دعوت اسلامی کے زیر اہتمام گزشتہ دنوں یوکے لندن ریجن کے علاقے ریڈنگ (Reading)میں محفل نعت کا انعقاد کیا گیا جس میں کم و بیش 21اسلامی بہنوں نے شرکت کی۔

مبلغۂ دعوتِ اسلامی نے سنتوں بھرا بیان کیا اور محفلِ نعت میں شریک اسلامی بہنوں کو سنتوں پرعمل کرنے، کثرت درود پاک پڑھنے اور دعوت اسلامی کے دینی ماحول سے وابستہ رہنے کا ذہن دیا۔

دعوتِ  اسلامی کے شعبہ مدرسۃ المدینہ بالغات کے زیرِ اہتمام گزشتہ دنوں یوکے لندن (London)ریجن لوٹن کابینہ کی ذمہ دار اسلامی بہنوں کا مدنی مشورہ ہوا جس میں کابینہ اور مدرسات اسلامی بہنوں نے شرکت کی۔

لندن ریجن ذمہ دار اسلامی بہن نے ہدف طے کرنے کی اہمیت کے بارے میں نکات پیش کئےاور مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی نیز دعوت اسلامی کے لئے زیادہ سے زیادہ ڈونیشن جمع کرنے کی ترغیب دلائی۔

دعوت اسلامی کے زیر اہتمام  مارچ2021ء میں یوکے کے مانچسٹر ریجن میں 8 مقامات چیتھم ہل، راچڈیل، وارنگٹن، لانگسائٹ، اولڈہم، بلیکبرن، ایکرنگٹن، برنلی(Cheetham Hill, Rochdale, Warrington, Longsight, Oldham, Blackburn, Accrington, Burnley)پر مدنی حلقوں کا انعقاد کیا گیا جن میں 180 اسلامی بہنوں نے شرکت کی۔

مبلغاتِ دعوت اسلامی نے ”دینی ماحول سے وابستہ رہ کر آخرت کی تیاری“ کے موضوع پر بیانات کئے اور مدنی حلقوں میں شریک اسلامی بہنوں کو موت کو یاد رکھنے، اچھی صحبت اختیار کرنے اور دینی ماحول کی برکتوں کے متعلق مدنی پھول دیئے۔

دعوتِ اسلامی کے شعبہ اصلاحِ اعمال للبنات کے زیرِ اہتمام گزشتہ دنوں یوکے کے علاقے نیلسن (Nelson)میں اصلاح اعمال اجتماع کا انعقاد کیا گیا جس میں 5 اسلامی بہنوں نے شرکت کی۔

کابینہ سطح کی اصلاح اعمال ذمہ دار اسلامی بہن نے ”آخرت کی تیاری“کے موضوع پر سنتوں بھرا بیان کیا اور اجتماعِ پاک میں شریک اسلامی بہنوں کو اپنے آخرت کو بہتر بنانے رسالے نیک اعمال کے ذریعے اپنے اعمال کا روزانہ جائزہ لینے کی ترغیب دلائی۔

دعوتِ اسلامی کے شعبہ کفن دفن للبنات کے زیر اہتمام گزشتہ دنوں  آئرلینڈ (Ireland)میں ایک نیو مسلم اسلامی بہن نے کفن دفن ٹیسٹ پاس کیا۔

اس سے قبل انہوں نے کفن دفن تربیتی اجتماعات میں شرکت بھی کی۔ ان کا کہنا ہے کہ لاک ڈاؤن کے دوران ان کےلئے آن لائن شارٹ کورسز میں شرکت کرنے میں مزید آسانی ہوئی ہے۔

نیکی کی دعوت کو عام کرنے کے جذبے کے تحت گزشتہ  ہفتے یوکے میں ہونے والے اسلامی بہنوں کےدینی کاموں کی چند جھلکیاں ملاحظہ فرمائیے:

377اسلامی بہنوں نے روزانہ ایک پارہ پڑھنے کی سعادت حاصل کی۔

452اسلامی بہنوں نے روزانہ آدھا پارہ پڑھنے کی سعادت حاصل کی۔

600اسلامی بہنوں نے روزانہ گھر درس دیا۔

1ہزار 963 اسلامی بہنوں نے 313 درودپاک روزانہ پڑھے۔

887 اسلامی بہنوں نے 1200 درودپاک روزانہ پڑھے۔

653 اسلامی بہنوں نے 12 منٹ روزانہ مطالعہ کیا۔

ہفتہ وار مدنی مذاکرے میں امیر اہلِ سنت  دَامَتْ بَرَکَاتُہُمُ الْعَالِیَہ کسی ایک مدنی رسالے کے مطالعے کی ترغیب ارشاد فرماتے ہیں اور رسالہ پڑھنے اور سننے والوں کو اپنی دعاؤں سے بھی نوازتے ہیں۔ مطالعہ کرنے یا سننے والے خوش نصیبوں کی کارکردگی امیر اہل ِسنت دَامَتْ بَرَکَاتُہُمُ الْعَالِیَہ کی بارگاہ میں پیش بھی کی جاتی ہے۔

پچھلے ہفتے امیر اہل ِسنت دَامَتْ بَرَکَاتُہُمُ الْعَالِیَہ نے رسالہ”قبر کی پہلی رات“ پڑھنے یا سننے کی ترغیب دلائی۔

اسی سلسلے میں یوکے کے مانچسٹر یجن سے 4ہزار411 ، لندن ریجن سے 2ہزار194، بریڈ فورڈ ریجن سے 5ہزار511، برمنگھم ریجن سے 6ہزار868، آئرلینڈ سے 64 اور اسکاٹ لینڈ ریجن سے 470 بار اسلامی بہنوں نے پڑھنے یا سننے کی سعادت حاصل کی، مجموعی طور پر تقریبًا19ہزار518 اسلامی بہنوں نےرسالہ ”قبر کی پہلی رات“ پڑھنے /سننے کی سعادت حاصل کی۔

دعوتِ اسلامی کے شعبہ اصلاحِ اعمال للبنات کے زیرِ اہتمام گزشتہ دنوں یوکےکے شہر ایسٹ برمنگھم( East Birmingham) میں اصلاح اعمال اجتماع کا انعقاد کیا گیا جس میں 46 اسلامی بہنوں نے شرکت کی۔

مبلغۂ دعوتِ اسلامی نے سنتوں بھرا بیان کیا اور اجتماعِ پاک میں شریک اسلامی بہنوں کو رسالہ نیک اعمال کے بارے میں معلومات فراہم کرتے ہوئے اپنے اعمال کا روزانہ جائزہ لینے اور عاملاتِ نیک اعمال بننے کا ذہن دیا۔

گزشتہ ہفتے دعوت اسلامی کے زیراہتمام یوکے برمنگھم ریجن کی ویسٹ مڈلینڈز       کابینہ اور بلیک کنٹری (West Midlands and Black Country)میں ہفتہ وار سنتوں بھرے اجتماعات کا انعقاد کیا گیا جن میں کم وبیش 578 اسلامی بہنوں نے شرکت کی۔

مبلغات نے ” معاف کرنے کے فضائل“ کے موضوع پر بیانات کئے اور اجتماعات میں شریک اسلامی بہنوں کو دعوت اسلامی کے مدنی ماحول سے وابستہ رہتے ہوئے علم دین سیکھنے کی ترغیب دلائی۔

• ایک حدیث شریف میں ہے  جس شخص نے کتاب اللہ کی ایک آیت یا علم کا ایک باب سکھایا اللہ عزوجل تا قیامت اس کا اجر بڑھاتا رہے گا حضرت سیدنا انس رضی اللہ تعالٰی عنہ سے روایت ہے کہ رسول اکرم رحمت عالم نور مجسم شاہ بنی آدم رسول محتشم صلی اللہ علیہ والہ وسلم کا فرمان مغظم ہے : جس نے قرآن پاک سیکھا اور سکھایا اور جو قرآن پاک میں ہے اس پر عمل کیا قرآن شریف اسکی شفاعت کرے گا اور جنت میں لے جائے گا ۔

  الہی خوب دے دے شوق قرآن کی تلاوت کا

  شرف دے گنبد خضری کے سائے میں شہادت کا

  قرآن مجید سننا تلاوت کرنے اور نفل پرھنے سے افضل ہے گرمیوں میں صبح قرآن مجید ختم کرنا بہتر ہے اور سردیوں میں اول شب کو ۔ حدیث میں ہے : جس نے شروع دن قرآن ختم کیا شام تک فرشتے اس کے لیے استغفار کرتے ہیں ۔

  اللہ عزوجل سے دعا ہے وہ ہمیں خوب خوب تلاوت قرآن کی سعادت بخشے اور قرآن پرھنے کا شوق نصیب فرماے اٰمِیْن بِجَاہِ النّبیِّ الْاَمِیْن صلَّی اللہ علیہ واٰلہٖ وسلَّم

  یہی ہے آرزو تعلیمِ قرآن عام ہو جائے

  کہ ہر اونچے سے اونچا پرچم اسلام ہو جائے

قرآن پاک آسمانی کتابوں میں سب  سے آخری کتاب ہے، یہ23 سال کے عرصے میں ماہ ِرمضان المبارک میں آخری نبی، محمدِ عربی صلی اللہ علیہ وسلم پر نازل ہوا، قرآن پاک پوری امتِ محمدیہ صلی اللہ علیہ وسلم کے لئے برہان ہے، قرآن پاک کو آسمانی کتب کے علاوہ بھی تمام کتب پر فضیلت حاصل ہے، قرآن پاک شفا بھی ہے کیونکہ اس میں موت کے علاوہ تمام بیماریوں کا علاج ہے، قرآن پاک وہ واحد کتاب ہے جو تمام کتب سے زیادہ آسان ترین کتاب ہے، ہمارے مدینے والے آقا صلی اللہ علیہ وسلم کو تو قرآن پاک حفظ تھا، مگر عوام الناس(یعنی عام لوگ) بھی حفظ کر سکتے ہیں اور جس کے بہت سے فضائل ہیں مگر میں قرآن پاک پڑھانے کے فضائل تحریر کرنے کی سعادت حاصل کرتی ہوں ۔

امیر المؤمنین حضرت عثمان رضی اللہ عنہ سے روایت ہے کہ نبی اکرم، نورِ مجسم صلی اللہ علیہ

وسلم نے ارشاد فرمایا: تم میں سے بہترین وہ شخص ہے، جو قرآن سیکھے اور سکھائے۔

( قرآن سیکھے اور سکھائے، جلد3 ، صفحہ نمبر7)

حضرت سیدنا ابوذر رضی اللہ عنہ سے روایت ہےحضور صاحبِ لولاک، سیاحِ افلاک صلی اللہ علیہ وسلم نے فرمایا:تم اللہ کی طرف قرآن سے افضل کسی عمل کے ساتھ نہیں لوٹو گے۔ ( جنت میں لے جانے والے اعمال ، صفحہ نمبر390)

حضرت سیدنا ابو سلمان خطاب رضی اللہ عنہ"معالم السنن" میں فرماتے ہیں کہ روایت میں آیا کہ قرآن کی آیتوں کی تعداد جنت کے درجات کے برابر ہے، لہذاقاری سے کہا جائے گا کہ تو جتنی آیتیں پڑھ سکتا ہے، اتنے درجات طے کرتے جاؤ، جو اُس وقت پورا قرآن پڑھ لے گا، وہ جنت کے اِنتہائی درجے کو پا لے گا اور جس نے قرآن کا کوئی جُز پڑھا تو اس کے ثواب کی حد قراءت کی انتہا تک ہوگی۔ (جنت میں لے جانے والے اعمال، صفحہ نمبر389)

فروغِ دینِ ا سلام کے لئے اللہ تبارک و تعالی نے اپنے کلامِ مجید میں متعدد مقامات پر اَحکامات کا صدور فرمایا ہے، چند آیتیں درج ذیل ہیں:اِرشادِ باری تعالٰی ہے کہ: اُدْعُ اِلٰى سَبِیْلِ رَبِّكَ بِالْحِكْمَةِ وَ الْمَوْعِظَةِ الْحَسَنَةِ ترجمۂ کنزالایمان: اپنے رب کی راہ کی طرف بلاؤ پکّی تدبیر اور اچھی نصیحت سے۔(پ14،النحل:125)

حدیث پاک میں فرمانِ نبوی صلی اللہ علیہ وسلم ہے کہ حضرت سیدنا عبداللہ بن عمر ورضی اللہ عنہ سے مروی ہے کہ سرکارِ مدینہ، سُرورِ قلبِ سینہ صلی اللہ علیہ وسلم اپنی مسجد میں دو مجلسوں کے پاس سے گُزرے تو فرمایا:دونوں بھلائی پر ہیں مگر ایک مجلس دوسری سے بہتر ہے ،ایک مجلس کے لوگ اللہ تعالیٰ سے دعا کررہے ہیں ،اس کی طرف راغب ہیں ، اگر چاہے انہیں دے چاہے نہ دے۔ اور دوسری مجلس کے لوگ خود بھی فقہ اور علم سیکھ رہے ہیں اور نہ جاننے والوں کو سکھا بھی رہے ہیں،یہی افضل ہیں ،میں معلم ہی بنا کر بھیجا گیا ہوں۔ '' پھر آپ صلَّی اللہ تعالیٰ علیہ واٰلہٖ وسلّم انہی میں تشریف فرما ہوئے ۔ ( مشکوۃ المصابیح کتاب العلم، الحدیث : 60 ، ج1، ص117)

ایک حدیث شریف میں ہے: جس شخص نے کتاب اللہ کی آیت یا علم کا ایک باب سکھایا، اللہ تاقیامت اس کا اجر بڑھاتا رہے گا۔

عطا ہو شوق مولا مدرسے میں آنے جانے کا

خدایا! ذوق دے قرآن پڑھنے کا ، پڑھانے کا

امام ابوحنیفہ رحمۃ اللہ علیہ اور قرآن کی عظمت:

جب امام ابو حنیفہ رحمۃ اللہ علیہ کے صاحبزادے حماد نے سورہ فاتحہ ختم کی تو امام ابو حنیفہ رحمۃ اللہ علیہ نے ان کے استاد کو پانچ سو دراہم بھجوائے، (ایک روایت میں ہے کہ ہزار درہم عطا فرمائے) اس رقم کو دیکھ کر استاد صاحب کہنے لگے:میں نے کیا ایسا کام انجام دیا ہے، جس کے بدلے آپ نے کثیر رقم بھیجی ہے؟

فضائل فضیلت کی جمع ہے، فضیلت" فضل" سے بنا ہے، اس کے معنی زیادتی کے ہیں، قرآن کے بعض فضائل عَمومی ہیں یعنی سارے قرآن کے فضائل اور بعض خصوصی فضائل ہیں، یعنی بعض سورتیں یا بعض آیتوں کے خصوصی فائدے وتاثیریں ہیں۔

حدیث ِمبارکہ کا مفہوم:حضرت عثمان رضی اللہُ عنہ سے روایت، فرماتے ہیں، فرمایا رسول اللہ صلی اللہ علیہ وسلم نے:" تم میں سے بہتر وہ ہے، جو قرآن سیکھے اور سکھائے۔"

اِسی طرح حضرت عائشہ رضی اللہُ عنہا فرماتی ہیں کہ رسول اللہ صلی اللہ علیہ وسلم نے اِرشاد فرمایا:"قرآن کا عالم معزز فرشتوں ومحترم ومعظم نبیوں کے ساتھ ہو گا اور جو قرآن پڑھتا ہو، اس میں اَٹکتا ہو اورقران اِس پر گراں ہو، اس کیلئے دو ثواب ہیں۔

سبحان اللہ!عالمِ قرآن کا وہ مرتبہ ہے، جو ابھی ذکر ہوا اور جو کُند ذہن، موٹی زبان والا قرآن پاک سیکھ تو نہ سکے، مگر کوشش میں لگا رہے کہ مرتے دم تک کوشش کئے جائے وہ ڈبل ثواب کا مُستحق ہے، خیال رہے! کہ یہ دوگنا ثواب عالمِ قرآن کے مقابلہ میں نہیں ہے، عالمِ قرآن تو فرشتوں، نبیوں اور صحابہ کے ساتھ ہے، بلکہ اسکے مقابلے میں بے تکّلف قرآن پڑھ کر بس کر دے۔

دیکھا آپ نے! قرآن کریم پڑھنے کے کتنے فضائل ہیں، ایک حدیث مبارکہ کا مفہوم ہے، حضرت ابو ہریرہ رضی اللہُ عنہ سے فرماتے ہیں، فرمایا رسول اللہ صلی اللہ علیہ وسلم نے:" اپنے گھروں کو قبرستان نہ بناؤ، شیطان اُس گھر سے بھاگ جاتا ہے۔ جس میں سورہ بقرہ پڑھی جائے۔"

اس سے مُراد یعنی اپنے گھروں کو ذکر اللہ سے خالی نہ رکھو جیسے قبرستان خالی ہوتا ہے، ایسے گھر قبرستان ہیں، خیال رہے مؤمن مُردے اپنی قبروں میں ذکر اللہ کرتے ہیں مگر وہ ذکر ہم نہیں سنتے، ہم کو قبرستان سُنسان معلوم ہوتا ہے، اس لیےیہ ارشاد فرمایا۔

پیارے اسلامی بھائیو! سارا سارا دن کام کاج میں صرف کر دیتے ہیں، لیکن ہمارے پاس افسوس! قرآن پڑھنے کا وقت نہیں ہوتا، نیت کریں اِن احادیث پر عمل کریں گے، قرآن کی تلاوت ضرور کریں گے۔