کراچی سندھ کے علاقے لیاقت آباد ٹاؤن کی جامع مسجد فیضانِ عطار میں شعبہ کفن دفن دعوتِ اسلامی کے تحت 14 دسمبر 2022ء بروز بدھ تدفین کورس کا انعقاد ہوا جس میں نمازی حضرات نے شرکت کی۔

دورانِ کورس ایسٹ ڈسٹرکٹ ذمہ دار عزیر عطاری نےوہاں موجود اسلامی بھائیوں کو غسلِ میت دینے کی فضیلت بیان کرتے ہوئے انہیں میت کو غسل دینے، کفن کاٹنے اور پہنانے کا طریقہ سکھایا۔

اس کے علاوہ ذمہ دار نے شرکائے کورس کو دعوتِ اسلامی کے دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:شعبہ کفن دفن ، کانٹینٹ:غیاث الدین عطاری)

7دسمبر 2022ء کو یورپی ملک اٹلی (Italy) کےشہر بریشیا (Brescia) میں دعوت اسلامی کے زیر اہتمام سنتوں بھرے اجتماع کا انعقاد کیا گیا جس میں مختلف شعبہ ہائے زندگی سے وابستہ افراد، کاروباری حضرات، تاجر، مقامی عاشقان رسول اور ذمہ داران دعوت اسلامی نے شرکت کی۔

خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور شرکا کو مدرسۃ المدینہ بالغان میں شرکت کرنے کی ترغیب دلائی جس پر شرکا ئے اجتماع نے اپنی نیتوں کا اظہار کیا کہ وہ قرآن پاک درست مخارج کے ساتھ پڑھنے کے لئے مدرسۃ المدینہ بالغان میں شرکت کریں گے۔

سنتوں بھرے اجتماع کے اختتام پر صلوۃ و سلام پڑھا گیا اور دعا کا سلسلہ ہوا جبکہ جانشین امیر اہلسنت سے عاشقان رسول نے ملاقات بھی کی۔

13 دسمبر 2022ء کو فیصل آباد میں سابق ایم۔این اے و ڈویژنل صدر فیصل آباد چوہدری سعید اقبال کے انتقال پر ذمہ داران ِ دعوتِ اسلامی نے شرکت کی ۔

اس جنازے میں سابق ایم ۔پی ۔اے ۔ملک اصغر علی قیصر، سابق ایم ۔این ۔اے ۔اعجاز احمد ورک، ٹکٹ ہولڈر ایم ۔این ۔اے شہباز کسانہ ، سابق ایم ۔این ۔اے ۔و وفاقی وزیر ٹیکسٹائل و صدر پیپلزپارٹی سینٹرل پنجاب رانا فاروق سعیدخان،ضلعی صدر مسلم لیگ (ن) میاں قاسم فاروق، جنرل سیکریٹری سید حسن مرتضی شاہ ،ایم ۔پی ۔اے ۔و سابق صوبائی وزیر بلال اصغر وڑائچ،وفاقی وزیر مملکت تسنیم احمد قریشی ، ایم ۔پی ۔اے ۔میاں اجمل آصف،سابقہ جنرل سیکریٹری سینٹرل پنجاب چوہدری منظور احمد ،سابق صوبائی وزیر و ایم ۔پی ۔اے اجمل چیمہ، ڈویژنل جنرل سیکریٹری حاجی محمداسحاق ،سابق صدر بار کونسل فیصل آباد علی اختر ورک ،ضلعی صدر فیصل آباد محمد اعجاز چوہدری اور ضلعی صدر ٹوبہ ٹیک سنگھ چوہدری مظہر اقبال کاہلوں نے شرکت کی اور ذمہ داران نے ملاقاتیں بھی کیں ۔(رپورٹ : کوآرڈینیشن ڈیپارٹمنٹ تحصیل صدر ڈسٹرکٹ و ڈویژن فیصل آباد / کانٹینٹ: محمد مصطفی انیس )

دعوتِ اسلامی کی طرف سے  فیضانِ مدینہ فیصل آباد سے 4 گاڑیاں گرم بستر کمبل وغیرہ کی سیلاب سے متاثرہ علاقوں لیہ اور ڈیرہ غازی خان میں تقسیم کرنے کے لئے روانہ کی گئیں۔

اس موقع پر ڈویزنل کمشنر فیصل آباد شاہد نیاز ، معروف تاجر رہنما حاجی تاجُ الدین نے مدنی مرکز فیضانِ مدینہ کا دورہ کیا جہاں شعبہ رابطہ برائے شخصیات کے ذمہ دار اسلامی بھائی نے کمشنر صاحب کو فیضان آن لائن اکیڈمی کا وزٹ کروایا اور دعوتِ اسلامی کے مختلف شعبہ جات کے تعارف کے حوالے سے ڈاکیو منٹری بھی دکھائی جس پر انہوں نے اطہار مسرت کرتے ہوئے خدماتِ دعوتِ اسلامی کو سراہا۔

اس موقع پر مختلف نیوز چینل ( 7 نیوز ،Fsd نیوز ،سٹی 41 نیوز ) نے کوریج بھی دی ۔( رپورٹ : کوآرڈینیشن ڈیپارٹمنٹ و ایف جی آر ایف دعوت اسلامی ڈویژن فیصل آباد ، کانٹینٹ: رمضان رضا عطاری )

14 دسمبر 2022ء کو شعبہ رابطہ برائے شخصیات ملتان ڈویژن کے ذمہ دار فدا علی عطاری کے ہمراہ ذمہ داران نے CPO ملتان خرم شہزاد حیدر سے ان کے آفس میں ملاقات کی ۔

تفصیلات کے مطابق خرم شہزاد ملتان سے ٹرانسفر ہونے پر ذمہ داران نے الوداعی ملاقات کی ، دورانِ تعینات دعوتِ اسلامی کےدینی کاموں میں تعاون کرنے پر شکریہ ادا کیا نیز امیر اہل سنت دامت بَرَکَاتُہمُ العالیہ کی تصنیف ”فیضانِ نماز “تحفے میں پیش کی جس پر خرم شہزاد نے تمام ذمہ داران کا شکریہ ادا کرتے ہوئے مکمل رابطے میں رہنے کی یقین دہانی کروائی۔(رپورٹ : شعبہ رابطہ برائے شخصیات ، ملتان ڈویژن / کانٹینٹ: محمد مصطفی انیس ) 

پچھلے دنوں کرکٹ گراؤنڈ تحصیل تونسہ شریف  ، ڈسٹرکٹ ڈی۔جی۔خان میں دعوتِ اسلامی کا فلاحی و بہبودی شعبہ (F.G.R.F) کی طرف سےسیلاب اور بارشوں سے متاثرہ کسانوں میں کھاد اور گرم بسترتقسیم کی گئی۔

اس موقع پرڈسٹرکٹ نگران مولاناوقار مدنی عطاری نے کسان اسلامی بھائیوں میں سنتوں بھرا بیان کیا جس میں صبرو شکر کی ترغیب دی اور دعوت اسلامی کے مختلف شعبہ جات کا تعارف کروایا ۔

جبکہ مختلف طبقہ ہائے زندگی سے تعلق رکھنے والی سیاسی ، انتظامی و سماجی شخصیات ملک فرحان بھٹہ (رنر ایم۔این۔اے )، خواجہ اللہ بخش صاحب (سابق تحصیل ناظم تونسہ شریف )، سردار عبدالرحمٰن خان (چیئرمین )، سردار حیات خان بزدار (چیئرمین فاضلہ پہاڑ )، خواجہ محمد امین صاحب (دربارعالیہ تونسہ شریف )،چوہدری ساجد محمود صاحب (مینجر ماڈل بازار تونسہ شریف ) اور محمد عمران خان نتکانی (ایڈووکیٹ) اور کثیر تعداد میں اسلامی بھائیوں نےشرکت کی نیز محمد اعظم خان میرانی (ایڈووکیٹ صدر بار کونسل تونسہ شریف )نے دعوتِ اسلامی کی خدمات کو سراہا۔(رپورٹ : شعبہ رابطہ برائے شخصیات ،تحصیل تونسہ شریف ڈی جی خان ڈویژن / کانٹینٹ: محمد مصطفی انیس ) 

دعوتِ اسلامی  کے زیرِ اہتمام صدر چیمبر آفس کامرس سرگودھا میں چوہدری ساجد حسین تارڑ،ڈی ایس پی اسپیشل برانچ ،چوہدری خالد حسین تارڑ،بزنس ٹائیکون چوہدری ارسلان تارڑ کی والدہ محترمہ کے انتقال پر ایصالِ ثواب اجتماع کا انعقاد ہوا ۔

ایصالِ ثواب اجتماع میں مبلغِ دعوتِ اسلامی نے سنتوں بھرا بیان کیا اور شرکائے اجتماع کو نیکی کی دعوت دیتے ہوئے انہیں ہفتہ وار سنتوں بھرے اجتماع میں آنے اور مدنی چینل دیکھنے کا ذہن دیا۔ (کانٹینٹ: رمضان رضا عطاری )

دعوتِ اسلامی کےشعبہ رابطہ برائے حکیم کے زیرِ اہتمام 18 دسمبر 2022ء کو ہونے والے سنتوں بھرے اجتماع کے حوالے سے ذمہ دار اسلامی بھائیوں نے اے آر میموریل طبیہ کالج کادورہ کیا۔

اس دوران ذمہ داران نے ایڈمنسٹریٹر پرنسپل پروفیسر سعد عابد میر اور وائس پرنسپل پروفیسر حکیم محمد شفیق سے ملاقات کی اور اُن کے ہمراہ اجتماع منعقد ہونے والی جگہ کا وزٹ کیا۔

پچھلے دنوں میجر جنرل ہاؤس نوشہرہ میں میجر جنرل پاک آرمی ملک طارق سلیم اعوان مرحوم کے چہلم کے سلسلے میں قرآن خوانی اور ایصالِ ثواب اجتماع  ہوا جس میں کثیر شخصیات(بزنس ٹائیکون طارق سلیم اعوان،ایم این اےملک عمر اسلم اعوان،ایم پی اے ملک حسن اسلم اعوان،ایکٹنگ ڈی پی او خوشاب ملک ناصر نواز اعوان،ڈی ایس پی لیگل گجرات ریجن ملک محمد جہانگیر اعوان سمیت کثیر آرمی افسران، اہم سیاسی و سماجی شخصیات ، پولیس افسران اور میڈیا پرسنز ) نے شرکت کی ۔

اس موقع پر ڈسٹرکٹ ذمہ دار خوشاب مولانا عمر فاروق عطاری مدنی نے سنتوں بھرا بیان کیا اور نیکی کی دعوت پیش کرتے ہوئےشخصیات کو دعوتِ اسلامی کے دینی ماحول سے وابستہ ہونے، مدنی مذاکرہ دیکھنے کی ذہن دیا ۔آخر میں مرحوم کے لئے فاتحہ خوانی کرتے ہوئے ان کے لئے دعائے مغفرت کروائی ۔( رپورٹ : شعبہ رابطہ برائے شخصیات ڈسٹرکٹ خوشاب ، کانٹینٹ: رمضان رضا عطاری )

گزشتہ روز علامہ اقبال ٹاؤن لاہور میں شعبہ رابطہ برائے شخصیات کے زون نگران سید مقصود شاہ عطاری نے خواجہ سلیم عطاری اور کامران غازی عطاری (ذمہ داران شعبہ رابطہ برائے شخصیات، دعوتِ اسلامی) کے ہمراہ معظّم صاحب (پی۔اے۔ٹو ڈائریکٹر روڈ ریسرچ پنجاب ) ، محمد شریف صاحب (آفس اسسٹنٹ ) اور آفس کے دیگر عملے سے ملاقاتیں کیں، اس ملاقات میں دعوتِ اسلامی کے دینی امور پر تبادلۂ خیال کیااور فیضانِ مدینہ جوہر ٹاؤن وزٹ کرنے کی دعوت پیش کی جبکہ تحفے میں مکتبۃُ المدینہ کی شائع کردہ کتب و رسائل تحفے میں پیش کیں۔

اس کے علاوہ ذمہ داران نے ایس۔ پی حمزہ صاحب کے والد مرحوم کے جنازے میں شرکت کی اور لواحقین سے تعزیت کرتے ہوئے فاتحہ خوانی کی اور رسالہ ”مرحوم والدین کے حقوق“ پیش کیا ۔

اس موقع پر ذمہ داران نے جنازے میں آئے ہوئے مختلف پولیس افسران سے ملاقاتیں بھی کیں۔(رپورٹ : حافظ احتشام الحق عطاری ، کارکردگی ذمہ دار شعبہ رابطہ برائے شخصیات علامہ اقبال ٹاؤن لاہور / کانٹینٹ: محمد مصطفی انیس ) 

13 دسمبر 2022ء کو شعبہ رابطہ برائے شخصیات (دعوتِ اسلامی ) کراچی سٹی ذمہ دار حاجی یعقوب عطاری نے دیگرذمہ داران کے ہمراہ سندھ اسمبلی کاوزٹ کیا ، جہاں MPA غلام جیلانی، MPA سید ہاشم رضا، MPA وحید الظفر ، MPA صداقت حسین ، MPA عدیل شہزاد ، MPA علی خورشیدی اور دیگر شخصیات سے ملاقاتیں کیں۔

دورانِ ملاقات ذمہ داران نے دعوتِ اسلامی کی دینی و فلاحی خدمات بیان کیں نیز عالمی مدنی مرکز فیضانِ مدینہ کراچی وزٹ کرنے کی دعوت پیش کی۔ (رپورٹ : غلام محبوب عطاری ، ڈسٹرکٹ کورنگی / کانٹینٹ: محمد مصطفی انیس ) 

13 دسمبر 2022ء بروز منگل پنجاب پاکستان کے شہر گوجرانوالہ میں واقع مدنی مرکز فیضانِ مدینہ میں فری طبی کیمپ کا انعقاد کیا گیا جس میں حکیم رفیق چشتی صاحب، حکیم عظیم عظمی صاحب، حکیم یاسین مغل صاحب، حکیم داؤد صاحب اور حکیم محسن ضیا صاحب  سمیت دیگر اطبائے کرام شریک ہوئے۔

اس موقع پر حکیم صاحبان نے جامعۃالمدینہ و مدرسۃالمدینہ بوائز کے اساتذۂ کرام اور طلبۂ کرام کا فری چیک اپ کیا اور انہیں ادویات بھی دیں نیز وہاں موجود ذمہ دار اسلامی بھائیوں نے اطبائے کرام کو دعوتِ اسلامی کے دینی و فلاحی کاموں کے بارے میں بریفنگ دی۔(رپورٹ:شعبہ رابطہ برائے حکیم ، کانٹینٹ:غیاث الدین عطاری)