دعوت اسلامی کی   مجلس حج وعمرہ کے زیر اہتمام 26 جنوری 2021ء بروز منگل فیروزہ تحصیل خان پور ضلع رحیم یار خان پنجاب پاکستان میں عمرہ تربیتی حلقہ ہوا جس میں مقامی نمبردار، کاشتکار اور ڈاکٹرز سمیت تاجر حضرات نے شرکت کی ۔

عمرہ تربیتی حلقہ میں مبلغ دعوت اسلامی مسعود بن جمال عطاری رکن ریجن مجلس حج وعمرہ نے شرکا کے درمیان مناسک عمرہ کے موضوع پر کلام کرتے ہوئے شرکاء کو عمرہ کے فضائل اور مناسک عمرہ کی تربیت دی نیز احرام باندھنے کا عملی طریقہ سکھا تے ہوئے علم دین کی اہمیت بیان کی اور فرائض علوم سیکھنے کی ترغیب دلائی ۔اس موقع پر ذمہ دار دعوت اسلامی نے دعوت اسلامی کے شعبہ جات کا تعارف پیش کیا اور حاضرین کو مدنی چینل دیکھنے کی ترغیب دلائی۔