پچھلے دنوں دعوتِ اسلامی کے زیرِ اہتمام مدنی مرکز فیضان ِ مدینہ آفندی ٹاؤن حیدرآباد میں ایک میٹنگ منعقد کی گئی جس میں ڈسٹرکٹ کے نگرانوں اور سندھ مشاورت کے ذمہ داران نے شرکت کی۔

اس دوران رکنِ مرکزی مجلسِ شوریٰ حاجی قاری محمد ایاز عطاری نے ٹائم مینجمنٹ، کامیابی کے طریقے اورایڈوانس ٹولز سمیت دیگر موضوعات پر گفتگو کرتے ہوئے ہفتہ وار سنتوں بھرے اجتماع کی کارکردگی کا جائزہ لیا نیز انہیں مضبوط بنانے کے حوالے سے مدنی پھول دیئے۔

بعدازاں دعوتِ اسلامی کی مرکزی مجلسِ شوریٰ کے رکن حاجی فاروق جیلانی عطاری نے سالانہ مدنی عطیات کرنے کے اہداف بتائے جس پر ذمہ داران نے اچھی اچھی نیتوں کا اظہار کیا۔(کانٹینٹ:غیاث الدین عطاری)

گزشتہ دنوں سابق آئی جی پنجاب حاجی حبیب الرحمٰن کی اہلیہ کا انتقال ہوگیا جن کی نمازِ جنازہ مدرسۃ المدینہ زینب مسجد فیصلِ آباد میں ادا کی گئی۔اس دوران مرکزی مجلسِ شوریٰ کے رکن حاجی جنید عطاری مدنی کی آمد بھی ہوئی۔

رکنِ شوریٰ نے سابق آئی جی پنجاب سے تعزیت کرتے ہوئے انہیں صبر کی تلقین کی اور مرحومہ کےلئے زیادہ سے زیادہ ایصالِ ثواب کرنے کی ترغیب دلائی جس پر انہوں نے اظہارِ تشکر کیا۔

اسی طرح رکنِ شوریٰ نے اقبال پارک لاہور میں ہونے والے ایصال ثواب اجتماع میں ’’مقصد حیات‘‘ کے موضوع پر سنتوں بھرا بیان کیا جس میں کثیر عاشقانِ رسول سمیت سیاسی و سماجی شخصیات نے شرکت کی۔(رپورٹ:حافظ ساجد سلیم عطاری مدنی، کانٹینٹ:غیاث الدین عطاری)

دعوتِ اسلامی کے زیرِ اہتمام عرس خواجہ غریب نواز رحمۃ اللہ علیہ کے موقع پر DHA اسلام آباد میں کرنل عظیم کے گھر سیکھنے سکھانے کا حلقہ منعقد ہوا جس میں مختلف شخصیات سمیت دیگر اسلامی بھائیوں نے شرکت کی۔

دورانِ حلقہ رکنِ مرکزی مجلسِ شوریٰ حاجی یعفور رضا عطاری نے سنتوں بھرابیان کیا اور وہاں موجود اسلامی بھائیوں کو خواجہ غریبِ نواز رحمۃ اللہ علیہ کی کرامات اور اُن کی دینِ اسلام کے لئے دی گئی قربانیوں کے بارے میں بتایا۔اس حلقے کے اختتام پر اسلامی بھائیوں نے رکنِ شوریٰ سے ملاقات بھی کی۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

شعبہ ڈونیشن سیل دعوتِ اسلامی کے تحت 7 فروری 2022ء بروز پیر بذریعہ انٹرنیٹ میٹنگ ہوئی جس میں شعبے کےاہم ذمہ دار اسلامی بھائیوں نے شرکت کی۔

اس میٹنگ میں مرکزی مجلسِ شوریٰ کے رکن حاجی محمد فاروق جیلانی عطاری نے دعوتِ اسلامی کے دینی کاموں کے حوالے سے گفتگو کرتے ہوئے شعبے کی ترقی کے متعلق مدنی پھول دیئے۔( کانٹینٹ:غیاث الدین عطاری)

دعوتِ اسلامی کے زیرِ اہتمام صوبۂ پنجاب پاکستان کے شہر کمالیہ میں نماز جنازہ اور کفن دفن کورس کا انعقاد کیا گیا جس میں علاقے کے اسلامی بھائیوں نے شرکت کی ۔

اس کورس میں صوبۂ پنجاب ذمہ دار لیاقت علی عطاری مدنی نےوہاں موجوداسلامی بھائیوں کو غسلِ میت دینے، کفن کاٹنے اور پہنانے کا طریقہ سکھاتے ہوئے نمازِ جنازہ کی سنتیں و آداب بتائیں۔اس کےعلاوہ ذمہ دار نے شرکا کودعوتِ اسلامی کے 12 دینی کاموں میں حصہ لینے کا ذہن دیا۔(رپورٹ: محمد شریف عطاری شعبہ کفن دفن ڈویژن ذمہ دار فیصل آباد ، کانٹینٹ:غیاث الدین عطاری)

7 فروری 2022ء بروز پیر دعوتِ اسلامی کی مرکزی مجلسِ شوریٰ کے رکن ابو ماجد حاجی محمد شاہد عطاری مدنی نےعالمی مدنی مرکز فیضانِ مدینہ کراچی سے بذریعہ انٹرنیٹ شعبہ دارالسنہ للبنات کی اسلامی بہنوں کا مدنی مشورہ کیا۔

اس دوران رکنِ شوریٰ نے فیضانِ صحابیات اور دارالسنہ کے حوالےسے گفتگو کرتے ہوئے شعبے کے مدنی عملے کو مستقل کرنے اور دارالسنہ کے رہائشی کورسز میں اسلامی بہنوں کو داخلہ دلوانے کے متعلق مدنی پھول ارشادفرمائے۔بعدازاں رکنِ شوریٰ نے مختلف اہم موضوعات پر کلام کیا۔(کانٹینٹ:غیاث الدین عطاری)

پچھلے دنوں  شعبہ کفن دفن دعوتِ اسلامی کے تحت پاکستان کے شہر میر پور خاص میں 7 مقامات پر کفن دفن اور نماز جنازہ کورس کا اہتمام کیا گیا جس میں مقامی اسلامی بھائیوں کی شرکت رہی ۔

مبلغینِ دعوتِ اسلامی نےکورس میں شریک اسلامی بھائیوں کو کفن دفن کے چند ضروری مسائل سکھائے نیز نمازِ جنازہ کی سنتیں و آداب بتائیں۔اس کےعلاوہ ذمہ دار نے شرکا کو12 دینی کاموں میں حصہ لینے کا ذہن دیا۔(رپورٹ: اعزاز عطاری مدنی شعبہ کفن دفن صوبہ سندھ ، کانٹینٹ:غیاث الدین عطاری)

دعوتِ اسلامی کے تحت 8فروری  2022ءبروز منگل کو پاکستان کے شہر راولپنڈی سے نوابشاہ ڈویژن ذمہ دار اسلامی بہنوں کا بذریعہ انٹرنیٹ مدنی مشورےکا انعقادہوا جس میں صوبہ سندھ نگران، نوابشاہ ڈویژن و ڈسٹرکٹ نگران اسلامی بہنوں نے شرکت کی۔

پاکستان نگران اسلامی بہن نے موجودہ نظام کے تحت اسلامی بہنوں کو دینی کام کرنے کے حوالے سے تربیت کے مدنی پھول بتائے اورشعبہ جات کی تقرری مکمل کرنے کے اہداف دئیے۔ مزید سالانہ ڈونیشن کے اہداف مکمل کرنے پر بھی توجہ دلائی نیز دینی کاموں سے متعلق اسلامی بہنوں کی طرف سے کئے جانے والے سوالات کے جوابات بھی دیئے۔

٭دوسری جانب دعوت اسلامی کے تحت 8فروری 2022 ءبروز منگل کو پاکستان نگران اسلامی بہن نے صوبہ سندھ حیدرآباد ڈویژن کی ذمہ دار اسلامی بہنوں کا بھی بذریعہ انٹر نیٹ مدنی مشورہ لیاجس میں صوبہ سندھ نگران، حیدرآباد ڈویژن ،میٹروپولیٹن اور ڈسٹرکٹ نگران اسلامی بہنوں نے شرکت کی۔

گزشتہ دنوں دعوتِ اسلامی کے شعبہ کفن دفن کے تحت  پاکستان کے شہر ٹنڈو جان محمد میں قائم مدنی مرکز فیضانِ مدینہ میں کفن دفن اور نماز جنازہ کورس کا اہتمام کیا گیا جس میں علاقے کےاسلامی بھائیوں نے شرکت کی۔

اس کورس میں مبلغِ دعوتِ اسلامی مراد عطاری مدنی نے میت کو کفن دفن کے چند ضروری مسائل سکھاتے ہوئے نمازِ جنازہ کی سنتیں و آداب بتائیں۔بعدازاں ذمہ دار نے شرکا کو دینی کاموں میں شمولیت اختیار کرنے کا ذہن دیا۔(رپورٹ: اعزاز عطاری مدنی شعبہ کفن دفن صوبہ سندھ ، کانٹینٹ:غیاث الدین عطاری)

دعوتِ اسلامی کے تحت 6 فروری 2022ء بروز اتوار Florida USA (فلوریڈا یو ایس اے ) کے شہر Miami (میامی)میں عاشقانِ رسول کی تربیت کے لئے ایک سیشن کا انعقاد کیا گیا جس میں مقامی اسلامی بھائیوں نے شرکت کی۔

دورانِ سیشن نگرانِ ڈویژن محمد ذیشان عطاری نے غسل کے چند ضروری مسائل سکھاتے ہوئے اس کی بعض احتیاطوں کی طرف نشاندہی کی نیز دیگر موضوعات پر تربیت کی۔

اس کے علاوہ مبلغِ دعوتِ اسلامی نے شرکا کو مختلف کورسز کرنے اور 12 دینی کاموں میں شمولیت اختیار کرنے کا ذہن دیا جس پر انہوں نے اچھی اچھی نیتیں کیں۔(رپورٹ: محمد ذیشان عطاری معاون سوشل میڈیا ، کانٹینٹ:غیاث الدین عطاری)

پچھلے دنوں دعوتِ اسلامی کے زیرِ اہتمام عالمی مدنی مرکز فیضانِ مدینہ کراچی میں ہونے والے 26 دن کے مدنی قافلہ کورس کا اختتام ہوا جس دوران شرکائےکورس سے امتحانات لینے کا بھی سلسلہ رہا۔

اس دوران رکنِ مرکزی مجلسِ شوریٰ حاجی محمد امین قافلہ عطاری نے سنتوں بھرا بیان کرتے ہوئے شرکا کی تربیت کی اور انہیں اپنے اپنے علاقوں میں بھر پور انداز میں دینی کام کرنے کا ذہن دیا۔بعدازاں رکنِ شوریٰ نے کورس مکمل کرنے والے اسلامی بھائیوں کے درمیان اسناد بھی تقسیم کیں۔

اس موقع پر معلمینِ کورس عاقب عطاری اورپاکستان سطح کے ذمہ دار مدنی قافلہ کورسز عثمان واجا عطاری موجود تھے۔(رپورٹ: حارث عطاری شعبہ مدنی قافلہ ذمہ دار ، کانٹینٹ:غیاث الدین عطاری)

پاکستان کے شہر فیصل آباد میں 6 فروری 2022ء بروز اتوار دعوتِ اسلامی کے زیرِ اہتمام  قافلہ اجتماع منعقد ہوا جس میں اسلامی بھائیوں نے کثیر تعداد میں شرکت کی۔

مبلغِ دعوتِ اسلامی محمد طاہر عطاری نے ’’فکرِ آخرت ‘‘کے موضوع پر سنتوں بھرا بیان کرتے ہوئے وہاں عاشقانِ رسول کو راہِ خدا عزوجل (مدنی قافلے)میں سفر کرنے اور دعوتِ اسلامی کے ہفتہ وار سنتوں بھرے اجتماع میں شرکت کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ: بدر منیر عطاری شعبہ مدنی قافلہ شوشل میڈیا پنجاب ، کانٹینٹ:غیاث الدین عطاری)