7دسمبر 2022ء کو ڈسٹرکٹ شیخوپورہ میں ڈپٹی اسسٹنٹ ڈائریکٹر ،انچارج شیخوپورہ نادر ،چوہدری احمد عمران گجر نے شیخوپورہ میں قائم دعوتِ اسلامی کے مدنی مرکز فیضانِ مدینہ کادورہ کیا ۔

اس موقع پر ڈسٹرکٹ شیخوپورہ نگران حاجی عبدالرشید عطاری اور اساتذہ کرام نے شخصیات کا استقبال کیا اور دورانِ ملاقات انہیں وہاں موجود شعبہ جات کا وزٹ کروایا نیز ان میں ہونے والے دینی کاموں کے بارے میں آگاہی دی جس پر شخصیات نے دعوتِ اسلامی کی کاوشوں کو سراہتے ہوئے اچھے تاثرات کا اظہار کیا۔( رپورٹ : شعبہ رابطہ برائے شخصیات ڈسٹرکٹ شیخوپورہ/لاہور ڈویژن، کانٹینٹ: رمضان رضا عطاری )

عاشقان رسول کی دینی تحریک دعوت اسلامی کے زیر اہتمام 10 دسمبر 2022ء کو ایسٹن برمنگھم یوکے  (Aston Birmingham, U.K) میں عظیم الشان سنتوں بھرے اجتماع کا انعقاد کیا گیا جس میں مختلف علاقوں سے ذمہ داران دعوت اسلامی اور مختلف شعبہ ہائے زندگی سے وابستہ افراد سمیت کثیر تعداد میں عاشقان رسول نے شرکت کی۔

رکن شوریٰ مولانا حاجی عبد الحبیب عطاری نے نعت شریف پڑھی اور سنتوں بھرا بیان کیا۔ اس کے بعد نگران شوریٰ مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان فرمایا اور شرکا کو دینی کاموں میں حصہ لینے کی ترغیب دلائی۔

اجتماع کے اختتام پر نگران شوریٰ نے دعا کروائی اور صلوۃ و سلام پڑھاگیا۔ اجتماع کے بعد نگران شوریٰ سے عاشقان رسول نے ملاقات بھی کی۔

14 دسمبر 2022ء بروز بدھ عالمی مدنی مرکز فیضانِ مدینہ کراچی میں دعوتِ اسلامی کے  شعبہ ائمہ مساجد کی میٹنگ ہوئی جس میں پاکستان سطح کے مفتشین اور ان کے ذمہ دار قاری الیاس رضا عطاری شریک ہوئے۔

اس میٹنگ میں سینٹرل ٹیسٹ مجلس ذمہ دارقاری عمران حسن نے شرکا کی ٹیسٹ کے طریقہ کار اور ٹیسٹ کے نصاب کےحوالے سے تربیت کی۔

اس کے علاوہ ٹیسٹ مجلس ذمہ دارنے میٹنگ میں شریک اسلامی بھائیوں سے گفتگو کرتے ہوئے انہیں نظام کو مزید بہتر بنانے کے حوالے سےنکات بتائے۔اس موقع پر سید دانش عطاری اور ٹیسٹ مجلس آئمہ مساجد کے ذمہ داران بھی موجود تھے۔( رپورٹ :سید محمد رضوان عطاری مدنی ، کانٹینٹ: رمضان رضا عطاری ) 

8 دسمبر 2022ء کو خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی کی بلونیا (Bologna) اٹلی (Italy) کے مدنی مرکز فیضان مدینہ میں قائم جامعۃ المدینہ کی برانچ میں تشریف آوری ہوئی۔

اس موقع پر جانشین امیر اہلسنت نے طلبۂ کرام کو مدنی پھولوں سے نوازا اور نیک اعمال کرتے رہنے کا ذہن دیا۔آخر میں طلبۂ کرام سے ملاقات کا سلسلہ ہوا جبکہ جانشین امیر اہلسنت نے طلبۂ کرام کے سروں پر عمامہ شریف بھی سجایا۔

گزشتہ روز سمتھ وِک (Smethwick) برمنگھم (Birmingham) ویسٹ مڈلینڈز (West Midlands) یوکے میں دعوت اسلامی کے شعبہ خدام المساجد والمدارس نے 90 سال تک غیرمسلموں کی عبادت گاہ رہنے والی جگہ کو حاصل کیا تھا۔

10 دسمبر 2022ء کو سفر یوکے پر موجود دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی اور رکن شوریٰ مولانا حاجی عبد الحبیب عطاری نے اس جگہ کا وزٹ کیا۔ اس دوران نگران ویلز یوکے حاجی سید فضیل رضا عطاری نے نگران شوریٰ اور رکن شوریٰ کو اس کی جگہ کی تزئین و آرائش کے بعدتعمیر ہونے والے مدنی مرکز فیضان مدینہ اور مدرسۃ المدینہ سمیت دیگر شعبہ جات کے قیام کے حوالے سے آگاہی دی جس پر نگران شوریٰ اور رکن شوریٰ نے مسرت کا اظہار کیا۔ نگران شوریٰ نے ذمہ داران کی کاوشوں کو سراہتے ہوئے دعا بھی کروائی۔

عاشقانِ رسول کی دینی تحریک دعوتِ اسلامی کے تحت 2 دسمبر2022ء  کو گوجرانوالہ میں نندی پور ٹاؤن نگران علی حسن عطاری کے ہاتھوں ایک غیر مسلم نے اسلام قبول کیا۔اس موقع پر مبلغِ دعوتِ اسلامی نے انہیں کلمہ طیبہ پڑھایا اور دینِ اسلامی سے متعلق ابتدائی باتیں ہوئے حسنِ اخلاق کے موضوع پر ان کی تربیت کی ۔( رپورٹ : علی حسن عطاری نندی پور ٹاون نگران گوجرانوالہ، کانٹینٹ: رمضان رضا عطاری )

8 دسمبر 2022ء کو یوکے U.K کے ٹاؤن ایلزبری (Aylesbury) کی جامع مسجدفیضانِ صدیق اکبر میں دعوت اسلامی کے تحت عظیم الشان سنتوں بھرا اجتماع ہوا جس میں ذمہ داران دعوت اسلامی اور قرب و جوار کے عاشقان رسول نے کثیر تعداد میں شرکت کی۔

اجتماع کا آغاز تلاوت قرآن پاک و نعت رسول مقبول صلَّی اللہ علیہ واٰلہٖ وسلَّم سے ہوا جبکہ مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کرتے ہوئے اچھی و بُری دوستی کے حوالے سے گفتگو کی اور بُری صحبت سے بچنے کا ذہن دیا۔

اجتماع کے اختتام پر نگران شوریٰ نے دعا کروائی اور صلوۃ و سلام بھی پڑھاگیا۔ اجتماع کے بعد نگران شوریٰ سے عاشقان رسول نے ملاقات بھی کی۔

میڈیا ڈیپارٹمنٹ دعوتِ اسلامی کے تحت گزشتہ روز ذمہ دار اسلامی بھائیوں نے کراچی پریس کلب کا دورہ کیا جہاں انہوں نے سیکریٹری رضوان بھٹی ، نیو نیوز کے بیورو چیف اور پرنٹ میڈیا سے وابستہ اسلامی بھائیوں سے ملاقات کی۔

دورانِ ملاقات ذمہ داران نے صحافیوں سے مختلف امو رپر تبادلۂ خیال کیا اور انہیں دعوتِ اسلامی کے دینی و فلاحی کاموں کے بارے میں بتایا۔بعدازاں ذمہ داران نے صحافیوں کو ماہنامہ فیضانِ مدینہ اور مکتبۃالمدینہ کے رسائل تحفے میں دیئے۔ (رپورٹ:میڈیا ڈیپارٹمنٹ ، کانٹینٹ:غیاث الدین عطاری)

پچھلے دنوں  دعوتِ اسلامی کے مدنی مرکز فیضان ِمدینہ سرگودھا میں ڈی پی او سرگودھا محمد طارق عزیز نے نماز جمعہ ادا کیا۔بعد نمازِ جمعہ ڈی پی او صاحب کو ذمہ دارانِ دعوتِ اسلامی نے مدنی مرکز میں قائم مختلف شعبہ جات کا وزٹ کروایااور ان میں ہونے والے دینی کاموں کے بارے میں معلومات فراہم کیں۔

اس موقع پر ڈی پی او سرگودھا محمد طارق عزیز سے مختلف امور پر گفتگو کا سلسلہ ہوا۔آخر میں ڈی پی او سرگودھا نے دعوتِ اسلامی کی کاوشوں کو سراہتے ہوئے اظہارِ مسرت کیا۔( رپورٹ : کوآرڈینیشن ڈیپارٹمنٹ سرگودھا سٹی، کانٹینٹ: رمضان رضا عطاری ) 

نیکی کی دعوت کو عام کرنے کے لئے دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی اور رکن شوریٰ مولانا حاجی عبد الحبیب عطاری کی سفر یوکے U.K کے دوران8 دسمبر 2022ء کو لیوٹن (Luton) لندن میں قائم جامعۃ المدینہ میں تشریف آوری ہوئی۔

اس موقع پر نگران شوریٰ اور رکن شوریٰ نے جامعۃ المدینہ کے طلبۂ کرام کو دینی کاموں میں حصہ لینے اور دینی کتب کا مطالعہ بڑھانے سمیت مختلف امور پر رہنمائی کی اور اپنے مدنی پھولوں سے نوازا جس پر طلبۂ کرام نے اچھی اچھی نیتوں کا اظہار کیا۔

اختتام پر نگران شوریٰ نے دعا کروائی اور آخر میں ملاقات کا سلسلہ بھی ہوا۔

14 دسمبر 2022ء بروز بدھ لیاقت آباد ٹاؤن کراچی میں قائم دعوتِ اسلامی کے مدرسۃالمدینہ بوائز میں سیکھنے سکھانے کا حلقہ لگایا گیا جس میں بچوں سمیت قاری صاحبان  و ناظم صاحب نے شرکت کی۔

اس حلقے میں ایسٹ ڈسٹرکٹ ذمہ دار عزیر عطاری نے شرکا کو غسلِ میت دینے، کفن کاٹنے اور پہنانے کا طریقہ سکھایا نیز انہیں دعوتِ اسلامی کے دینی کاموں میں عملی طور پر حصہ لینے کا ذہن دیا۔(رپورٹ:شعبہ کفن دفن ، کانٹینٹ:غیاث الدین عطاری)

دعوتِ  اسلامی کے شعبہ رابطہ برائے شخصیات کی طرف سے ڈسٹرکٹ نگران ٹوبہ قاری محمد عمر عطاری نے ذمہ داران کے ہمراہ چوہدری امجد علی وڑائچ مرحوم کے انتقال پر ان کے بیٹے بیرسٹر و امید وار ایم این اے چوہدری حسام وڑائچ، چوہدری حارث وڑائچ اور ان کے بھائی ایم این اے چوہدری خالد وڑائچ سے تعزیت و و ملاقات کی ۔

اس موقع پر ڈسٹرکٹ نگران نے لواحقین کو صبر کی تلقین کی اور نیکی کی دعوت دیتے ہوئے انہیں دعوتِ اسلامی کے تحت ملک و بیرون ملک میں ہونے والی دینی خدمات کے بارے میں آگاہی دی نیز ہفتہ وار سنتوں بھرے اجتماع میں آنے اور دینی ماحول سے وابستہ ہونےکا ذہن دیا۔ آخر میں مرحوم کے لئے فاتحہ خوانی اور دعائے مغفرت کروائی۔( رپورٹ : کوآرڈینیشن ڈیپارٹمنٹ تحصیل گوجرہ ڈسٹرکٹ ٹوبہ و ڈویژن فیصل آباد، کانٹینٹ: رمضان رضا عطاری )