دعوتِ اسلامی کے دینی کاموں کی دھومیں  مچانے کے جذبے کے تحت 24 فروری 2022ء بروز جمعرات بریڈ فورڑ ریجن میں اصلاحِ اعمال اجتماع منعقدکیا گیا جس میں مانچسٹر اور بریڈ فورڑ کی شعبہ اصلاح اعمال ذمہ دار اور مذکورہ شہروں کی عاملات نیک اعمال کے ساتھ ساتھ ملک سطح پر دیگر شعبہ جات کی 100 سے زائد اسلامی بہنوں نے شرکت کی۔

شعبہ اصلاح اعمال پر مقرر رکن عالمی مجلس مشاورت ذمہ دار اسلامی بہن نے ’’جنت کی تیاری ‘‘ کے موضوع پر سنتوں بھرا بیان کیا اور آخرت کی تیاری کا ذہن دیتے ہوئے اپنے شب و روز کو نیک اعمال کے مطابق گزارنے کا ذہن دیا۔ اس کے ساتھ ساتھ جائزہ کی اہمیت بیان کرتے ہوئے روزانہ اپنے اعمال کا جائزہ لینے کی ترغیب بھی دلائی جس پر اسلامی بہنوں نے اچھی اچھی نیتوں کا اظہار کیا ۔