میڈیا ڈیپارٹمنٹ (دعوتِ اسلامی)کے زیرِ اہتمام14اکتوبر2021ءبروزجمعرات ملتان پریس کلب میں اجتماعِ میلاد کا انعقاد کیا گیا جس میں اے ٹی جی ایم ایسوسی ایشن کے ممبران سمیت دیگر سینئر صحافیوں نے شرکت کی۔

اس اجتماعِ میلاد میں نگرانِ کابینہ ذیشان عطاری نے سنتوں بھرا بیان کرتے ہوئے شرکائے اجتماع کی تربیت ورہنمائی کی،اس دوران رکن شعبہ و رکنِ ملتان زون محمد ریاض عطاری دیگر ذمہ دارن کے ہمراہ اس اجتماعِ پاک میں شریک تھے ۔(رپورٹ: اسرار عطاری میڈیا ڈیپارٹمنٹ آفس ذمہ دار، کانٹینٹ:غیاث الدین عطاری)

دعوتِ اسلامی کےمیڈیاڈیپارٹمنٹ کےتحت 14اکتوبر2021ءبروزجمعرات ذمہ داراسلامی بھائیوں نے جنگ گروپ کے آفس کادورہ کیا جہاں انہوں نے GEO نیوز ملتان کے بیوروچیف شہادت حسین سے ملاقات کی۔

رکنِ شعبہ و رکنِ ملتان زون محمد ریاض عطاری نے انہیں دعوتِ اسلامی کی دینی و فلاحی کاموں کے حوالے سے آگاہی فراہم کی اور مکتبۃ المدینہ کی کتاب ’’آخری نبیﷺ کی پیاری سیرت‘‘ تحفے میں پیش کی۔(رپورٹ: اسرار عطاری میڈیا ڈیپارٹمنٹ آفس ذمہ دار ،کانٹینٹ:غیاث الدین عطاری)

دعوت اسلامی کے زیر اہتمام 14 اکتوبر 2021ء کو لیبر ڈیپارٹمنٹ سندھ سیکریٹریٹ کے کمیٹی روم میں اجتماع میلاد کا انعقاد کیا گیا جس میں لئیق احمد (سیکریٹری لیبر)، محمد علی (ریٹائرڈ سیکریٹری)، سلیم بلوچ (ایڈیشنل سیکریٹری لیبر،)، شمس صاحب (ایڈیشنل سیکریٹری،)، احسان اللہ لغاری (ڈپٹی سیکریٹری)، امیر علی ڈپٹی سیکریٹری اور 6 سیکشن آفیسرز سمیت دیگر افسران اور اسٹاف نے شرکت کی۔

مبلغ دعوت اسلامی عبد الرحمن عطاری نے سیرت مصطفٰے ﷺ پر سنتوں بھرابیان کیا اور شرکا کو سنت رسول پر عمل کرتے ہوئے زندگی گزارنے کی ترغیب دلائی۔

میڈیادیپارٹمنٹ دعوتِ اسلامی کےرکن و رکنِ ملتان زون محمد ریاض عطاری کا دیگر ذمہ داران  سمیت دینی کاموں کے سلسلے میں ARY نیوزچینل ملتان کاوزٹ کیاجہاں انہوں ARY کےبیوروچیف یاسر مشتاق اور رپورٹر مرزا احمد علی سے ملاقات کی۔

مبلغِ دعوتِ اسلامی نے انہیں نیکی کی دعوت پیش کرتے ہوئےمدنی مرکز فیضانِ مدینہ ملتان کا وزٹ کرنے کی دعوت دی، آخرمیں مکتبۃالمدینہ کےکُتُب ورسائل تحفے میں پیش کی گئی۔ (رپورٹ: اسرار عطاری میڈیا ڈیپارٹمنٹ آفس ذمہ دار ،کانٹینٹ:غیاث الدین عطاری)

دعوتِ اسلامی کے میڈیاڈیپارٹمنٹ کے تحت گزشتہ دنوں رکن ِشعبہ و رکنِ ملتان زون محمد ریاض عطاری نے دیگر ذمہ داران  کےہمراہ GNN چینل کے آفس کادورہ کیا۔

اس موقع پر ذمہ داران نے صحافیوں کونیکی کی دعوت دیتے ہوئےانہیں دعوت اسلامی کی دینی و فلاحی سرگرمیوں سے آگاہ کیا ،آخر میں مکتبۃالمدینہ کےکُتُب ورسائل تحفے میں پیش کئے گئے۔اس دوران رپورٹر صہیب اقبال اور نویدسمیت دیگر میڈیا سے وابستہ افرادسے بھی ملاقات کا سلسلہ رہا ۔ (رپورٹ: اسرار عطاری میڈیا ڈیپارٹمنٹ آفس ذمہ دار ،کانٹینٹ:غیاث الدین عطاری)

جشن عید میلاد النبی ﷺ کے سلسلے میں دعوت اسلامی کے زیر اہتمام گجرات سیشن کورٹ میں اجتماع میلاد کا انعقاد کیا گیاجس میں رضوان عابد (ڈسٹرکٹ اینڈ سیشن جج)، ملک شفیق احمد (ایڈیشنل سیشن جج)، چوہدری طارق بشیر (سینئر سول جج)، عمران نذیر (سینئر سول جج)، الطاف احمد شہزاد (سول جج)، اورنگیزیب (سول جج)، عباس شیرازی (سول جج)، یونس (اینڈ سیشن جج) اور فیصل محمود (سول جج) سمیت کورٹ کے عملے نے شرکت کی۔

مرکزی مجلس شوریٰ کے رکن حاجی محمد اظہر عطاری نے سیرت مصطفٰے ﷺ کے موضوع پر سنتوں بھرا بیان فرمایا اور شرکا کو سنت رسول کے مطابق زندگی گزارنے کی ترغیب دلاتے ہوئے ماہ ربیع الاول مذہبی جوش و جذبے کے ساتھ منانے کا ذہن دیا۔ 

شعبہ ڈونیشن بکس  للبنات کے زیر اہتمام گزشتہ دنوں گلستان جوہر اورکراچی ایسٹ زون 1میں ماہانہ مدنی مشوروں کاسلسلہ ہوا جن میں کابینہ تاڈویژن مشاورت تک کی ذمہ دار اسلامی بہنوں نے شرکت کی۔

کابینہ و ڈویژن ذمہ دار اسلامی بہنوں نےشخصیات سے رابطے مضبوط رکھنے، ڈونیشن بکس ہر ماہ پابندی سے کھلوانے، کارکردگی شیڈول پر عمل کرنےاور پابندی سے جمع کروانے کا ذہن دیانیز رسید بک بھی سمجھا ئی۔ 

دعوت اسلامی کے مرکزی مجلس شوریٰ کے رکن حاجی مولانا عبد الحبیب عطاری نے رکن شوریٰ حاجی وقار المدینہ عطاری کے ہمراہ وفاقی دار الحکومت اسلام آباد میں سابق وزیر اعظم و پاکستان پیپلز پارٹی کے رہنما راجہ پرویز اشرف سے ان کی رہائش گاہ پر ملاقات کی اور انہیں دعوت اسلامی کے دینی و فلاحی شعبہ جات کا تعارف پیش کیا۔

بالخصوص شعبہ فیضان گلوبل ریلیف فاؤنڈیشن کے تحت مختلف واقعات میں ہونے والے ریلیف کے کاموں، شجر کاری مہم اور تھیلیسیمیا فری پاکستان کمپین کے حوالے سے بھی بتایا اور عالمی مدنی مرکز فیضان مدینہ کراچی آنے کی دعوت دی۔

حاجی عبد الحبیب عطاری نے راجہ پرویز اشرف کو دین کی خدمت میں اپناحصہ ملانے اور دعوت اسلامی کے دینی کاموں میں ساتھ دینے کی ترغیب دلائی جس پر انہوں نے دعوت اسلامی کی کاوشوں کو سراہا اور نیک خواہشات کا اظہار کرتے ہوئے ہر قسم کے تعاون کی یقین دہانی بھی کروائی۔

دعوتِ اسلامی کے شعبہ اصلاح اعمال (اسلامی بہنوں )کے زیر اہتمام گزشتہ دنوں گلستان جوہر کابینہ میں کابینہ سطح کا ماہانہ مدنی مشورہ منعقد ہواجس میں کابینہ مشاورت کی اسلامی بہن نےشرکت کی ۔

کابینہ ذمہ دار اسلامی بہن نے’’سستی کے نقصانات ‘‘ کے موضوع پر بیان کیااور اسلامی بہنوں کو دینی کام کی اہمیت بتاتےہوئےبر وقت کارکردگی کو بہتر بنانے کا ذہن دیانیز ماہِ ربیع الاول میں منعقد ہونےوالےمحافلِ نعت پر کلام کرتے ہوئے اس کےلئےاہداف دیئے۔

دعوتِ اسلامی کے شعبہ رابطہ برائے شخصیات کے تحت گزشتہ دنوں  لیاقت آباد حسین آباد کابینہ میں سہہ ماہی مدنی مشورہ منعقد ہواجس میں کابینہ تا علاقائی سطح تک کی ذمہ دار اسلامی بہنوں نے شرکت کی۔

زون ذمہ دار اسلامی بہن نے اسلامی بہنوں کومحافلِ نعت کے حوالےسے مدنی پھول دیئےاورشخصیات اجتماعات منعقد کرنے،اداروں میں درس و کورسز کروانےکےحوالےسےنکات بتائے نیزنیک اعمال کے رسائل اور ہفتہ وار رسائل شخصیات میں پڑھوا کر کارکردگی کی انٹری کرنےکا ذہن دیا۔ 

ماہ ربیع الاول کی مبارک گھڑیاں جاری و ساری ہے۔ ماہ ربیع الاول کی مناسبت سے عاشقان میلاد اپنے گھروں، محلوں سمیت دفاتر میں بھی اجتماع میلاد کا انعقاد کرتے ہیں۔

اسی سلسلے میں پاکستان ایسوسی ایشن آف پریس فوٹو گرافر کے تحت دعوت اسلامی کے زیر اہتمام کراچی پریس کلب میں جشن عید میلاد النبی ﷺ کے سلسلے میں اجتماع میلاد کا انعقاد کیا گیاجس میں پرنٹ و الیکٹرونک میڈیا سے وابستہ افراد نے شرکت کی۔

مرکزی مجلس شوریٰ کے رکن حاجی محمد امین عطاری نے سیرت مصطفٰے ﷺ کے موضوع پر سنتوں بھرا بیان فرمایا اور شرکا کو خوب مذہبی جوش و جذبے کے ساتھ ماہ ربیع الاول منانے کا ذہن دیتے ہوئے اپنے شعبے میں دینی کام کرنے کی ترغیب دلائی۔

پچھلے دنوں نیشنل پریس کلب اسلام آباد کے جنرل سیکرٹری انور رضا نے مدنی مرکزفیضان ِمدینہ اور جامعۃ المدینہ  اسلام آبادکا وزٹ کیا جہاں ذمہ داران نے انہیں دعوتِ اسلامی کےمختلف شعبہ جات کا تعارف پیش کیا۔

جنرل سیکرٹری نے دعوتِ اسلامی کی کاوشوں کو سراہتے ہوئے اظہار مسرت کیا،اس دوران رکن شعبہ و رکنِ پنڈی اسلام آباد زون ابوبکرعطاری مدنی بھی موجود تھے۔ (رپورٹ: اسرار عطاری میڈیا ڈیپارٹمنٹ آفس ذمہ دار ،کانٹینٹ:غیاث الدین عطاری)