اچھی تربیت کے لئے نصیحتوں  کامدنی گلدستہ

وَصَایَااِمَامِ اَعْظَم رَضِیَ اللّٰہُ عَنْہُ

ترجمہ بنام

امامِ اعظم رَضِیَ اللّٰہُ عَنْہُ کی وصیتیں

کتاب کا مختصر تعارف:

اِمام الائمہ ، سراج الا ُمَّہ حضرت سیدناامامِ اعظم ابوحنیفہ رَضِیَ اللہُ عَنْہُ نے اپنے شاگردوں کو انتہائی مفید نصیحتیں فرمائیں جو مختلف کتب میں بکھری ہوئی تھیں۔ اَلْحَمْدُ لِلّٰہ عَزَّوَجَلَّ!مجلس المدینۃ العلمیۃ (اسلامک ریسرچ سینٹر، دعوتِ اسلامی)کے شعبہ تراجمِ کتب کے مدنی علماء کَثَّرَھُمُ اللّٰہُ تَعَالٰی نے انتھک کوشش سے ان نصیحتوں کو یکجا کر کے ان کا اُردو ترجمہ پیش کرنے کی سعادت حاصل کی ہے ۔

یہ رسالہ حضرتِ سیِّدُنا امام ابویوسف، حضرتِ سیِّدُنایوسف بن خالد بصری، امامِ اعظم رَضِیَ اللہُ عَنْہُ کے شہزادے حضرتِ سیِّدُنا حماد، حضرتِ سیِّدُنانوح بن ابی مریم رَحِمَہُم اللہُ عَلَیْہِمْ اَجْمَعِیْن وغیرہ اکابر تلامذہ کوکی گئی نصیحتوں پر مشتمل ہے جو انسان کی ظاہری وباطنی درستی کے لئے انتہائی مفید ہیں ۔ اس میں اصلاح کے بے شمار مدنی پھول ہیں ۔ مثلاً اللّٰہ عَزَّوَجَلَّ سے ڈرتے رہنا، عوام وخواص کی امانتیں ادا کرنا، انہیں نصیحت کرنا، بادشاہِ وقت کے سامنے بھی حق بیان کرنا، زیادہ ہنسنے سے بچنا، تلاوتِ قرآنِ پاک کی پابندی کرنا اور اپنے پڑوسی کی پردہ پوشی کرنا وغیرہ۔

43صفحات پر مشتمل یہ کتاب2009ء سے لیکر12 مختلف ایڈیشنز میں تقریباً1لاکھ 33ہزارسے زائد چھپچکیہے۔

اس کتاب کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now