تعلیمی دورے طالب علموں کو کمرہ ٔ جماعت میں سکھائے گئے اسباق  کی عملی تفہیم، بہتر طریقے سے یاد رکھنے اور انہیں سمجھنے میں مدد کرتے ہیں۔

طلبہ کے ان تعلیمی دوروں کی بدولت نثری اسباق کو تقویت اوراس موضوع پر ان کے علم و مشاہدےکو وسعت ملتی ہے، یوں تعلیمی عمل میں ان کی دلچسپی میں اضافہ ہوتا ہے۔

دارالمدینہ کالج فیصل آبادکے طلبہ نے گزشتہ روز مشہور تفریحی مقام کلر کہاراور نمک کے شہر ’’کھیوڑہ‘‘ کے تعلیمی دورے کئے۔ تاریخی مقام کھیوڑہ میں نمک کے وسیع ذخائر موجود ہیں۔یہ مشہور کان صوبۂ پنجاب پاکستان کے ضلع جہلم میں واقع ہے۔