26 جولائی 2023ء بروز بدھ شعبہ رابطہ برائے شخصیات اور شعبہ FGRF دعوتِ اسلامی کے ذمہ داران کی لودھراں میں ریڈر ٹو ڈسٹرکٹ پولیس آفیسر ٹریفک محمد امجد، PRO ٹو DPO خان بہادر، ممبر ضلعی امن کمیٹی ملک عابد منگلا اور دیگر شخصیات سے ملاقات کی۔

اس دوران ذمہ دار اسلامی بھائیوں نے 1 اگست 2023ء کو دعوتِ اسلامی کے تحت ہونے والی شجرکاری کے متعلق افسران کو یاد دہانی کروائی جس پر انہوں نے اپنی نیک خواہشات کا اظہار کیا۔

شعبہ رابطہ برائے شخصیات دعوتِ اسلامی کے تحت گزشتہ روز ذمہ دار اسلامی بھائیوں نےدینی کاموں کے سلسلے میں  محمد زبیر (اے ڈی ای او ایبٹ آباد)سے ملاقات کی۔

اس موقع پر تحصیل نگران مولانا ظہور عطاری نے محمد زبیر کو دعوتِ اسلامی کے دینی کاموں میں تعاون کرنے پر شکریہ ادا کیا اور انہیں دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔بعدازاں مولانا ظہور عطاری مدنی نے محمد زبیر کو تحفہ بھی پیش کیا۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت پچھلے دنوں شعبہ رابطہ برائےشخصیات کے ذمہ دار اسلامی بھائیوں نے ڈپٹی کمشنر ایسٹ سے ملاقات کی۔

دورانِ ملاقات شعبے کے کراچی سٹی ذمہ دار محمد یعقوب عطاری نے 01اگست 2023ء کو دعوتِ اسلامی کے تحت ہونے والے شجرکاری کے متعلق چند اہم نکات پر گفتگو کی جس پر ڈپٹی کمشنر نے تعاون کی یقین دہانی کروائی۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

”پودا لگانا ہے درخت بنانا ہے“ کا نعرہ لگانے والی عاشقانِ رسول کی دینی تحریک دعوتِ اسلامی کے تحت شعبہ رابطہ برائے شخصیات کراچی کے ذمہ داران کی دینی کاموں کے سلسلے میں مختلف آفیسرز سے ملاقات کی جن میں S.P گلشن عزیز احمد، D.S.P نیو ٹاؤن سیّد طلحہ، S.H.O عزیز بھٹی محمد اقبال اور S.H.O نیو ٹاؤن گل حسن سمیت دیگر اسٹاف شامل تھے۔

پچھلے دنوں سابق وفاقی وزیر ڈاکٹر طارق فضل چوہدری کے بیٹے کے انتقال پر شعبہ رابطہ برائے شخصیات دعوتِ اسلامی  کے ذمہ دار اسلامی بھائیوں نے مرحوم کے اہلِ خانہ سے تعزیت کی۔

مختلف شعبہ ہائے زندگی سے تعلق رکھنے والے افراد کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت سیالکوٹ پولیس لائن میں ایک سیشن کا انعقاد کیا گیا جس میں ایلیٹ فورس اور پولیس کے جوانوں نے شرکت کی۔

اس سیشن میں مرکزی مجلسِ شوریٰ کے رکن حاجی محمد اظہر عطاری نے ”رزقِ حلال“ اور ”عشقِ رسول“ کے موضوعات پر سنتوں بھرا بیان کیااور وہاں موجود عاشقانِ رسول کو دینِ اسلام کی تعلیمات کے مطابق زندگی گزارنے کا ذہن دیا۔

پاکستان کو سرسبز و شاداب بنانے کے لئےعاشقانِ رسول کی دینی تحریک دعوتِ اسلامی کے بانی حضرت علامہ مولانا محمد الیاس عطار قادری دامت بَرَکَاتُہمُ العالیہ نے نعرہ لگایا ہے ”پودا لگانا ہے درخت بنانے ہے“۔

اسی نعرے پر عمل کرتے ہوئے پچھلے دنوں مرکزی مجلسِ شوریٰ کے رکن حاجی محمد اظہر عطاری نے سیالکوٹ میں DPO حسن اقبال کے ہمراہ اُن کے دفتر میں شجرکاری کی۔

بعدازاں رکنِ شوریٰ حاجی محمد اظہر عطاری نے ملکِ پاکستان کی خوشحالی اور قوم کی سلامتی کے لئے دعا کروائی نیز DPO کو دعوتِ اسلامی کے دینی کاموں کے بارے میں آگاہی بھی دی۔(رپورٹ: ارسلان منیر معاون رکنِ شوریٰ حاجی محمد اظہر عطاری، کانٹینٹ:غیاث الدین عطاری)

دعوتِ اسلامی کے زیرِ اہتمام سرگودھا روڈ، فیصل آباد میں قائم ابو احمد حاجی محسن کی فیکٹری میں سیکھنے سکھانے کا حلقہ لگایا گیا جس میں مختلف شخصیات، ذمہ داران اور دیگر عاشقانِ رسول نے شرکت کی۔

حلقے کا آغاز تلاوتِ قراٰن اور نعت شریف سے کیا گیا جس کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا۔

دورانِ بیان نگرانِ پاکستان مشاورت حاجی محمد شاہد عطاری نے سنتِ نبوی صلی اللہ علیہ و سلم پر عمل پیرا ہونےاور نیکی کے کاموں میں حصہ لینے کا ذہن دیا نیز دعوتِ اسلامی کے تحت نیکی کی دعوت دینے اور دینی کاموں میں شرکت کرنے کی ترغیب دلائی۔

پچھلے  دنوں دعوت اسلامی کے شعبہ رابطہ برائے شخصیات کے ذمہ داران کی دعوت پر ایس پی گلشن عزیر احمد نے عالمی مدنی مرکز فیضان مدینہ کراچی کا دورہ کیا ۔

جہا ں ایس پی گلشن عزیر احمد نے رکن شوریٰ حاجی محمد امین عطاری سے ملاقات کی۔دورانِ ملاقات رکنِ شوریٰ نے انہیں ملک و بیرون ملک میں دعوت اسلامی کے تحت ہونے والے دینی ،تعلیمی اور فلاحی کاموں کے بارے میں بتایا جس پر انہوں نے خدماتِ دعوت اسلامی کو سراہتے ہوئے خوشی کااظہار کیا اور ممکنہ تعاون کی یقین دہانی کروائی۔(کانٹینٹ:رمضان رضا عطاری)

گزشتہ روز ڈائریکٹر انوائرنمنٹ C.D.A (Capital Development Authority) منیر احمد کی دیگر اسلامی بھائیوں کے ہمراہ مدنی مرکز فیضانِ مدینہ اسلام آباد جی الیون میں ہونے والے ہفتہ وار سنتوں بھرے اجتماع میں حاضری ہوئی۔

معلومات کے مطابق اجتماع کے اختتام پر ذمہ دار اسلامی بھائیوں نے ڈائریکٹر منیر احمد کو مدنی مرکز فیضانِ مدینہ میں قائم مختلف ڈیپارٹمنٹس کا وزٹ کروایا۔

علاوہ ازیں ڈائریکٹر منیر احمد کی فیضانِ مدینہ میں مرکزی مجلسِ شوریٰ کے رکن حاجی وقار المدینہ عطاری سے ملاقات ہوئی اور 01 اگست 2023ء کو دعوتِ اسلامی کے تحت ہونے والے پلانٹیشن کے حوالے سے تفصیلی گفتگو کی۔(رپورٹ: محمدعامر عطاری شعبہ رابطہ برائے شخصیات FGRF اسلام آباد ، کانٹینٹ:غیاث الدین عطاری)

8 جولائی 2023ء بروز ہفتہ سینئر سیکیورٹی آفیسر راؤ صنوبر کی صوبۂ پنجاب پاکستان کے شہر ملتان میں قائم دعوتِ اسلامی کے مدنی مرکز فیضانِ مدینہ آمدہوئی جہاں انہوں نے ذمہ دار اسلامی بھائیوں سے ملاقات بھی کی۔

8 جولائی 2023ء بروز ہفتہ ڈسٹرکٹ مظفر گڑھ میں وفاقی وزیر مملکت برائے اسپورٹس مہر ارشاد احمد خان سیال کے بھائی کے لئے ایصالِ ثواب کا اہتمام کیا گیا جس میں ذمہ دارانِ دعوتِ اسلامی سمیت مختلف سیاسی و سماجی اور مذہبی شخصیات بالخصوص سابق وزیرِ اعظم پاکستان یوسف رضا گیلانی نے شرکت کی۔

معلومات کے مطابق مدرسۃالمدینہ بوائز دعوتِ اسلامی کے بچوں نے قراٰن خوانی کی جبکہ دیگر معاملات ذمہ دارانِ دعوتِ اسلامی کے سپرد تھے۔