے ایس ایس پی ہیڈ کوارٹر ایسٹ زون پرویز اختر بنگش ، ایس پی ماڈل ٹاؤن و شاہ فیصل سید وجاہت حسین شاہ ، ایس ایچ او ماڈل ٹاؤن چوہدری اسد ، ایس آئی او نواز خان ، ایس ایچ او سعودآباد ذو الفقار حیدر ، ایچ ایم اے ایس آئی یعقوب اور ڈیوٹی آفیسر اظہر خان سے ملاقاتیں کیں۔

دورانِ ملاقات ذمہ دار اسلامی بھائی نے دعوت اسلامی کا تعارف کروایا اور عالمی مدنی مرکز فیضان مدینہ کراچی وزٹ کرنے کی دعوت پیش کی نیز ماڈل ٹاؤن میں سنتوں بھرے اجتماع کی سیکورٹی کے حوالے سے بھی گفتگو ہوئی ۔ (رپورٹ : غلام محبوب عطاری / کانٹینٹ : محمد مصطفیٰ انیس)

13 جنوری 2023ء کو دعوت اسلامی کے وفد نے سندھ سیکریٹریٹ کا دورہ کیا  ، جہاں آغا فخر حسین (ایڈیشنل سیکریٹری انڈسٹڑیز ڈیپارٹمنٹ ) ، عبد الکریم سنگراسی (ڈپٹی سیکریٹری ہوم ڈیپارٹمنٹ) اور ڈاکٹر لیاقت علی بھٹی (ایڈیشنل سیکریٹری ہیلتھ ڈیپارٹمنٹ) سے ملاقات کی ۔

وفد میں شریک ذمہ دار اسلامی بھائی نے افسران کو دعوت اسلامی اور اس کے شعبہ جات کا تعارف کروایا اور عالمی مدنی مرکز فیضان مدینہ کراچی وزٹ کی دعوت پیش کی، جس پر آغا فخر حسین اور عبد الکریم سنگراسی نے وزٹ کرنے کی نیت کی ۔ (رپورٹ: شعبہ رابطہ برائے شخصیات کراچی / کانٹینٹ : محمد مصطفیٰ انیس)

گزشتہ روز کوآرڈینیشن ڈیپارٹمنٹ شیخوپورہ (دعوت اسلامی )کے ذمہ دار اصغر علی گجر عطاری نے ڈی سی آفس شیخوپورہ  ملک شاہد اعوان ، پی ایس او چوہدری اعجاز احمد گجر ، پی اے ڈپٹی کمشنر شیخوپورہ رئیس احمد سٹینو اور محمد حسن رضا عطاری اسسٹنٹ اے سی کوآرڈینیشن شیخوپورہ

سے ملاقات کی۔

دوران ملاقات ذمہ دار اسلامی بھائی نے دعوت اسلامی کا تعارف کروایا اور مختلف شعبہ جات میں کی جانے والی خدمات بیان کیں نیز ہفتہ وار اجتماع میں شرکت کرنے کی دعوت پیش کرتے ہوئے مکتبۃ المدینہ کے کتب و رسائل تحفے میں پیش کی ۔ (رپورٹ: اصغر علی گجر عطاری کوآرڈینیشن ڈیپارٹمنٹ شیخوپورہ / کانٹینٹ : محمد مصطفیٰ انیس) 

پچھلے دنوں ڈسکہ میں دعوت اسلامی کی جانب سے جامع مسجد الحمید رضوی کے افتتاح کے موقع پر سنتوں بھرا اجتماع ہوا جس میں ڈی ایس پی ڈسکہ عبد الجبار ، سب انسپکٹر اور دیگر  سیاسی وسماجی شخصیات سمیت اہل علاقہ نے شرکت کی۔

مبلغ دعوت اسلامی نے اس پُر مسرت موقع پر سنتوں بھرا بیان کرتے ہوئے مساجد اور نمازوں کی فضیلت پر روشنی ڈالی اور اہلِ علاقہ کو مسجد آباد رکھنے کا ذہن دیا نیز دعوت اسلامی کے دینی ماحول سے وابستہ رہنے اور اجتماعات وغیرہ میں شرکت کرنے کی دعوت پیش کی۔ (رپورٹ: شعبہ رابطہ برائے شخصیات گوجرانوالہ ڈویژن / کانٹینٹ : محمد مصطفیٰ انیس) 

پچھلے دنوں مدنی مرکز فیضان مدینہ کا ایڈیشنل ڈپٹی کمشنر جنرل فیصل سلطان اور انچارج کنٹرول روم پروٹوکول آفیسر صادق صواتی نے وزٹ کیا   اور رکن شوری و نگران صوبائی مشاورت حاجی محمد اسلم عطاری اور نگران ڈویژن مشاورت حاجی محمد سلیم عطاری سے ملاقات کی۔

رکن شوری حاجی محمد اسلم عطاری نے دعوت اسلامی کی ڈاکومنٹری دکھائی اور مختلف شعبہ جات کا تعارف پیش کیا اس موقع پر دعوت اسلامی کے شعبہ ایف جی آر ایف کے تحت 12 گاڑیاں بلوچستان اور خیبرپختونخوا کی طرف گرم بستر اور کمبل لے کر روانہ کی گئی جس پر فیصل سلطان نے دعوت اسلامی کی خدمات کو خوب سراہا اور مدنی چینل پر اپنے تأثرات بھی دیئے۔ (رپورٹ: کوآرڈینیشن ڈیپارٹمنٹ میٹرو پولیٹن و ڈویژن فیصل آباد / کانٹینٹ : محمد مصطفیٰ انیس) 

گزشتہ روز لودہراں میں دعوت اسلامی کے ذمہ داران نے نیشنل پریس کلب (لوہراں) کا وزٹ کیا اور سینئر صحافی  و امیدوار قومی اسمبلی ، نیشنل پریس کلب کے بانی عمران علی اعوان سے ملاقات کی۔

دوران ملاقات ذمہ داران نے دعوت اسلامی کا تعارف کروایا اور مختلف شعبہ جات کی خدمات بیان کیں نیز فیضان مدینہ لودہراں وزٹ کرنے اور ہفتہ وار اجتماع میں شرکت کرنے کی دعوت پیش کرتے ہوئے امیر اہل سنت دامت بَرَکَاتُہمُ العالیہکے کتب و رسائل تحفے میں پیش کئے۔(رپورٹ: کانٹینٹ : محمد مصطفیٰ انیس)