ڈربن (Durban) سٹی ساؤتھ افریقہ کے Durban Exhibition Centreمیں پچھلے دنوں دعوتِ اسلامی کے زیر اہتمام عظیم الشان سنتوں بھرے اجتماع کا انعقاد کیا گیا جس میں ہزاروں کی تعداد میں صوبہ ناٹال کے شہروں سمیت ساؤتھ افریقہ کے مختلف علاقوں سے بس اور دیگر ذرائع سے سفر کرتے ہوئےبزنس کمیونٹی، مختلف شعبہ جات سے تعلق رکھنے والے عاشقانِ رسول، جامعۃ المدینہ ومدرسۃا لمدینہ کے اساتذۂ وطلبائے کرام اور ان کے سرپرستوں نے شرکت کی جبکہ علمائےکرام،اراکینِ شوری، مبلغین اور ذمہ داران دعوتِ اسلامی بھی موجود تھے نیز پردے میں رہتے ہوئے ہزاروں کی تعداد میں اسلامی بہنیں بھی موجود تھیں۔

سنتوں بھرےاجتماع کاباقاعدہ آغاز تلاوتِ قرآنِ پاک و نعتِ رسول مقبول صلَّی اللہ علیہ واٰلہٖ وسلَّم سے ہوا جس میں رکن شوریٰ مولانا حاجی عبد الحبیب عطاری نے کلام پڑھا۔

اجتماع میں ملک پاکستان سے تشریف لائے ہوئے دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیااور شرکا ئے اجتماع کو گھریلو لڑائی جھگڑوں سے بچتے ہوئے اپنے گھر میں دینی ماحول بنانے اور نیک اعمال کرنے کا ذہن دیا۔ دورانِ بیان نگرانِ شوریٰ نے عفوو درگزر سے کام لینے اور ایک دوسرے کو معاف کرنے کی ترغیب دلائی۔

اختتام پر صلوة وسلام پڑھاگیا جبکہ شرکائے اجتماع نے نگرانِ شوریٰ اور اراکینِ شوریٰ سے ملاقات بھی کی۔