4 جون    2024ء کو عاشقانِ رسول کی دینی تحریک دعوتِ اسلامی کے تحت شعبہ مدرسۃ المدینہ بالغات کی ذمہ داران کا آن لائن مدنی مشورہ منعقد ہوا جس میں ملک، صوبہ، ڈویژن سطح کی مدرسۃ المدینہ بالغات ذمہ داران، کراچی سٹی سے ڈسٹرکٹ اور اسلام آباد سٹی سے زون سطح کی فنانس ڈیپارٹمنٹ ذمہ داران اور پاکستان مجلسِ مشاورت کی اسلامی بہنیں شریک ہوئیں۔

نگرانِ پاکستان مجلس مشاورت نے ” تنظیمی اصولوں پر عمل کے فوائد “ کے موضوع پر بیان کیا اور وہاں موجود اسلامی بہنوں کی مختلف امور پر رہنمائی کی۔

نگرانِ پاکستان مجلسِ مشاورت نے فنانس ڈیپارٹمنٹ گرلز کی ماہانہ و متفرق کارکردگیوں کا جائزہ لیتے ہوئے ذمہ دار اسلامی بہنوں کو تقرری مکمل کرنے کے حوالے سے ترغیب دلائی۔

علاوہ ازیں شعبے کے سالانہ اہداف کا جائزہ بھی لیا گیا اور آئندہ کے اہداف پر کلام ہوا جبکہ نمایاں کارکردگی پر اسلامی بہنوں کی حوصلہ افزائی کی گئی۔