26 جولائی 2025ء کو دعوتِ اسلامی کے شعبہ فیضان آن لائن اکیڈمی بوائز کے تحت لاہور میں پاکستان بھر کے تمام شفٹ تعلیمی ذمہ داران کے لئے سنتوں بھرے اجتماع کا انعقاد ہوا جس میں رکنِ شوریٰ و ذمہ داران نے مختلف موضوعات پر وہاں موجود اسلامی بھائیوں کی تربیت ورہنمائی کی ۔

اس اجتماعِ پاک میں مرکزی مجلسِ شوریٰ کے رکن حاجی محمد اظہر عطاری نے شفٹ تعلیمی ذمہ داران کی ذہن سازی کرتے ہوئے ”ذمہ داران کا اپنےمدرسین کے ساتھ انداز کیسا ہو؟“ کے موضوع پر بیان کیا اور چند اہم امور پر انہیں مدنی پھولوں سے نوازا۔

رکنِ شوریٰ حاجی محمد اظہر عطاری نے شفٹ تعلیمی ذمہ داران کو اساتذۂ کرام سمیت طلبۂ کرام میں دینی سوچ پیدا کرنے اور دعوتِ اسلامی کے دینی کاموں کو بڑھانے کا ذہن دیا۔(رپورٹ: نواز حسین فیاض عطاری ، کانٹینٹ:غیاث الدین عطاری)