15 دسمبر 2022ء بروز جمعرات دعوتِ اسلامی کے مدنی مرکز فیضانِ مدینہ جی الیون اسلام آباد میں قائم جامعۃالمدینہ بوائز میں ایک تربیتی سیشن ہوا جس میں طلبۂ کرام سمیت اساتذۂ کرام نے شرکت کی۔

اس سیشن میں مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے طلبۂ کرام کی دینی و اخلاقی اعتبار سےت تربیت کی نیز انہیں دعوتِ اسلامی کے دینی کاموں میں عملی طور پر حصہ لینے کا ذہن دیا۔(رپورٹ:غیاث الدین عطاری)

دعوتِ اسلامی کے شعبہ فیضان آن لائن اکیڈمی بوائز   کی برانچ فیضانِ مدینہ کراچی میں 12 دسمبر 2022ء بروز پیر مدنی مشورہ ہوا جس میں شعبہ کے آئی ٹی منیجر یونس عطاری اور اسسٹنٹ آئی ٹی منیجر وقار کھتری عطاری نے شرکت کی ۔

دورانِ مدنی مشورہ غلام الیاس عطاری مدنی نے فیضان آن لائن اکیڈمی مارکیٹنگ ڈیپارٹمنٹ کے اسٹاف کی ہائیرنگ کے حوالے سے نکات بیان کئے نیز اس کے متعلق گفتگو کرتے ہوئے آئندہ کے لئے اہداف طے کئے۔( رپورٹ:علی حمزہ عطاری شب و روز ذمہ دار فیضان آن لائن اکیڈمی، کانٹینٹ:رمضان عطاری)

12 دسمبر 2022 ءبروز پیر عالمی مدنی مرکز فیضانِ مدینہ کراچی  میں قائم فیضان آن لائن اکیڈمی بوائز میں آئی ٹی اور مالیات ڈیپارٹمنٹس کے ذمہ داران کا باہمی مدنی مشورہ ہوا جس میں رکنِ شعبہ غلام الیاس عطاری مدنی، شعبے کے آئی ٹی منیجر یونس عطاری، فنانس منیجر محیط حسین عطاری ،معاون نگران شعبہ گرلز مولانا یاسر عطاری مدنی نے شرکت کی۔

دورانِ میٹنگ اسلامی بھائیوں نے آئی ٹی اور مالیات ڈیپارٹمنٹس کے حوالے سے طے شدہ مدنی پھولوں پر کلام کرتے ہوئے سابقہ اہداف کا جائزہ لیا نیز شعبے کے دینی کاموں کو مزید آسان بنانے کے لئے آئندہ کے اہداف کو بر وقت مکمل کرنے کے متعلق گفتگو کی۔(رپورٹ:علی حمزہ عطاری شب و روز ذمہ دار فیضان آن لائن اکیڈمی، کانٹینٹ:رمضان عطاری)

دعوتِ اسلامی کے شعبہ  تحفظ اوراقِ مقدسہ کے زیرِ اہتمام15 دسمبر 2022ء بروز جمعرات کامونکی مین بازار عمر مارکیٹ فنانس آفس میں مدنی مشورہ ہوا جس میں تحصیل اور فنانس ذمہ داران نے شرکت کی۔

ڈسٹرکٹ ذمہ دار محمد آفتاب عطاری نے اوراق ِ مقدسہ کے تحفظ کے لئے شعبے کے دینی کام کو مزید مضبوط کرنے کا ذہن دیا پھر دکانوں پر ڈونیشن بکس رکھنے اورگھریلو صدقہ بکس رکھنے کے ا ہداف دیئے نیز 12 دینی کاموں پر بھی کلام ہوا جس میں مدنی قافلہ اور نیک اعمال کے رسائل تقسیم کرنے کے حوالے سے مشاورت ہوئی ۔

بعدازاں مختلف شخصیات سے ملاقات کا سلسلہ رہا اور انہیں شعبہ تحفظ اوراقِ مقدسہ کا تعارف پیش کیا گیااس پر شخصیات نے خدماتِ دعوت ِاسلامی کو سراہتے ہوئے اظہارِ مسرت کیا۔ (رپورٹ: محمد آفتاب عطاری شعبہ تحفظ اوراقِ مقدسہ گوجرانوالہ ،کانٹینٹ: رمضان رضا عطاری)

گزشتہ روز  ضلع ڈیرہ بگٹی میں دعوتِ اسلامی کے شعبہ رابطہ برائے شخصیات کے تحت رینجز سیکٹرہیڈ کوارٹر میں سنتوں بھرا اجتماع ہوا جس میں ذمہ داران ، سیکٹر کمانڈ ایسٹ برگیڈیئر حافظ شاہد ندیم ، کمانڈنٹ سوئی رائفل کرنل ندیم ، میجر عبدالوہاب نے شرکت کی۔

اس موقع پر مبلغِ دعوت ِاسلامی نے’’ اصلاحِ معاشرہ ‘‘کے موضوع پر سنتوں بھرا بیان کیااور دعوتِ اسلامی کا تعارف پیش کیا جس پر شخصیات نے دعوتِ اسلامی کی دینی و فلاحی خدمات کو خوب سراہا ۔آخر میں ملک و ملت کی حفاظت کے لئے دعائے خیر کا سلسلہ ہوا۔( رپورٹ : محمد شعیب عطاری شعبہ رابطہ برائے شخصیات ضلع ڈیرہ بگٹی بلوچستان، کانٹینٹ: رمضان رضا عطاری)

دینی کاموں کے سلسلے میں مدنی مرکز فیضانِ مدینہ جی الیون اسلام آباد میں مدنی مشورے کا انعقاد ہوا جس میں  خیبرپختونخواہ اور کراچی سے آئے ہوئے ذمہ داران نے شرکت کی۔

مرکزی مجلسِ شوریٰ کے رکن حاجی محمد امین عطاری نےسنتوں بھرا بیان کیا اور شرکا کی تربیت فرماتے ہوئے انہیں 12 دینی کاموں کو مزید بڑھانے ، مدنی قافلے میں خود بھی سفر کرنے اور دوسرے کو سفر کروانے کا ہدف دیا ، اس کے علاوہ مدنی مذاکرے کی دعوت کو عام کرنے کا ذہن بھی دیا۔

علاوہ ازیں کتاب’’ مدنی قافلے والوں کے لئے انمول تحفہ‘‘ سے ذمہ داران کو سوال جواب یاد رکھنے اور اس پر عمل کرنے کی ترغیب دلائی نیز ماتحت ذمہ داران کو سوال جواب یاد کروانے کاذہن دیا۔( کانٹینٹ: رمضان رضا عطاری)

14 دسمبر 2022ء کو دعوتِ اسلامی  کے شعبہ مزاراتِ اولیا کی جانب سے شجاع آباد جلال پور میں مدنی مشورے کا انعقاد ہوا جس میں ڈسٹرک اور تحصیل نگران اسلامی بھائیوں نے شرکت کی۔

مدنی مشورے میں صوبائی ذمہ دار انعام عطاری نے شعبے کے دینی کام کرنے کے حوالے سے مدنی پھول بیان کئے اور شجاع آباد جلال پور میں تقریریاں مکمل کرنے کے سلسلے میں اہداف دیئے نیز علاقوں میں دینی کاموں کو مزید بڑھانے پر بھی مشاورت ہوئی۔( رپورٹ : دانیال عطاری پاکستان آفس شعبہ مزارات اولیا، کانٹینٹ: رمضان رضا عطاری)

دعوتِ اسلامی کے شعبہ  مزار تِ اولیا کے زیرِ اہتمام تحصیل شجاع آباد میں صوبائی ذمہ دار انعام عطاری نے دیگر ذمہ داران کے ہمراہ پیر پھول شاہ علیہ الرحمہ کے مزار شریف پر حاضری دی۔

مزار شریف پر فاتحہ خوانی اور دعا کے بعد مزار شریف کےسجادہ نشین علی طاہر قادری صاحب سے ملاقات کی اور انہیں ملک و بیرونِ ملک میں ہونے والے دعوتِ اسلامی کے دینی و سماجی کاموں کے بارے میں بریفنگ دی نیز اس موقع پر شعبہ مدنی کورسز کے تحت مزار شریف کے احاطے میں فرض علوم پر مشتمل کورسز کروانےاور عرس پر محفلِ نعت منعقد کرنے کے سلسلے میں گفتگو ہوئی۔ ( رپورٹ : دانیال عطاری پاکستان آفس شعبہ مزارات اولیا، کانٹینٹ: رمضان رضا عطاری)

عاشقانِ رسول کی دینی تحریک دعوتِ اسلامی کے تحت مختلف شعبہ جات قائم ہیں جن کے ذریعے دنیا بھر میں لوگوں کے دینی و شرعی مسائل حل کرنے اور  اشاعتِ دینِ اسلام کا کام بھر پور انداز میں کیا جارہا ہے۔

دعوتِ اسلامی نے لوگوں کی دینی، تنظیمی اور شرعی مسائل کے حل کے لئے شعبہ دارالافتاء اہلسنت قائم کیا ہےجس میں مختلف شعبہ ہائے زندگی سے تعلق رکھنے والے لوگ مفتیانِ کرام و علمائے کرام سے اپنے مسائل کا حل اور اس بارے میں رہنمائی حاصل کرتے ہیں۔

اسی سلسلے میں عاشقانِ رسول کی دینی تحریک دعوتِ اسلامی جامع مسجد حبیبیہ، نزدسیلانی چوک، دھوراجی کالونی کراچی میں”دارالافتاء اہلسنت“کی نئی برانچ کا افتتاح کرنے جارہی ہے۔

معلومات کے مطابق یہ افتتاحی تقریب 30 دسمبر 2022ء بروز جمعہ بعد نمازِ عشا منعقد کی جائے گی جس میں شیخ الحدیث و التفسیر مفتی محمد قاسم عطاری مدنی مدظلہ العالی سنتوں بھرا بیان فرمائیں گے۔مقامی عاشقانِ رسول اس افتتاحی تقریب میں شرکت کرکے علمِ دین کا خزانہ حاصل کریں۔

واضح رہے جامع مسجد حبیبیہ میں نمازِ عشا کی جماعت کم و بیش 7:45 PM پر ادا کی جائے گی۔(کانٹینٹ:غیاث الدین عطاری)

علمِ دین اور اسلامی تعلیمات کے بارے میں آگاہی حاصل کرنے کے لئے  عاشقانِ رسول مدنی مذاکروں سمیت دیگر مختلف ایونٹس میں امیرِ اہلِ سنت دامت بَرَکَاتُہمُ العالیہسے سوالات کرتے ہیں جس کے امیرِ اہلِ سنت دامت بَرَکَاتُہمُ العالیہ علم و حکمت بھرے جوابات ارشاد فرماتے ہیں۔

ان سوالات کو دعوتِ اسلامی کے اسلامک ریسرچ سینٹر میں موجود اسکالرز کتابوں اور رسالوں کی صورت میں مرتب کرکے مجموعہ تیار کرتے ہیں۔

المدینۃ العلمیۃ کی جانب سے ایک نیا رسالہ بنام”امیر اہل سنت سے جنات کے بارے میں سوال جواب“ مرتب کیا گیا ہے جسے مکتبۃ المدینہ نے نہایت شاندار انداز میں شائع کیا ہے۔

جانشینِ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نےعاشقانِ رسول کو اس ہفتے 17 صفحات پر مشتمل یہی رسالہ ”امیرِ اہلِ سنت سے جنات کے بارے میں سوال جواب“ پڑھنے / سننے کی ترغیب دلائی ہے اور رسالہ پڑھنے / سننے والوں کو اپنے دعاؤں سے بھی نوازا ہے۔

دعائے جانشین امیر اہلسنت

8 دسمبر 2022ء کو دعوت اسلامی کے زیر اہتمام مدنی مرکز فیضان مدینہ بلونیا (Bologna)اٹلی (Italy) میں عظیم الشان سنتوں بھرے اجتماع کا انعقاد کیا گیا جس میں اٹلی کے دیگر مقامات سے مختلف شعبہ ہائے زندگی سے وابستہ افراد، کاروباری حضرات، تاجر، مقامی عاشقان رسول اور ذمہ داران دعوت اسلامی نے شرکت کی۔

خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے ”اصحاب کہف“ کے موضوع پر سنتوں بھرا بیان کیا اور شرکا کو دینی کاموں میں حصہ لیتے رہنے کا ذہن دیا جس پر عاشقان رسول نے اچھی اچھی نیتوں کا اظہار کیا۔

سنتوں بھرے اجتماع کے اختتام پر صلوۃ و سلام اور دعا پر ہوا جبکہ خوش نصیب عاشقان رسول نے جانشین امیر اہلسنت سے ملاقات بھی کی۔ 

10 دسمبر 2022ء کو لودہراں میں  دعوتِ اسلامی کے شعبہ رابطہ برائےشخصیات کے تحت نیکی کی دعوت دینے کے سلسلے میں ڈویژن ذمہ دار فداعلی عطاری نے سابق قومی اسمبلی ممبرپیرسیداقبال صاحب اور ڈپٹی ڈائریکٹر جنرل سینئربیوروکریٹ شیخ سعیداحمد سمیت دیگر اہم شخصیات سے ملاقات کی۔

دورانِ ملاقات شخصیات کو ڈویژن ذمہ دار فداعلی عطاری نے دعوتِ اسلامی کی بین الاقوامی سطح پرہونے والی علمی،دینی وفلاحی خدمات کےحوالےسےبریفنگ دی اور انہیں مدنی مرکزفیضان ِمدینہ وزٹ کرنے کی دعوت پیش کی جس پر شخصیات نے مدنی مرکز وزٹ کرنے کی اچھی اچھی نیتوں کا اظہار کیا۔ ( رپورٹ : شعبہ رابطہ برائےشخصیات دعوتِ اسلامی ڈسٹرکٹ لودہراں،، کانٹینٹ: رمضان رضا عطاری )