16 ستمبر 2020ء کو عالمی مدنی مرکز فیضان مدینہ کراچی میں دعوت اسلامی کے شعبہ المدینۃ العلمیہ کا مدنی مشورہ ہوا جس میں رکن شوریٰ حاجی ابو ماجد محمد شاہد عطاری مدنی، ناظم المدینۃ العلمیہ محمد آصف خان عطاری مدنی، اراکین مجلس اور المدینۃ العلمیہ کے تمام اسٹاف نے شرکت کی۔  

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے المدینۃ العلمیہ میں ہونے والے تحریری کاموں کا جائزہ لیا اور کتابیں تحریر کرنے کے حوالے سے مدنی پھول دیئے۔ اس موقع پر نگران شوریٰ کا کہنا تھا کہ المدینۃ العلمیہ ایک اسلامک ریسرچ سینٹر ہے جہاں قرآن وتفسیر، احادیث، سیرتِ مصطفیٰ ﷺ اور بزرگان دین رحمۃ اللہ علیہم اَجْمعین،درس نظامی میں پڑھائی جانے والی اور مسلمانوں کی اصلاح کے لئے کتابیں تصنیف و تالیف کی جاتی ہیں۔ نگران شوریٰ نے مزید کہا کہ مکتبۃ المدینہ میں سیل ہونے والی اکثر کتب المدینہ العلمیہ کی شائع کردہ ہوتی ہیں۔

اس مدنی مشورے میں نگران شوریٰ نے اسلامی بھائیوں کی جانب سے ہونے والے سوالات کے جوابات بھی دیئے۔

دعوت اسلامی کے وفد نے بلوچستان کے صوبائی دار الحکومت کوئٹہ میں پاکستان نیشنل پارٹی کے صدر و ممبر صوبائی اسمبلی بلوچستان سید احسان شاہ سے ملاقات کی۔ وفد  میں موجود مجلس رابطہ کے ذمہ دارمحمد یوسف سلیم عطاری نے انہیں دعوت اسلامی کا تعارف پیش کیااور دعوت اسلامی ویلفیئر کے فلاحی کاموں کے حوالے سے بریفنگ دی۔ دعوت اسلامی کے وفد نے سید احسان شاہ کو عالمی مدنی مرکز فیضان مدینہ آنے کی دعوت دی اور مکتبۃ المدینہ کی کتاب تحفے میں بھی دی ۔

وفد نے دعوتِ اسلامی کی  دینی و فلاحی خدمات کےمتعلق بریفنگ دی

تفصیلات کے مطابق 16 ستمبر 2020ء کو دعوت اسلامی کے وفد نے کوئٹہ میں گورنر بلوچستان امان اللہ خان زئی سے ملاقات کی۔ مجلس رابطہ کے ذمہ دار یوسف سلیم عطاری نے انہیں دعوت اسلامی کا تعارف پیش کرتے ہوئے عالمی سطح پر ہونے والی دینی خدمات اور ویلفیئر کے فلاحی کاموں پر تفصیلی بریفنگ دی۔ امان اللہ خان زئی نے دعوت اسلامی کی عالمی سطح پر ہونے والے دینی وفلاحی کاموں کو سراہا۔ دعوت اسلامی کے وفد نے انہیں عالمی مدنی مرکز فیضان مدینہ کراچی کےوزٹ کی دعوت پیش کی۔ گورنر بلوچستان نے دعوت کو قبول کرتے ہوئے فیضان مدینہ جلد آنے کی یقین دہانی کروائی۔

دعوت اسلامی کی طرف سے گورنر بلوچستان امان اللہ خان زئی کو ماہنامہ فیضان مدینہ انگلش اور مکتبۃ المدینہ کے کتب و رسائل تحفے میں پیش کئے گئے۔

دعوت اسلامی کے مدنی مرکز فیضان مدینہ اسلام آباد میں قائم جامعۃ المدینہ کے طلبائے کرام کا مدنی حلقہ ہوا جس میں نگران مجلس پروفیشنلز محمد ثوبان عطاری  نے ”وقت کی اہمیت “ کے موضوع پر سنتوں بھرابیان کیا۔بعد ازاں محمد ثوبان عطاری نے مدرسۃ المدینہ آن لائن کا وزٹ بھی کیا۔

اسی طرح کامسیٹس اسلام آباد میں مدنی حلقہ ہوا جس میں کیوبیشن سینٹر کے اسلامی بھائیوں نے شرکت کی۔ نگران مجلس پروفیشنلز محمد ثوبان عطاری نے شکر کے موضوع پر سنتوں بھرا بیان کیا اور دعوت اسلامی کی دینی خدمات پر بریفنگ دی۔

دعوت اسلامی کی مجلس معاونت برائے اسلامی بہنیں کے تحت 16 ستمبر 2020ء کو لاہور جنوبی زون میں مدنی مشورہ ہوا جس میں مجلس معاونت برائے اسلامی بہنیں کے ذمہ داران  نے شرکت کی۔ نگران زون حاجی عبد الرشید عطاری نے شرکا کی تربیت کی اور مدنی کاموں کے حوالے سے کلام ہوا۔

مدنی مشورے چند مدنی پھول ملاحظہ کریں:

٭ہرماہ اسلامی بہنوں سے کارکردگی لیکر نگران کابینہ اور نگران زون کو جمع کروانا ٭ہر ڈویژن میں خالی ایریاز کی فہرست بناکر نگران کابینہ اسلامی بہن تک پہچانا ٭نیو ایریا میں اجتماعات کے جگہوں کی فہرست بنانا ٭اسلامی بھائیوں کے ہفتہ وار اجتماعات میں اسلامی بہنوں کے اجتماعات کے ایڈریس پر مشتمل فلیکس لگوانا ٭ہر ڈویژن سے علاقہ وائز اسلامی بہنوں کے اجتماعات کے مقامات کی فہرست ڈویژن نگران کو جمع کروانا ٭اسلامی بہنوں کی ماہانہ کارکردگی کا تقابلی جائزہ کرنا ٭آئندہ مشورے میں مدنی انعامات، اسلامی بہنوں کے اجتماعات، اسلامی بہنوں کے مدنی کام اورمحارم کے ہفتہ وار رسالہ کی کارکردگی کے حوالے سے پوچھ گوچ کی جائیگی۔

دعوت اسلامی کی مجلس مدنی انعامات کے زیراہتمام فیصل آباد ریجن  میانوالی زون کی ڈویژن ہرنولی میں مدنی انعامات اجتماع کا انعقاد کیا گیا جس میں مقامی اسلامی بہنوں نے شرکت کی۔

مبلغۂ دعوتِ اسلامی نے سنتوں بھرا بیان کیا اور اجتماعِ پاک میں شریک اسلامی بہنوں کو مدنی انعامات کے بارے میں معلومات فراہم کرتےہوئے اپنے اعمال کا روزانہ محاسبہ کرنے اور عاملاتِ مدنی انعامات بننے کا ذہن دیا۔

دعوت اسلامی کی مجلس مدنی انعامات کے زیراہتمام فیصل آباد ریجن میانوالی زون کندیاں ڈویژن میں مدنی انعامات کی ذمہ دار اسلامی بہنوں کا مدنی مشورہ ہوا جس میں رکن زون ذمہ دار اسلامی بہن نے ”فیضان شجریہ عالیہ“ کے موضوع پر بیان کیااوراپنی ظاہری و باطنی اصلاح نیز جوانی کیسے گزارنی چاہیےکے حوالے سےنکات فراہم کئے۔ رکن زون ذمہ دار اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے ان کی تربیت کی اور شعبےکے مدنی کاموں کو مزید بڑھانے اور اس میں بہتری لانے کے حوالے نکات فراہم کئے۔

دعوتِ اسلامی کے شعبہ مدرسۃ المدینہ بالغات کے زیر اہتمام15 ستمبر 2020ء کورکن عالمی مجلس شعبہ مدرسۃ المدینہ بالغات کی نگران اسلامی بہن کا افغانستان ریجن کے ملک ایران کی ذمہ دار اسلامی بہن کے ہمراہ بذریعۂ کال مدنی مشورہ ہوا جس میں شعبہ مدرسۃ المدینہ بالغات کی نگران اسلامی بہن مدنی مشورے میں شریک اسلامی بہنوں کی کارکردگی کاجائزہ لیتے ہوئے ان کی تربیت کی اور مقامی زبان بلوچی میں 26 دن کے مدنی قاعدہ کورس اور مدرسات کے حوالے بات کی نیز نیو اہداف دیئے۔ نئے مقامات پر مدرسۃ المدینہ بالغات کے کام شروع کرنے کے حوالے اہم امور پر مشاورت کی ۔

اسلامی بہنوں کی مجلس مکتوبات و تعویذاتِ عطاریہ کے زیر ِ اہتمام گزشتہ دنوں شعبہ مکتوبات و تعویذاتِ عطاریہ کی ریجن مشاورت کا ماہانہ مدنی مشورہ ہوا جس میں پاک سطح شعبہ ذمہ دار اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے ان کی تربیت کی اور جدول مضبوط بنا نےاور زون ذمہ دار کو فعّال کرنے بارے میں نکات فراہم کئے نیز نئے شعبے مجلس مدنی بہاریں کے نکات سمجھائے اور شعبے کو مضبوط بنانے کے حوالے سے تربیت کی۔

دعوت اسلامی کے زیر اہتمام 14 ستمبر کو عالمی مجلس اور مجلس بیرون ملک کی ذمہ دار اسلامی بہنوں کا مدنی مشورہ ہوا جس میں بطور خاص صاحبزادی ِعطار سلمھا الغفارنے بھی شرکت کی۔

عالمی مجلس کے مشورے میں مختلف مسائل پر کلام ہوا جس میں صاحبزادی ِعطار سلمھا الغفارنے بھی اپنے مدنی پھولوں سے نوازا اور مختلف امور پر تربیت کی۔

دعوت اسلامی کے شعبۂ تعلیم کے زیراہتمام 16ستمبر 2020ء بروز بدھ فیصل آباد ریجن پاکپتن زون  کی ذمہ دار اسلامی بہنوں کا مدنی مشورہ ہوا جس میں شعبۂ تعلیم کی کابینہ ذمہ دار اسلامی بہنوں نے شرکت کی۔

رکن زون ذمہ دار اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے ان کی تربیت کی اور اس ماہ ہونے والے ڈاکٹر اجتماع کی دعوت دیتے ہوئے زیادہ سے زیادہ اسلامی بہنوں کو شرکت کروانے کی ترغیب دلائی نیز شعبے کے مدنی کاموں کو مزید بڑھانے اور اس میں بہتری لانے کے حوالے نکات فراہم کئے۔

دعوت اسلامی کی مجلس مکتبہ المدینہ للبنات کے زیراہتمام گزشتہ روز فیصل آباد ریجن جڑانوالہ زون کی ذمہ دار اسلامی بہنوں کا مدنی مشورہ ہوا جس میں رکن ریجن مکتبہ المدینہ ذمہ دار اسلامی بہن، رکن زون، کابینہ اور ڈویژن ذمہ دار اسلامی بہنوں نے شرکت کی ۔

ریجن ذمہ دار اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے ان کی تربیت کی اور تقرریاں مکمل کرنے، ہفتہ وار اجتماع میں مکتبۃا لمدینہ کےبستےلگانے اور شعبے کے مدنی کاموں میں مزید بہتری لانے کے حوالے نکات فراہم کئے۔