دعوت اسلامی کے زیر اہتمام مدنی مرکز فیضان مدینہ جی 11 اسلام آباد میں تربیتی سیشن ہوا جس میں شعبہ اطراف علاقے کے تحت ہونے والے قرآن و حدیث کے شرکا اور 12 ماہ کے عاشقان رسول نے شرکت کی۔

مرکزی مجلس شوریٰ کے رکن حاجی محمد وقار المدینہ عطاری نے نیکی کی دعوت کے فضائل بیان کئے اور شرکا کو دعوت اسلامی کے ساتھ وابستہ ہوکر مدنی مرکز کے طریقہ کار کے مطابق دینی کام کرنے پر مدنی پھول دیئے۔

27 فروری 2021ء کو شعبہ فیضان آن لائن اکیڈمی کے تحت کراچی کے علاقے نیو چالی میں نیو برانچ کا افتتاح کیا گیا۔ آن لائن اکیڈمی کا افتتاح رکن شوریٰ مولانا حاجی عبد الحبیب عطاری کے ہاتھوں ہوا۔ خوشی اس موقع پر مدنی حلقے کا انعقاد کیا گیا جس میں رکن شوریٰ نے مدنی پھول بیان کرتے ہوئے شرکا کو ادارے کے ساتھ تعاون کرنے، دینی کاموں میں شرکت کرنے اور اپنی مصروف زندگی سے کچھ نہ کچھ وقت نکال کر آن لائن کے ذریعےمختلف کورسز کرنے کا ذہن دیا۔

اس موقع پر اراکین مجلس شعبہ فیضان آن لائن اکیڈمی، معروف نعت خواں حافظ طاہر قادری اور مقامی شخصیات سمیت دیگر اسلامی بھائی شریک تھے۔

مرکزی مجلس شوریٰ دعوت اسلامی کے نگران مولانا محمد عمران عطاری مَدَّظِلُّہُ الْعَالِینے پنجاب یونیورسٹی ایگزیکٹو کلب میں پروفیسرز سے ملاقات کی۔ نگران شوریٰ نے انہیں نیکی کی دعوت پیش کی اور تعلیمی اداروں میں دنیاوی تعلیم کے ساتھ ساتھ دینی تعلیم کو بھی فروغ دینے کا ذہن دیا اور تعلیمی امور پر بات چیت کی۔

نگران شوریٰ نے پروفیسرز حضرات کو 3 مارچ 2021ء کو ہونے والے اسٹوڈنٹس اجتماع میں شرکت کرنے کی دعوت دی۔

یکم مارچ 2021ء کو نگران شوریٰ مولانا محمد عمران عطاری مَدَّظِلُّہُ الْعَالِی نے لاہور میں جنرل ریٹائرڈ اشرف تبسم سابقہ چیئرمین پنجاب پبلک سروس کمیشن سے ملاقات کی۔ نگران شوریٰ نے انہیں دعوت اسلامی کے تحت دنیا بھر میں ہونے والے دینی کاموں کے بارے میں بریفنگ دی اور عالمی مدنی مرکز فیضان مدینہ کراچی کے وزٹ کی دعوت دی۔

نگران شوریٰ نے انہیں دینی کاموں میں تعاون کرنے کی بھی درخواست کی اور مختلف امور پر تبادلۂ خیال ہوا۔

شعبہ خدام المساجد و المدارس دعوت اسلامی کے زیر اہتمام کراچی کے مختلف علاقوں میں مساجد و مدارس کے قیام کے لئے تعمیراتی کاموں کا سلسلہ جاری ہے۔

پچھلے دنوں مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے ان مقامات کا دورہ کیا اور وہاں ہونے والے تعمیراتی کاموں کا جائزہ لیا۔ نگران شوریٰ نے ان علاقوں میں مقامی شخصیات سے ملاقاتیں بھی کیں اور دعوت اسلامی کی پروجیکٹس کے حوالے سے بریفنگ دیتے ہوئے انہیں نئے مساجد و مدارس بنانے کے اہداف دیئے۔

اس موقع پر اراکین شوریٰ حاجی محمد امین عطاری، حاجی امین قافلہ عطاری، حاجی محمد علی عطاری اور دعوت اسلامی کے ذمہ داران موجود تھے۔

اَلْحَمْدُ لِلّٰہِ عَزَّ وَجَلَّ عاشقاں رسول کی دینی تحریک دعوت اسلامی کی مجلس اصلاح اعمال گوجرانوالہ زون کا ماہانہ مدنی مشورہ 28 فروری2021ء بروز جمعۃ المبارک کو فیضان مدینہ گوجرانوالہ میں ہوا جس میں اراکین کابینہ اور ڈویژن ذمہ دارن نے شرکت کی ۔

مدنی مشورہ لاہور ریجن ذمہ دار مشرف حاجی محمد شہزاد عطاری اور زون ذمہ دار محمد قاسم عطاری نے لیا۔ ریجن ذمہ دار نے جدول کو مضبوط کرنے ، شعبہ کے کاموں کو بڑھانے ، تہجد اجتماعات اور سحری اجتماعات منعقد کرنے کے لئے علاقہ پر ایک مسجد فکس کرنے ، نمازی بناؤں تحریک بنانے اور نیک اعمال کے رسائل تقسیم وصول کرنے پر کلام کیا ۔

ریجن ذمہ دار نے شرکا کو شعبہ کے دینی کام مثلا یوم قفل مدینہ اجتماع اور ایام قفل مدینہ اجتماع بھرپور انداز میں کرنے کاذہن دیا اور رمضان عطیات کے حوالے سے اہم مدنی پھول دیئے۔ اس موقعہ پر مدنی مشورہ ذمہ داران کی job description کو بھی مفصل انداز میں بیان کیا گیا۔رپورٹ:(محمد شہریار عطاری)

پچھلے دنوں دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے قائد آباد کابینہ کا دورہ کیا۔ نگران شوریٰ نے میر پور ساکرومیں جاری تعمیراتی کاموں کا جائزہ لیا اور مقامی ذمہ داران سے تعمیراتی کاموں کے متعلق معلومات حاصل کی۔نگران شوریٰ نے انہیں تعمیرات کو جلد مکمل کرنے کے متعلق مدنی پھول بیان کئے۔

اس موقع پر اراکین شوریٰ کے حاجی محمد امین عطاری، حاجی امین قافلہ عطاری، حاجی محمد علی عطاری اور دعوت اسلامی کے ذمہ داران موجود تھے۔

پچھلے دنوں عالمی مدنی مرکز فیضان مدینہ کراچی میں قائم مرکزجامعۃ المدینہ کے درجہ دورۃ الحدیث شریف میں علمی نشست کا انعقاد کیا گیا  جس میں دورۃ الحدیث شریف کے طلبائے کرام نے شرکت کی۔

مرکزی مجلس شوریٰ کے نگران مولانا محمدعمران عطاری مَدَّظِلُّہُ الْعَالِی نے سنتوں بھرا بیان کیا اور طلبہ کو علمِ دین سیکھ کر اس کے حقوق پورا کرنے اور فارغ التحصیل ہونے کے بعد دینی کاموں کی دھومیں مچانے کا ذہن دیا۔

اس موقع پر اراکینِ مجلس جامعۃ المدینہ مولانا سید ساجد عطاری مدنی، استاذ الحدیث مولانا فہیم عطاری مدنی ، مولانا عارف عطاری مدنی اور دیگر ذمہ داران موجود تھے۔

28 فروری 2021ء کو مدنی مرکز فیضان مدینہ آفنڈی ٹاؤن حیدر آباد میں مدنی مشورہ ہوا جس میں حیدر آباد ریجن کے اراکین زون نے شرکت کی۔

مرکزی مجلس شوریٰ کے رکن حاجی ابو ماجد محمد شاہد عطاری مدنی نے کارکردگی کا جائزہ لیا اور انہیں اسلامی بہنوں کے دینی کاموں میں معاونت کی ترغیب دلائی۔ رکن شوریٰ نے اراکین زون کا ماہانہ مدنی مشورہ کرنےکا ذہن دیا جبکہ رکنِ زون کے ضروری کاموں سے آگاہ کرتے ہوئے اس کی بریفنگ دی۔

شعبہ حج و عمرہ د عوت اسلامی کے زیر اہتمام 19 فروری 2021ء بروز جمعۃ المبارک مرکزی جامعہ المدینہ فیصل آباد کے دورۃ الحدیث شریف کے طلباء میں معلم عمرہ تربیتی مدنی حلقہ ہوا جس میں جامعہ المدینہ کے اساتذہ اور طلبہ نے شرکت کی ۔

مدنی حلقے میں نگران شعبہ الحاج محمد شوکت عطاری نے شعبہ کا تعارف کرواتے ہوئے شعبہ حج وعمرہ میں دینی کام کرنے کی ترغیب دلائی اور عمرے کےحوالے سے ضروری و اہم معلومات سے حاضرین کو آگاہ کیا ۔( رکن زون عبدالرزاق عطاری)

شعبہ مدنی کورسز  دعوت اسلامی کے زیر انتظام فیضانِ مدینہ انصاری چوک ملتان میں 26 فروری 2021ء بروز جمعۃ المبارک اصلاح اعمال کورس کا اہتمام ہوا جس میں مدرس کورس کے شرکانے شرکت کی۔

اصلاح اعمال کورس میں رکن شعبہ مدنی کورسز محمد اویس عطاری نے فن گفتگو اور حسن اخلاق کے موضوع پر شرکا کی شربیت کرتے ہوئے فکر آخرت کا ذہن دیا۔اس موقع پر مبلغ دعوت اسلامی نے حاضرین کوخدمات دعوت اسلامی سے آگاہ کرتے ہوئے دینی کاموں میں شمولیت اختیار کرنے کے متعلق مدنی پھول دیئے ۔(رپورٹ:محمد احمدسیالوی عطاری رکن شعبہ مدنی کورسز)

اَلْحَمْدُ لِلّٰہِ عَزَّ وَجَلَّ عاشقاں رسول کی دینی تحریک دعوت اسلامی کی مجلس اصلاح اعمال گوجرانوالہ زون کا ماہانہ مدنی مشورہ 28 فروری2021ء بروز جمعۃ المبارک کو فیضان مدینہ گوجرانوالہ میں ہوا جس میں اراکین کابینہ اور ڈویژن ذمہ دارن نے شرکت کی ۔

مدنی مشورہ لاہور ریجن ذمہ دار مشرف حاجی محمد شہزاد عطاری اور زون ذمہ دار محمد قاسم عطاری نے لیا۔ ریجن ذمہ دار نے جدول کو مضبوط کرنے ، شعبہ کے کاموں کو بڑھانے ، تہجد اجتماعات اور سحری اجتماعات منعقد کرنے کے لئے علاقہ پر ایک مسجد فکس کرنے ، نمازی بناؤں تحریک بنانے اور نیک اعمال کے رسائل تقسیم وصول کرنے پر کلام کیا ۔

ریجن ذمہ دار نے شرکا کو شعبہ کے دینی کام مثلا یوم قفل مدینہ اجتماع اور ایام قفل مدینہ اجتماع بھرپور انداز میں کرنے کاذہن دیا اور رمضان عطیات کے حوالے سے اہم مدنی پھول دیئے۔ اس موقعہ پر مدنی مشورہ ذمہ داران کی job description کو بھی مفصل انداز میں بیان کیا گیا۔رپورٹ:(محمد شہریار عطاری)