دعوتِ اسلامی کے تحت خواتین کی دینی تعلیم و تربیت کے سلسلے کو آگے بڑھانے کے لیے 22 اکتوبر 2026ء کو کینٹربری کاؤنسل (Canterbury Council) کی جملہ ذمہ دار اسلامی بہنوں کے ساتھ ایک اہم مدنی مشورے کا انعقاد کیا گیا۔ اس مدنی مشورے میں جلد منعقد ہونے والے ”ون ڈے سیشن نماز کورس“ کے شاندار اور منظم انعقاد کے لیے انتظامی امور کو حتمی شکل دی گئی۔

مدنی مشورے کے دوران کورس کی کامیابی کے لیے درج ذیل اہم نکات پر فیصلے کیے گئے:

٭نیکی کی دعوت و ترغیب: ون ڈے نماز کورس میں زیادہ سے زیادہ اسلامی بہنوں کو شرکت کی دعوت دینے اور انفرادی کوشش کے ذریعے انہیں اس کی اہمیت سے آگاہ کرنے کی حکمتِ عملی طے کی گئی۔

٭جدول (Schedule) کی ترتیب: ایک دن کے ٹریننگ سیشن کے اوقات کار، درسی نظام اور شرعی مسائل کی تعلیم کے لیے شیڈول اور جدول کو حتمی شکل دی گئی۔

٭تشہیر: کورس کا پیغام تمام حلقوں تک پہنچانے کے لیے تشہیری مواد (Publicity & Promotional Material) اور دعوت کا دائرہ کار وسیع کرنے پر گفتگو ہوئی۔

٭لنگرِ رضویہ کے انتظامات: سیشن میں شریک ہونے والی اسلامی بہنوں اور طالبات کے لیے لنگر و طعام کے بہترین و باوقار انتظام کو یقینی بنانے کے حوالے سے ضروری ہدایات جاری کی گئیں۔ 

دعوتِ اسلامی کے دینی و انتظامی نظام میں مزید شفافیت، نظم و ضبط اور بہتری لانے کے لیے 20 اکتوبر 2026ء کو جملہ اسٹیٹ نگران اسلامی بہنوں کے ساتھ ایک اہم مدنی مشورے کا انعقاد کیا گیا جس میں کارکردگی کی رپورٹنگ کے نظام کو مزید جامع بنانے کے حوالے سے متعدد انتظامی فیصلے کیے گئے۔

مدنی مشورے میں درج ذیل اہم نکات اور دیگر امور پر تفصیلی مشاورت کی گئی:

٭اسلامی بھائیوں اور بہنوں کی کارکردگی کا تقابل: اسلامی بھائیوں کی کارکردگی اور ان کی جانب سے موصول ہونے والی کاؤنسلز کی لسٹوں کے مطابق اسلامی بہنوں کی کارکردگی کا تقابلی جائزہ لینے اور انہی ناموں کے مطابق ترتیب وار رپورٹنگ کو یقینی بنانے پر غور کیا گیا۔

٭8 دینی کام فارم: 8 بنیادی دینی کاموں کے فارم کو وقتِ مقررہ پر جمع کروانے کی تاکید کی گئی تاکہ تنظیمی اعداد و شمار کا بروقت جائزہ لیا جا سکے۔

٭شعبہ ذمہ داران سے کارکردگی کی مطابقت (Match): اسٹیٹ سطح کی کارکردگی اور متعلقہ شعبہ ذمہ دار اسلامی بہنوں کے پاس موجود ڈیٹا کو آپس میں مطابقت (Match) دینے کی حکمتِ عملی طے کی گئی تاکہ کسی قسم کا فرق نہ رہے۔

٭مجموعی تعداد کے کالم پر ہدایت: کارکردگی فارم میں مجموعی تعداد (Total Count) والے کالم کو فی الوقت خالی نہ چھوڑنے اور اسے صحیح اعداد و شمار کے ساتھ درست طریقے سے پُر (Fill) کرنے کے حوالے سے انتظامی رہنمائی فراہم کی گئی۔

دعوتِ اسلامی کے اوورسیز دینی کاموں میں وسعت اور مقامی سطح پر تنظیمی سرگرمیوں کی بہتری کے لیے 17 اکتوبر 2026ء کو کینبرا نگران کے ساتھ ایک اہم ون ٹو ون (One-to-One) مدنی مشورے کا انعقاد کیا گیا جس میں آسٹریلیا کے دارالحکومت کینبرا میں تنظیمی نیٹ ورک کو مزید متحرک بنانے کے لیے مختلف پوائنٹس پر تفصیلی گفتگو ہوئی۔

مدنی مشورے میں درج ذیل نکات اور انتظامی منصوبوں پر اہم فیصلے کیے گئے:

٭منسلک ڈیٹا پر پیش رفت: تنظیمی رابطوں کو مؤثر بنانے کے لیے دستیاب منسلک ڈیٹا پر منظم انداز میں کام کرنے اور رابطہ تیز کرنے کی ہدایت دی گئی۔

٭رسالہ کارکردگی اور اجتماعات: ذمہ دار اسلامی بہنوں میں مطالعہ رسالہ کی کارکردگی اور سنتوں بھرے اجتماعات میں باقاعدگی سے شرکت کا جائزہ لیا گیا۔

٭گھر درس کی ترغیب: محب اور عقیدت مند اسلامی بہنوں کو اپنے گھروں میں باقاعدگی سے ”گھر درس“ کا سلسلہ شروع کرنے کی ترغیب دینے کا فیصلہ کیا گیا تاکہ گھروں کا ماحول دینی بنے۔

٭آن لائن ٹریننگ سیشنز: تنظیمی ذمہ دار اسلامی بہنوں کی صلاحیتوں میں اضافے اور دینی کاموں کی بہتر فہم کے لیے باقاعدہ آن لائن ٹریننگ سیشنز (Online Training Sessions) کا آغاز کرنے پر اتفاق ہوا۔

٭اسلامی بہنوں کے لیے آن لائن تفسیر سیشن: اسلامی بہنوں کو فہمِ قرآن سے جوڑنے کے لیے انہیں آن لائن تفسیر سیشنز میں شرکت کروانے اور اس کے دائرہ کار کو وسیع کرنے کی حکمتِ عملی طے کی گئی۔

٭سمر ویکیشن (تعطیلات) کی پلاننگ: گرمیوں کی چھٹیوں کے دوران دینی و تربیتی سرگرمیوں، کورسز اور دینی کاموں کی پہلے سے مؤثر پلاننگ کرنے پر زور دیا گیا۔

٭آن لائن گجراتی اجتماع: گجراتی زبان بولنے والی اسلامی بہنوں کے لیے مخصوص آن لائن گجراتی اجتماع میں اُن کی شرکت کو یقینی بنانے اور نیکی کی دعوت عام کرنے ذہن دیا گیا۔

٭محفلِ نعت کا فالو اپ:حال ہی میں منعقدہ محافلِ نعت کے نتائج کو برقرار رکھنے اور نئے منسلک ہونے والی اسلامی بہنوں سے مسلسل رابطے کے لیے فالو اپ کا نظام قائم کرنے پر کلام کیا گیا۔

دعوتِ اسلامی کے تنظیمی کاموں کو مقامی سطح پر فعال بنانے اور ذمہ دار اسلامی بہنوں کی صلاحیتوں میں اضافے کے لیے 15 اکتوبر 2026ء کو اوبرن کاؤنسل (Auburn Council) کی جملہ ذمہ داران اسلامی بہنوں کے ساتھ ایک اہم مدنی مشورے کا انعقاد کیا گیا جس میں انفرادی کوشش، کورسز اور تعلیمی منصوبہ بندی کے حوالے سے کئی اہم باتیں طے کی گئیں ۔

ذمہ داران کی جانب سے ملنے والی معلومات کے مطابق اس مدنی مشورے میں درج ذیل نکات پر تفصیلی مشاورت کی گئی:

٭منسلک لسٹ کی اپڈیٹنگ:تنظیمی نظام کو مزید منظم بنانے کے لیے منسلک اسلامی بہنوں کی لسٹوں کو نئے سرے سے اپڈیٹ (Update) کرنے کی ہدایت کی گئی۔

٭نیکی کی دعوت اور ون ٹو ون رابطے: نیکی کی دعوت کی اہمیت پر روشنی ڈالتے ہوئے تمام ذمہ دار اسلامی بہنوں کو انفرادی کوشش (One-to-One Calls) کے ذریعے لوگوں سے رابطہ بڑھانے پر زور دیا گیا۔

٭تنظیمی کورسز: اسلامی بہنوں کی تنظیمی صلاحیتوں کو نکھارنے کے لیے خاص طور پر تنظیمی کورسز کروانے کا فیصلہ کیا گیا۔

٭عملی تربیت و دینی حلقے: نیکی کی دعوت دینے کے مدنی پھولوں کی پریکٹیکل (عملی) تربیت اور سیکھنے سکھانے کے دینی حلقوں میں باقاعدگی سے شرکت کی اہمیت پر کلام۔

٭ماہانہ تین بالمشافہ نشستیں: پائیدار پیش رفت کے لیے ہر ماہ کم از کم 3 بالمشافہ (Face-to-Face) مدنی مشورے، سنتوں بھرے اجتماع اور سیکھنے سکھانے کے حلقوں میں شرکت کو یقینی بنانے کی ترغیب دی گئی۔

٭سمر ویکیشن (تعطیلات) کی پیشگی پلاننگ: گرمیوں کی چھٹیوں کے موقع پر بچوں اور خواتین کے لیے خصوصی دینی سرگرمیوں کی پہلے سے پلاننگ کرنے پر زور دیا گیا۔

دعوتِ اسلامی کے تعلیمی اور تنظیمی امور کو مزید منظم و مستحکم بنانے کے لیے 14 اکتوبر 2026ء کو اسٹیٹ نگران اور ملک سطح کی شعبہ ذمہ دار اسلامی بہنوں کے ایک اہم مدنی مشورے کا انعقاد کیا گیا جس میں تعلیمی اداروں کی توسیع، آن لائن نشستوں اور حالیہ سنتوں بھرے اجتماعات کے نتائج پر تفصیلی تبادلہ ٔخیال کیا گیا۔

ذرائع کے مطابق اس مدنی مشورے میں درج ذیل اہم امور طے کیے گئے:

٭نگرانِ شوریٰ کی جانب سے آن لائن تربیت: نگرانِ شوریٰ کی آن لائن نشست سے حاصل ہونے والے مدنی پھولوں کی روشنی میں تمام سطح کی ذمہ دار اسلامی بہنوں کی رہنمائی کی گئی اور ان پر عملدرآمد کا ذہن دیا گیا۔

٭نئے تعلیمی اداروں کے اہداف و فیس کا نظام: فیضان ویک اینڈ اسلامک اسکول (Faizan Weekend Islamic School) اور مدرسۃ المدینہ گرلز کو نئی سائٹس پر قائم کرنے کے لیے اہداف مقرر کیے گئے۔ مزید برآں، ان تعلیمی اداروں کو خود کفیل بنانے اور نظام کو شفاف رکھنے کے لیے باقاعدہ فیس کے نظام (Fee Structure) کے نفاذ پر مشاورت کی گئی۔

٭اوورسیز سنتوں بھرے اجتماع کے فوائد و مکتوب: اوورسیز نگران اسلامی بہنوں کے سنتوں بھرے اجتماع میں شرکت کے فوائد، اثرات اور اجتماع کی جانب سے جاری کردہ خصوصی مکتوب (Letter/Guidelines) پر تفصیلی گفتگو کی گئی۔

٭ربیع الأول و ربیع الآخر محافلِ نعت کے نتائج: ماہِ ربیع الأول اور ربیع الآخر میں منعقد کی گئیں۔ محافلِ نعت کے اثرات، کارکردگی اور نتائج (Outcome) کا جائزہ لیا گیا تاکہ آئندہ کے لیے مزید مؤثر پلاننگ کی جا سکے۔

7 اکتوبر 2026ء کو دعوتِ اسلامی کے اوورسیز شعبہ جات کی خدمات اور تنظیمی مضبوطی کے لیے کوئنزلینڈ نگران کے ساتھ ایک اہم مدنی مشورے کا انعقاد کیا گیا جس میں آسٹریلیا کے صوبے کوئنزلینڈ میں دینی سرگرمیوں کے فروغ اور تعلیمی منصوبوں پر تفصیلی تبادلہ ٔخیال کیا گیا۔

موصول ہونے والی معلومات کے مطابق مدنی مشورے میں درج ذیل امور پر مشاورت کی گئی:

٭اوورسیز سنتوں بھرے اجتماع میں شرکت: پاکستان میں موجود نگران اسلامی بہنوں کی اوورسیز نگران اسلامی بہنوں کے لیے منعقد ہونے والے سنتوں بھرے اجتماع میں شرکت اور انتظامات کو یقینی بنانا۔

٭مدرسۃ المدینہ بالغات: کوئنزلینڈ میں بڑی عمر کی اسلامی بہنوں کے لیے مدرسۃ المدینہ بالغات کا نیا درجہ (کلاس) شروع کرنے کے معاملے پر غور کیا گیا تاکہ خواتین کو تجوید و قرآن کی تعلیم فراہم کی جا سکے۔

٭تفسیر کلاس کا حلقہ: اسلامی بہنوں میں فہمِ قرآن کو عام کرنے کے لیے خاص طور پر تفسیر کلاس کا نیا حلقہ قائم کرنا۔

٭ذمہ داران کی تربیت: تنظیمی ذمہ داران کی صلاحیتوں کو نکھارنے کے لیے دینی کاموں کے حوالے سے بالخصوص ”لرننگ سیشنز“ (Learning Sessions) کے انعقاد کی حکمتِ عملی طے کی گئی۔

٭منسلکین کی ترغیب: اجتماعات میں اعلانات کے مؤثر استعمال کے ذریعے دعوتِ اسلامی سے منسلک اسلامی بہنوں میں دینی و فلاحی کاموں کا مزید جذبہ پیدا کرنے پر زور دیا گیا۔

دعوتِ اسلامی کے دعوتی و تنظیمی امور میں مزید بہتری اور استحکام لانے کے لیے 6 اکتوبر 2026ء کو وکٹوریا نگران کے ساتھ ایک اہم ون ٹو ون (One-to-One) مدنی مشورے کا انعقاد کیا گیا۔ مدنی مشورے کے دوران تنظیمی ڈھانچے، کارکردگی رپورٹس اور آسٹریلیا کی مقامی سطح پر دینی کاموں کے فروغ کے لیے اہم فیصلے کیے گئے۔

ذرائع کے مطابق اس مدنی مشورے میں درج ذیل اہم نکات اور انتظامی امور پر کلام کیا گیا:

٭8 دینی کام اور سافٹ ویئر انٹری٭ ڈینڈینونگ (Dandenong) ایسٹ کاؤنسل میں نئی نگران اسلامی بہن کی تقرری ٭ایسٹکاؤنسل میں اجتماعات کے اوقات اور زبانیں٭ایسٹ کاؤنسل میں وقف مبلغہ اسلامی بہن کا تقرر٭اجارہ اور سفری اخراجات ٭انگلش اور اردو معلمات کی تیاری٭فیڈ بیک مجلس کے امور۔

دعوتِ اسلامی کے انتظامی امور کو مزید منظم بنانے اور دینی کاموں میں بہتری لانے کے سلسلے میں 1 اکتوبر 2026ء کو اسٹیٹ نگران کے ہمراہ ایک اہم مدنی مشورے کا انعقاد کیا گیا جس میں مختلف شعبہ جات کی کارکردگی اور سالانہ اہداف کا تفصیل سے جائزہ لیتے ہوئے آئندہ کے لیے عملی نکات طے کیے گئے۔

ذرائع سے ملنے والی معلومات کے مطابق اس مدنی مشورے میں درج ذیل اہم امور پر گفتگو کی گئی:

٭8 دینی کام اور سافٹ ویئر انٹری: دینی کاموں کی منظم نگرانی کے لیے 8 دینی کاموں نیز سافٹ ویئر ڈیٹا انٹری کے عمل کو شفاف اور تیز بنانے پر زور دیا گیا۔

٭گجراتی اجتماع و کارکردگی: گجراتی اجتماع کی نیکی کی دعوت، تیاریوں اور اس کے ذریعے سامنے آنے والی مجموعی کارکردگی کا جائزہ لیا گیا۔

٭محفلِ نعت اور فالو اپ: محفلِ نعت کے سلسلے میں طے شدہ مدنی پھولوں کے عملی نفاذ، پروگرامز کے نتائج (Outcome) اور بعد کے نتائج سے مستفید ہونے کے لیے مؤثر فالو اپ پر حکمتِ عملی تیار کی گئی۔

٭سالانہ اہداف 2026ء: سال 2026ء کے مقررہ سالانہ اہداف کی بروقت تکمیل کو یقینی بنانے کے لیے تمام ذمہ داران کو متحرک کرنے کی ہدایت کی گئی۔

٭معلمہ و مبلغہ کی تیاری: دعوتِ اسلامی کے تنظیمی نیٹ ورک کو مضبوط بنانے کے لیے ون ٹو ون (One-to-One) بنیادوں پر معلمات اور مبلغات کی تیاری پر خصوصی توجہ دینے کا طے کیا گیا۔

٭منسلک لسٹ اور ٹیلی تھون کارکردگی: جاری کردہ منسلک لسٹوں پر عملدرآمد کو تیز کرنے کے ساتھ ساتھ ٹیلی تھون کارکردگی میں مزید بہتری لانے کے لیے مدنی مشورے دیے گئے۔

عالمی سطح کی دینی تحریک دعوتِ اسلامی کینیڈا کے زیرِ اہتمام آج  29 اکتوبر 2026ء کو ایک سنتوں بھرے اجتماع کا اہتمام کیا جا رہا ہے جس میں بالخصوص رکنِ مرکزی مجلسِ شوریٰ حاجی خالد عطاری کی شرکت متوقع ہے۔

معلومات کے مطابق یہ سنتوں بھرا اجتماع شام 6:30 بجے کینیڈا کی عمارت فیضانِ مکہ (#5000 4250 109 AVE NE) میں منعقد کیا جائے گا جس کے آغاز میں تلاوت قرآن و نعت خوانی کی جائے گی جبکہ وقتِ مناسب پر مبلغِ دعوتِ اسلامی کا سنتوں بھرا بیان بھی ہوگا۔

کینیڈا کے مختلف علاقوں میں رہنے والے عاشقانِ رسول کو اس اجتماعِ پاک میں شرکت کی دعوت دی جاتی ہے تاکہ وہ اِن نیک اجتماعات کے ذریعے علمِ دین حاصل کرسکیں۔

دعوتِ اسلامی (پاکستان) اور یوگنڈا کے جامعات کے درمیان مجوزہ تعلیمی شراکت داری کے تحت مشترکہ تحقیق، فیکلٹی کی ترقی اور بین الاقوامی طلبہ کے تبادلے کا آغاز ہونے جا رہا ہے۔

معلومات کے مطابق دارالمدینہ انٹرنیشنل یونیورسٹی (دعوتِ اسلامی) اسلام آباد کے چانسلر اور دعوتِ اسلامی کی مرکزی مجلسِ شوریٰ کے رکن مولانا حاجی محمد جنید عطاری مدنی نے 24 اکتوبر 2026ء کو ایک وفد کے ہمراہ کامپالا (یوگنڈا) میں گابا مین کیمپس (Gaba Main Campus) کا دورہ کیا اور کامپالا یونیورسٹی کے بانی و وائس چانسلر پروفیسر بدرو ڈنگو کتیر یگا سے ملاقات کی۔

ملاقات کے دوران ایک مجوزہ مفاہمتی یادداشت (MoU) کے ذریعے عملی تعلیمی شراکت داری قائم کرنے کے بنیادی نکات پر تبادلۂ خیال کیا گیا جس میں مشترکہ تحقیق، فیکلٹی اور طلبہ کے تبادلے کے پروگرامز کو ترجیح دی گئی۔ اس کے علاوہ تعلیمی ترقی، ادارہ جاتی انتظامی امور اور دونوں جامعات کے مابین علم کے تبادلے کے مواقع پر بھی کلام کیا گیا ۔

اس موقع پر چانسلر مولانا حاجی محمد جنید عطاری مدنی نے دعوتِ اسلامی اور دارالمدینہ انٹرنیشنل یونیورسٹی کے بین الاقوامی تعلیمی اقدامات پر روشنی ڈالی جبکہ وفد کی جانب سے دنیا بھر میں دعوتِ اسلامی کی دینی، تعلیمی اور فلاحی سرگرمیوں سے متعلق آگاہی فراہم کی گئی۔

کامپالا یونیورسٹی کے بانی و وائس چانسلر پروفیسر بدرو ڈنگو کتیر یگا نے اس باہمی تعاون کا خیرمقدم کرتے ہوئے ادارہ جاتی تعلقات کو مزید آگے بڑھانے میں دلچسپی ظاہر کی۔ چانسلر مولانا حاجی محمد جنید عطاری مدنی نے انہیں پاکستان میں منعقد ہونے والے دعوتِ اسلامی کے بین الاقوامی اجتماع میں شرکت کی دعوت بھی پیش کی جسے انہوں نے قبول کیا۔(رپورٹ: ابراراحمد عطاری کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

دعوتِ اسلامی (پاکستان) اور یوگنڈا کے جامعات کے درمیان ایک نیا تعلیمی معاہدہ طے پا گیا ہے جو علم کے تبادلے، ادارہ جاتی تعاون اور تعلیمی مواقع کی بنیاد رکھے گا۔

دارالمدینہ انٹرنیشنل یونیورسٹی (دعوتِ اسلامی) اسلام آباد کے چانسلر اور رکنِ شوریٰ مولانا حاجی محمد جنید عطاری مدنی نے ایک وفد کے ہمراہ 23 اکتوبر 2026ء کو اسلامک یونیورسٹی اِن یوگنڈا (IUIU) کے ریکٹر (Rector) سے ملاقات کی جس میں باہمی علمی دلچسپی کے شعبوں اور دونوں جامعات کے درمیان تعاون کے مواقع پر تفصیلی گفتگو کی گئی۔

ملاقات کے دوران علمی تعاون کا باضابطہ فریم ورک قائم کرنے کے لیے مفاہمتی یادداشت (MoU) پر دستخط کیے گئے جس کے تحت علم کے تبادلے اور تعلیمی ترقی سے متعلق مستقبل کے اقدامات میں سہولت فراہم کی جائے گی۔

اس موقع پر وفد کی جانب سے دنیا بھر میں دعوتِ اسلامی کے تعلیمی، اسلامی اور فلاحی اقدامات کا جائزہ پیش کیا گیا نیز اسلامی تعلیم و سماجی فلاح و بہبود میں اس کی خدمات کو نمایاں کیا گیا۔

13 اکتوبر 2026ء  کو دارالمدینہ انٹرنیشنل یونیورسٹی (DMIU) کے چانسلر، صدر ایجوکیشن کونسل اور رکنِ شوریٰ مولانا حاجی محمد جنید عطاری مدنی نے مسلم یونیورسٹی آف موروگورو (MUM)، تنزانیہ کا دورہ کیا جہاں اُن کی ملاقات یونیورسٹی کے ڈپٹی وائس چانسلر، فیکلٹی ڈیپو اور تعلیمی و انتظامی قیادت کے دیگر اراکین سے ہوئی۔

اس ملاقات کا بنیادی مقصد دونوں اداروں کے درمیان تعلقات کو استوار کرنا، تعلیمی تعاون کے مواقع تلاش کرنا، مشترکہ تعلیمی اقدامات، فیکلٹی ڈویلپمنٹ اور نصاب میں اخلاقی و کردار سازی کی تعلیم کی شمولیت پر گفتگو کرنا تھا۔

ملاقات کے دوران مسلم یونیورسٹی آف موروگورو کی قیادت نے دارالمدینہ انٹرنیشنل یونیورسٹی کے ساتھ مفاہمتی یادداشت (MUM) کے ذریعے باقاعدہ تعلیمی تعاون قائم کرنے میں گہری دلچسپی کا اظہار کیا۔

اس سلسلے میں پیشرفت کے لیے ایک فوکل پرسن نامزد کیے جانے کی توقع ہے جو باہمی دلچسپی کے شعبوں کی نشاندہی اور حتمی معاہدے کی کارروائی کو آگے بڑھائے گا۔