دعوت اسلامی کے زیر اہتمام پچھلے دنوں ڈویژن نگران محمد اویس عطاری نے ٹھل سٹی ڈسٹرکٹ جیکب آباد سندھ کا دورہ کیا جہاں مقامی اسلامی بھائیوں سے ملاقات کی اور نیکی کی دعوت دیتے ہوئے مقصد زندگی کے موضوع پر بیان کیا جبکہ حاضرین کو 7 دن کے فیضان نماز کورس میں داخلہ لینے کا ذہن دیا ۔(رپورٹ: قاری عرفان عطاری مدرس مدرسہ المدینہ دعوت اسلامی)

دعوت اسلامی کی مرکزی مجلس شوریٰ کے رکن مولانا حاجی ابو ماجد محمد شاہد عطاری مدنی نے کراچی کے علاقے بلدیہ ٹاؤن میں شیخ الحدیث و استاذالعلماء مفتی محمد  فاروق غزالوی خاصخیلی صاحب دَامَتْ بَرَکَاتُہُمُ الْعَالِیَہ کی رہائش گاہ جاکر ان سے ملاقات کی۔

رکن شوریٰ نے انہیں دعوت اسلامی کی علمی خدمات کے متعلق آگاہی فراہم کی اور دعوت اسلامی کے ساتھ ہر ممکنہ تعاون کرنے کی درخواست کی جس پر مفتی صاحب نے تعاون کرنے کی یقین دہانی بھی کروائی۔

دعوت اسلامی کے زیر اہتام 11جنوری2021ء بروز پیر رکن شوری حاجی محمد امین عطاری نے رچنا ٹاؤن شاہدرہ لاہور کا وزٹ کیا جہاں جامع مسجد یارسول اللہ میں بیان فرمایا اور حاضرین کو سلسلہ عالیہ قادریہ میں داخل کرتے ہوئے ملاقات سے نوازا۔

بعد ازاں رکن شوری، حاجی محمد اجمل کے گھر تشریف لائے اور اسلامی بھائیوں کی تربیت کرتے ہوئے مفید مدنی پھولوں سے نوازا اور دینی کام کرتے رہنے کا ذہن دیا۔

رکن شوری نے اس دوران شعبہ تحفظ اوراق مقدسہ کے مدنی کاموں کا بار بار ذکر فرمایا اور باب المدینہ کراچی میں رکن شوری حاجی محمد شاہد عطاری مدنی و نگران مجلس شعبہ تحفظ اوراق مقدسہ حاجی محمد شاہ نواز عطاری کی جانب سے پیش کی جانے والی شعبہ تحفظ اوراق مقدسہ کی کارکردگی کو سراتے ہوئے انتہائی خوشی کا اظہار فرمایا نیز رکن شوری نے اس مدنی کام کی اہمیت کے پیش نظر اس کو بھر پور انداز میں کرتے رہنے کا ذہن دیا۔(رپورٹ:محمد ناصر عطاری رکن کابینہ شعبہ تحفظ اوراق مقدسہ شاہدرہ مریدکے کابینہ لاہور)

شام کے شہر دمشق سے تشریف لائے ہوئے شیخ المشائخ عبد العزیز الخطیب قادری صاحب حَفِظَہُ اللہ کی عالمی مدنی مرکز فیضان مدینہ کراچی تشریف آوری ہوئی۔ شیخ عبد العزیزصاحب نے فیضان مدینہ میں قائم اسلامک ریسرچ سینٹر، جامعۃ المدینہ سمیت مختلف شعبہ جات کا وزٹ کیا اور دورۃ الحدیث شریف میں طلبائے کے درمیان خطاب فرمایا۔آپ نے دورہ الحدیث شریف کے طلبائے کرام کو سند حدیث کی اجازت بھی عطا فرمائی۔

شیخ عبد العزیز صاحب نے دعوت اسلامی کی دینی کاوشوں کو خوب سراہا اور نیک خواہشات کا اظہار کیا۔

دعوت اسلامی کی مجلس  مدنی بستہ کے ریجن ذمہ دار شکیل حسین عطار ی نے09جنوری2021ء بروز  ہفتہ ننکانہ واربرٹن میں قائم مدنی بستہ کا وزٹ کیا۔

جہاں آپ نے مدنی بستہ پر خدمت سر انجام دینے والے اسلا می بھائی اور مدنی بستہ ذمہ دران سے اہداف طے کئےاور ان اہداف کو پورا کرنے کی بھرپور کوشش کرنے کا ذہن دیاجبکہ رکن شوریٰ سے ہدف آمدن میں 26 فیصد اضافہ پر ریجن ذمہ دار نے مدنی بستہ ذمہ دران سے کلام کیا اور سابقہ ماہ کی کارکردگی کا جائزہ لیتے ہوئے شعبے کی اپڈیٹس کے حوالے سے تربیت کی اور شعبے کے نظام پر مدنی پھول دیئے۔ اس موقع پر مبلغ دعوت اسلامی نے حاضرین کی صدقے کے فضائل پر ذہن سازی کی ۔ (رپورٹ:غلام جیلانی عطاری مفتش مجلس مدنی بستہ )

دعوت اسلامی کے عالمی مدنی مرکز فیضان مدینہ کراچی میں قائم علمی و تحقیقی شعبہ اسلامک ریسرچ سینٹر (المدینۃ العلمیہ) میں 9 جنوری 2020ء کو مدنی مشورہ ہوا جس میں ناظم اسلامک ریسرچ سینٹر محمد آصف خان عطاری مدنی، اراکین مجلس اور ادارے کے تمام علمائے کرام نے شرکت کی۔

مدنی مشورے میں رکن شوریٰ حاجی ابو ماجد محمد شاہد عطاری مدنی نے آرٹیکل اور مقالہ لکھنے کے حوالے سے گفتگو کی۔ اس حوالے سے رکن شوریٰ کا کہنا تھا کہ اِنْ شَآءَ اللہ عَزَّ وَجَلَّ ہم 10 فروری 2021ء سے اس کا باقاعدہ آغاز کرنے جارہے ہیں جس میں المدینۃ العلمیہ کے تمام اسلامی بھائی آرٹیکل اور مقالہ جات لکھ کر حصہ لے سکیں گے، اسلامک ریسرچ سینٹر کی جانب سے شائع ہونے والے آٹیکل اور مقالے کو دعوت اسلامی کی آفیشل ویب سائٹ اور سوشل میڈیا کے پیجزسمیت مختلف ویب سائٹ پر بھی اپلوڈ کیا جائیگا۔ اسلامک ریسرچ سینٹر (المدینۃ العلمیہ) حکومتی سطح پرہونے والے سالانہ آرٹیکل مقابلے میں بھی حصہ لینے کے لئے اقدامات کرے گی۔

مدنی مشورے کے شرکا نے مقالہ جات لکھنے کے حوالے سے اپنے اپنے خیالات کا اظہار کیااور اسلامک ریسرچ سینٹر کا آفیشل ویب سائٹ بنانے پر کلام کیا۔

09جنوری2021ء بروز  ہفتہ نگرانِ مجلسِ اجارہ سید اسد عطاری نے فیضان مدینہ آفنڈی ٹاؤن حیدر آباد زون میں مجلس اجارہ حیدر آباد ریجن کا ماہانہ مدنی مشورہ کیا جس میں ریجن اجارہ ذمہ دار اشرف مدنی نے جدول بنانے کی اہمیت پر بیان کیا جبکہ نگران مجلس اجارہ سید اسد عطاری نے ڈیجیٹل دعوت اسلامی اورڈیجیٹل مجلس اجارہ کے بارے میں اسلامی بھائیوں کو آگاہ کیا۔

اس موقع پر ذمہ داران دعوت اسلامی نے شرکا ئے مشورہ سے تجدید اجارہ 2021 کی کارکردگی ،دسمبر کے مہینے میں نیو اور متبادل آسامیوں پر ہونے والی بھرتیوں ،معذرت،مستعفی،شکایت تجاویز(فیڈبیک)،تبادلوں،مستقل ،آزمائشی اجیر،اجیروں کی جانب سے سیلری سے کٹنے والی ٹیلی تھون کی رقم اور دسمبری کی سیلری کی ادائیگی جیسے کئی امور کلام کرتے ہوئے الاؤنسز کی ادائیگی کا جائزہ لیا۔(رپورٹ: محمد مبین عطاری مدنی مجلس کارکردگی ذمہ دارمجلس اجارہ پاکستان)

دعوت اسلامی کی  مجلس تحفظ اوراق مقدسہ کے تحت 9 جنوری 2021 ء بروز  ہفتہ شاہ رکن عالم کالونی ریسکیو آفس جنرل بس اسٹینڈ ملتان کا عبدالحمید عطاری معاون ریجن ذمہ دار مجلس تحفظ اوراق مقدسہ نے وزٹ کیا جہاں اہل علاقہ کے ساتھ مل کر شہر میں مقدس اوراق کے تحفظ کیلیے نئے باکسز لگا نے کا اہتمام کیا۔

اس موقع پر مبلغ دعوت اسلامی نے شہر کے مختلف شخصیات سے ملاقاتیں کیں۔ ملاقات میں مبلغ دعوت اسلامی نے شخصیات کو دعوت اسلامی کی دینی و فلاحی خدمات سے آگاہ کرتے ہوئے شعبہ اوراق مقدسہ کا تعارف کروایا نیز نیکی کی دعوت دیتے ہوئے ہفتہ وار اجتماع اور ہفتہ وار مدنی مذاکرے میں شرکت کا ذہن دیا ۔

دعوت اسلامی  کی مجلس کفن دفن کے تحت10جنوری 2021 بروز اتوار نیو کراچی عثمانیہ مسجد میں مدنی حلقے کا سلسلہ ہوا جس میں ڈویژن ذمہ دار اور علاقہ ذمہ دار سمیت اہل علاقہ نے شرکت کی ۔

مبلغ دعوت اسلامی عزیر عطاری رکن مجلس فیضان مدینہ نے حاضرین کے درمیان مسلمان جنازے کو غسل دینے کے فضائل اور اہمیت کے موضوع پر بیان کرتے ہوئے مجلس کفن دفن کا تعارف پیش کیااور مسلمان میت کو غسل دینے کا عملی طریقہ سکھایا جبکہ کفن ،دفن اور قبر کے شرعی مسائل سے آگاہ کیا ۔

دعوت اسلامی کی مجلس شعبہ حج و عمرہ کے زیر اہتمام 8 جنوری 2021 ء بروز فیضان مدینہ فیصل آباد میں  ہفتہ وار تربیتی حلقہ ہوا جس میں طلباء کرام نے شرکت کی۔ مبلغ دعوت اسلامی الحاج قاری محمد شوکت عطاری نگران شعبہ حج و عمرہ نے حج کے ایام اور مقامات پر کلام کیا۔ (رپورٹ:رکن زون عبدالرزاق عطاری)

فرمانِ امیر اہل ِسنت  دَامَتْ بَرَکَاتُہُمُ الْعَالِیَہ ملنساری اِفرادی کوشش کی رُوح ہے کے جذبے کے تحت ماہ دسمبر 2020ء میں اسلامی بہنوں کی مجلس ازدیادِ حب کے زیر اہتمام یوکے کی لندن، برمنگھم، بریڈ فورڈ اور مانچسٹر (London, Birmingham, Bradford and Manchester) ریجنز کی ذمہ داراسلامی بہنوں کی جانب سے61 ایسی اسلامی بہنوں سے رابطہ کیا گیا جو پہلے رابطے میں تھیں مگر کچھ عرصے سے دینی ماحول سے دور تھیں۔

ان میں سے 35 اسلامی بہنوں نے ہفتہ وار سنتوں بھرے اجتماع میں شرکت کی، 28 اسلامی بہنوں نے ہفتہ وار مدنی مذاکرہ میں شرکت کی سعادت حاصل کی، 7اسلامی بہن نے مدرسۃ المدینہ میں پڑھا/ پڑھوایا، 8اسلامی بہن نے شارٹ کورس کیا/ کروایا، 16 اسلامی بہنوں نے ہفتہ وار رسالہ پڑھا /نیک اعمال کا رسالہ جمع کروایا۔ 

اسلامی بہنوں کی مجلس شارٹ کورسز کے زیراہتمام 11،12 اور 14 جنوری2021ء سے برمنگھم ریجن سینٹرل برمنگھم( Central Birmingham ) میں کورس بنام ”بیٹی کا کردار“ کا انعقادہونے جا رہا ہے ۔

یہ کورس 3 دن پر مشتمل ہو گا ۔ کورس کا دورانیہ1 گھنٹہ (یعنی 60 منٹ ) ہو گا ۔

اس کورس میں اسلام سے پہلے عورتوں کا مقام، بیٹی کی پرورش و تعلیم و تربیت کے اصول، بچپن کی سادگی، بیٹی کی سلیقہ شعاری و ہنر مندی ، شرم و حیا،زینت کا بیان ،Self-protection نیز اس کے علاوہ بھی بہت کچھ سیکھنے کا موقع ملے گا۔

داخلہ کے لئے اسلامی بہنیں اس ای میل آئی ڈی پر رابطہ فرمائیں۔

birminghamregion26@gmail.com