دعوت اسلامی کے زیر اہتمام پچھلے دنوں چشمہ ڈویژن کے علاقے عمر خیل میں سنتوں بھرے اجتماع کا انعقاد کیا گیا جس میں مقامی اسلامی بہنوں نے شرکت کی۔ پہاڑ پور کی کابینہ نگران اسلامی بہن نے سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی کاموں سے متعلق آگاہی فراہم کرتےہوئے دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کرنے کی ترغیب دلائی۔ اجتماع کے بعد ذمہ داراسلامی بہنوں کےتربیتی سیشن کا سلسلہ ہوا جس میں پہاڑ پور کی کابینہ نگران اسلامی بہن نے ذمہ دار اسلامی بہنوں کی تربیت کی اور انہیں دعوتِ اسلامی کے مدنی کاموں کو مزید بڑھانے اور تقرریاں مکمل کرنے کا ذہن دیا۔