12 اکتوبر کو لودھراں میں دعوت اسلامی کی مجلس رابطہ کےذمہ دار فداعلی عطاری نے  نگرانِ زون دعوت اسلامی سادات رضا عطاری،قاری محمداسمٰعیل عطاری اور مزمل عطاری کے ہمراہ ڈپٹی کمشنر عمران قریشی سے ملاقات کی۔

دورانِ ملاقات انہیں دعوتِ اسلامی کی دینی و دنیاوی اور سماجی خدمات سے متعلق آگاہی فراہم کی۔ ڈپٹی کمشنر نے دعوتِ اسلامی کی خدمات کو خوب سراہا اور ہر ممکن تعاون کی یقین دہانی کروائی۔ 

ملتان ریجن میں ڈاکٹر ارشد اوستو عطاری کے بڑے بھائی LNH کے ڈاکٹر انعام اللہ اوستو کا کراچی میں انتقال ہوگیا۔ مرحوم کی نماز جنازہ جیکب آباد میں ادا کی گئی۔

اس موقع پر ذمہ دارانِ دعوتِ اسلامی ان کے گھر پہنچے اور مرحوم کے لواحقین سے تعزیت کی اور مرحوم کی مغفرت کے لئے خصوصی دعا و فاتحہ خوانی کی۔

علاوہ ازیں رابط ڈسٹرکٹ جیکب آباد کے ذمہ داران کا مدنی مشورہ بھی ہوا جس میں رابطہ ڈسٹرکٹ ذمہ دار اور ڈویژن نگران کی موجودگی میں تین رکنی رابطہ مجلس بنائی گئی۔ ذمہ داران کو رابطے کے مدنی پھول، شخصیات سے ملاقات کا طریقہ بیان کیا اور اہداف دیئے گئے۔

رابطہ ڈسٹرکٹ ذمہ دار کی ذمہ داری پر سید پیرل شاہ عطاری ( بیورو کریسی انتظامیہ) ،حاجی محمد قاسم عطاری (سیاست دان) اور بشیر احمد عطاری ( پولیس آفیسر) کا تقرر کیا گیاہے۔ 

پچھلے دنوں لودھراں میں پیرآف مہر آبادشریف پیرسیدرفیع الدین شاہ کی فیضانِ جمالِ مصطفیٰ مسجدآمد ہوئی ۔ ذمہ دارانِ دعوتِ اسلامی  نے ا نہیں خوش آمدید کہا۔

اس دوران دعوت اسلامی کی مرکزی مجلس شوریٰ کے رکن حاجی محمداسلم عطاری سے بھی ملاقات ہوئی۔ رکنِ شوری نے انہیں دعوتِ اسلامی کی دینی اور فلاحی خدمات سے متعلق آگاہی فراہم کی۔

پچھلے دنوں  مجلس رابطہ کراچی ریجن کے ذمہ داران نے ڈپٹی کمشنر ایسٹ سید محمد علی شاہ سے ان کے دفتر جاکر ملاقات کی۔ دورانِ ملاقات ربیع الاول کے حفاظتی انتظامات اور این او سیز کے سلسلے میں باہمی گفتگو کا سلسلہ ہوا۔ 

دعوتِ اسلامی کے زیر ِ اہتمام ملتا ن ریجن سلانوالی میں  چیئرمین سلانوالی اطراف رائے احمد شیر بھٹی مرحوم کے ختم قل شریف کے سلسلے میں ایصال ثواب اجتماع کا اہتمام کیا گیا جس میں ابتدا میں مدرستہ المدینہ کے بچوں نے قرآن خوانی کی۔ قرآن خوانی کے بعد مبلغ دعوت اسلامی نے بیان اور دعا فرمائی۔

اجتماع میں درجنوں اہم سیاسی و سماجی شخصیات ، پولیس افسران، بیوروکریٹس افسران، چیئرمین صاحبان، تاجر حضرات، صحافیوں اور بڑی تعداد میں عاشقانِ رسول نے شرکت کی۔

بعدِ اجتماع مجلس رابطہ کے ذمہ داران نے شخصیات سے ملاقاتیں بھی کیں اور انفرادی کوشش کرتے ہوئے انہیں دعوتِ اسلامی کا ساتھ دینے کی ترغیب دلائی۔

پچھلے دنوں دعوت اسلامی کی مجلس رابطہ ساؤتھ پنجاب کےذمہ دارفداعلی عطاری اور نگران کابینہ دعوت اسلامی لودھراں عبدالمجید عطاری نے لودھراں کی معروف سیاسی وسماجی شخصیت،سینئرلائر، مقامی اخبارکےمالک رانامحمدطفیل ٹھاکر سےان کےآفس میں ملاقات کی۔

دورانِ ملاقات انہیں دعوتِ اسلامی کی دینی و دنیاوی اور سماجی خدمات سے متعلق آگاہی فراہم کی۔ سینئر صحافی نے دعوتِ اسلامی کی خدمات کو خوب سراہا اور ہر ممکن تعاون کی یقین دہانی کروائی۔ 

دعوت اسلامی کی مجلس رابطہ کے ذمہ داران نے سندھ سیکٹریٹ میں منور (سیکرٹری بورڈ آف ریونیو سندھ)، زین العابدین (اسسٹنٹ ڈائیریکٹر بورڈ آف ریو نیو سندھ) اور نیاز حسین (بورڈ آف ریونیو سندھ) سمیت دیگر اسٹاف سے ملاقات کی۔ ذمہ داران نے انہیں دعوت اسلامی کا تعارف پیش کرتے ہوئے ماہنامہ فیضان مدینہ اور مختلف رسائل تحفے میں پیش کیا۔ذمہ داران نے انہیں ہفتہ وار اجتماع میں شرکت کرنے اور فیضان مدینہ کراچی کے وزٹ کی دعوت پیش کی۔

دعوت اسلامی کی مجلس رابطہ کے تحت تھانہ میلہ تحصیل کوٹ مومن ضلع سرگودھا میں مدنی حلقہ ہوا جس میں تھانے کے اسٹاف نے شرکت کی۔

مبلغ دعوت اسلامی ڈاکٹر عمر شہزاد عطاری مدنی نے زندگی کا مقصد کیا تھااور ہمارا کردار کیاہے؟ اس حوالے سے سنتوں بھرا بیان کیا۔ مبلغ دعوت اسلامی نے غسل کے فرائض، پانی پینے کی سنتیں اور آداب سکھائے۔

مدنی حلقے کے اختتام پر تھانہ میلہ میں S.H.O ملک افتخار احمد اور محرر شفقت حسین سے ملاقات بھی ہوئی۔

دعوت اسلامی کی مجلس رابطہ کے ذمہ داراسلامی بھائی نے سندھ سیکٹریٹ  میں غلام علی سومرو (ایڈیشنل سیکرٹری ہوم ڈیپارٹمنٹ)، طارق احمد قریشی (ڈپٹی سیکرٹری پولیسہوم ڈیپارٹمنٹ) اور اصغر مہر (سیکشن آفیسر جوڈیشل ہوم ڈپارٹمنٹ)سمیت دیگر اسٹاف سے ملاقاتیں کیں۔ ذمہ داراسلامی بھائی نے انہیں دعوت اسلامی کی دینی وفلاحی خدمات کے بارے میں بریفنگ دی اور فیضان مدینہ کراچی آنے کی دعوت دیتے ہوئے ماہنامہ فیضان مدینہ تحفے میں پیش کیا۔

دعوت اسلامی کی مجلس  رابطہ کے تحت پچھلے دنوں محمد شعیب عطاری رکن سوئی کابینہ مجلس رابطہ نے سوئی کابینہ بلوچستان میں سابق صوبائی وزیر داخلہ سینٹر سرفراز احمد بگٹی سے ملاقات کی ۔

ملاقات میں رابطہ مجلس کے ذمہ دارنے نیکی کی دعوت دیتے ہوئے دعوت اسلامی کے شعبہ جات کا تعارف کروایا اور دعوت اسلامی ویلفیئر ٹرسٹ کی خدمات اور علمی سطح پر دعوت اسلامی کی دینی خدمات کے بارے میں آگاہ کیا جس پر سینیٹر صاحب نے دعوت اسلامی کی دینی اور ویلفیئر کی خدمات کو خوب سراہا۔ اس موقع پر مبلغ دعوت اسلامی نے سینیٹر صاحب کو دعوت اسلامی کے عالمی مدنی مركز فیضان مدینہ کراچی وزٹ کی دعوت دی ۔ سینیٹر سرفراز احمد بگٹی نے دعوت قبول کرتے ہوئے وزٹ کرنے کی نیت کی۔ 

دعوت اسلامی کی مجلس رابطہ بالعلماء کے ذمہ داران نے پنجاب میں P.T.I کے نائب صدر چوہدری محمد اشفاق اور سعید احمد سعیدی (M.P.Aٹوبہ) سے ملاقات کی۔ ذمہ داران نے انہیں دعوت اسلامی کے مدنی کاموں میں حصہ ملانے کا ذہن دیا اور ہفتہ وار اجتماع میں شرکت کرنے کی دعو ت دیتے ہوئے مختلف کتب و رسائل تحفے میں پیش کیا۔

دعوت اسلامی کی مجلس رابطہ کے ریجن کے ذمہ دارنے نور پھول تھل میں ڈاکٹر مبارک رضا راجپوت (اسسٹنٹ کمشنر نور پور تھل) سے ملاقات کی۔ ریجن ذمہ دار نے ان کے والد کے انتقال پر تعزیت کی اورمرحوم کے ایصالِ ثواب کے لئے فاتحہ خوانی کی۔

بعد ازاں ذمہ داران نے اسی مقام پر سعید اللہ خان روکھڑی (D.S.Pنور پھول تھل )، عبد الغفار خان نیازی (S.H.Oنور پھول تھل) اور ملک محمد طارق جبی (S.H.Oجوڑاں کلاں) سے ملاقات کی اور انہیں مدنی کاموں شرکت کرنے کی ترغیب دلاتے ہوئے مختلف کتب و رسائل تحفے میں پیش کیا۔