دعوتِ اسلامی ملک و بیرونِ ملک کے مسلمانوں کو دینِ اسلام کی تعلیمات سے آگاہ کرنے اور اُن کے عقائد و نظریات کی حفاظت کرنےوالی عاشقانِ رسول کی دینی تحریک ہے جو کئی سالوں سے تبلیغِ دین کا کام احسن انداز میں کر رہی ہے۔

اسی سلسلے میں گزشتہ روز یارکشائر ریجن، انگلینڈ میں رابطہ برائے شخصیات ڈیپارٹمنٹ کے ذمہ دار نے انگلینڈ کے مشہور کرکٹر عادل رشید سے ملاقات کی نیز انہیں نیکی کی دعوت دیتے ہوئے دعوتِ اسلامی کے تحت راہِ خدا عزوجل میں سفر کرنے کا ذہن دیا۔

کینیڈا میں قائم دعوتِ اسلامی کے مدنی مرکز فیضانِ مدینہ میں 12 نومبر 2023ء کو اسلامی بہنوں کے 8  دینی کاموں کے سلسلے میں ایک میٹنگ ہوئی جس میں مانٹریال (Montreal) اور لاوال (Laval)شہر کی جملہ ذمہ دار اسلامی بہنیں شریک ہوئیں۔

اسلامی بہنوں کے 8 دینی کاموں پر گفتگو کرتے ہوئے ذمہ دار اسلامی بہن نے سابقہ کارکردگی کا جائزہ لیتے ہوئے مقامی خواتین کے درمیان ہونے والے اجتماعات، مدنی مذاکرہ و رسالہ کارکردگی اور گھر درس کو مضبوط کرنے کی ترغیب دلائی۔

اس کے علاوہ ذمہ دار اسلامی بہن نے مذکورہ شہروں میں فیضان ویک اینڈ اسلامک اسکول سسٹم کے حوالے سے کلام کیا اور اسلامی بہنوں کو ہفتہ وار رسالہ کارکردگی ومدنی مذاکرے کے اہداف دیئے جس پر انہوں نے اچھی اچھی نیتیں کیں۔

بیرونِ ممالک میں ہونے والے دینی کاموں کا جائزہ لینے کے لئے دعوتِ اسلامی کے زیرِ اہتمام 7 نومبر  2023ء بروز منگل کینیڈا (Canada)کی مشاورت و سٹی ذمہ دار اسلامی بہنوں کا بذریعہ انٹرنیٹ ماہانہ مدنی مشورہ ہوا۔

معلومات کے مطابق کینیڈا کی ریجن نگران اسلامی بہن نے 8 دینی کاموں کی کارکردگی کا جائزہ لیتے ہوئے سنتوں بھرے اجتماع کے شیڈول کو مضبوط کرنے کی ترغیب دلائی اور ایک ہی شیڈول کو فالو کرنے کا ذہن دیا۔اس کے علاوہ ریجن نگران اسلامی بہن نے گفتگو کرتے ہوئے مقامی زبان کے اجتماعات کو مضبوط کرنے پر کلام کیا۔

مدنی مشورے کے دوران کینیڈا کی ریجن نگران کا کہنا تھا : کینیڈا کی شعبہ کورسز ذمہ دار اسلامی بہن کو اہداف دیئے گئے ہیں کہ ایٹو بیکوک (Etobicoke)، برمپٹن(Brampton) اور ہملٹن (Hamilton UK) شہروں میں بالمشافہ نماز کورس اور ون ڈے سیشن کروائے جائیں۔

دعوتِ اسلامی کے شعبہ انٹرنیشنل افیئرز کے تحت یکم نومبر 2023ء سے عالمی مدنی مرکز فیضانِ مدینہ کراچی میں سات دن کا سنتوں بھرا اجتماع ہوا جس میں 52 ممالک کے عاشقانِ رسول  اور ذمہ دارانِ دعوتِ اسلامی سمیت مقامی علمائے کرام نے شرکت کی۔

اجتماع میں بیرون ملک سے آئے ہوئے عاشقان رسول نے ہفتہ وار اور خصوصی مدنی مذاکرے میں شرکت کی اور امیر اہلسنت علامہ محمد الیاس عطار قادری دامت بَرَکَاتُہمُ العالیہ کا قرب پاتے ہوئے مدنی پھول سماعت کئے۔ دورانِ اجتماع جانشین امیر اہلسنت مولانا حاجی عبید رضا عطاری مدنی مُدَّ ظِلُّہُ العالی ، نگران شوریٰ مولانا حاجی محمد عمران عطاری مُدَّ ظِلُّہُ العالی ، نگران پاکستان مشاورت حاجی محمد شاہد عطاری، اراکین شوریٰ مولانا حاجی عبد الحبیب عطاری، حاجی سید ابراہیم عطاری اور حاجی امین قافلہ عطاری نے وقتاً فوقتاً مختلف موضوعات پر سنتوں بھرے بیانات کئے اور دینی کاموں کے حوالے سے شرکا کی تربیت کرتے ہوئے انہیں نیکی کی دعوت کو عام کرنے کا ذہن دیا۔

بیرونِ ملک کے عاشقانِ رسول کے لئے بعدنماز فجر اور بعد نماز عصر مدنی حلقے منعقد کئے جارہے تھے جن میں اسلامی بھائیوں کو مختلف سورتیں ، اوراد و ظائف اور دعائیں یاد کروائی جارہی تھیں۔ دورانِ اجتماع اورسیز کے اسلامی بھائیوں نے امیر اہلسنت دامت بَرَکَاتُہمُ العالیہ اور جانشینِ امیر اہلسنت مُدَّ ظِلُّہُ العالی سے ملاقات کی سعادت بھی حاصل کی۔

لوگوں کے دلوں  کو علمِ دین کے فیضان سے روشن کرنے والی عاشقانِ رسول کی دینی تحریک دعوتِ اسلامی کے تحت 5 اکتوبر 2023ء کو سڈنی ڈویژن اور شعبہ مشاورت کی اسلامی بہنوں کا مدنی مشورہ ہوا منعقد ہوا ۔

تفصیلات کے مطابق مبلغۂ دعوتِ اسلامی نے دینی کاموں کے فیڈ بیک، ٹیلی تھون کے اہداف اور فنڈ ریزنگ ایونٹ ارینج کرنے سمیت دیگر موضوعات پر کلام کیا ۔

مبلغۂ دعوتِ اسلامی نے دینی کاموں کے حوالے سے گفتگو کرتے ہوئے شعبہ فیضانِ اسلام پر تقرری کرنے نیز ٹیلی تھون اور ماہانہ ڈونیشن جمع کروانے کے متعلق اسلامی بہنوں کی تربیت کی۔

علاوہ ازیں مبلغۂ دعوتِ اسلامی نے لیورپول کاؤنسل کے اجتماع کی ٹائمنگ تبدیل کرنے اور مدینہ مسجد کے قریب اسلامی بہنوں کے درمیان مدرسۃ المدینہ بالغات شروع کروانے کے حوالے سے مشاورت کی جس پر وہاں موجود اسلامی بہنوں نے اپنی اپنی رائے پیش کی۔ 

پاکستان سمیت دنیا بھر کے مختلف ممالک کی خواتین میں ہونے والے دینی کاموں کے سلسلے میں 3 اکتوبر 2023ء کو مدنی مشورے کا انعقاد کیا گیا جس میں اسٹیٹ نگران اسلامی بہنوں نے شرکت کی۔

مدنی مشورے کی ابتداء میں ذمہ دار اسلامی بہن نے فیڈ بیک، ٹیلی تھون کے اہداف اور فنڈ ریزنگ ایونٹ جمع کروانے کے حوالے سے کلام کیا نیز شعبہ فیضانِ اسلام پر اسلامی بہنوں کی تقرری کرنے کے متعلق اسلامی بہنوں کی ذہن سازی کی۔

دنیا بھر میں نیکی کی دعوت عام کرنے کا جذبہ رکھنے والی عاشقانِ رسول کی دینی تحریک دعوتِ اسلامی کے تحت20 اکتوبر 2023ء کو ایڈیلیڈ نگران اور شعبہ مشاورت کی اسلامی بہنوں کا مدنی مشورہ ہوا۔

اس مدنی مشورے میں نگران اسلامی بہن نے نئی اسلامی بہنوں کی تقرری کرنے، فیضانِ ویک اینڈ اسلامک اسکول رجسٹریشن کروانے کے حوالے سے کلام کیا۔

نگران اسلامی بہن نے ایڈیلیڈ میں انگلش اجتماعات اور فیضانِ شریعت کورس شروع کرنے کا ذہن دیانیز محفلِ نعت کے مدنی پھولوں کے متعلق تبادلۂ خیال کیا۔

آسٹریلیا کے شہر پرتھ کی خواتین میں ہونے والے دینی کاموں کا فالو اپ لینے کے لئے 19 اکتوبر 2023ء کو مدنی مشورے کا انعقاد کیا گیا جس میں  نگران اسلامی بہنوں کی شرکت رہی۔

تفصیلات کے مطابق ذمہ دار اسلامی بہن نے پرتھ کی خواتین میں دعوتِ اسلامی کے دینی کام بڑھانے، شارٹ کورسز کی ذمہ داران کا تقرر کرنے اور اصلاحِ اعمال کا سیشن منعقد کرنے کے حوالے سے گفتگو کی۔

ذمہ دار اسلامی بہنوں کی تربیت کرتے ہوئے ذمہ دار نے سیکھنے سکھانے کے حلقے آن لائن میلبرن کے ساتھ جوائن کرنے اور ٹیلی تھون کے اہداف پر تبادلۂ خیال کیا۔

17 اکتوبر 2023ء کو عاشقانِ رسول کی دینی تحریک دعوتِ اسلامی کے تحت اوبرن کی ذمہ دار اسلامی بہنوں کا مدنی مشورہ ہوا جس میں نگرانِ اوبرن اور مقامی زبان کی اسلامی بہنوں کی شرکت ہوئی۔

نیوزی لینڈ میں خواتین کے درمیان دعوتِ اسلامی کے تحت ہونے والے دینی کاموں کے سلسلے میں مدنی مشورہ ہوا جس نیوزی لینڈ نگران اور شعبہ مشاورت کی اسلامی بہنوں نے شرکت کی۔

دورانِ مدنی مشورہ نیوزی لینڈ میں ہونے والے دینی کاموں کا جائزہ لیتے ہوئے دینی کاموں میں درپیش مسائل پر تبادلۂ کیا گیا اور ان کے حل کے لئے ذمہ دار اسلامی بہنوں نے اپنی اپنی رائے پیش کی۔

ذمہ دار اسلامی بہن نے مزید گفتگو کرتے ہوئے شارٹ کورسز اور نیوزی لینڈ میں ہونے والے اجتماعات کا جائزہ لیا نیز اجتماعات کے شیڈول پر اسلامی بہنوں کی ذہن سازی کی۔

عاشقانِ رسول کی دینی تحریک دعوتِ اسلامی کے تحت 13 اکتوبر 2023ء کو اوبرن کاؤنسل کی ذمہ دار اسلامی بہنوں کا مدنی مشورہ منعقد ہوا جس میں دینی کاموں کے فیڈ بیک، ٹیلی تھون کے اہداف اور  فنڈ ریزنگ ایونٹ ارینج کرنے سمیت دیگر موضوعات پر کلام کیا گیا۔

اس دوران مبلغۂ دعوتِ اسلامی نے گفتگو کرتے ہوئے شعبہ فیضانِ اسلام پر تقرری کرنے نیز ٹیلی تھون اور ماہانہ ڈونیشن جمع کروانے کے متعلق اسلامی بہنوں کی تربیت کی۔

علاوہ ازیں مبلغۂ دعوتِ اسلامی نے لیورپول کاؤنسل کے اجتماع کی ٹائمنگ تبدیل کرنے حوالے سے مشاورت کی جس پر وہاں موجود اسلامی بہنوں نے اپنی اپنی رائے پیش کی۔

میلبرن میں خواتین کے درمیان ہونے والے دینی کاموں کا جائزہ لینے کے لئے 17 اکتوبر 2023ء کو نگران اسلامی بہنوں کا مدنی مشورہ منعقد ہوا ۔

معلومات کے مطابق ذمہ دار اسلامی بہن نے اسلامی بہنوں کے درمیان ہونے والے 8 دینی کاموں کا فالو اپ لیتے ہوئے نئی اسلامی بہنوں کو دعوتِ اسلامی کی ذمہ داریاں دینے اور دینی کاموں کے سلسلے میں ایک شہر سے دوسرے شہر سفر کرنے کے حوالے سے گفتگو کی۔

اس کے علاوہ ذمہ دار اسلامی بہن نے آن لائن سیکھنے سکھانے کے حلقے کا فیڈبیک کرنے، مدنیہ اسلامی بہنوں کو دعوتِ اسلامی کی ذمہ داریاں دینے اور تمام ذمہ دار اسلامی بہنوں کے درمیان ٹیلی تھون کی ترغیب دلانے کا ذہن دیا جس پر حاضرین نے اچھی اچھی نیتیں کیں۔