دعوتِ اسلامی نے پاکستان سمیت بیرونِ ممالک میں بھی مختلف تعلیمی ادارے قائم کئے ہیں جہاں طلبہ کی دینی و اخلاقی تربیت کرنے کے ساتھ ساتھ انہیں معاشرے کا ایک باکردار شخص بنایا جاتا ہے۔

انہیں تعلیمی اداروں سے اپنی تعلیم مکمل کرنے والے طلبہ کے لئے دعوتِ اسلامی کے زیرِ اہتمام ”GRADUATION CEREMONY“ہونے جارہا ہے جس کا انعقاد ایسٹ افریقہ کے ملک مارشس (Mauritius) میں ہوگا۔

معلومات کے مطابق یہ پروگرام J&J Auditorium, Vacoas-Phoenix, Mauritius میں 25 جنوری 2026ء کی صبح 10 بجے شروع ہوگا جس میں تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم کے بعد بیان کیا جائے گا۔

اس پروگرام میں خصوصی آمد دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری سلمہ الباری کی ہوگی جبکہ مقامی ذمہ داران، اسٹوڈنٹس اور بزنس مین سمیت مختلف شعبوں سے تعلق رکھنے والی شخصیات بھی موجود ہوں گی۔

دعوتِ اسلامی کے تحت 6 جنوری 2026ء کو بیرونِ ممالک کے دینی کاموں کے سلسلے میں مدنی مشورہ ہوا جس میں تمام اسٹیٹ نگران اور کاؤنسل نگران اسلامی بہنوں نے شرکت کی۔

مدنی مشورے میں دعوتِ اسلامی کے دینی کاموں میں ترقی کے حوالے سے گفتگو کرتے ہوئے تمام ذمہ دار اسلامی بہنوں نے مختلف امو رپر تبادلۂ خیال کیا جن میں سے بعض یہ ہیں:٭فیضانِ تلاوت کلاس٭رمضان ڈونیشن کے اہداف٭رکنِ شوریٰ کی آمد٭فیملی اجتماع میں شرکت کرنا٭یوتھ سیشن٭نئے مقامات پر دینی کاموں کا آغاز٭2026ء کے اہداف۔

عاشقانِ رسول کی دینی تحریک دعوتِ اسلامی کے تحت ساؤتھ کوریا میں  27 رجب المرجب 1447ھ بمطابق 17 جنوری 2026ء کی صبح تفسیرِ قراٰن سیشن کا انعقاد کیا گیا جس میں مقامی اسلامی بھائی شریک ہوئے۔

سیشن کے دوران مبلغِ دعوتِ اسلامی نے قراٰنِ پاک کی تفسیر بیان کرتے ہوئے وہاں موجود اسلامی بھائیوں کو قراٰنِ کریم کی تعلیمات سے آگاہ کیا اور انہیں قراٰنِ مجید کی تعلیمات کے مطابق اپنی زندگی گزارنے کا ذہن دیا۔

ہیں صَف آرا سب حُور و ملک اور غِلماں خُلد سجاتے ہیں

اِک دھوم ہے عرشِ اعظم پرمِہمان خُدا کے آتے ہیں

معراج مصطفٰے صلَّی اللہ علیہ واٰلہٖ وسلَّم کی مناسبت سے دعوتِ اسلامی کی زیر اہتمام آج رات مؤرخہ 16 جنوری 2026ء بروز جمعۃ المبارک دنیا بھر کی طرح ملائیشیا (Malaysia) میں بھی ”اجتماع شب معراج“ کا انعقاد کیا جائیگا۔یہ اجتماع سوراؤالمطمئنہ پنڈن پرڈانا کوالالمپور ملائیشیا میں منعقد ہوگا جس کا آغاز رات 10:00 بجے تلاوت قرآن و نعت رسول صلَّی اللہ علیہ واٰلہٖ وسلَّمسے کیا جائے گا۔

اجتماع میں خصوصی بیان پاکستان سے تشریف لائے ہوئے خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی فرمائیں گے۔

گردو نواح کے تمام عاشقان رسول سے اس اجتماع میں شرکت کرنے کی درخواست ہے۔

عاشقانِ رسول کی دینی تحریک دعوتِ اسلامی کے زیر اہتمام آج مؤرخہ 16 جنوری 2026ء بروز جمعۃ المبارک جوہانسرگ (Johannesburg) ساؤتھ افریقہ میں عظیم الشان ”اجتماع شب معراج“ کا انعقاد کیا جائےگا۔ اجتماع کا انعقاد 163 7TH AVE MAYFAIR JOHANNESBURG میں بعد نمازِ عشاء منعقد ہوگا۔

عظیم الشان اجتماع میں خصوصی خطاب پاکستان سے تشریف لائے ہوئے مرکزی مجلس شوریٰ دعوتِ اسلامی کے نگران مولانا حاجی محمد عمران عطاری مُدَّ ظِلُّہُ العالی فرمائیں گے۔

قرب و جوار کے تمام عاشقانِ رسول سے اس اجتماع میں شرکت کرنے کی درخواست ہے۔

دینی، تبلیغی و اصلاحی سرگرمیوں کو منظم انداز میں دنیا بھر میں عام کرنے والی تحریک دعوتِ اسلامی کا نیٹ ورک تقریباً 175 سے زائد ممالک میں موجود ہےجو فلاحِ انسانیت اور فروغ علم دین کے 100 سے زائد شعبہ جات میں اپنی خدمات پیش کررہی ہے۔ ان دینی خدمات کا جائزہ لینے، دعوتِ اسلامی کے تعلیمی اداروں اور مدنی مراکز کا وزٹ کرنے اور ذمہ داران کی تربیت کرنے کے لئے دعوتِ اسلامی کی مرکزی مجلس شوریٰ کے نگران و اراکین مختلف ممالک کا سفر کرتے رہتے ہیں۔

تبلیغ دین کے سلسلے میں 18 جنوری 2026ء سے دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی افریقی ممالک کے سفر پر روانہ ہونگے جہاں ذمہ داران، علماء، مختلف شخصیات سے ملاقاتیں کرنا، اجتماعات میں بیانات کرنا، ذمہ داران کا مشورہ کرنا آپ کے شیڈول میں شامل ہے۔

تفصیلات کے مطابق نگرانِ شوریٰ 18 تا 25 جنوری موزمبیق(Mozambique) اور 25 تا 27 ماریشس(Mauritius) کی طرف سفر کریں گے۔

اس کے علاوہ 19 جنوری 2026ء کو نمپولا (Nampula) کی سینٹرل مسجد میں بعد نماز عشاء سنتوں بھرے اجتماع کا انعقاد کیا جائے گا جس میں خصوصی بیان نگران شوریٰ مولانا حاجی محمد عمران عطاری مُدَّ ظِلُّہُ العالی فرمائیں گے۔

06 جنوری 2026ء کو ساؤتھ کوریا (South Korea) کے سٹی انچن (Incheon) کے علاقے Songdoمیں دعوتِ اسلامی کے تحت ایک Meet UPکا انعقاد کیا گیا جس میں بزنس کمیونٹی اور مختلف شعبہ ہائے زندگی سے تعلق رکھنے والے عاشقانِ رسول کی شرکت ہوئی جبکہ نگران ساؤتھ کوریا مشاورت اور دیگر مبلغین دعوت ِاسلامی بھی موجود تھے۔

رکن شوریٰ مولانا حاجی عبد الحبیب عطاری نےنیکی کی دعوت دیتے ہوئےعالمی سطح پر ہونے والے دعوتِ اسلامی کے دینی کاموں کے بارے میں بتایا اور انہیں ملکردعوتِ اسلامی کے دینی و فلاحی کاموں میں حصہ لینے کی ترغیب دلائی۔اسی دوران رکنِ شوریٰ نے معاشرتی برائیوں کی روک تھام کے لئے دعوتِ اسلامی کی کاوشوں کا ذکر کرتے ہوئے کہا کہ دعوتِ اسلامی برائیوں سے روکتے ہوئے نیکی کی طرف بھی لاتی ہےاور مشکل و پریشانی کے حل بھی بتاتی ہے۔ 

فار ایسٹ کے ملک ساؤتھ کوریا (South Korea) کے سٹی انچن (Incheon) میں 05 جنوری 2026ء کو عاشقانِ رسول کی دینی تحریک دعوت اسلامی کے تحت قائم مدنی مرکز فیضانِ مدینہ میں Meet UPکا انعقاد کیا گیاجس میں بزنس کمیونٹی اور مختلف شعبہ ہائے زندگی سے وابستہ عاشقانِ رسول کی شرکت ہوئی جبکہ نگران ساؤتھ کوریا مشاورت اور فیونرل سروسز ڈیپارٹمنٹ کے اسلامی بھائی بھی موجود تھے۔

رکن شوریٰ مولانا حاجی عبد الحبیب عطاری نے سنتوں بھرا بیان کیا اور شرکا کو مکتبۃ المدینہ کی کتابیں تحفے میں پیش کرتے ہوئے انہیں اس کا مطالعہ کرنے کی ترغیب دلائی۔ اس موقع پر رکن شوریٰ نے فیونرل سروسز ڈیپارٹمنٹ کےتحت ساؤتھ کوریا میں جاری خدمات کے بارے میں بتایا اور مختلف امور پر گفتگو کی۔ آخر میں دعاؤں کا سلسلہ بھی ہوا۔ 

دعوتِ اسلامی کے تحت دنیا بھر کی  اسلامی بہنوں کے درمیان ہونے والے دینی کاموں کا جائزہ لینے اور اُن کی دینی و اخلاقی تربیت کرنے کے لئے صاحبزادیِ عطار سلمہا الغفار 10 تا 20 جنوری 2026ء تک اور نگرانِ عالمی مجلسِ مشاورت اسلامی بہن 17 جنوری تا 1 فروری 2026ء تک سری لنکا کے وزٹ پر تشریف لے جارہی ہیں۔

ساؤتھ کوریا (South Korea) کے سٹیSeoulکے مقامی ریسٹورنٹ میں دعوتِ اسلامی کے ایجوکیشن ڈیپارٹمنٹ کے تحت 02 جنوری 2026ء کو اسٹوڈنٹس Meet UPکا انعقاد کیا گیاجس میں مختلف یونیورسٹیز کے اسٹوڈنٹس، پروفیسرز اور دیگر عاشقان رسول نے شرکت کی۔

رکن شوریٰ مولانا حاجی عبد الحبیب عطاری نے سنتوں بھرا بیان کرتے ہوئے نماز کو سیکھ کر پابندی سے ادا کرنے، تلاوت قرآن پاک کرنے سمیت دیگر فرائض علوم سیکھنے، مشکل و پریشانی کے لمحات ہو یا خوشحالی کا وقت ہر ہر موقع پر اپنے رب کو یاد کرتے رہنے، مصیبت پر صبر کرنےاور فضول کاموں میں وقت برباد کرنے سے بچنے کا ذہن دیا۔

Meet UP میں سوالات کا سیشن بھی ہواجن کے رکن شوریٰ نے جوابات دیتے ہوئے شرکا کو شراب کی نحوست اور مالِ حرام سے بچنے کی ترغیب دلائی۔اختتام پر رکن شوریٰ نے دعا کروائی اور صلوۃ و سلام بھی پڑھاگیا۔

ساؤتھ کوریا (South Korea) کے سٹی انچن میں دعوتِ اسلامی کے تحت یکم جنوری 2026ء کو پاکستان بزنس ایسوسی ایشن ساؤتھ کوریا کے آفس میں Meet UPکا انعقاد کیا گیاجس میں بزنس کمیونٹی سمیت مختلف شعبہ جات کے عاشقانِ رسول کی شرکت ہوئی جبکہ نگران ساؤتھ کوریا مشاورت، ذمہ داران و مبلغین دعوتِ اسلامی بھی موجود تھے۔

رکن شوریٰ مولانا حاجی عبد الحبیب عطاری نے ”حسد“ کے موضوع پر سنتوں بھرا بیان کیا۔ بیان میں رکن شوریٰ نے مسلمانوں کے عیب چھپانے اور انہیں تکلیف پہچانے سے بچنے کی ترغیب دلائی۔ رکن شوریٰ نے شرکا کو دین کی خدمت کے لئے نیکی کی دعوت عام کرتے ہوئے دینی کام کرتے رہنے کا ذہن بھی دیا۔ اختتام پر ملک پاکستان اور امت محمدیہ صلَّی اللہ علیہ واٰلہٖ وسلَّم کے لئے خصوصی دعائیں کی گئیں۔

دینی، تبلیغی و اصلاحی سرگرمیوں کو منظم انداز میں دنیا بھر میں عام کرنے والی تحریک دعوتِ اسلامی کا نیٹ ورک تقریباً 175 سے زائد ممالک میں موجود ہےجو فلاحِ انسانیت اور فروغ علم دین کے 100 سے زائد شعبہ جات میں اپنی خدمات پیش کررہی ہے۔

دعوتِ اسلامی کے دینی کاموں کا جائزہ لینےاور دینی کاموں کو مزید وسعت دینے کے لئے اراکین شوریٰ و مبلغین دعوتِ اسلامی دنیا کے مختلف ممالک کا سفر کرتے رہتے ہیں۔

اسی سلسلے میں 10 تا 22 جنوری 2026ء خلیفۂ امیر اہل سنت مولانا حاجی عبید رضا عطاری مدنی مُدَّ ظِلُّہُ العالی مختلف ممالک کا دورہ کریں گے۔ اس دورے میں علما و مشائخ کرام اور دیگر شخصیات سے ملاقاتیں کرنا،اجتماعات میں بیانات کرنا، دعوتِ اسلامی کے تحت قائم مختلف اداروں کا وزٹ کرنا آپ کے شیڈول میں شامل ہے۔

مختلف ممالک کا شیڈول مع تاریخ:

٭10 تا 14 جنوری 2026ء: انڈونیشیا (Indonesia)

٭15 تا 19 جنوری 2026ء: ملائیشیا (Malaysia)

٭20 تا 22 جنوری 2026ء: تھائی لینڈ (Thailand)