فلاح سے مراد:المفلحون فلاح سے بنا ہے۔فلاح کے لغوی معنیٰ ہیں:چیرنا،کھلنا اور قطع کرنا، اسی لئے کسان کو فلاح کہتے ہیں۔ کیوں کہ وہ زمین کو چیرتا ہے۔اصطلاح میں فلاح کے معنی ہے :کامیابی، کیونکہ وہ بھی آڑوں اور پردوں کو چیر کر مشکلات کو دفع کر کے حاصل کی جاتی ہے۔فلاح سے مراد رب کریم کا اپنی طرف کھینچنا ہے۔قرآنِ کریم میں بہت سی جگہ مختلف اعمال پر کامیابی کی ضمانت دی گئی ہے جن میں سے چند یہ ہیں ۔1) ترجمۂ کنز الایمان :وہ جو نماز قائم رکھیں اور زکوٰۃ دیں اور آخرت پر یقین لائیں  وہی اپنے رب کی ہدایت پر ہیں اور انہیں کا کام بنا۔تفسیر:معنی یہ ہے کہ نیک لوگ وہ ہیں جو نماز کو اس کی تمام شرائط اور حقوق کے ساتھ ہمیشہ ادا کرتے ہیں اور اپنے مالوں میں فرض ہونے والی زکوٰۃ اس کے حق داروں کو دیتے ہیں اور وہ مرنے کے بعد دوبارہ زندہ کئے جانے، اعمال کا حساب ہونے اور اعمال کی جزاو سزا میں شک یا انکار نہیں کرتے بلکہ اس پر یقین رکھتے ہیں ۔جن کے یہ اوصاف ہیں وہی لوگ اپنے رب کی طرف سے عطا کی گئی ہدایت پر ہیں اور وہی لوگ قیامت کے دن اپنے رب کی بارگاہ سے ثواب حاصل کر کے حقیقی طور پر کامیاب ہونے والے ہیں۔(روح البیان،لقمان،تحت الآیۃ:4-5، 7/63-64-تفسیر طبری،لقمان،تحت الآیۃ:4-5، 10/201 ملتقطاً)2)دین و دنیا میں کامیابی حاصل ہونے کا ذریعہ:ترجمۂ کنز الایمان: مسلمانوں کی بات تو یہی ہے جب اللہ اور رسول کی طرف بلائے جائیں کہ رسول ان میں فیصلہ فرمائے تو عرض کریں ہم نے سُنا اور حکم مانا اور یہی لوگ مراد کو پہنچے۔تفسیر:فرمایا گیا کہ مسلمانوں کو ایسا ہونا چاہئے کہ جب انہیں اللہ پاک اور اس کے رسولِ کریم صلی اللہُ علیہ واٰلہٖ وسلم کی طرف بلایا جائے تا کہ رسولِ اکرم صلی اللہُ علیہ واٰلہٖ وسلم ان کے درمیان اللہ پاک کے دیے ہوئے احکامات کے مطابق فیصلہ فرمادیں تو وہ عرض کریں کہ ہم نے بُلاوا سُنا اور اسے قبول کر کے اطاعت کی اور جو ان صفات کے حامل ہیں وہی لوگ کامیاب ہونے والے ہیں۔(خازن،النور،تحت الآیۃ:51،3/ 359،مدارک،النور،تحت الآیۃ:51،ص787ملتقطاً)اس سے معلوم ہوا! سیدالمرسلین صلی اللہُ علیہ واٰلہٖ وسلم کےحکم کے سامنے اپنی عقل کے گھوڑے نہ دوڑائے جائیں اور نہ ہی آپ کے حکم کو قبول کرنے یا نہ کرنے کے معاملے میں صرف اپنی عقل کو معیار بنایا جائے بلکہ جس طرح ایک مریض اپنے آپ کو ڈاکٹر کے سپرد کر دیتا ہے اور اس کی دی ہوئی دوائی کو چون وچرا کئے بغیر استعمال کرتا ہے اسی طرح خود کوحضورِ اقدس،مکے مدینے کے والی،جن کا رتبہ سب سے بلند وعالی صلی اللہ علیہ واٰلہٖ وسلم کے حوالے کر دینا اور آپ کے ہر حکم کے سامنے سر ِتسلیم خم کر دینا چاہئے کیونکہ ہماری عقلیں ناقص ہیں اور تاجدارِ رسالت صلی اللہُ علیہ واٰلہٖ وسلم کی عقلِ مبارک وحی کے نور سے روشن اور کائنات کی کامل ترین عقل ہے۔ اگر اس پر عمل ہو گیا تو پھر دین و دنیا میں کامیابی نصیب ہو گی۔3)نفس کو برائیوں سے پاک کرنا کامیابی کا ذریعہ ہے:ترجمۂ کنز الایمان:بیشک مراد کو پہنچا جس نے اُسے ستھرا کیا۔تفسیر :اللہ پاک نے اس آیت میں فرمایا:بیشک جس نے اپنے نفس کو برائیوں سے پاک کرلیا وہ کامیاب ہوگیا ۔(جلالین مع صاوی، الشّمس، تحت الآیۃ: 9، 6/2370)اس سے معلوم ہوا! اپنے نفس کو برائیوں سے پاک کرنا کامیابی حاصل کرنے کا ذریعہ اور اپنے نفس کو گناہوں میں چھپا دینا ناکامی کا سبب ہے اور نفس برائیوں سے اسی وقت پاک ہو سکتا ہے جب اللہ پاک اور اس کے حبیب صلی اللہُ علیہ واٰلہٖ وسلم کی اطاعت کی جائے۔ 4)اور ارشاد فرماتا ہے:’’وَ مَنْ یُّطِعِ اللّٰهَ وَ رَسُوْلَهٗ فَقَدْ فَازَ فَوْزًا عَظِیْمًا0‘‘(احزاب:71)ترجمۂ کنزُالعِرفان:اور جو اللہ اور اس کے رسول کی فرمانبرداری کرے اس نے بڑی کامیابی پائی۔لہٰذا جو شخص حقیقی کامیابی حاصل کرنا اور ناکامی سے بچنا چاہتا ہے اسے چاہئے کہ اللہ پاک اور اس کے پیارے حبیب صلی اللہُ علیہ واٰلہٖ وسلمکی اطاعت کر کے اپنے نفس کو برائیوں سے پاک کرے۔5) ترجمۂ کنز الایمان :تو جن کی تولیں بھاری ہوئیں وہی مراد کو پہنچے۔تفسیر : معنی یہ ہے کہ جس کے عقائد درست اور اعمال نیک ہوں گے تو اس کے اعمال کا  اللہ پاک کے نزدیک وزن ہو گا اور یہی لوگ اپنا مقصد ومطلوب کو پا کر کامیاب ہوں گے۔(تفسیرابوسعود، المؤمنون، تحت الآیۃ: 102، 4 / 64-65)6) ترجمۂ کنز الایمان :تو رشتہ دار کو ا س کا حق دو اور مسکین اور مسافر کو یہ بہتر ہے اُن کے لئے جو الله کی رضا چاہتے ہیں اور اُنہیں کا کام بنا۔تفسیر:یعنی اے وہ شخص! جسے اللہ پاک نے وسیع رزق دیا،تم اپنے رشتے دار کے ساتھ حسن ِسلوک اور احسان کر کے ا س کا حق دو اور مسکین اور مسافر کو صدقہ دے کر اور مہمان نوازی کرکے اُن کے حق بھی دو۔رشتہ داروں،مسکینوں  اور مسافروں کے حقوق ادا کرنا ان لوگوں کیلئے بہتر ہے جو اللہ پاک کی رضا چاہتے ہیں اور اللہ پاک سے ثواب کے طالب ہیں اور وہی لوگ آخرت میں  کامیاب ہونے والے ہیں۔(مدارک، الروم، تحت الآیۃ: 38، ص909، روح البیان، الروم، تحت الآیۃ: 38، 7 / 39، خازن، الروم، تحت الآیۃ: 38، 3 / 465، ملتقطاً)اس سے معلوم ہوا! جو شخص رشتہ دارو ں سے حسنِ سلوک اور صدقہ و خیرات ،نام و نَمود اور رسم کی پابندی کی وجہ سے نہیں  بلکہ محض اللہ پاک کی رضا کے لئے کرے وہی ثواب کا مستحق ہے۔7) ترجمۂ کنز الایمان :دوزخ والے اور جنت والے برابر نہیں جنت والے ہی مراد کو پہنچے۔تفسیر : یعنی جہنم والے جن کے لئے دائمی عذاب ہے اور جنت والے جن کیلئے ہمیشہ کا عیش اور سَرمَدی راحت ہے،یہ دونوں برابر نہیں بلکہ جنت والے ہی کامیاب ہیں کہ انہوں نے اپنی زندگی اللہ پاک کی رضا میں گزاری اور آخرت میں اس کی نعمتوں کے مستحق ہوئے جبکہ کفار دونوں جگہ نقصان میں رہے۔(سورة الحشر: 20)8)اصل کامیابی ہر مسلمان کو حاصل ہے:ترجمۂ کنز الایمان :وہی لوگ اپنے رب کی طرف سے ہدایت پر ہیں اور وہی مراد کو پہنچنے والے۔(سورة البقرۃ:5)تفسیر صراط الجنان : یاد رہے!اس آیت میں فلاح سے مراد ’’کامل فلاح‘‘ ہے یعنی کامل کامیابی متقین ہی کو حاصل ہے، ہاں! اصلِ فلاح ہر مسلمان کو حاصل ہے اگرچہ وہ کتنا ہی گناہگار کیوں نہ ہو کیونکہ ایمان بذات ِ خود بہت بڑی کامیابی ہے جس کی برکت سے بہرحال جنت کا داخلہ ضرور حاصل ہوگا اگرچہ عذابِ نار کے بعد ہو۔9) جس نے اپنے مال کو شریعت کے مطابق خرچ کیا تو وہی لوگ کامیاب ہیں۔ ترجمۂ کنز الایمان :تو اللہ سے ڈرو جہاں تک ہوسکے اور فرمان سنو اور حکم مانو اور اللہ کی راہ میں خرچ کرو اپنے بھلے کو اور جو اپنی جان کے لالچ سے بچایا گیا تو وہی فلاح پانے والے ہیں ۔ تفسیر : یعنی جب تم نے اس نصیحت کو سن لیا اور ثواب کے بارے میں جان لیا تو تم اپنی طاقت اور وسعت کے مطابق اللہ پاک سے ڈرتے رہو ، اللہ پاک اور اس کے رسول صلی اللہُ علیہ واٰلہٖ وسلم تمہیں جو بات ارشاد فرمائیں اسے سنو اور ان کا حکم مانو اور اپنے فائدے کیلئے اللہ پاک کی راہ میں مال خرچ کرو اور جو اپنے نفس کے لالچی پن سے بچالیا گیا اور اس نے اپنے مال کو اطمینان کے ساتھ حکمِ شریعت کے مطابق خرچ کیا تو وہی لوگ فلاح پانے والے ہیں ۔(روح البیان، التغابن، تحت الآیۃ: 16، 10 / 19،خازن، التغابن،تحت الآیۃ: 16، 4 / 277، خزائن العرفان، التغابن، تحت الآیۃ: 16، ص1031، ملتقطاً) اس آیت سے معلوم ہوا! ہر شخص پر اپنی طاقت کے مطابق تقویٰ اورپرہیز گاری لازم ہے ۔ اور جس نے اپنے مال کو شریعت کے مطابق خرچ کیا تو وہی لوگ کامیاب ہیں۔10) اُخروی کامیابی کے لئے ہی عمل کرنا چاہئے: ترجمۂ کنز الایمان : تو کیا ہمیں مرنا نہیں مگر ہماری پہلی موت اور ہم پر عذاب نہ ہوگا۔ بے شک یہی بڑی کامیابی ہے۔ ایسی ہی بات کے لئے کامیوں کو کام کرنا چاہیے۔تفسیر:ان آیات کا خلاصہ یہ ہے کہ جب موت ذبح کردی جائے گی تو اہل ِجنت فرشتوں سے کہیں گے:کیا ہم دنیا میں  ہو جانے والی پہلی موت کے سوا مریں گے نہیں اور ہمیں عذاب نہیں دیا جائے گا؟فرشتے کہیں گے: نہیں یعنی اب تمہیں کبھی موت نہیں آئے گی۔ اس پر جنتی کہیں گے کہ بیشک یہ بڑی کامیابی ہے جو ہمیں نصیب ہوئی ۔(خازن، والصافات،تحت الآیۃ:58-60، 4/18، مدارک، الصافات،تحت الآیۃ: 58-60، ص1002 ملتقطاً)اس آیت میں اللہ پاک کی اطاعت کے بدلے ثواب اور اُخروی انعامات حاصل کرنے کی ترغیب دی گئی ہے کہ عمل کرنے والوں کو ایسی ہی کامیابی کے لئے عمل کرنا چاہیے۔(خازن، والصافات،تحت الآیۃ: 61، 4 / 18-19) اس آیت ِمبارکہ سے معلوم ہوا! اصل اور حقیقی کامیابی یہ ہے کہ قیامت کے دن انسان کو جہنم کے عذاب سے بچا لیا جائے اور جنت میں داخل کر دیا جائے، لہٰذا اسی کامیابی کو حاصل کرنے کی بھرپور کوشش کرنی چاہئے۔ہر عقل مند کو چاہئے کہ وہ نیکوں کے اوصاف اپنا کر حقیقی کامیابی حاصل کرنے والوں میں شامل ہونے کی بھرپور کوشش کرے ۔

عربی لفظ قد افلح کا لغوی معنی ہے: جودنیا اورآخرت میں کامیاب ہے ۔کامیابی کا وسیع تر اسلامی تصور یہ ہے کہ خدا راضی ہو، آخرت میں نجات ملے،جہنم سے چھٹکارا اور جنت میں داخلہ حاصل ہو جائے۔حقیقت یہ ہے کہ جب کوئی بندہ خلوصِ دل سےاللہ پاک اور اس کے محبوب صلی اللہُ علیہ واٰلہٖ وسلم کی رضا کے حصول کے لئے کوشش کرتا ہے تو کامیابی ہر میدان میں اس کے قدم چومتی ہے۔ اللہ پاک کی غیبی امداد اس کے شاملِ حال ہوتی ہے اور بظاہر اسباب نہ ہونے کے باوجود وہ ہمیشہ فلاح و کامرانی سے ہمکنار ہوتا ہے۔استقامت اور ثابت قدمی اختیار کرنے والا انسان کامیاب ہوتا ہے۔کامیاب لوگوں کے متعلق اللہ پاک فرماتا ہے:ترجمۂ کنزالعرفان:بے شک ایمان والے کامیاب ہوگئے۔تفسیر:قدافلح:بے شک کامیاب ہوگئے۔اس آیت میں ایمان والوں کو بشارت دی گئی ہے کہ بے شک وہ اللہ پاک کے فضل سے اپنے مقصد میں کامیاب ہو گئے اور ہمیشہ کے لئے جنت میں داخل ہو کر ہر ناپسندیدہ چیز سے نجات پا جائیں گے ۔(پ18،المومنون:1-تفسیر صراط الجنان،6/494) ترجمۂ کنزالعرفان:اور جو اللہ اور اس کے رسول کی اطاعت کرے اور اللہ سے ڈرے اور اس (کی نافرمانی) سے ڈرے تو یہی لوگ کامیاب ہیں۔(پ18،النور:52) ترجمۂ کنزالعرفان: تو جسے آگ سے بچا لیا گیا اور ان میں داخل کر دیا گیا تو وہ کامیاب ہو گیا۔(پ4،ال عمران:185)قرآن کی نظر میں ایمان اور اچھے کردار والے حقیقت میں کامیاب ہیں۔ترجمہ:یہی لوگ اپنے رب کی طرف سے ہدایت پر ہیں اور یہی کامیابی حاصل کرنے والے ہیں۔(پ1،البقرۃ:5) ترجمۂ کنزالعرفان:اور تم میں سے ایک گروہ ایسا ہونا چاہیے جو بھلائی کی طرف بلائیں اور اچھی بات کا حکم دیں اور بری بات منع کریں اور یہی لوگ فلاح پانے والے ہیں۔(پ4،ال عمران:104) ترجمۂ کنزالعرفان:وہ جنہوں نے ایمان قبول کیا اور ہجرت کی اور اپنے مالوں اور اپنی جانوں کے ساتھ اللہ کی راہ میں جہاد کیا اللہ کے نزدیک ان کا بہت بڑا درجہ ہے اور وہی لوگ کامیاب ہونے والے ہیں ۔(پ10:التوبہ:20)ترجمۂ کنزالعرفان:تو اللہ سے ڈرو جہاں تک تم سے ہو سکے اور سنو اور حکم مانو اور راہِ خدا میں خرچ کرو یہ تمہاری جانوں کے لئے بہتر ہوگا اور جسے اس کے نفس کے لالچ پن سے بچا لیا گیا تو وہی لوگ فلاح پانے والے ہیں ۔(پ28،التغابن:16) ترجمۂ کنز العرفان:اللہ نے فرمایا:یہ قیامت وہ دن ہے جس میں سچوں کو ان کا سچ نفع دے گا ان کے لئے باغ ہیں جن کے نیچےنہرے جاری ہیں وہ ہمیشہ اس میں رہیں گے۔ اللہ ان سے راضی ہوا اور وہ اللہ سے راضی ہوئے ،یہی بڑی کامیابی ہے ۔(پ7،المائدۃ:119)حقیقی اور اصل کامیابی یہ ہے کہ قیامت کے دن بندے کے گناہ معاف کئےجائیں اور اسے جہنم کے عذاب سے بچا لیا جائے۔اللہ پاک فرماتا ہے: ترجمۂ کنز العرفان: اور انہیں گناہوں کی شامت سے بچا لے اور جسے تو نے اس دن گناہوں کی شامت سے بچا لیا تو بےشک تو نے اس پر رحم فرمایا اور یہی بڑی کامیابی ہے۔(پ24،المؤمن:9)نفس کو برائیوں سے پاک کرنا کامیابی کا ذریعہ ہے۔اللہ پاک ارشاد فرماتا ہے: ترجمۂ کنز العرفان: بے شک جس نے نفس کو پاک کر لیا وہ کامیاب ہو گیا اوربے شک جس نے نفس کو گناہوں میں چھپا دیا وہ ناکام ہو گیا ۔(پ30،الشمس:9-10) آخر میں اللہ پاک سے دعا ہے کہ اللہ پاک ہمیں دنیا اور آخرت میں کامیابیاں عطا فرمائے۔ آمین بجاہ النبی الامین صلی اللہُ علیہ واٰلہٖ وسلم

25 مئی 2022ء بروز بدھ پاکستان کے شہر فیصل آباد میں واقع مدنی مرکز فیضانِ مدینہ میں ایک میٹنگ ہوئی جس میں شعبہ اطراف کے علاقے کے ذمہ دار اسلامی بھائیوں نے شرکت کی۔

تفصیلات کے مطابق مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اس میٹنگ میں شعبے کے دینی کاموں کی کارکردگی کا جائزہ لیا اور اسے بہتر بنانے کے حوالے سے اہم امور پر گفتگو کی۔

مزید نگرانِ پاکستان مشاورت حاجی محمد شاہد عطاری نے 3 دن، 12 دن، ایک ماہ اور 12 ماہ کے مدنی قافلوں میں عاشقانِ رسول کو سفر کروانے نیز دعوتِ اسلامی کے 12 دینی کاموں کو زیادہ سے زیادہ بڑھانے کا ذہن دیتے ہوئے مدنی پھولوں سے نوازا۔اس موقع پر مرکزی مجلسِ شوریٰ کے رکن حاجی محمد امین عطاری سمیت کثیر ذمہ داران موجود تھے۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پچھلے دنوں دعوت اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد  عطاری نے گلگت بلتستان مشاورت کے ذمہ داران کا مدنی مشورہ کیا جس میں مختلف ڈیپارٹمنٹس (صوبائی نگران ، صوبائی آفسز نگران، سرکاری ڈویژن نگران اور KPK شہر کے نگران، جامعۃالمدینہ بوائز، گرلز اور مدرسۃ المدینہ بوائز، گرلز نیز مدرسۃالمدینہ بالغان ) کے نگرانِ مجالس سمیت دیگر اسلامی بھائیوں کی شرکت رہی۔

اس موقع پر نگرانِ پاکستان مشاورت حاجی محمد شاہد عطاری نےشرکا کی تربیت کرتے ہوئے 12 دینی کاموں کی کارکردگی سمیت فروری 2022ء تا اپریل 2022ء کی کارکردگیوں کا تقابلی جائزہ لیا۔آخر میں نگرانِ پاکستان مشاورت نے شعبہ جات کے متعلق کلام کیا اور مدنی پھولوں سے نوازا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

دعوت اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد عطاری نے پچھلے دنوں پشاور میں KPK مشاورت کے ذمہ داران کا مدنی مشورہ کیا جس میں مختلف ڈیپارٹمنٹس (صوبائی نگران، صوبائی آفسز نگران، سرکاری ڈویژن نگران اور KPK شہر کے نگران، جامعۃالمدینہ بوائز، گرلز اور مدرسۃ المدینہ بوائز، گرلز نیز مدرسۃالمدینہ بالغان) کے نگرانِ مجالس سمیت دیگر اسلامی بھائیوں کی شرکت رہی۔

دورانِ مدنی مشورہ نگرانِ پاکستان مشاورت حاجی محمد شاہد عطاری نے شرکا کی تربیت کرتے ہوئے 12 دینی کاموں کی کارکردگی سمیت فروری 2022ء تا اپریل 2022ء کی کارکردگی کاتقابلی جائزہ لیا۔آخر میں نگرانِ پاکستان مشاورت نے شعبہ جات کے متعلق کلام کیا اور مدنی پھولوں سے نوازا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

دعوت اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد عطاری نے پچھلے دنوں مظفرآباد کشمیرمیں کشمیر مشاورت کے ذمہ داران کا مدنی مشورہ کیا جس میں مختلف ڈیپارٹمنٹس (صوبائی نگران، صوبائی آفسز نگران، سرکاری ڈویژن نگران اور مظفر آباد شہر کے نگران، جامعۃالمدینہ بوائز، گرلز اور مدرسۃ المدینہ بوائز، گرلز نیز مدرسۃ المدینہ بالغان) کے نگرانِ مجالس سمیت دیگر اسلامی بھائیوں نے شرکت کی۔

نگرانِ پاکستان مشاورت حاجی محمد شاہد عطاری نےشرکا کی تربیت کرتے ہوئے 12 دینی کاموں کی کارکردگی سمیت فروری 2022ء تا اپریل 2022ء کی کارکردگی کاتقابلی جائزہ لیا۔آخر میں نگرانِ پاکستان مشاورت نے شعبہ جات کے متعلق کلام کیا اور مدنی پھولوں سے نوازا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

دعوتِ اسلامی کے تحت پاکستان کے دارالحکومت اسلام آباد میں قائم مدنی مرکز فیضانِ مدینہ میں مدنی مشورے کا انعقاد ہوا جس میں پنڈی مشاورت کے ذمہ دار اسلامی بھائیوں سمیت دیگر عاشقانِ رسول نے شرکت کی۔

اس مدنی مشورے میں دعوت اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد عطاری نے 12 دینی کاموں کے حوالے سے گفتگو کرتے ہوئے فروری 2022ء تا اپریل 2022ء کی کارکردگی کا جائزہ لیا۔بعدازاں نگرانِ پاکستان مشاورت نے شعبہ جات کے متعلق کلام کرتے ہوئے مدنی پھولوں سے نوازا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

دعوتِ اسلامی کے زیرِ اہتمام 25 مئی 2022ء بروز بدھ بعد نمازِ ظہر عالمی مدنی مرکز فیضانِ مدینہ کراچی (سندھ) میں قائم اسلامک ریسرچ سینٹر (المدینۃ العلمیہ) میں خدمت سر انجام دینے والے علمائے کرام اور ذمہ داران کے لئے ایک نشست کا انعقاد کیا گیا۔

تفصیلات کے مطابق اس نشست میں مرکزی مجلسِ شوریٰ کے رکن حاجی محمد عقیل عطاری مدنی نے ’’اصلاحِ نفس، منصبِ امامت اور علما کا کردار‘‘ کے موضوع پر سنتوں بھرا بیان کرتے ہوئے اوہاں موجود اسلامی بھائیوں کی دینی و اخلاقی اعتبار سے تربیت کی۔اس کے علاوہ رکنِ شوریٰ نے دورِ حاضر میں علما کی ضرورت کی اہمیت کے حوالے سےعاشقانِ رسول کی ذہن سازی کی۔(رپورٹ:عابد عطاری، کانٹینٹ:غیاث الدین عطاری)

گزشتہ دنوں دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی نے دینی کاموں کے سلسلے میں ذمہ داران کے ہمراہ کراچی (سندھ) کے علاقے کورنگی میں قائم المصطفی ویلفیئر ٹرسٹ کے تحت یتیم و بے سہارا بچوں کی کفالت و تربیت کے ادارے ’’ میرا گھر ‘‘ کا وزٹ کیا۔

رکنِ شوریٰ نے یتیم بچوں کی تربیت کرتے ہوئے انہیں نماز کی ادائیگی، درودِ پاک کی کثرت اور سلام عام کرنے نیز آپس میں محبت و الفت کے ساتھ مل جل کر رہنے کی ترغیب دلائی۔

اس کے علاوہ رکنِ شوریٰ نےبیان کے دوران بچوں کو قراٰن ِ پاک حفظ کرنے اور عالم بننے کا ذہن دیا جس پر انہوں نے اچھی اچھی نیتیں کیں۔بعدازاں تمام بچوں نے رکنِ شوریٰ سے ملاقات بھی کی۔(رپورٹ:عابد عطاری، کانٹینٹ:غیاث الدین عطاری)

پچھلے دنوں کراچی (سندھ) کے علاقے کورنگی میں قائم المصطفی ویلفیئر ٹرسٹ کے تحت سینئر سٹیزن کے ادارے گوشہ امیر حمزہ رضی اللہ عنہ میں رکنِ مرکزی مجلسِ شوریٰ حاجی محمد عقیل عطاری مدنی کی ذمہ داران کے ہمراہ آمد ہوئی۔

اس دوران رکنِ شوریٰ نے وہاں موجود بزرگ اسلامی بھائیوں سے ملاقات کرتے ہوئے انہیں نماز کی پابندی، درودِ پاک کی کثرت کرنے نیز اپنے اوقات کو ذکر واذکار اور نیک اعمال میں گزارنے کی ترغیب دلائی جس پر ادارے کے منتظمین نے خوشی کا اظہار کیا۔(رپورٹ:عابد عطاری، کانٹینٹ:غیاث الدین عطاری)

کسی بھی ادارے کے ذمہ داران کے درمیان میٹنگز کا انعقاد کاموں کو مکمل کرنے اور مستقبل کا لائحہ عمل طے کرنے کے لئے بنیادی حیثیت کا حامل ہے۔اسی لئے ان میٹنگز کو مؤثر اور نتیجہ خیز بنایا جاتا ہے۔

ان میٹنگز میں ذمہ داران کو بہتر سہولیات فراہم کرنے اور ان کے مسائل حل کرنے کے ساتھ ساتھ ادارے کے اہداف کو وقت پر مکمل کرنے کے لئے آسان اور کارآمد طریقہ کار وضع کئے جاتے ہیں۔ان میٹنگز سے جہاں ذمہ داران میں وقت کی پابندی، دوسروں کی رائے کا احترام، مقصدیت اورمنفی باتوں سے اجنتاب برتنے جیسی خوبیاں پیداہوتی ہیں وہیں ایجنڈے میں تفویض کئے جانے والے کاموں کو منطقی انجام تک پہنچانے کے لئے حکمت عملیاں بھی ترتیب دی جاتی ہیں تاکہ میٹنگ کے خاطر خواہ نتائج اور فوائد حاصل کئے جاسکیں۔

دارالمدینہ انٹرنیشنل اسلامک اسکول سسٹم کے نظام کو چلانے کے لئے بھی وقتاً فوقتاً میٹنگز کا انعقاد کیا جاتا ہے۔گزشتہ دنوں دارالمدینہ کے ہیڈآفس میں ہیڈآف ڈیپارٹمنٹس کی میٹنگ ہوئی جس میں ہر شعبے نے اپنے اپنے شعبہ کی بریفنگ دی جس میں کئی پالیسیز زیربحث لائی گئیں ۔ساتھ ہی دارالمدینہ کے ہر ذمہ دار کے لئے اُس کی پیشہ ورانہ ضروریات کو مدنظر رکھتے ہوئے ریفرشر کورسز کروانے کی تجاویز بھی دی گئیں جن پر عمل درآمد کرنے کی ہدایات پر کلام ہوا۔(رپورٹ:غلام محی الدین ترک اردو کانٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

گورنمنٹ ڈگری سائنس کالج لیاقت آباد کے پروفیسرز اورلیکچرارزپر مشتمل وفد نے گزشتہ دنوں دارالمدینہ انٹرنیشنل اسلامک اسکول سسٹم کے ہیڈآفس کا دورہ کیا۔

اس موقع پر ذمہ داران نے اُنہیں دارالمدینہ سے متعلق بریفنگ دی اور ادارے کے مختلف شعبوں کا دورہ کروایا مزید اُنہیں دارالمدینہ کے نصاب اور نظام تعلیم کی خصوصیات سے آگاہ کیا گیا۔

بعدا زاں پروفیسرز اورلیکچرارز سے مختلف تعلیمی موضوعات پر تبادلہ خیال کیا گیا جس پر انہوں نےدارالمدینہ کے تعلیمی منصوبوں کو سراہتے ہوئے اپنے تاثرات بھی دیئے۔(رپورٹ:غلام محی الدین ترک اردو کانٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)