ادب کو انسان کے زیور سے تعبیر کیا جاتا ہے ، اگر تعلیم او رعلم کی کمی رہ جائے تو اسے زندگی کے کسی بھی موڑ پر پورا کیا جاسکتا ہے لیکن اگر تربیت اور ادب کی کمی رہ جائے تو اکثر اوقات انسان پچھتاتا رہتا ہے۔

ادب سے مراد:

ادب ایک ایسے وصف کا نام ہے جس کے ذریعے انسان اچھی باتوں کی پہچان حاصل کرتا ہے۔

اس کی تعریف یوں بھی کی جاسکتی ہے، انسان میں اچھی عادت کا جمع ہوجانا حقیقتاً ادب ہے۔

حدیث پاک میں بھی ادب سے متعلق ارشاد ملتا ہے، چنانچہ نبی کریم صلی اللہ علیہ وآلہ وسلم نے ارشاد فرمایا:مجھے میرے رب نے اچھا ادب سکھایا۔(الجامع الصغیر للسیوطی باب الھمزہ الحدیث ، ۳۱، ص ۲۵)

”باادب بانصیب “ اردو زبان میں ایک مشہور معروف محاورہ ہے اس میں ادب کرنے والے کو خوش بخت اور خوش نصیب کہا گیا ہے، یہ ایک حقیقت ہے کہ جب بندہ ادب کر نے والا بن جاتا ہے تو اسے بے شمار نعمتیں اور نوازشیں نصیب ہوتیں ہیں۔

چنانچہ حضرت سیدنا ابو علی دقاق رحمۃ اللہ تعالیٰ علیہ ارشاد فرماتے ہیں: بندہ اطاعت (کرنے) سے جنت تک اور ادب (کرنے) سے خدا عزوجل تک پہنچ جاتا ہے۔(الرسالۃ القشیریہ باب الادب ص ۳۱۶)

بے ادبی کی نحوست:

اگر بنده ادب و احترام كا لحاظ نہ کرے تو اسے کیسی کیسی وعیدوں کا سامنا ہوسکتا ہے اس کا اندازہ درجِ ذیل روایات سے لگائیے۔اعلی حضرت ، امام اہلسنت ، مولینا شاہ احمد رضا خان رحمۃاللہ علیہ ارشاد فرماتے ہیں: ولادین لمن لا ادب لہ

یعنی جو بادب نہیں اس کا کوئی دین نہیں۔(فتاویٰ رضویہ ، ج ۲۸، ص ۱۵۸، مطبوعہ رضا فاؤنڈیشن لاہور)

تفسیر روح البیان میں ہے کہ پہلے زمانے میں جب کوئی نوجوان کسی بوڑھے آدمی کے آگے چلتا تو اللہ عزوجل اسے ( اس کی بے ادبی کی وجہ سے) زمین میں دھنسا دیتا تھا۔(تفسیر روح البیان ،پارہ ۱۷ بحوالہ ادبِ مرشد کامل ص ۲۶)

ان روایات سے واضح ہوتا ہے کہ بے ادبی کرنے والا دنیا میں تو برباد ہوتا ہی ہے، ساتھ آخرت بھی برباد کرلیتا ہے جیسا کہ شیطان نے اپنی ہزاروں لاکھوں سال کی عبادت فقط ایک لمحے بھر کی بے ادبی میں ضائع کر دی۔

حکایت : ہمارے بزرگان دین رحمہم اللہ المبین قابلِ تعظیم چیزوں کا بھی بہت ادب کیا کر تے تھے اور بے ادبی سے بچتے تھے، چنانچہ حضرت سیدنا شیخ احمد سر ھندی فاروقی المعروف مجدد الف ثانی رحمۃ اللہ علیہ ایک روز اپنے بسترپر تشریف فرما تھے کہ اچانک بے قرار ہو کر نیچے اتر آئے اور فرمانے لگے معلوم ہوتا ہے اس بستر کے نیچے کوئی کاغذ ہے۔

(زبدة المقامات ص ۲۷۶)

پیارے اسلامی بھائیو! معلوم ہوا کہ سادہ کاغذ کا بھی ادب ہے اور کیوں نہ ہو کہ اس پر قر آن و حدیث اور اسلامی باتیں لکھی جاتی ہیں۔ اللہ کریم جل شانہ ہمیں ادب کی لازول نعمت سے نوازے اور بے ادبی کی نحوست سے بچائے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

نوٹ: یہ مضامین نئے لکھاریوں کے ہیں۔حوالہ جات کی تفتیش و تصحیح کی ذمہ داری مؤلفین کی ہےادارہ اس کا ذمہ دار نہیں

گزشتہ روز سے ملک  بھر میں قائم دارالمدینہ انٹرنیشنل اسلامک اسکول سسٹم کے تمام سیکنڈری کیمپسز میں 9th اور 10th کلاسز کے لیے تعلیمی سرگرمیوں کا باقاعدہ آغازہوگیاہے۔

Covid 19 سے بچاؤ کی احتیاطی تدابیر اختیار کرتے ہوئے اسٹوڈنٹس کو ایک دن کے وقفے سے اسکول بلاکر مناسب فاصلے سے بٹھایاجا رہا ہے۔اسکول آنے والے اسٹوڈنٹس کا Temperature چیک کرنے اور مناسب وقفے سے ہاتھ دھونے کے لیے بھی انتظامات کیے گئے ہیں۔

والدین /سرپرستوں سے گزارش ہے کہ اپنے بچوں کو اسکول میں ماسک پہن کررکھنے،دوسرے بچوں کے ساتھ گھلنے ملنے سے پرہیز کرنے اور ایک دوسرے کی چیزیں استعمال نہ کرنے کا ذہن دیں نیز روزانہ اسکول روانگی سے قبل اپنے بچوں کا Temperature چیک کریں اور بخار محسوس کرنے کی صورت میں اپنے بچے کو اسکول نہ بھیجیں۔

الحمد للہ عزوجل   عاشقان رسول کی مدنی تحریک دعوت اسلامی دنیا کے 200 ممالک میں 108 شعبہ جات کے ذریعے دین اسلام کی خدمت سرانجام دے رہی ہے۔ اسی سلسلے کو مزید آگے بڑھانے کےلئے 13 ستمبر2020 کو گوجرانولہ زون کی دو کابینات کامونکی کابینہ اور گوجرانولہ غربی کابینہ کا مدنی مشورہ مدنی مرکز فیضان مدینہ گوجرانولہ میں ہوا جس میں نگران کابینہ ، اراکین کابینہ اورڈویژن نگران سمیت علاقہ نگران نے شرکت کی۔

نگران زون مولانا عبد الوہاب عطاری نے حاضرین کے درمیان جھوٹ کی مذ مت کے موضوع پر بیان کرتے ہوئے شرکا کو ، کارکردگی جمع کروانے ، تقری مکمل کرنے،مدنی کاموں کو بڑھانے ، مدنی قافلوں میں سفر کرنے اور مدنی انعامات کا رسالہ پُر کرکے جمع کروانے جیسے کئی اہم مدنی پھول دیئے ۔(رپورٹ: محمد شہریار عطاری کامونکی کابینہ مجلس کارکردگی )

دعوتِ اسلامی کے زیر اہتمام  14 ستمبر 2020ء کو نگران عالمی مجلسِ مشاورت نے مدنی مشورہ کیا جس میں ریجن لاہور، زون ہزارہ،کابینہ ایبٹ آباد ، ہری پور،غازی کابینہ کی نگران ڈویژن سطح و زون مشاورت ذمہ دار اسلامی بہنوں نے شرکت کی۔

دعوتِ اسلامی کے زیر اہتمام  14 ستمبر 2020ء کو نگران عالمی مجلسِ مشاورت نے مدنی مشورہ کیا جس میں زون واہ کینٹ کی کابینہ کامرہ ، پنڈی کھیپ،اٹک کی نگران اسلامی بہنوں اور زون مشاورتاسلامی بہنوں نے شرکت کی۔

اسلامی بہنوں کی مجلس مدرستہ المدینہ بالغات کے زیر اہتمام 15 ستمبر 2020ء کو مدرستہ المدینہ بالغات کی  پاک مشاورت ذمہ دار اسلامی بہن نے مدنی مشورہ لیا جس میں کراچی ایسٹ، زون و کابینہ ناظم آباد کی ذمہ دار اسلامی بہنوں اور مدرسات اسلامی بہنوں نے شرکت کی۔

دعوت اسلامی کی مجلس نیو مسلم کے تحت 11ستمبر 2020ء بروز  جمعرات نگران مجلس پاکستان نیو مسلم نعمان عطاری نے فیصل آبادریجن کےساہیوال زون کا مدنی مشورہ کیا ۔

مشورے میں رکن ریجن دانیال عطاری ،رکن کابینہ قربان عطاری ، نگران زون پاکپتن شریف حاجی سرفراز عطاری اور نگران کابینہ حاجی فریاد المدنی عطاری نے شرکت کی۔نگران مجلس نے شرکا کے سامنے شعبہ کا تعارف پیش کیا اور شعبے کے حوالے سے مدنی پھول دیتے ہوئے شعبے میں کام کرنے کا انداز بتایا اور مختلف مدنی پھول طے کئے۔(رپورٹ:دانیال عطاری مجلس نیو مسلم فیصل آباد ریجن)

دعوتِ اسلامی کے زیر اہتمام  13 ستمبر 2020 ء کو حیدرآباد ریجن نگران اسلامی بہن نے ٹنڈوآدم زون میں ماہانہ مدنی مشورہ کیا جس میں اراکین ریجن اور زون ذمہ داراسلامی بہنوں نے شرکت کی۔

دعوت اسلامی کی مجلس نیو مسلم کے تحت 10ستمبر 2020ء بروز  جمعۃ المبارک نگران مجلس پاکستان نیو مسلم نعمان عطاری نے فیصل آبادریجن کے پاکپتن زون کا مدنی مشورہ کیا ۔جس میں رکن ریجن، رکن زون اوررکن کابینہ نے شرکت کی۔

نگران مجلس نے شرکا کے سامنے شعبہ کا تعارف پیش کیا اور شعبے کے حوالے سے مدنی پھول دیتے ہوئے شعبے میں کام کرنے کا انداز بتایا نیز نیومسلم کا ڈیٹا بھی موصول کیا اور اس کے ساتھ ہی ساہیوال زون کے نگران کابینہ سمیت ڈویژن نگران سے بھی شعبے کے حوالے سے مشاورت کی اور مختلف مدنی پھول طے کئے۔(رپورٹ:دانیال عطاری مجلس نیو مسلم فیصل آباد ریجن)

اسلامی بہنوں کی مجلس مالیات کے زیر اہتمام   13 ستمبر 2020ء کو حیدرآباد ریجن کی مالیات ذمہ دار اسلامی بہن نے مدنی مشورہ کیا جس میں نواب شاہ زون کی دو کابینہ ٹنڈو آدم اور نوشہرو فیروز کی ذمہ دار اسلامی بہنوں نے شرکت کی۔

اسلامی بہنوں کی مجلس شب وروز کے زیر اہتمام 15 ستمبر 2020 ء کو شب وروز ذمہ دار (بیرون ملک کی رکن ) نے ہند کےدہلی ریجن اور ممبئی ریجن کی ریجن اور زون سطح کی ذمہ دار اسلامی بہنوں کا بذریعہ اسکائپ مدنی مشورہ لیا جس میں شب و روز کی دو ریجن اور زون ذمہ دار اسلامی بہنوں نے شرکت کی۔

شب وروز ذمہ دار (بیرون ملک کی رکن ) نے بہت سے مدنی پھول عطا کیے نیز دعوت اسلامی کا مدنی کام اسلامی بہنوں میں جہاں جاری ہے اور جہاں سے مدنی خبریں نہیں پہنچ رہیں ذمہ داران کو اس حوالے سے اپ ڈیٹ کیا اور مدنی خبریں ہر روز دیکھنے کا ذہن بنایا اور ذمہ دار اسلامی بہن نے سوالات کے جوابات احسن طریقے سے سمجھائے۔