دعوتِ اسلامی کے عالمی مدنی مرکز فیضانِ مدینہ کراچی میں محرم الحرام کے سلسلے میں مدنی مذاکرہ ہوا جس میں کراچی سمیت مختلف شہروں سےعاشقانِ رسول نے شرکت کی ۔امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات عطا کئے۔علاوہ ازیں خصوصی مدنی مذاکرے کا سلسلہ بھی ہوا جس میں عاشقانِ رسول نے امیرِ اہلِ سنّت کے حکمت بھرے نکات سے فیض پایا۔

قراٰنِ پاک کی ہر لائن پر بِسْمِ اللہ پڑھنے کا مسئلہ

سوال: اگر کسی شخص کو قراٰنِ پاک پڑھنا نہ آتا ہو مگر وہ قراٰنِ کریم کی ہر لائن پر بِسْمِ اللّٰہِ الرَّحْمٰنِ الرَّحِیْم پڑھتا رہے تو کیا اُسے ختمِ قراٰنِ پاک کا ثواب ملے گا؟ نیز اس کا ایسا کرنا کیسا ہے؟

جواب: قراٰنِ پاک کی ہر لائن پر بِسْمِ اللّٰہِ الرَّحْمٰنِ الرَّحِیْم پڑھنا جائز ہے اور ایسا کرنے والے کو قراٰنِ کریم چُھونے، دیکھنے اور بِسْمِ اللّٰہ پڑھنے کا ثواب ملے گا مگر اسے قراٰنِ پاک کے ختم کا ثواب نہیں ملے گا۔

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ تعالٰی علیہ واٰلہٖ وسلَّم

میت  کو سرد خانے میں رکھنے سے علما نے منع فرمایا ہے کیونکہ حدیثِ پاک کا مفہوم ہے کہ جن چیزوں سے زندہ کو تکلیف ہوتی ہے ان سے مردہ کوبھی تکلیف ہوتی ہے۔ اب سوچیں کہ اگر زندہ انسان کو سرد خانے میں بند کردیا جائے تو اس کا کیا حال ہوگا۔اسی طرح پوسٹ مارٹم بھی میت کے لئے بڑا تکلیف دہ معاملہ ہے۔ایسا کرنے سے احتیاط کرنی چاہیئے۔ یہ کہنا تھا شیخ طریقت امیر اہل سنت مولانا محمد الیاس عطار قادری دَامَتْ بَرَکَاتُہُمُ الْعَالِیَہ کا، جو دو ستمبر 2019ء کو ہونے والے مدنی مذاکرے میں پوچھے گئے ایک سوال کا جواب دے رہے تھے۔ بعد ازاں خصوصی مدنی مذاکرے کا بھی سلسلہ ہوا جس میں ایک اسلامی بھائی کے سوال کے جواب پر آپ کا کہنا تھا کہ شوقیہ شکار کھیلنا جائز نہیں، ضرورتاً شکار کیا جاسکتا ہے۔مدنی مذاکرے کے بعد امیری اہل سنت نے عاشقانِ رسول سے ملاقات بھی۔

یاد رہے! دعوتِ اسلامی کے عالمی مدنی مرکز فیضانِ مدینہ کراچی میں محرم الحرام کے سلسلے میں 10 روزہ مدنی مذاکروں کا سلسلہ جاری ہے،جن میں کراچی سمیت ملک بھر سے عاشقان رسول شرکت کررہے ہیں، شیخ طریقت امیر اہل سنت مولانا محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے پوچھے گئے سوالات کے اپنے مخصوص انداز میں جوابات عطا فرماتے ہیں۔

پیلی (Yellow) چپّل پہننے کی حکمت

سوال:پیلی چپّل پہننے میں کیا حکمت ہے؟

جواب:پیلی چپّل پہننا اچھا ہے کیونکہ پیلی چپّل پہننے سے فِکریں کم ہوتی ہیں اور کالے رنگ (Black Color) کی چپّل پہننے سے فکریں بڑھتی ہیں۔(تفسیر قرطبی،پ1،البقرۃ ،تحت الآیۃ :69،1/363ماخوذاً)

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ تعالٰی علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہ تعالٰی علٰی محمَّد

دعوتِ اسلامی کےعالمی مدنی مرکز فیضان ِ مدینہ کراچی میں یکم اور دو ستمبر 2019ء بروز اتوار بعد نماز عشاء مدنی مذاکروں کا سلسلہ ہوا جن میں سینکڑوں عاشقان ِرسول شریک ہوئے۔ امیر اہلِ سنّت علامہ محمد الیاس عطار قادریدَامَتْ بَرَکَاتُہُمُ الْعَالِیَہنے اسلامی بھائیوں کی جانب سے پوچھےگئے سوالات کےحکمت بھرے جوابات دیئے۔ بعد ازاں خصوصی مدنی مذاکرے کا سلسلہ بھی ہوا جس میں شرکت کرنے والے عاشقانِ رسول نے امیر اہلِ سنّت دَامَتْ بَرَکَاتُہُمُ الْعَالِیَہ کے قیمتی نکات سے فیض پایااور آپ سے ملاقات بھی کی۔

گائے کا دودھ

سوال:گائے کا دودھ پینا زیادہ فائدہ مند ہے یا بھینس کا؟

جواب:گائے کا دودھ پینا زیادہ مفید ہے اور اس کے استعمال کرنے کی حدیثِ پاک میں ترغیب بھی ہے۔ جیساکہ سرکارِ مدینہ صلَّی اللہ تعالٰی علیہ واٰلہٖ وسلَّم نے ارشاد فرمایا:گائے کا دودھ استعمال کرو کیونکہ یہ ہر درخت سے غذا حاصل کرتی ہے اور اس میں ہر بیماری سے شفا ہے۔(مستدرک للحاکم، 5/575، حدیث: 8274)

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ تعالٰی علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہ تعالٰی علٰی محمَّد

نماز اور روزے کی فرضیت

سوال:نماز اور رَمَضانُ المبارک کے روزے کب فرض ہوئے؟

جواب:نماز(اعلانِ) نُبوّت کے بارھویں سال 27 رجب کو معراج کی رات میں فرض ہوئی(خزائن العرفان، پ 15،بنٓی اسرآءیل، تحت الآیۃ:1، ص 525 ماخوذاً) جبکہ رَمَضانُ المبارک کے روزے 10شعبان 2 ہجری میں فرض ہوئے تھے۔(خزائن العرفان، پ2، البقرۃ، تحت الآیۃ: 183، ص 60 ماخوذاً)

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ تعالٰی علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہ تعالٰی علٰی محمَّد

اذان کا ایک اہم مسئلہ

سوال: اگر نماز کا وقت شروع ہونے سے پہلے اَذان دی مگر اذان ختم ہونے سے پہلے نماز کا وقت شروع ہوگیا تو کیا اذان ہوجائے گی؟

جواب: اگر کسی نے نماز کا وقت شروع ہونے سے پہلے اَذان دی اگرچہ اذان ختم ہونے سے پہلے نماز کا وقت شروع ہوجائے، تو اذان دوبارہ دی جائے گی جیسا کہ بہارِ شریعت میں ہے:(نماز کا) وقت (شروع) ہونے کے بعد اَذان کہی جائے، قبل اَز وقت کہی گئی يا وقت ہونے سے پہلے شروع ہوئی اور اَثنائے اَذان (یعنی اذان کے درمیان) میں وقت آ گیا، تو اعادہ کی جائے (یعنی دوبارہ دی جائے)۔

(بہارِ شریعت، 1/465)

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہ علٰی محمَّد

نبیِّ کریم صلَّی اللہ علیہ واٰلہٖ وسلَّم پر کتنی نمازیں فرض تھیں؟

سوال: کیا حضورِ اکرم صلَّی اللہ علیہ واٰلہٖ وسلَّم پر چھ⁶ نمازیں فرض تھیں؟

جواب: جی ہاں! سرکارِ مدینہ صلَّی اللہ علیہ واٰلہٖ وسلَّم پر چھ⁶ نمازیں فرض تھیں، پانچ⁵تو یہی جو ہم پر بھی فرض ہیں فجر، ظہر، عصر، مغرب، عشا، چھٹی تہجد بھی حضورِ انور صلَّی اللہ تعالٰی علیہ واٰلہٖ وسلَّم پر فرض تھی۔(مراٰۃ المناجیح، 8/41ماخوذاً)

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ تعالٰی علیہ واٰلہٖ وسلَّم

وَاللہُ اَعْلَمُ عَزَّوَجَلَّ وَ رَسُوْلُہٗ اَعْلَم صلَّی اللہ علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہُ علٰی محمَّد

جو رشتہ توڑے اُس کے ساتھ کیا کریں؟

سوال:اگر کوئی رشتہ دار قطع تعلّقی کرے تو ایسی صورت میں ہمیں کیا کرنا چاہئے؟

جواب:رشتہ دار ہمارے ساتھ قطع تعلّقی کرے تو بھی ہمیں اس کے ساتھ صلۂ رحمی کرنی چاہئے جیسا کہ ”بہارِ شریعت“ میں ہے:صلۂ رحمی اسی کا نام نہیں کہ وہ (اچھا) سُلوک کرے تو تم بھی کرو، یہ چیز تو حقیقت میں مُکافاۃ یعنی اَدلا بدلا کرنا ہے کہ اس نے تمہارے پاس چیز بھیج دی تم نے اس کے پاس بھیج دی، وہ تمہارے یہاں آیا تم اس کے پاس چلے گئے۔ حقیقتاً صلۂ رِحْم (رشتہ داروں سے اچھا برتاؤ)یہ ہے کہ وہ (رشتہ داری) کاٹے اور تم جوڑو۔(بہارِ شریعت، 3/559) یعنی کوئی تم سے رشتہ داری ختم کرے تب بھی تم اس کے ساتھ رشتہ داری جوڑو۔

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ تعالٰی علیہ واٰلہٖ وسلَّم

وَاللہُ اَعْلَمُ عَزَّوَجَلَّ وَ رَسُوْلُہٗ اَعْلَم صلَّی اللہ علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہُ علٰی محمَّد

غُسلِ میِّت پر اُجرت لینا

سوال: کیا میِّت کو غسل دینے کی اُجرت لینا جائز ہے؟

جواب: میِّت کو غسل دینے کی اُجرت لینا اُس شخص کے لئے جائز ہے کہ جب اس جگہ اُس کے علاوہ اور بھی غسل دینے والے موجود ہوں ورنہ غسل دینے کی اجرت لینا جائز نہیں جیساکہ بہارِ شریعت میں ہے: اگر وہاں اس کے سوا اور بھی نہلانے والے ہوں تو نہلانے پر اجرت لے سکتا ہے مگر افضل یہ ہے کہ نہ لے اور اگر کوئی دوسرا نہلانے والا نہ ہو تو اُجرت لینا جائز نہیں۔ (بہارِشریعت،1/812)

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ تعالٰی علیہ واٰلہٖ وسلَّم

وَاللہُ اَعْلَمُ عَزَّوَجَلَّ وَ رَسُوْلُہٗ اَعْلَم صلَّی اللہ علیہ واٰلہٖ وسلَّم

دعوتِ اسلامی کے عالمی مدنی مرکز فیضان ِمدینہ کراچی میں 24اگست 2019ءبروز ہفتہ بعد نماز عشاء ہفتہ وار مدنی مذاکرے کا سلسلہ ہوا جس میں شہر کراچی کے مختلف علاقوں سے عاشقان ِرسول نے شرکت کی ۔ امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان ِرسول کو سوالات کے حکمت بھرے جوابات عطا فرمائے۔

اسی طرح ہفتہ وار مدنی مذاکرے کے بعد عالمی مدنی مرکز فیضانِ مدینہ کراچی ہی میں خصوصی مدنی مذاکرے کا سلسلہ ہوا جس میں شرکت کرنے والے عاشقانِ رسول نے امیر اہلِ سنّت دَامَتْ بَرَکَاتُہُمُ الْعَالِیَہ کی صحبتِ بابرکت سے فیض یاب ہوئے۔