شعبہ روحانی علاج دعوتِ اسلامی کے  زیرِ اہتمام پچھلے دنوں تھر پارکر(سندھ) میں دعائے شفا اجتماع کا انعقاد کیا گیا جس میں مقامی عاشقانِ رسول نے شرکت کی ۔

اس اجتماع کا آغاز تلاوت قرآن ِ پاک اور نعت رسول مقبول صلی اللہ علیہ وسلم سے کیا گیا۔بعدازاں سنتوں بھرا بیان ہوا ، بیان کے بعد تمام اسلامی بھائیوں نے صلوٰۃالحاجات ادا کی اور اجتماعی طور پر مریضوں اور پریشان حال مسلمان بھائیوں کی صحت یابی اور حاجت روائی کے لئے دعائیں مانگیں ۔

اس کے بعد شرکائے اجتماع کو مبلغ دعوت اسلامی نے شعبہ روحانی علاج کا تعارف پیش کیا اور ان کی ضرورت و حاجت کے مطابق انہیں تعویذات ِ عطاریہ، اوراد عطاریہ اور امیرِاہلِ سنت دامت برکاتہم العالیہ کا دم کیا ہوا پانی پیش کیا جبکہ استخارے بھی کیے گئے۔(کانٹینٹ:رمضان رضا عطاری)