ہیڈلائنز:

اِنْ شَآءَ اللہ عَزَّ وَجَلَّ 25 صَفَرُ الْمُظَفَّر1441ھ عرسِ امامِ اہلِ سنّت امام احمد رضا خان رحمۃ اللہ علیہ کے موقع جامعات المدینہ للبنین سے فارغ التحصیل ہونے والے طلبہ کی دستارِ فضیلت کی جائے گی۔

تفصیلی خبر:

عاشقانِ رسول کی مدنی تحریک دعوتِ اسلامی نے جہاں دنیا بھر کے لوگوں کی اصلاح کا بیڑہ اٹھایا وہیں عاشقانِ رسول کو علم دین کی مَہک اور نور سے روشناس کرانے کے لئے آج سے کم وبیش 24سال قبل شہر کراچی کے علاقے گودھرا کالونی نیو کراچی میں ایک دینی ادارہ بنام ”جامعۃ المدینہ“ کا قیام کیا جو بعد میں گلستان جوہر منتقل ہوااور پھر کچھ ہی عرصے میں جامعات المدینہ کی نئی شاخوں کا مختلف شہروں میں قیام عمل میں آنے لگا اور 1441سن ہجری بمطابق 2019ءمیں ملک و بیرون ملک میں دعوتِ اسلامی کے775 جامعات المدینہ للبنین اور للبنات قائم ہیں جن میں ہزاروں اسلامی بھائی اور اسلامی بہنیں علمِ دین کے نور سے اپنے سینوں کو منوّر کرنے کی سعادت پارہے ہیں۔

ہر سال کی طرح رواں سال 2019ء میں بھی دعوتِ اسلامی کے جامعات المدینہ سے سینکڑوں طلبہ و طالبات نے درسِ نظامی ( عالم ، عالمہ کورس) اور فیضانِ شریعت (فرض علوم کورس) مکمل کیا جن میں جامعات المدینہ للبنین (For Male) سے درسِ نظامی مکمل کرنے والوں کی تعداد750 ہے۔

اِنْ شَآءَ اللہ عَزَّ وَجَلَّ 25 صَفَرُ الْمُظَفَّر1441ھ عرسِ امامِ اہلِ سنّت امام احمد رضا خان رحمۃ اللہ علیہ کے موقع پر ملک بھر کے مختلف مقامات پر فارغ التحصیل طلبۂ کرام کے لئے دستار فضیلت وتقسیمِ انعامات اجتماعات منعقد کئے جائیں گے جن میں مرکزی مجلسِ شوریٰ کے اراکین سنّتوں بھرے بیانات فرمائیں گےاوراراکینِ شوریٰ سمیت دورۃ الحدیث شریف کے اساتذۂ کرام ان فارغ التحصیل طلبۂ کرام کو دستارِ فضیلت سے نوازیں گے۔