دعوتِ اسلامی کے زیرِ اہتمام 07 مارچ2021ء کو مدنی ریجن کے ممالک  کی ذمہ دار اسلامی بہنوں کا مدنی مشورہ ہوا جس میں عرب شریف، عمان ، قطب مدینہ کابینہ، کویت اور بحرین کی پہلی بڑی سطح کی ذمہ داراسلامی بہنوں نے شرکت کی۔

مدنی ریجن نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور دینی کاموں کو مزید بڑھانے اور اس میں بہتری لانے کے حوالے سے نکات فراہم کئے۔

دعوت اسلامی کے زیر اہتمام گزشتہ ہفتے افریقن عرب ریجن کے ملک ترکی میں بذریعہ اسکائپ سنتوں بھرے اجتماع کا انعقاد کیا گیاجس میں 10 اسلامی بہنوں نے شرکت کی۔

مبلغۂ دعوتِ اسلامی نے ” صدقے کے فضائل “ کے موضوع پر سنتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے دینی کاموں سے متعلق آگاہی فراہم کرتے ہوئے دعوتِ اسلامی کے دینی ماحول سے وابستہ رہنے، ہفتہ وار اجتماع میں شرکت کرنے اور دینی کاموں میں حصہ لینے کی ترغیب دلائی۔

دعوت اسلامی کے زیراہتمام گزشتہ دنوں  ایران کی تمام ڈویژن نگران اسلامی بہنوں کا مدنی مشورہ ہوا جس میں ایران کی ملک نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور ایک سال کے ہدف پر بات کی نیز ذمہ دار اسلامی بہنوں کی تقرری میں اضافہ کرنے پر مشورہ ہوا۔

ملک نگران اسلامی بہن نے مقامی اسلامی بہنوں میں دینی کاموں کو مزید بڑھانے اور اس میں بہتری لانے کے حوالے سے نکات فراہم کئے۔

جلیل القدر صحابیات اور نیک خواتین کے دلنشین تذکرے پر مشتمل رسالہ

صَحابیات وصالحات اور صَبر

اِس رسالے کی چندخصوصیات:

٭دیدہ زیب ودلکش سرورق(Title)وڈیزائننگ(Designing) ٭عصرحاضرکے تقاضوں کے پیش نظرجدید کمپوزنگ وفارمیشن ٭عبارت کے معانی ومفاہیم سمجھنے کیلئے ’’علامات ترقیم ‘‘(Punctuation Marks) کا اہتمام ٭تقریباً ہرآیت مبارکہ میں ترجمہ ٔکنزالایمان کا التزام ٭پڑھنے والوں کی دلچسپی برقرار رکھنے کیلئے عنوانات (Headings) کا قیام ٭فکرِآخرت پرمشتمل اِصلاحی موادکی شمولیت ٭قراٰنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، احادیث ودیگر عبارات کےحوالوں(References) کا خاص اہتمام ٭ایک ہی نظرمیں کتاب کے عنوانات دیکھنے کیلئے کتاب کے شروع میں فہرست(Index) ٭جن کتب کا حوالہ دیا گیا ہے ان کے مصنفین، مکتبوں اورشہرطباعت کی ’’ماخذومراجع‘‘میں تفصیل ٭پورے رسالے کی دارالافتاء اَہلِ سنت کے مفتیانِ کرام سے شرعی تفتیش ٭اَغلاط کوکم سے کم کرنے کیلئے پورے رسا لے کی کئی بار پروف ریڈنگ

110صفحات پر مشتمل یہ رسالہ2019ء میں تقریباً10ہزارکی تعداد میں پرنٹ ہو چکا ہے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

لغوی معنی: سہو کے معنی" غلطی" کے ہیں۔

اصطلاحی معنی : سجدہ سہو " غلطی کا سجدہ" ہے۔

شرعی تعریف:واجبات نماز میں سے جب کوئی واجب بھولے سے رہ جائے، تو اس کی تلافی(retrieval) کے لئے سجدہ سہو واجب ہے۔کسی واجب کے ترک سے نماز ادا تو ہو جائے گی، البتہ کامل(perfect) ادا نہ ہوگی ۔

حکم: بھولے سے واجب ترک ہوا اور سجدہ سہو نہ کیا، تو نماز کا اعادہ ( لوٹانا) واجب ہے ۔

واجبات نماز:

(1)تعدیل ارکان( رکوع ، سجود، قومہ، جلسہ میں کم از کم ایک بار" سبحان اللہ" کہنے کی مقدار ٹھہرنا) بھول گیا تو سجدہ سہو واجب ہے۔

(2) تشہد پڑھنا بھول گیا اور سلام پھیر دیا تو لوٹ آئے، تشہد پڑھے اور سجدہ سہو کرے ۔

(3) قنوت یا تکبیر قنوت بھول گئے، تو سجدہ سہو کریں گے۔

(4) کسی قعدہ میں اگر تشہد میں سے کچھ رہ گیا، سجدہ سہو واجب ہے، نماز نفل ہو یا فرض۔

(5) عیدین کی سب تکبیریں یا بعض بھول گیا تو ان صورتوں میں سجدہ سہو واجب ہوگا۔

(6) قعدہ اولیٰ میں تشہد کے بعد اتنا پڑھا، "اللھم صلی علی محمد" تو سجدہ سہو واجب ہے۔

(7)قعدہ اخیرہ بھول گیا، تو جب تک اس رکعت کا سجدہ نہ کیا، لوٹ آئے اور سجدہ سہو کر لے۔

(8) منفرد نے سرّی نماز میں جہر( بلند آواز) سے پڑھا ، تو سجدہ سہو واجب ہے۔

(9) امام سے سہو ہوا اور سجدہ سہو کیا تو مقتدی پر بھی سجدہ سہو واجب ہے۔

نوٹ:ان تمام صورتوں میں سجدہ سہو کیا جائے گا، مزید مسائلِ نماز جاننے کے لیے بہار شریعت، حصہ اول کا مطالعہ فرمائیے، مدنی چینل دیکھتے رہیے، دارالافتاء کے نمبرز پر رابطہ کیجئے، مدنی مذاکرہ پابندی سے دیکھتے رہیے۔ اللہ پاک ہمیں علم نافع عطا فرمائے۔

اٰمِیْن بِجَاہِ النّبیِّ الْاَمِیْن صلَّی اللہ علیہ واٰلہٖ وسلَّم

حدیث میں ہے: ''ایک بار حضور صلی اللہ تعالیٰ عليہ وسلم دو رکعت پڑھ کر کھڑے ہو گئے بیٹھے نہیں پھر سلام کے بعد سجدۂ سہو کیا۔''

سجدہ سہو کسے کہتے ہیں ۔؟؟؟

واجبات نماز میں جب کوئی واجب بھولے سے رہ جائے تو اس کی تلافی کے ليے سجدۂ سہو واجب ہے ۔

سجدۂ سہو کا طریقہ :

اس کا طریقہ یہ ہے کہ التحیات کے بعد دہنی طرف سلام پھیر کر دو سجدے کرے پھر تشہد وغیرہ پڑھ کر سلام پھیرے۔

مسئلہ: اگر بغیر سلام پھیرے سجدے کر ليے کافی ہيں مگر ایسا کرنا مکروہِ تنزیہی ہے۔

مسئلہ: جو چیز مانع بنا ہے، مثلاً کلام وغیرہ منافی نماز، اگر سلام کے بعد پائی گئی تو اب سجدۂ سہو نہیں ہوسکتا۔

مسئلہ: ایک نماز میں چند واجب ترک ہوئے تو وہی دو سجدے سب کے ليے کافی ہیں۔

سجدۂ سہو واجب ہو نے کی ۱۰ صورتیں یہ ہیں :

1. فرض کی پہلی دو رکعتوں میں اور نفل و وتر کی کسی رکعت میں سورۂ الحمد کی ایک آیت بھی رہ گئی )توسجدۂ سہو واجب ہو گا ) ۔

2. یا الحمد کے بعد ایک یا دو چھوٹی آیتیں پڑھ کر رکوع میں چلا گیا پھر یاد آیا اور لوٹا اور تین آیتیں پڑھ کر رکوع کیا تو ان سب صورتوں میں سجدۂ سہو واجب ہے۔

3. الحمد پڑھنا بھول گیا اور سورت شروع کر دی اور بقدر ایک آیت کے پڑھ لی اب یاد آیا تو الحمد پڑھ کر سورت پڑھے اور سجدہ واجب ہے۔

4. رکوع و سجود و قعدہ میں قرآن پڑھا تو سجدہ واجب ہے۔

5. آیت سجدہ پڑھی اور سجدہ کرنا بھول گیا تو سجدۂ تلاوت ادا کرے اور سجدۂ سہو کرے۔

6. کسی رکعت کا کوئی سجدہ رہ گیا آخر میں یاد آیا تو سجدہ کر لے پھر التحیات پڑھ کر سجدۂ سہو کرے اور سجدہ کے پہلے جو افعال نماز ادا کيے باطل نہ ہوں گے۔

7. تعدیل ارکان ( يعنی رکوع، سجود، قومہ اور جلسہ ميں کم از کم ايک بار ''سُبْحٰنَ اللہ'' کہنے کی مقدار ٹھہرنا) بھول گیا سجدۂ سہو واجب ہے۔

8. قعدۂ اولیٰ میں تشہد کے بعد اتنا پڑھا اَللّٰھُمَّ صَلِّ عَلٰی مُحَمَّدٍ تو سجدۂ سہو واجب ہے اس وجہ سے نہیں کہ درود شریف پڑھا بلکہ اس وجہ سے کہ تیسری کے قیام میں تاخیر ہوئی تو اگر اتنی دیر تک سکوت کیا جب بھی سجدۂ سہو واجب ہے جیسے قعدہ و رکوع و سجود میں قرآن پڑھنے سے سجدۂ سہو واجب ہے، حالانکہ وہ کلام الٰہی ہے۔

حکایت:

امام اعظم رضی اللہ تعالیٰ عنہ نے نبی صلی اللہ تعالیٰ عليہ وسلم کو خواب میں دیکھا، حضورصلی اللہ تعالیٰ عليہ وسلم نے ارشاد فرمایا: ''درود پڑھنے والے پر تم نے کیوں سجدہ واجب بتایا؟'' عرض کی، اس ليے کہ اس نے بُھول کر پڑھا، حضور صلی اللہ تعالیٰ عليہ وسلم نے تحسین فرمائی۔

(درمختار، ردالمحتار وغیرہما)

9. کسی قعدہ میں اگر تشہد میں سے کچھ رہ گیا، سجدۂ سہو واجب ہے، نماز نفل ہو یا فرض۔

10. پہلی دو رکعتوں کے قیام میں الحمد کے بعد تشہد پڑھا سجدۂ سہو واجب ہے اور الحمد سے پہلے پڑھا تو نہیں۔

اللہ پاک ہماری نمازوں کو اپنی بارگاہ عالی میں قبول فرماۓ اور انہیں بروز قیامت ہماری نجات کا ذریعہ بناۓ ۔ آمین بجاہ النبی الامین صلی اللہ علیہ وسلم

(بہار ِشریعت حصہ چہارم صفحہ 708 تا 711 )

سجدہ سہو کی تعریف:

جو چیزیں نماز میں واجب مانی جائیں، اُن میں سے جب کوئی واجب بُھولے سے رہ جائیں تو ان کی تلافی کو سجدہ سہو کہتے ہیں۔ (بحوالہ سنی بہشتی زیور)

سجدہ سہو کی شرائط:

1۔ فرض ترک ہو جانے سے نماز جاتی رہتی ہے، سجدہ سہو سے اس کی تلافی نہیں ہو سکتی، لہذا پھر پڑھے اور سُنن و مستحبات مثلاً تعوذ، تسمیہ، ثناء، آمین، تکبیراتِ انتقالات، تسبیحات کے ترک سے بھی سجدہ سہو نہیں بلکہ نماز ہو گئی۔(ردالمختار، غنیہ)

2۔ تعدیلِ ارکان ( یعنی رُکوع، سُجود اور قومہ و جلسہ میں کم از کم ایک بار سبحان اللہ کہنے کی مقدار ٹھہرنا) بُھول گئی تو سجدہ سہو واجب ہے۔(عالمگیری)

3۔ ایک نماز میں چند واجب ترک ہوئے تو وہی دو سجدے سب کے لئے کافی ہیں۔

( ردالمختار وغیرہ)
4۔ فرض میں قعدہ اُولٰی بھول گیا تو جب تک سیدھا کھڑا نہ ہوا، لوٹ آئے اور سجدہ سہو نہیں اور اگر سیدھا کھڑا ہو گیا تو نہ لوٹے اور آخر میں سجدہ سہو کرے اور اگر سیدھا کھڑا ہو کر لوٹا تو سجدہ سہو کرے اور صحیح مذہب میں نماز ہو جائے گی، مگر گنہگار ہوا، لہذا حکم ہے اگر لوٹے تو فوراً کھڑا ہو جائے۔(درمختار،غنیہ)
5۔ اگر مُقتدی بُھول کر کھڑا ہو گیا، تو ضروری ہے کہ لوٹ کر آوے، تاکہ اِمام کی مخالفت نہ ہو۔(درمختار، غنیہ)
6۔ جمعہ، عیدین میں سَہو واقع ہوا اور جماعت کثیر ہو تو بہتر یہ ہے کہ سجدہ سہو نہ کرے ۔

(عالمگیری،ردالمختار)
7۔ اِمام سے صلٰوۃ الخوف میں سَہو ہوا تو اِمام کے ساتھ دوسرا گروہ سجدہ سہو کرے اور پہلا گروہ اُس وقت کرے، جب وہ اپنی نماز ختم کر چکے۔(عالمگیری)
8۔ سجدہ نماز یا سجدہ تِلاوت باقی تھا یا سجدہ سہو کرنا تھا اور بھول کر سلام پھیرا تو جب تک مسجد سے باہر نہ ہوا، کرلے اور میدان میں ہو، تو جب تک صفوں سے مُتجاوز نہ ہوا یا آگے کو سجدہ کی جگہ سے نہ گزرا، کرلے ۔(درمختار، ردالمختار)
9۔ دُعائے قُنوت یا وہ تکبیر بھول گئی، جو دُعائے قُنوت پڑھنے کے لئے پڑھی جاتی ہے، تو سجدہ سہو واجب ہے۔(عالمگیری)
10۔ جو چیزیں نماز کو فاسد کرتی ہیں، ان سے سجدہ سہو بھی فاسد ہو جائے گا، مثلاً حدث، عمدو کلام و قہقہ۔ ( اسلامی بہنوں کی نماز، درمختار)

مدنی مرکز فیضان مدینہ فیصل آباد مدینہ ٹاؤن میں شعبہ نیو سوسائٹیز کے ذمہ داران کا مدنی مشورہ ہوا جس میں مختلف شعبوں کے ریجن وزون ذمہ داران نے شرکت کی ۔

نگران پاکستان مشاورت حاجی محمد شاہد عطاری نے نگران زونز کو بڑے بڑے گاؤں میں اجتماعات کروانے کے اہداف دیئے اور اس شعبے کے نئے نگران غلام الیاس عطاری کومقرر کردیا۔ حاجی شاہد عطاری نے خوشی کی خبر سناتے ہوئے بتایا کہ 45 شعبوں کے ذمہ داران ای رسید کے نظام سے فائدہ اٹھاتے ہوئے عطیات جمع کرسکیں گے۔

مدنی مشورے میں اراکین شوریٰ حاجی محمد امین عطاری، حاجی یعفور رضا عطاری، حاجی محمد اظہر عطاری، حاجی محمد امین قافلہ عطاری، حاجی محمد رفیع عطاری، حاجی بغداد رضا عطاری اور حاجی محمد اسلم عطاری بھی موجود تھے۔

دعوت اسلامی کے شعبہ معاونت برائے اسلامی بہنیں کے تحت 8مارچ 2021ء کو بذریعہ زوم مدنی مشورہ ہوا جس میں شعبے کے اراکین ریجن، اراکین زون اور اراکین کابینہ نے شرکت کی۔

نگران فیصل آباد ریجن و رکن شوریٰ حاجی محمد رفیع عطاری نے کارکردگی کا جائزہ لیااور مدنی عطیات، اسلامی بہنوں کے دینی کاموں میں تعاون کرنے کے حوالے سے گفتگو کی۔

3مارچ 2021ء مدنی مرکز فیضان مدینہ فیصل آباد مدینہ ٹاؤن میں اجتماع کا انعقاد کیا گیا جس میں مدنی مرکز سمیت پاکستان بھر میں امامت کورس کرنے والے اسلامی بھائی،امامت کورس کا عملہ اور شعبہ ائمہ مساجد کے ذمہ داران نے بذریعہ ویڈیو لنک شرکت کی۔

نگران پاکستان مشاورت حاجی محمد شاہد عطاری نے سنتوں بھرا بیان کیا اور شرکا کی دینی و تنظیمی کاموں کے حوالے سے رہنمائی فرمائی۔ نگران پاکستان مشاورت نے اپنے بیان میں کورس کے شرکا کوشریعت کی اتباع کرتے ہوئے زندگی گزارنے کا ذہن دیا۔ اس موقع پر حاجی شاہد عطاری نے امیر اہلسنت کی دینی خدمات اور دعوت اسلامی کیسے بنی؟، اس میں امیر اہلسنت کی قربانیاں،مرکزی مجلس شوریٰ کاقیام اور شعبہ جات کے بارے میں بتایا۔

بیان کے اختتام پر شرکا کی جانب سے 12دینی کاموں کے حوالےسےسوالات کئے گئے جن کے نگران پاکستان مشاورت نے جوابات دئیے اور رہنمائی بھی فرمائی۔

دعوت اسلامی کے مدنی مرکز فیضان مدینہ فیصل آباد مدینہ ٹاؤن میں شعبہ خدام المساجد والمدارس، فنانس ڈیپارٹمنٹ، تعمیرات، اثاثہ جات، نیو سائٹیز اور ڈونیشن سیل کا مدنی مشورہ ہوا جس میں ان شعبہ جات کے ریجن ذمہ داران سمیت دیگر ذمہ داران نے شرکت کی۔

نگران پاکستان مشاورت حاجی محمد شاہد عطاری نے شعبوں کی کارکردگی کا جائزہ لیااور ان کو بہتر کرنے پر گفتگو کی۔ نگران پاکستان مشاورت کا مزید کہنا تھا کہ جو جوپراجیکٹ زیرتعمیر ہیں یا کسی وجہ سے ان پرکام نہیں ہورہا ان پراجیکٹس پرکام دوبارہ شروع کریں گے اور ذمہ داران اسکا فالواپ بھی کریں۔

اس مدنی مشورے میں اراکین شوریٰ حاجی محمد امین عطاری، حاجی یعفور رضا عطاری، حاجی محمد اظہر عطاری، حاجی سید لقمان عطاری، حاجی بغداد رضا عطاری اور حاجی محمد اسلم عطاری موجود تھے۔

4مارچ 2021ء کو دعوت اسلامی کے عالمی مدنی مرکز فیضان مدینہ کراچی میں قائم مرکزی جامعۃ المدینہ کے درجہ دورۃ الحدیث شریف میں تربیتی سیشن ہوا جس میں دورۃ الحدیث شریف کے طلبہ و اساتذۂ کرام  نے شرکت کی۔

ماہرِ امورِ تجارت مفتی علی اصغر عطاری نے مختلف موضوعات پر بیان کیا اور گفتگو کرتے ہوئے شرکا کی جانب سے ہونے والے سوالات کے جوابات دیئے۔