ہر ہفتے کی طرح آج رات  8:30 بجےمدنی چینل پر براہ راست ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔


21نومبر 2020ء  کی شب عالمی مدنی مرکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں عاشقان رسول نے شرکت کی۔

مدنی مذاکرے میں عاشقان رسول کی جانب سے کئے گئے سوال (میت کےایصالِ ثواب کے لیے قرآنِ کریم پڑھنے کا سلسلہ کب سے شروع ہوا؟ ) کہ جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہ انصار صحابۂ کرام علیہم الرضوان کا یہ عمل تھا کہ فوت ہونے والے کی قبر پر جا کرقرآنِ کریم پڑھتے تھے، امام شافعی رَحْمَۃُ اللہِ عَلَیْہ حضرت لیث بن سعدرَحْمَۃُ اللہِ عَلَیْہ کے مزار پرجاکر قر آنِ کریم ختم فرمایاکرتے تھے۔

مدنی مذاکرے کے چند مدنی پھول ملاحظہ کیجئے

سوال:جُوتے چوری ہوجائیں تو کیا کریں؟

جواب:صبر کریں، ننگے پاؤں گھر چلے جائیں، ذہن بنائیں کہ اس نقصان ہونے میں بھی کوئی حکمتِ الٰہی ہوگی۔

سوال:اگر بچہ/بچی فوت ہوگئےاور ان کا عقیقہ نہ کیاہواہوتوکیابعد میں عقیقہ ہوسکتا ہے؟

جواب: نہیں ہوسکتا۔

سوال:نقشبندی سلسلہ کس سے ملتا ہے ؟

جواب: نقشبندی سلسلے کی نسبت حضر تِ بہاؤ الدین نقشبندرَحْمَۃُ اللہِ عَلَیْہ سے ہے مگر یہ آگے جا کر حضرت صدیق اکبررَضیَ اللہ ُعَنْہُ سے مل جاتا ہے ۔

سوال: اَفْضَلُ الْبَشَر بَعْدَ الْاَنبِیَاء(انبیائے کرام کے بعد سب سے زیادہ فضیلت رکھنے والے) کن کا لقب ہے ؟

جواب حضرت ابوبکرصدیق رضی اللہ عنہ۔

سوال: بچہ شرارت کرے تو اس سے یہ کہنا کہ" وعدہ کرو کہ آئندہ ایسے نہیں کروگے؟

جواب: وعدہ اورقسم کیا ہوتی ہےیہ بچہ نہیں سمجھتا بلکہ جس چیز کو پسند کرتا ہے،اس کے بارے میں کہناچاہیئے مثلاًآئندہ ایسی شرارت کی توپھرمیرے پاس ٹافی لینے نہ آنا،یوں اس کی اِ صلاح ہوگی ،یہ نہ کہا جائے کہ آئندہ شرارت کی تو ٹافی نہیں دُوں گا کیونکہ دینا تو پڑے گی، یادرہے!ڈرانے کے لیے جھوٹ نہیں بول سکتے،شرعاًاس کی اجازت نہیں ۔

سوال:بغیر بے ہوش کئے آپریشن ہو تو کیا پڑھنا چاہیے؟

جواب: کلمہ شریف،دُرودِ پاک پڑھتا رہے، اللہ اللہ کرتا رہے، تندرستی میں بھی کلمہ دُرودکی عادت بنائیے تاکہ مشکل وقت بالخصوص نزع کے وقت(یعنی روح نکلنے کے وقت) کلمہ شریف اوردُرودِ پاک زبان پرجاری ہوجائے۔

سوال: بجلی(Electric) کا کام کرتے ہوئے یا بجلی کے آلات کو ہاتھ لگاتے ہوئے کیا احتیاط کی جائے؟

جواب:گیلے ہاتھ سے بجلی کے آلات(Electrical Equipment) کو نہ چُھوئیں، بارش کے دنوں میں زیادہ خیال رکھیں کیونکہ بجلی کے تار گیلے ہونے سے ان سےکرنٹ لگ سکتا ہے، عموماً جلد بازی اور بے احتیاطی میں کرنٹ لگ جاتا ہے۔

سوال: چیز لینے اوردینے والے کو کیا پڑھنا چاہیے؟

جواب: دونوں بِسْمِ اللّٰہِ الرَّحْمٰنِ الرَّحِیْم پڑھا کریں۔

سوال: آپ نےاپنی کتاب’’ فیضانِ سنت‘‘ کیسے لکھنا شروع کی ؟

جواب: جب میں نے شجرۂ قادریہ کو مرتب کیا تو اس کے ساتھ سنتیں لکھ کر شامل کرنے کا ارادہ کیا، مگر جمع ہوتے ہوتے کافی زیادہ ہوگئیں تو کتاب ’’فیضانِ سنت‘‘ لکھ کر ترتیب دے دی۔

سوال: نماز کے لیے کون سا لباس پہننا چاہیے۔

جواب:ایسا سنتوں بھرا لباس پہنا جائے جو علماء اور شریف لوگ پہنتے ہیں ۔

سوال: پڑوسی تکلیف دے تو کیا کریں؟

جواب: لڑائی نہ کریں بلکہ صبر کریں ، بعض اوقات چھوٹے چھوٹے مسائل کی وجہ سے پڑوسی آپس میں لڑرہے ہوتے ہیں۔ پڑوسی اور دیگر مسلمانوں سے اپنی طاقت کا مظاہرہ کرنابہت بُرا ہے، بے جذباتی پن اورغصے میں آجانا ، دل آزاریوں اور بڑے گناہوں کا باعث ہوتاہے۔

سوال:گناہ کے کیا نقصانات ہیں ؟

جواب:اللہ پاک کی ناراضی اورجہنم میں جھونک دئیے جانے کے اسباب ہیں ۔

سوال:سمجھانے والے کے لیے کچھ احتیاطیں ارشادفرمادیجئے؟

جواب: نصیحت کرنے کا اندازنرم(Soft)ہونا چاہیئے،اکیلےمیں نرمی اور ہمدردی سےسمجھایا جائے،کسی کو رُسوا ( Degrade)کرنے والا انداز نہ ہو۔

سوال: اِس ہفتے کارِسالہ” فیضانِ غوثِ اعظم پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

جواب: یا اللہ پاک! جو کوئی 17صفحات کا رسالہ فیضانِ غوثِ اعظم پڑھ یا سُن لےاُس کوہمارے غوثِ اعظم کی سچی محبت اور خصوصی فیضان نصیب فرمااور اسے بے حساب بخش دے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم


14نومبر 2020ء کی شب ہونے والے مدنی مذاکرے کے چند مدنی پھول ملاحظہ فرمائیں:

سوال:مولیٰ مولیٰ کرنےیعنی ذِکرُاللہ کرنے کے بارے میں آپ کیا فرماتے ہیں؟

جواب: مال مال کرنےکے بجائے مولیٰ مولیٰ کرناچاہئے، مولیٰ مولیٰ کرنےسے مال کہیں نہیں جاتا ۔

سوال: کیا سب کو علم دین حاصل کرنا چاہئے ؟

جواب: جی ہاں !حسبِ ضرورت ہرایک کو علم حاصل کرنا ضروری ہے، تاجربھی علمِ دین حاصل نہیں کرےگاتو سُودمیں پڑ سکتاہے۔

سوال: آپ کے رضاعی پوتے حسن رضا عطاری کے رونےکاکیا واقعہ ہوا؟

جواب:حسن رضا عطاری کےقاری صاحب بذریعہ فون انہیں مدنی قاعدہ پڑھاتے ہیں ،جمعرات کو انہیں فیضانِ مدینہ آنا تھا، اس لیے وقفہ کیا تو یہ رونے لگے کہ مجھے ابھی مدنی قاعدہ پڑھناہے،پھرانھوں نے حسن رضا کو پڑھادیا۔

سوال:اللہ پاک کے آخری نبی،مکی مدنی صلَّی اللہ علیہ واٰلہٖ وسلَّم جَامِعُ الْکَلم تھے ،اس سے کیامرادہے ؟

جواب: مختصرالفاظ میں کئی مضامین اورمعانی سمودینےکو جَامِعُ الْکَلم کہتے ہیں ،یہ ہمارے پیارے نبی،مکی مدنی صلَّی اللہُ عَلَیْہِ وَسَلَّم کا معجزہ ہے، جَامِعُ الْکَلم کی مثال یہ حدیث پاک بھی ہے کہ الْمُسْلِمُ مَنْ سَلِمَ الْمُسْلِمُونَ مِنْ لِسَانِهٖ وَيَدِهٖ یعنی (کامل)مسلمان وہ ہے کہ جس کی زبان اور ہاتھ سےکسی کو تکلیف نہ پہنچے۔(سنن نسائی ،رقم، 4998)

سوال: جوسونا(Gold) اورمال قبرمیں ساتھ لےجانا چاہتےہیں ،وہ کیا کریں؟

جواب:وہ اپناسونا(Gold)اورمال راہِ خدامیں دے دیں،اِنْ شاۤءَاللہ یہ قبراورقیامت میں کام آئے گا،اپنے مال کو راہِ خدامیں دینے میں اپنی بھلائی ہے۔

سوال:جوبیرونِ ملک ہیں اوراپنےملک میں ان کا گھرخالی پڑاہواہے،آپ انہیں کیا مشورہ دیتےہیں ؟

جواب:انہیں چاہئے کہ اسے راہِ خدامیں دے دیں ،اِنْ شَآءَ اللہ عَزَّ وَجَلَّ آخرت میں اس کا اجرپائیں گے،جنت میں گھر ملےگا۔یااللہ !جواپنا گھردعوتِ اسلامی کو دے دے،راہِ خدامیں وقف کردے اُسے جنت میں اپنے محبوب صلَّی اللہُ عَلیہِ واٰلہٖ وسلَّم کے پڑوس میں عالیشان گھرعطافرما۔

سوال:اِس ہفتے کارِسالہ”سیٹی بجانےکے احکام پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یااللہ پاک! جو کوئی 16صفحات کا رسالہ ” سیٹی بجانےکے احکام “ پڑھ یا سُن لےاُسے دِینی مسائل کی سمجھ بُوجھ عطافرمااوراس کی بے حساب مغفرت فرمادے۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم


7نومبر 2020ء  کی شب بھی عالمی مدنی مرکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں عاشقان رسول نے شرکت کی۔

مدنی مذاکرے میں عاشقان رسول کی جانب سے کئے گئے سوال (جوکھانا بچ جاتاہے،کیا وہ دوبارہ استعمال کرنا چاہئے ؟) کے جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہ جی ہاں ! ایک قطرہ بلکہ آدھا قطرہ ،ایک دانہ بلکہ اس کا چوتھائی حصہ بھی ضائع نہ ہونے پائے ،کوشش کریں کہ پاپے(رس) کاایک ذرّہ بھی نہ گِرے ،گِرجائے تو چُن کرکھا لیں ،سبزی اورپھل کاٹتے ہوئے کوئی حصہ ضائع نہ کریں ،اِسراف سے بچنے کی کوشش کریں، اس کے لیے اپناذہن بنانا ہوگا۔

سوال:کیا جنّ بھی علم حاصل کرتے ہیں اورانہیں بھی مفتی صاحب کی ضرورت ہوتی ہے؟

جواب:جی ہاں !امام نجمُ الدین عمرنسفی رحمۃ اللہ علیہمفتیِ ثقلین یعنی جنّ وانسان کےمفتی تھے۔

سوال:صدقہ کس طرح اداکریں کہ بیماری دُورہو؟

جواب:جان کا صدقہ یعنی جانورذبح کیا جائے مثلاً مرغی یا بکراذبح کیاجائے،صدقے کے ذریعے بیماری کا علاج کرنا چاہئےاورجان کا صدقہ دینےسے زیادہ فائدہ ہوتاہے۔

سوال: کیا مصیبت آنےسے گناہ معاف ہوتےہیں ؟

جواب: نیک لوگوں کے لیے مصیبت گناہوں کی معافی کا سبب ہوتی ہے جبکہ بُرےلوگوں کے لیے مصیبت معصیت یعنی گناہ کےساتھ آتی ہے کہ یہ شکوہ وشکایت اوربےصبری کرکے گناہ گارہوتے ہیں ۔

سوال:بزرگی اورمالداری کس سے ہے ؟

جواب: بزرگی علم وعقل سے ہے عمرسےنہیں یعنی جوان عالم ،بے علم بوڑھے کے مقابلے میں بزرگ ہے،مالداری مال سے نہیں دل کی سخاوت کےساتھ ہے،اللہ پاک کی بارگاہ میں دل دیکھاجاتاہے مال نہیں ۔

سوال: ایساکیا کرنا چاہئے کہ بچے نمازکی طرف مائل ہوں ؟

جواب:بچوں کو نمازی بنانےکا ایک بہترین طریقہ یہ کہ زیادہ سے زیادہ نفل گھر میں پڑھے جائیں،ایک طریقہ یہ بھی ہے کہ بچوں کو کوئی تحفہ وغیرہ دے کر نماز کی طرف مائل کیا جائے جیسے کہ ایک بزرگ بچوں سے کہا کرتے تھے کہ جونمازپڑھے گا میں اسے اخروٹ دوں گا ۔

سوال:جنّتیوں کی جنت میں کتنی عمرہوگی ؟

جواب:30سال۔

سوال:وہ کون سے بزرگ ہیں جو روزانہ علماء کو جمع کرکے موت کاتذکرہ سنتےاورروتےتھے ؟

جواب:تابعی بزرگ حضرت عمربن عبدالعزیزرضی اللہ عنہ۔

سوال:اِس ہفتے کارِسالہ”اچھی نیت کی برکت پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یااللہ پاک! جو کوئی 21 صفحات کا رسالہ ”اچھی نیت کی برکت “ پڑھ یا سُن لے،اُس کے سارے نیک اعمال اپنی بارگاہ میں قبول فرما اور اس کو جنت الفردوس میں اپنے پیارے پیارے آخری نبی صلَّی اللہ علیہ واٰلہٖ وسلَّم کا پڑوسی بنا۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہ وسلَّم


ہر ہفتے کی طرح آج 07 نومبر  2020ء کو ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔


ہر ہفتے کی طرح 17 اکتوبر2020ء کی شب بھی عالمی مدنی مرکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں عاشقان رسول نے شرکت کی۔

مدنی مذاکرے میں عاشقان رسول کی جانب سے کئے گئے سوال (عاشقانِ میلاد ،ایامِ میلاد شروع ہونے پر کیاکریں اور کیسےگزاریں ؟ ) کے جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہ ماہ ِمیلاد کاآغازہونا خوشخبری ہے کہ یہ خوشیوں کامہینا ہے،اس خوشخبری پرسجدہ ٔ شکراداکیاجائے،ہوسکےتو شکرانےکے2نوافل اداکرے،یہ ذکرودُرُود کی کثرت کرنے،نعتیں پڑھنے اورنمازوں کی پابندی کرنے کا مہینا ہے، نمازیاجماعت میں سستی ہےتو اس سستی کودُورکیا جائے،داڑھی نہیں رکھی تو ایک مٹھی داڑھی سجالی جائے ،اگرمنڈوائی یا ایک مٹھی سےگھٹائی ہے توتوبہ بھی کی جائے ،سنتوں پرعمل کرنے کا ذہن بنایا جائے،سنتوں کےمطابق سادہ لباس پہنا جائے اورسادگی اپنا ئی جائے۔

مدنی مذاکرے کے چند مدنی پھول ملاحظہ کیجئے

سوال: انسان کے حالات بدلتےرہتےہیں، اللہ پاک کی رحمت سے مایوس ہونا کیسا؟

جواب: اللہ پاک کی رحمت سے مایوس نہیں ہوناچاہئے ،اپناذہن بنائیےکہ اللہ پاک نے مجھے فُلاں فُلاں نعمتیں عطافرمائی ہیں ، انسان کے تمام اعضاء انمول ہیں ،یہ کتنے زیادہ قیمتی ہیں ،اگرفلاں نعمت نہیں ملی تو کیا ہوا،اگرکوئی دعاقبول نہیں ہوئی توفُلاں فُلاں دعاقبول بھی توہوئی ہے ۔اس طرح ذہن بنانے سے مایوسی دُورہوگی ، رکھ مولاتے آس(اللہ پاک پر اُمیدرکھیں )،مزیدیہ بھی ذہن بنایا جائے کہ اگرکوئی دعاقبول نہیں ہوئی ،کوئی چیز نہیں ملی تو اس میں کوئی مصلحت (حکمت) ہوگی ،نہ ملنےمیں ہماراہی فائدہ ہوگا۔

سوال:اگرکوئی بازارمیں ٹھیّہ لگاتاہواوراس کی خواہش ہو کہ اُسے دکان مل جائے،اس کے لیے کوئی وظیفہ ارشاد فرمادیجئے۔

جواب:ضرورت نہ ہوتوحرص کی وجہ سے زیادہ مال کی خواہش اچھی نہیں ،نیکیوں کی حرص ہونی چاہئے ،جتنی نیکیاں زیادہ ہوں گی تو فائدہ زیادہ ہے،کوئی حسدبھی نہیں کرے گا، جتنامال زیادہ ،خطرہ بھی زیادہ،لوگ حسدبھی کرتےہیں ،مال کے حقوق (زکوۃ وفطرہ کی ادائیگی وغیرہ)میں بھی سستی ہوسکتی ہے۔ وظیفہ:نمازِعشاکےبعد ننگےسراوّل وآخردُرُودشریف ،500سومرتبہ یَا مُسَبِّبَ الْاَسْبَاب پڑھاکریں ،اِنْ شَاء َاللہ نیک حاجت پوری ہوگی ۔

سوال: کروناکی وبا ایک بارپھر سراٹھارہی ہے، کیااذانوں کاسلسلہ پھرشروع کیاجائے؟

جواب: جی ہاں !اذانوں کا سلسلہ دوبارہ شروع کیا جائے،ان شاۤء اللہ کرونا فرارہوجائے گا،کرونا سے بچنے کےSOPs(حفاظتی اقدامات) کا خیال رکھیں، احتیاط شریعت میں اچھی چیزہے،100دواکی اِک دواپرہیزہے۔محتاط آدمی ہمیشہ سکھی رہتاہے،میں بھی کرونا سے بچنے کے لیے طبی قانون کےپیش ِنظر احتیاط کرتاہوں ،یادرکھئے!جس کو کرونا ہوجائےوہ بہت تکلیف میں آجاتاہے ،اللہ کرے دشمن کوبھی کرونا نہ ہو،اللہ پاک ہمیں اس وبا سے محفوظ رکھے۔اٰمین

سوال: عمامہ شریف پر نقش ِ نعلِ پاک لگاکرنمازپڑھنے کے بارے میں آپ کیا فرماتے ہیں؟

جواب: نمازپڑھنےسےپہلےاُتاردیں، کیونکہ جب سجدہ کریں گےتو یہ زمین پر تشریف لے آئے گا۔

سوال: بعض زلفوں کےنام پربال توبڑھالیتےہیں مگرکہیں کہیں سےبال کاٹ بھی لیتےہیں مثلاً کانوں کےقریب کےبال،اسی طرح سرکے اوپر کےبال بھی ہلکےکروالیتےہیں ،تو کیاان کی زلفیں قرارپائیں گی؟

جواب:شیطان بڑافریبی وچالاک ہے،اسی لیے وہ نیک عمل میں دخل اندازی کرتاہے،جس طرح بتایا گیا یہ زلفیں نہیں بلکہ اپنےآپ کو دھوکادینےوالی بات ہے ، مکمل بال رکھیں ،آدھے کان یا پورے کان یااتنے بڑھائیں کہ کندھوں کو چُھولیں ،کندھوں سےنیچے رکھنے کی اجازت نہیں۔

سوال:مریض کا اپنے مرض کی کیفیت بیان کرتے ہوئے مبالغہ کرنے کا کیانقصان ہے؟

جواب:بعض مبالغے تو جھوٹ کی حدتک ہوجاتے ہوں گے ،مزیدڈاکٹرکے پاس جا کراس طرح مبالغہ کرنے سے ڈاکٹردواکا High Dose دیتا ہوگا ،جس کی وجہ سےمریض کو نقصان پہنچنے کااندیشہ ہے ،دردکی دوائیں(Pain Killer Medicine) گُردے(Kidney)پر اثرکرتی اورمعدے کو تباہ کردیتی ہیں ، غیرضروری دواؤں(Medicine) کے نقصانات ہوتے ہیں ،ڈاکٹربھی یہ غیرضروری دوائیں ہرگز نہ لکھ کردیا کریں ۔

سوال: ایمان کی حفاظت کے لیے کیا کریں ؟

جواب:ایمان کی حفاظت کرنا بہت اہم کام ہے ،کفریہ کلمات کی معلومات ہونا بہت ضروری ہے، اس کے لیے مکتبۃ المدینہ کی بہت ہی پیاری کتاب’’کفریہ کلمات کے بارے میں سوال جواب‘‘کا اتنا مطالعہ کیجئے کہ یہ زبانی یادہوجائے۔

سوال:سب سے افضل دُرودِ پاک کونسا ہے؟

جواب: دُرودِ ابراہیم(جو نمازمیں پڑھاجاتاہے)۔

سوال:شادی کارڈ میں اللہ ورسول کا نام ہوتاہے، کیا اس کا بھی احترام کرناہوتا ہے ؟

جواب:جی ہاں ! اللہ ورسول کےنام کے احترام کےلیےشادی کارڈ کا بھی احترام کرنا ہوگا۔

سوال:کیا بھول بھی ایک نعمت ہے؟

جواب: کئی ایسی باتیں ہیں جن کو بھول جانانعمت ہے، کسی نے بدسلوکی کی اورہم وہ بدسلوکی بھول جائیں تو اس کاہمیں فائدہ ہوتاہے ورنہ یادرہتی تو ٹینشن ہوتی ۔

سوال:اِس ہفتے کارِسالہ ربیع الاوّل کی خوبیاں پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یاربَّ المصطفٰے! جو کوئی رسالہ ربیع الاوّل کی خوبیاں کے 17 صفحات پڑھ یا سُن لے،اُس کو اِس مبارک مہینے کی برکتوں سے مالا مال فرما اور بے حساب بخش دے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم


ہر سال کی طرح اس سال بھی ربیع الاول کے مدنی مذاکرے کا سلسلہ شروع ہوچکا ہے جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمارہے ہیں۔

ان مدنی مذاکروں میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

واضح رہے کہ 17اکتوبر 2020ء سے شروع ہونے والے مدنی مذاکرے ماہ ربیع الاوّل 1442ھ کی 13ویں شب تک جاری رہیں گے جن کا آغاز روزانہ 8:30 بجے ہوگا۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔


10اکتوبر2020ء کی شب عالمی مدنی مراکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں  عاشقان رسول نے شرکت کی۔

عاشقان رسول کی جانب سے کئے گئے سوال (جلوسِ مِیلادمیں کیا کیا احتیاطیں کرنی چاہئے؟) کے جواب میں امیر اہل سنت علامہ محمد الیاس عطار قادری دامت نے فرمایا کہ جلوسِ مِیلادمیں باوضورہیں ،نعتیں سنیں،نگاہ نیچی رکھیں ،عشق ِرسول میں ڈوب اورگُم ہو کرشرکت کریں،جب جب موقعہ ملےنیکی کی دعوت بھی دیتے جائیں ،اُچھل کودنہیں ہونی چاہئے ،اشتعال انگیزی نہ کی جائے ،پرامن طریقے پر جلوس میلادگزرائیے،عاشقانِ رسول پُرامن رہتے ہیں ، اپنےجلُوس کی حفاظت کریں ،انتظامیہ کے ساتھ تعاوُن کریں ،انہیں بُرابھلانہ کہیں ،اِنْ شَآءَ اللہ عَزَّ وَجَلَّ ان احتیاطوں کے ساتھ جلُوس نکالیں گے تو ہوسکتاہے غیرمسلم اسلام قبول کرلیں۔ایک غیرمسلم نےدعوتِ اسلامی کے جلوس میں مدنی منےکی نیکی کی دعوت سن کر دین اسلام قبول کرلیا تھا ۔

مدنی مذاکرے کے چند مدنی پھول ملاحظہ کیجئے

سوال:ہمدردیِ مُسلِم سے کیا مُرادہے اوریہ کیسے حاصل ہو؟

جواب: مسلمانوں کا بھلاچاہنا،ان کے دکھ درد کو سمجھنا ،ان کی خیرخواہی وہمدردی کرنا ،ان غم گساری وخبرگیری کرنا سب ہمدردیِ مسلم کی صورتیں ہیں ، اس کے کئی ذریعے اور صورتیں ہیں مثلاکوئی مسلمان بھوکا ہو تواُسے کھانا کھلانا ،کپڑوں کی ضرورت ہوتو کپڑے دینا ،کوئی دکھ یا تکلیف یا بیماری ہوتو دعاکرنا ، کوئی مشکل میں ہوتو اُس کی مشکِل دُورکرنا وغیرہ

سوال:ناراض رشتہ دارسے ہمدردی کرنے کا ذہن نہیں بنتا،اس کے بارے میں آپ کیافرماتے ہیں ؟

جواب:اپنے نفس کے لیے ناراضی ہوتو نفس کی مخالفت کرتے ہوئے ہمدردی کرنی چاہئے یادرکھئے !رشتہ دارسے ہمدردی کرنا دوسرں سے ہمدردی کرنے سے افضل ہے اورناراض رشتہ دارسے ہمدردی کرنا تو زیادہ ثواب کا کام ہے۔

سوال: ہم بارہ (12) ربیع الاول کے جلوس میں لوگ کو پانی ،دودھ اورشربت پلاتے ہیں اس میں کیا نیتیں اوراحتیاطیں کرنی چاہئے؟

جواب:اللہ پاک کی رضا کی نیّت سے دُودھ شربت پلایا جائے ،اپنی تعریف کروانے کی نیّت نہ ہو،پلاتے ہوئےاحتیاط کرنی چاہئےکہ اسراف نہ ہو،پانی ہویا شربت یادُودھ کوئی چیز ضائع نہ ہونے پائے ،ناسمجھ یا غیرسنجیدہ لڑکوں کو پلانے کی ذمہ داری دینے کے بجائے سمجھداریہ کام خودکریں،اپنی نگرانی میں دوسروں کوبھی کھڑاکیا جاسکتاہے ،اگرلوگ کچھ بچادیں تو اسے ضائع نہ کریں ،ترکیب سے دوسروں کوپلا دیں اوراس کا خاص خیال رکھیں ،لوگ کھڑے کھڑے پیتے ہیں ،اگرپلاسٹک کے اسٹول یا کرسیاں لگادی جائیں تو لوگ بیٹھ کرپی سکیں گے ،سبیل پر پانی پینے کی سنتیں اورآداب لکھ کرلگادیں ،اس کی وجہ سے لوگ سنت کے مطابق پیں گے اورثواب کا حقدارہوں گے ۔

سوال:اِس ہفتے کارِسالہ شانِ امام احمد رضا “ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا اللہ پاک! جو کوئی 17 صفحات کا رسالہ ”شانِ امام احمد رضا“ پڑھ یا سن لے اُس کو سچا عاشق رسول بنا اور اس کی بے حساب مغفرت فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم


ہر ہفتے کی طرح آج 10 اکتوبر 2020ء کو ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔


3اکتوبر2020ء کی شب عالمی مدنی مراکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر عاشقان رسول نے شرکت کی۔ اس مدنی مذاکرے میں پوچھے گئے سوال  (چھوٹوں پر رَحم کس طرح کیا جائے؟) کے جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہ جو رَحم دِل ہوگا تو قدرتی طور پراسےچھوٹوں پر رَحم آئے گا، اگرچھوٹا کوئی غلطی کرے تو دَرگُزر (معاف)کیاجائے، شفقت کی جائے، ان کو نظر انداز (Ignore)نہ کیا جائے، بار بار نہ ٹوکا جائے۔

آپ دَامَتْ بَرَکَاتُہُمُ الْعَالِیَہ نے مزید فرمایا کہ اگر میری اعلیٰ حضرت رحمۃ اللہ علیہ سے ملاقات ہوتی تو انہیں سلام عرض کرتا، دست بوسی کرتا اور مغفرت کی دعا کرواتا۔

مدنی مذاکرے کے چند مدنی پھول ملاحظہ کیجئے

سوال:فی زمانہ قناعت کی دولت کیسے ملے ؟

جواب: جتنا ملاہے اُ س پر راضی رہئے، دوسروں کے مال پر نظر نہ رکھیے، دوسروں سے امید بھی نہ رکھیے ،مکتبۃ المدینہ کی کتاب ’’نجات دلانے والے اعمال کی معلومات‘‘سے قناعت کے فضائل (صفحہ75) کا مطالعہ کیجئے۔

سوال: کیاایمبولینس(Ambulance) کو راستہ دینا چاہیے؟

جواب: جی بالکل دینا چاہیے، بعض اوقات اس میں مریض ہوتا ہے اور اسے جلد ہسپتال پہنچانا ہوتا ہے، اس کے علاوہ اور بھی کوئی گاڑی ہو تو ایثار کرتے ہوئے اسے جانے دیا تو ایثار کا ثواب ملے گا۔

سوال: گھر والے تکلیف دیں تو کیا کرنا چاہیے؟

جواب:صبر کرنا چاہیے ، گھر والے بدمزاج ہوں تو در گزر کیجئے، اچھے انداز میں سمجھائیے، محبت وشفقت کابرتاؤکیجئے۔

سوال: گھر والے بچوں کو سمجھاتے بھی ہیں لیکن وہ سمجھتے نہیں ،اس کی کیا وجہ ہے ؟

جواب: بعض بچے شریف ہوتے ہیں جو تنگ نہیں کرتے ، لیکن اکثر بچے آزاد خیال ہوتے ہیں وہ نہیں سمجھتے، بچوں کو مدنی چینل(Kids Madani Channel) دکھائیں، اس سے انہیں مدنی پھول ملیں گے۔

سوال: عید ِمیلادُ النبی (صلی اللہ علیہ واٰلہ وسلم)کے موقع پر کس طرح ڈیکوریشن کی جائے ؟

جواب:اس طرح سجاوٹ کریں کہ راستہ تنگ نہ ہو، سڑک وغیرہ کھود کر خراب نہ کی جائے، کسی مسلمان کی دِل آزاری اوراسے تکلیف نہ ہو،سب کچھ عین شریعت کے مطابق کیا جائے۔

سوال: عید ِمیلادُ النبی کے لیے جو چراغاں (Lighting)کیا جاتا ہے،یہ لائٹنگ کب چلائی(On) جائے اور کب بند(Off) کی جائے؟

جواب: جب اندھیرا ہوجائے تو لائٹنگ چلائی جائے اور جب چہل پہل بند ہوجائے ، لوگوں کے سونے کا وقت ہوجائے تو فوراً بند کردی جائے۔

سوال: عشقِ رسول بڑھانے کے لیے کیا کرنا چاہئے ؟

جواب: رسولِ پاک صلَّی اللہ علیہ واٰلہٖ وسلَّم کی خوبیوں کی معلومات حاصل کی جائیں، سیرت کا مطالعہ کیا جائے، درُود و سلام کی خوب کثرت کی جائے، شریعت کے مطابق پڑھی گئی خوش اِلحان نعت خوانوں کی نعتیں سُنی جائیں، اِنْ شَاۤءَ اللہ عشقِ رسول میں اضافہ ہوگا۔

سوال: مدنی انعامات اور محاسبہ کی جگہ کیا الفاظ بولے جائیں؟

جواب:مدنی انعامات کے بجائے اب نیک اعمال اور محاسبہ کے بجائے "جائزہ"کا لفظ طے ہوا ہے۔

سوال: یومِ قفلِ مدینہ کس طرح منایا جائے ؟

جواب:ہرعیسوی (انگریزی)ماہ کی پہلی پیر(1st Monday)کو یومِ قفلِ مدینہ منایا جائے ،اگر ہم فضول اور گناہوں بھری باتوں سے بچ جائیں تو دنیا میں امن قائم ہوجائے، زبان کی وجہ سے بہت مسائل ہوتے ہیں، زبان کو کنٹرول کر نا ضروری ہے ، میں ایامِ قفلِ مدینہ پیر، منگل اور بدھ کو منانے کی نیت کرتا ہوں، مجلس نیک اعمال یوم قفلِ مدینہ اور ایامِ قفلِ مدینہ کی کار کردگی مجھے بھیجے۔

سوال: حضرت عثمانِ غنی رضی اللہ عنہ کا یومِ شہادت کیا ہے ؟

جواب: 18 ذوالحجة الحر ام ۔

سوال: آپ کا پہلا سفرِ مدینہ کب ہوا؟

جواب: میں نے 1980 میں مدینے شریف کا پہلاسفر اپنے ملک(پاکستان) سے براہِ راست کیا تھا۔

سوال:امیراہل سُنّت دَامَتْ بَرَکاتُہُمُ الْعَالِیَہنےیومِ قفلِ مدینہ یاایام ِقفلِ مدینہ منانے والوں کو کیادُعادی؟

جواب:یا اللہ !جو کوئی ہر مہینے ایامِ قفلِ مدینہ 3 دن کے لیے منائے، اُس کا دونوں جہاں میں بیڑا پار ہو ، اس کو تیرے محبوب (صلَّی اللہ علیہ واٰلہٖ وسلَّم )کے جلوےنظر آئیں، دیدار ہو،اُن کے گھر میں سکون قائم ہو، قبر و آخرت میں امن قائم ہو ،نزع کی سختیوں سے یہ بچا رہے اور بے حساب مغفرت اس کا مقدر ہو ،اُن سب کے صدقے میرے حق میں بھی یہ دعا قبول ہو، مولائے کریم! سب کو ایامِ قفلِ مدینہ منانے کی سعادت نصیب فرما، کہ مہینے میں 3 دن خصوصیت کے ساتھ اور پھر زندگی بھر ہماری زبان پر مدینے کا لاک(Lock) یعنی تالا لگ جائے ، ہم اسی وقت بولیں جب اس کی ضرورت ہو اور اےرب!تیری رضا ہو، تیری رضا نہ ہو تو ہم نہ بولیں کاش! کرم فرما دے، اللہ پاک !کرم فرمادے، جو یومِ قفلِ مدینہ 1 دن کا منائیں گے، ان کے حق میں بھی یہ دعائیں قبول فرمالے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

سوال:اِس ہفتے کارِسالہ70”ہزار جادوگر “ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب:یااللہ پاک! جو کوئی 17 صفحات کا رسالہ70”ہزار جادوگر “ پڑھ یا سُن لے، اُسے اور اُس کی آل کو ہمیشہ جادو اور شریر جِنّات کے اثرات سے محفوظ فرم ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم


ہر ہفتے کی طرح اس ہفتے کی رات کو بھی ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔


27ستمبر 2020ء کی شب ہونے والے مدنی مذاکرے میں کئے گئے سوال (کفریہ جملے بولنے سے کس طرح حفاظت ہو؟) کے جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہ علم اوراہلِ علم وعلمااوراچھی صحبت اوراسلامی کتابوں کے مُطالعہ سے دُوری کی وجہ سے بعض نادان لوگ کفریہ کلمات بول دیتے ہیں، ہرشخص ایمان کی قدرسمجھے، اپنے ایمان کی حفاظت کی فکرکرے، دعوت ِاسلامی سے وابستہ رہے، مدنی چینل دیکھتارہے توایمان کی حفاظت کے اسباب ہوں گے۔

آپ دَامَتْ بَرَکَاتُہُمُ الْعَالِیَہ نے مزید فرمایا کہ حدیثِ پاک میں ہے،’’ جس نے اچھّی طرح وُضو کیااور پھر آسمان کی طرف نگاہ اُٹھائی اورکلمۂ شہادت پڑھا،اُس کے لیے جنّت کے آٹھوں دروازے کھول دیئے جاتے ہیں، جس سے چاہے اندر داخل ہو۔ (مُلَخَّصاً صحیح مسلم،1/122)

مدنی مذاکرے کے چند مدنی پھول ملاحظہ کیجئے

سوال:نظرکمزورنہ ہواس کا کوئی وظیفہ بتادیجئے؟

جواب: جو وُضو کے بعد آسمان کی طرف دیکھ کرسُوْرَۂ قَدْر(اِنَّاۤ اَنْزَلْنٰهُ فِيْ لَيْلَةِالْقَدْرِ)پڑھ لیا کرے ،اُس کی نظر کمزور نہ ہوگی۔ (مسائلُ القرآن ص 291)

سوال:روزی میں برکت کا کوئی وظیفہ بتادیجئے ؟

جواب: نمازِ فجر کے بعداوّل وآخرچودہ (14)مرتبہ دُوردشریف ،ایک ہزارچارسو(1400)مرتبہ’’ یَا وَہَّابُ‘‘پڑھیں ۔

سوال:چشتی کون ہوتے ہیں ؟

جواب: سلطانُ الہند حضرت خواجہ غریب نوازسیدحسن سنجری چشتیرحمۃ اللہ علیہ کے سلسلے میں جومُرید ہوں،انہیں چشتی کہتے ہیں اورجو حضرتِ غوث ُالاعظم سیدعبدالقادِرجیلانی رحمۃ اللہ علیہ کے سلسلےمیں مُرید ہوں، انہیں قادِری کہا جاتاہے ۔

سوال:کیا لیٹ کرموبائل استعمال کرنے کا بھی کوئی نقصان ہے ؟

جواب:کیوں نہیں !ہروہ عمل جس سےآنکھوں پر زورپڑے،اسی طرح آنکھوں کا غیرفطری استعمال نظرکی کمزوری کاسبب بنتاہے۔

سوال:17 صفر المظفرآپ کی والدہ کی برسی ہے، اپنی والدہ کاکوئی یادگارواقعہ سنادیجئے ؟

جواب:ماں کی محبت اورممتا(ماں کے پیار)کی قدرماں کےمرنےکےبعدہوتی ہے،اللہ پاک ماں کی زندگی میں ہی اس کی قدرنصیب فرمائے۔ ایک مرتبہ میرےایک دوست نے میری ماں کے سامنے میراذکرکیا تو میری ماں نے روتے ہوئے کہا کہ میرابابو (بچپن میں میرالقب تھا)کھیلنے کے دنوں میں کھیلانہیں، اس نےمحنت مزدوری کی ہے ۔

سوال: آپ نےبتایا کہ گھریلومسائل وغربت کی وجہ سے آپ نےبچپن سے محنت مزدوری کاسلسلہ شروع کیا تو دینی ماحول ،امامت اورنیکی کی دعوت دینے کی طرف مائل ہونے کا کیا سبب ہوا؟

جواب:ہمارےگھرمیں نمازوغیرہ کا ماحول تھا ،مذہبی گھرانہ تھا ،میری والدہ نمازکےلیے جگاتی تھیں ،بڑے بھائی کے ساتھ مسجدمیں جاتاتھا،اللہ پاک کے فضل سے یہی سبب ہے۔

سوال:سلسلہ ٔسہروردیہ کےبانی کون ہیں ؟

جواب:حضرت سیدنا شیخ شہاب الدین عمر سہروردی بغدادیرحمۃ اللہ علیہ۔

سوال:اِس ہفتے کارِسالہ ” کن لوگوں کی دعا قبول ہوتی ہے “ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا ربَّ المصطفٰے! جو کوئی رسالہ ” کن لوگوں کی دُعا قبول ہوتی ہے “ کے 17 صفحات پڑھ یا سُن لے،اُس کی دعاؤں پر رحمت کی خاص نظر فرما اور اس کی بے حساب مغفرت فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم