دعوتِ  اسلامی کے شعبہ دار المدینہ کے زیر اہتمام گزشتہ دنوں کراچی دار المدینہ ملیر کیمپس میں سنتوں بھرے تربیتی اجتماع کا انعقاد ہوا جس میں کم و بیش 18 ٹیچرز اسلامی بہنوں نے شرکت کی۔

کابینہ نگران اسلامی بہن نے تربیت کے مدنی پھول دیتے ہوئے ’’ایک اُستاد کو کیسا ہونا چاہئے؟‘‘ کے موضوع پر سنتوں بھرا بیان کیا اور بطور معلم خوف خُدا کے ساتھ تدریس کرنے، طلباء میں خوفِ خدا پیدا کرنے، اپنی اخلاقی تربیت کرنے کے ساتھ ساتھ طلبا کی بھی اخلاقی تربیت کرنےکا ذہن دیا۔

اس کے علاوہ غيبتوں، چغلیوں سے خود کو اور طلبا دونوں کو اپنا دامن بچانے کا ذہن دیا نیز حقوق العباد کی پاسداری کرتے ہوئے گھر میں بھی عاجزی و انکساری کا پیکر بننے کا درس دیا۔ ساتھ ہی مدنی مقصد کےتحت اپنی اصلاح اور نیک بننے کے لئے نیک اعمال کے رسالہ کے ذریعے اپنا جائزہ کرنے کی ترغیب دلائی جس پر اسلامی بہنوں نے اچھی اچھی نیتوں کا اظہار کیا۔