دعوتِ  اسلامی کے شعبہ مدرسۃ المدینہ بالغات کے زیرِ اہتمام گزشتہ دنوں اسلام آباد ریجن کی مدرسۃ المدینہ بالغات ذمہ دار اسلامی بہنوں کا مدنی مشورہ ہوا جس میں ریجن اور زون ذمہ دار اسلامی بہنوں نے شرکت کی۔

شعبہ مدرستہ المدینہ بالغات کی پاکستان مشاورت ذمہ دار اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور 2021میں مدارس کے نظام کو مزید مضبوط بنانے کے لئے مختلف اہداف دئیے نیز رمضان عطیات کے حوالے سے بھرپور کوششیں کرنے کا ذہن دیا۔

بعد میں بیلہ ڈویژن کےایک گوٹھ میں مدرسۃ المدینہ کی نئی عمارت کا جائزہ لیا گیا اور اس نئے مدرسے میں دینی کام شروع کرنے کے حوالے سے اہم امور پر تبادلۂ خیال کیا گیا۔