دارالعلوم جامعہ مجددیہ نعیمیہ کراچی میں شیخ الحدیث والتفسیر استاذ العلماء حضرت علامہ مولانا محمد جان نعیمی مجددی صاحب دَامَتْ بَرَکَاتُہُمُ الْعَالِیَہ نے دعوت اسلامی کی مرکزی مجلس شوریٰ کے رکن مولانا حاجی شاہد عطاری مدنی صاحب سے ملاقات کی۔

اس موقع پر رکنِ شوریٰ کے ہمراہ نگرانِ پاکستان مجلس رابطہ بالعلماء مولانا افضل عطاری مدنی صاحب اور دیگر ذمہ داران بھی موجود تھے۔

وفد نے علامہ محمد جان نعیمی مجددی صاحب کو دعوتِ اسلامی کی دینی اور فلاحی کاوشوں سے متعلق آگاہی فراہم کی اور انہیں دعوتِ اسلامی کے عالمی مدنی مرکز فیضانِ مدینہ آنے کی دعوت بھی پیش کی جسے جان نعیمی صاحب نے قبول کرتے ہوئے دعوتِ اسلامی کے لئے نیک تمناؤں کا اظہار کیا۔ 

اسلام آباد  کے ایک اسپتال کے نیورو سرجن الحاج ڈاکٹر سید محمد شاہد عطاری پچھلے دنوں کورونا وائرس کے مرض میں مبتلا ہوگئے۔ ان کے متعلق اطلاع ملنے پر بانیِ دعوتِ اسلامی حضرت علامہ مولانا الیاس عطار قادری دَامَتْ بَرَکَاتُہُمُ الْعَالِیَہ نے ان کے لئے دعائیہ پیغام جاری کیا جس میں ان کو صبر و ہمت سے کام لینے کی ترغیب دلائی اور ان کی جلد صحت یابی کے لئے دعائیں کیں۔ آپ دَامَتْ بَرَکَاتُہُمُ الْعَالِیَہ نے ڈاکٹر صاحب کو دعوتِ اسلامی کے دینی کاموں میں بڑھ چڑھ کر حصہ ملانے کا ذہن بھی دیا۔

امیرِ اہلِ سنت کا پیغام موصول ہونے پر ڈاکٹر صاحب نے جوابی پیغام ارسال کیا جس میں ان کاکہنا تھا: پیارے باپا جان!اللہ پاک آپ کو سلامت رکھے۔ آپ کا پیغام ملنے پر مجھے پختہ یقین ہے کہ اِنْ شَآءَ اللہ عَزَّ وَجَلَّ اب میں مکمل ٹھیک ہوجاؤں گا۔

اچھی نیتوں کا اظہار کرتے ہوئے ڈاکٹر صاحب نے کہا کہ اِنْ شَآءَ اللہ عَزَّ وَجَلَّ ہفتہ وار اجتماعات، مدنی مذاکروں اور مدنی قافلوں میں شرکت کرتا رہوں گا، ہفتہ وار رسالہ بھی پڑھا کروں گا، ماہنامہ فیضانِ مدینہ کی سالانہ بکنگ بھی کروالوں گا، اسلامی بہنوں کا بدھ کے دن ہونے والا اجتماعِ پاک بھی اپنے گھر میں رکھوانے کی نیت کرتا ہوں۔ میرے ، میرے والدین، میرے گھر والوں، اہل و عیال کے لئے دعا فرماتے رہئے گا۔

دعوت اسلامی کے زیر اہتمام پچھلے دنوں  نگران عالمی مجلسِ مشاورت نے کراچی کے علاقے الہلال سوسائٹی عسکری پارک پرانی سبزی منڈی نگرانِ شورٰی کی خالہ کے سوئم میں شرکت کی جس میں شہید کا درجہ کس کس کو نصیب ہوتا ہے اس کے بارے میں بتایا گیا اور آخر میں انفرادی کوشش کرکے اسلامی بہنوں کو اجتماع میں شرکت کی نیتیں کروائیں گئیں۔

دعوت اسلامی کے زیرِ اہتمام سینٹرل افریقہ ریجن کے ملک یوگنڈا کی دوکابینہ کمپالا کابینہ اور ویسٹ نائل کابینہ میں ماہانہ ڈویژن مدنی حلقوں کا انعقاد کیا گیا جن میں 16ذمہ دار اسلامی بہنوں نے شرکت کی۔

مبلغاتِ دعوت اسلامی نے ترغیبی بیانات کئے اور مدنی حلقوں میں شریک اسلامی بہنوں دعوت اسلامی کے مدنی ماحول سے منسلک رہنے کی ترغیب دلائی نیز گزشتہ دنوں ہونے والے مدنی مذاکرہ کے سوالات و جوابات کی دہرائی بھی کی گئی۔

دعوتِ اسلامی کے شعبہ شب وروز  کے زیرِ اہتمام گزشتہ دنوں لاہور ریجن شب و روز ذمہ دار اسلامی بہن کا زون نگران اسلامی بہن کےہمراہ مدنی مشورہ ہواجس میں لاہور ریجن شب و روز ذمہ دار اسلامی بہن نےان کی کارکردگی کا جائزہ لیا اور ان کی تربیت کی نیز جلد از جلد زون شب و روز ذمہ دار اسلامی بہن مقرر کرنے کا ہدف دیا۔

پچھلے دنوں دعوت اسلامی کی مجلس رابطہ ساؤتھ پنجاب کےذمہ دارفداعلی عطاری اور نگران کابینہ دعوت اسلامی لودھراں عبدالمجید عطاری نے لودھراں کی معروف سیاسی وسماجی شخصیت،سینئرلائر، مقامی اخبارکےمالک رانامحمدطفیل ٹھاکر سےان کےآفس میں ملاقات کی۔

دورانِ ملاقات انہیں دعوتِ اسلامی کی دینی و دنیاوی اور سماجی خدمات سے متعلق آگاہی فراہم کی۔ سینئر صحافی نے دعوتِ اسلامی کی خدمات کو خوب سراہا اور ہر ممکن تعاون کی یقین دہانی کروائی۔ 

دعوت اسلامی کی مجلس مکتوبات و اوراد عطاریہ کے تحت بابا بلھے شاہ رحمۃ اللہ تعالیٰ علیہ کے شہر قصور کی جامع مسجد نورانی میں16 ستمبر 2020ءبروز بدھ لاہور ریجن کی قصور کابینہ کے بستہ ذمہ داران کا مدنی مشورہ لاہور ریجن ذمہ دار مشرف علی عطاری نے کیا ۔

مدنی مشورے میں مبلغ دعوت اسلامی نے 12 مدنی کام کرنے اور ان کی کارکردگی مجلس کو پیش کرنے ، ہفتہ رسالہ پڑھنے، ہر ماہ تین دن کے مدنی قافلے میں سفر کرنے، دعائے صحت اجتماعات کرنے ،بستوں کی مجالس مکمل کرنے اور بستے بڑھانے کے حوالے سے کلام کیا جس پر بستہ ذمہ داران نے عمل کرنے کی اچھی اچھی نیتوں کا اظہار کیا ۔( رپورٹ: محمد جنید عطاری مدنی رکن مجلس مکتوبات و اوراد عطاریہ)

دعوت اسلامی کی مجلس تحفظ اوراق مقدسہ کے تحت  پچھلے دنوں ذمہ داران دعوت اسلامی نے فیضان مدینہ جوہر ٹاؤن لاہور کے قریب لگے تحفظ اوراق مقدسہ کے باکسز کا جائزہ لیا ۔ اس موقع پر ذمہ دار مجلس تحفظ اوراق مقدسہ ‏،ڈویژن ذمہ دار سمیت دیگر ذمہ داران بھی موجود تھے۔

مبلغ دعوت اسلامی نے حاضرین کو نیکی کی دعوت دیتے ہوئے اوراق مقدس کی حفاظت کرنے کے متعلق مدنی پھول دیئے نیز تحفظ اوراق مقدسہ کا تعارف کرواتے ہوئے خدمات دعوت اسلامی سے آگاہ کیا ۔(رپورٹ: محمد وارث عطاری)

دعوت اسلامی کی مجلس  مکتوبات و اوراد عطاریہ کے تحت پچھلے دنوں حیدر آباد ریجن فیضان مدینہ میں حیدر آباد ریجن کے تعویذات عطاریہ کے بستہ ذمہ داران کا دہرائی اجتماع ہوا جس میں رکن مجلس نے شرکا کی تعویذات عطاریہ کے حوالے سے مختلف امور پر تربیت کی۔

دوسری جانب حیدر آباد ریجن فیضان مدینہ آفندی ٹاون میں حیدر آباد ریجن کے تعویذات عطاریہ کے بستہ ذمہ دارن کا مدنی مشورہ ہوا ۔جس میں نگران مجلس حاجی آصف عطاری نے بستہ ذمہ داران کی تربیت کرتے ہوئے مدنی پھول دیئے اور بستہ ذمہ داران کو بستوں پر حاضری کا ذہن دیا ۔(رپورٹ: محمد جنید عطاری مدنی رکن مجلس مکتوبات و اوراد عطاریہ)

دعوتِ اسلامی کے زیر اہتمام 10ستمبر 2020ء کو  بذریعہ اسکائپ لاہور ریجن نگران اسلامی بہن نے مدنی مشورہ کیا جس میں زون تا ریجن مشاورت ذمہ دار اسلامی بہنوں نے شرکت کی۔

لاہور ریجن نگران اسلامی بہن نے مدنی مشورے میں شریک ذمہ داراسلامی بہنوں کو مدنی پھول دئیے،مدنی کاموں اور کارکردگی شیڈول کو بڑھانے کی نیتیں کروائیں ، غیر فعال ذمہ داران پر توجہ دے کر فعال بنانے کی ترغیب دلائی اور مدنی کاموں کے حوالے سے مختلف اہداف پیش کئے۔

دعوتِ اسلامی کی مجلس مدنی چینل عام کریں  کے زیر اہتمام نگران مجلس انجم رضا عطاری نے ہزارہ زون خیبر پختونخواہ میں جامعۃ المدینہ فیضان مدینہ مانسہرہ کے اساتذۂ کرام کے درمیان مدنی حلقہ لگایا جس میں مجلس مدنی چینل عام کریں کے مدنی کاموں کے حوالے سے بریفنگ دیتے ہوئے اساتذہ اکرام اور طلبہ اکرام کے ذریعے مدنی چینل عام کرنے کا ذہن دیا ۔

اسلام ایک روشن دین ہے، اس نے ہمیں ایک دوسرے کو پہچاننے اور ایک دوسرے کا ادب واحترام کرنے کا درس دیا ہے، اور ہمیں اپنے والدین، پیرو مرشد ، اساتذہ اور اسی طرح مقدس ہستیوں اور مقدس مقامات کی تعظیم کا درس دیا ہے، اور جو کوئی بھی ان ہستیوں کا ادب و احترام بجالایا وہ دنیا میں بھی سرخرو اور شادو آباد ہے اور آخرت میں بھی بلند درجوں  پر فائز ہوگا۔اللہ عزوجل قرآن مجید میں ارشاد فرماتا ہے:

آیت ِ مبارکہ :

یٰۤاَیُّهَا الَّذِیْنَ اٰمَنُوْا لَا تُقَدِّمُوْا بَیْنَ یَدَیِ اللّٰهِ وَ رَسُوْلِهٖ۔ تَرجَمۂ کنز الایمان: ۔ اے ایمان والو ! اللہ اور اس کے رسول سے آگے نہ بڑھو۔( سورہ حجرات پارہ ۲۶، آیت نمبر ۱،۔۲ )

اس آیت مبارکہ سے معلوم ہوا کہ کسی معاملے میں سید عالم صلی اللہ تعالیٰ علیہ وآلہ وسلم سے پیش قدمی نہ کرو اور اس جملے میں سید عالم صلی اللہ علیہ وسلم کے ادب اور فرمانبرداری کی طرف اشارہ ہے۔

یہ آیت اس وقت نازل ہوئی جب چند شخصوں نے عید الاضحی کے دن سید عالم صلی اللہ تعالیٰ علیہ وآلہ وسلم سے پہلے قربانی کرلی تو ان کو حکم دیا گیا کہ دوبارہ قربانی کریں(حوالہ تفسیر عطائین)

اسی طرح متعدد احادیث میں ادب و احترام کے بارے میں روایات درج ہیں چنانچہ حدیث مبارکہ میں ارشاد فرمایا۔

حدیث مبارکہ:

حضرت عبداللہ بن عباس رضی اللہ عنہ نبی اکرم صلی اللہ تعالیٰ علیہ وسلم کا یہ فرمان نقل کرتے ہیں:برکت تمہارے اکابرین کے ساتھ ہے۔

اور دوسری جگہ ارشاد فرمایا: اللہ تعالیٰ کی تعظیم میں یہ بات بھی شامل ہے کہ سفید بالوں والے مسلمان اور قرآن کے عالم کا احترام کیا جائے جو قرآن کے بارے میں غلو نہ کرتا ہو اور اس سے اعراض بھی نہ کرتا ہو نیز انصاف کرنے والے حکمران کا احترام کیا جائے۔( حوالہ الترغیب والترہیب جلد ۱)

اس حدیث مبارکہ میں بوڑھے مسلمان قرآن کے عالم اور انصاف کرنے والے حکمران کا ادب اور احترام کرنے کا حکم ارشاد فرمایا ہے ان کی تعظیم گویا اللہ عزوجل کی تعظیم ہے۔ادب اور احترام کے بارے میں بہت سارے اسلاف کرام کے واقعات موجود ہیں ، وہ ادب ہی کی وجہ سے ولایت کے اعلیٰ مقاموں پر فائز ہوئے۔

حضرتِ سیدنا بشر حافی رحمة اللہ علیہ توبہ سے قبل بہت بڑے شرابی تھے آپ ایک مر تبہ شراب کے نشے میں دھت کہیں جارہے تھے کہ راستے میں ایک کاغذ پر نظر پڑی جس پر بسم اللہ الرحمن الرحیم لکھا ہوا تھا، آپ نے تعظیما اٹھالیا اور عطر لگا کر ایک بلند جگہ پر ادب سے رکھ دیا اسی رات ایک بزرگ نے خواب میں سنا کہ کوئی کہہ رہا ہے جاؤ!بشر سے کہہ دو کہ تم نے میرے نام کو معطر کیا اور تعظیم کی ہم بھی تمہیں پاک کریں گے اسی طرح اس بزرگ نے ۳ ر ات یہی خواب دیکھا اور یہ بھی سنا کہ یہ پیغام بشر ہی کی طرف ہے جاؤ انہیں ہمارا پیغام دو، وہ بزرگ نکلے بشر حافی شراب کی محفل میں تھے، بشر حافی رحمۃ اللہ علیہ کو فرمانے لگے کہ: اللہ عزوجل کا پیغام لایا ہوں جب آپ کو یہ بات بتائی گئی تو اٹھے فورا ننگے پاؤں باہر تشریف لے آئے پیغام حق سن کر سچے دل سے توبہ کی اور بلند مقام پر پہنچے آپ مشاہدہ حق کے غلبہ سے ننگے پاؤں چلا کر تے اسی لیے حافی کے لقب سے مشہور ہوگئے۔(حوالہ تذکرہ الاولیا جز۱، ص ۴)

کروڑوں مالکیوں کے عظیم پیشوا حضرت سیدنا امام مالک علیہ الرحمۃ زبردست عاشق رسول تھے آپ رحمۃ اللہ علیہ مدینہ پاک کی گلیوں میں ننگے پاؤں چلا کرتے تھے۔( الطبقات الکبریٰ الشعرنی جز ء اول)

امام مالک رحمۃ اللہ علیہ گھوڑے پر نہیں چلتے مدینے شریف میں مدینہ کی گلیوں کی تعظیم کرتے اور فرماتے کہ اس مبارک زمین کو گھوڑے کے قدموں تلے روندوں جس میں پیارے آقا صلی اللہ علیہ وسلم موجود ہیں یعنی روضہ مبارکہ ہے۔

ہاں ہاں رہِ مدینہ ہے غافل ذرا تو جاگ

او پاؤں رکھنے والے یہ جا چشم و سر کی ہے

اسی تعظیم اور عشق کا صلہ تھا کہ امام مالک رحمۃ اللہ علیہ فرماتے ہیں کہ کوئی رات ایسی نہیں گزری جس میں میں نے سرکار علیہ السلام کی زیارت نہ کی ہو۔ اور اللہ عزوجل نے آپ کو وقت کا بڑا محدث اور امام بنادیا۔(حوالہ ، عاشقانِ رسول کی 130حکایات)

حضور علیہ السلام کی بارگاہ میں آواز بلند کرنے پر سختی سے منع کیا گیا ہے ۔ اللہ عزوجل نے پست آواز والوں کی صفات بیان فرمائی ہیں۔ لہذا ہمیں رسول اللہ صلی اللہ تعالیٰ علیہ وسلم اپنے والدین پیرو مرشد اساتذہ کرام اور قرآن مجید سمیت دیگر دینی کتب کا ادب و احترام کرنا ضروری ہے، اسی ادب نے گناہگاروں کو ولایت کے مرتبے پرفائز کیا ہے۔

دعا ہے اللہ عزوجل ہمیں باداب بانصیب بنائے، اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

ادب استاد دینی کا مجھے آقا عطا کردو

دل و جان سے کروں ان کی اطاعت یارسول اللہ

نوٹ: یہ مضامین نئے لکھاریوں کے ہیں۔حوالہ جات کی تفتیش و تصحیح کی ذمہ داری مؤلفین کی ہےادارہ اس کا ذمہ دار نہیں