پچھلے دنوں   بلوچستان کی سرزمین لسبیلہ کے ساحلی علاقے ڈام بندرگاہ میں دعوتِ اسلامی کےشعبہ ایف جی آر ایف کے تحت ڈام کے جزیرے میں مرکزی تقریب کاانعقاد کیا گیا جس میں تاجران اورسیاسی و سماجی شخصیات نے شرکت کی۔اس موقع پر ترجمان دعوتِ اسلامی اور مرکزی مجلس ِشوریٰ کے رکن مولانا حاجی عبدالحبیب عطاری اور رکنِ شوریٰ ونگران ِکراچی ریجن حاجی محمد امین عطاری کی آمد کا سلسلہ ہوا جس پر نگران زون لیاقت عطاری نے دیگر ذمہ دار ان سمیت اراکینِ شوریٰ کا استقبال کیا۔

اراکینِ شوریٰ نے ذمہ داران کے ہمراہ شجر کاری مہم کا آغاز کیا اور پودےلگائے ۔ اس موقع پر ترجما نِ دعوت ِاسلامی مولانا حاجی عبدالحبیب عطاری کا کہنا تھا کہ ہمیں صرف پودا نہیں لگانا بلکہ اس کی دیکھ بھال کر کے اس کو درخت بنانا ہے اس لئے ایف جی آر ایف کی شجرکاری مہم کا سلوگن ’’پودا لگانا ہے درخت بنانا ہے‘‘ رکھا گیا ہے۔

رکنِ شوریٰ کا مزید کہنا تھا کہ ہم اس انداز سےشجرکاری کریں کہ پودوں کی دیکھ بھال درخت بننے تک کرتے رہیں اس سے ہمارا وطنِ عزیز مزیدسرسبز و شاداب بنے گا۔ شعبہ ایف جی آر ایف کے تحت پودے لگانے کے حوالے سے ذمہ دار ان کو ضروری ہدایات بھی دی گئیں۔

اس شجرکاری مہم میں ڈام کی شخصیات میں سیٹھ انور موندرہ، سیٹھ عبدالعزیز ،سیٹھ راشد، سیٹھ کریم بخش، عرفان مانڈرا قادری، زینل قریشی اورغلام سرور قریشی بھی شریک تھے۔(رپوٹ:شعبہ ایف جی آرایف)

7اگست 2021ء کو دعوت اسلامی کے شعبہ رابطہ بالعلماء فیصل آباد کے زون ذمہ دار نے شہباز علی عطاری کے ہمراہ ادارہ مصطفائی رضوی، ادارہ نعمان بن ثابت اور نور الہدی فاؤنڈیشن کا وزٹ کیا جہاں انہوں نے شیخ الحدیث مولانا یوسف نقشبندی صاحب، مولانا وسیم قادری صاحب، مفتی احسان قادری صاحب اور مولانا قمر الزمان صاحب سے ملاقات کی۔

ذمہ داران نے شیخ الحدیث مولانا یوسف نقشبندی صاحب سے ہفتہ وار اجتماع اور محرم شریف کے مدنی قافلے کے حوالے سے مشاورت کرتے ہوئے انہیں فیضان مدینہ فیصل آباد آنے کی دعوت دی۔

ڈسٹرکٹ گوجرانوالہ میں دعوتِ اسلامی کےشعبہ رابط برائے  شخصیات کے اسلامی بھائیوں نے مختلف اداروں کا دورہ کیا جس میں چیف آفیسر میٹروپولیٹن ضلع گوجرانوالہ عمران صفدر، ریسکیو 1122 آفس کے افسران، فائر برگیڈ آفس گوجرانوالہ چیئرمین ڈویزنل امن کمیٹی زاہد سلیم اور اسسٹنٹ ڈائریکٹر PHA محمد وقارسے ملاقات کا سلسلہ ہوا۔ ساتھ ہی دعوتِ اسلامی کا تعارف پیش کیا گیا۔اس موقع پر افسران نے دعوتِ اسلامی کے تحت چلنے والے شجرکاری مہم اور دینی وفلاحی کاموں کو خوب سراہا ۔ذمہ داران نے ان افسران کو تحائف دیتے ہوئےمدنی مرکز فیضانِ مدینہ وزٹ کی دعوت دی جس پر انہوں نے دعوت قبول کی۔(رپوٹ: شعبہ رابطہ برائے شخصیات)

پچھلے دنوں دعوتِ اسلامی کے شعبہ رابطہ برائے شخصیات نے نگران کابینہ کےہمراہ بلوچستان کی معروف قبائلی سیاسی و سماجی شخصیت مشہور ٹرانسپورٹر حاجی میر عظمت خان جتک سے ملاقات کی۔  ذمہ داران نےانہیں عالمی مدنی مرکز فیضان مدینہ کراچی کے وزٹ کی دعوت دی جس پر میر عظمت خان جتک نےاظہارِمسرت کرتے ہوئے دعوت قبول کی۔ اس موقع پر شجرکاری مہم کا بھی سلسلہ ہوا جس پر شخصیت نے اسلامی بھائیوں کے ہمراہ پودے لگائے۔(رپوٹ: شعبہ رابطہ برائے شخصیات)

کوئٹہ میں دعوتِ اسلامی کے شعبہ رابطہ برائے شخصیات کے اسلامی بھائیوں نے CCPO کوئٹہ کے پرسنل سیکرٹری فضل داد کے ساتھ ملاقات کی ۔اس موقع پر شجر کاری مہم کے حوالے سے کوئٹہ میں جتنے تھانےاورپولیس لائن ہیں ان میں پودا لگانے کے بارے میں گفتگو ہوئی۔ پرسنل سیکرٹری نے دعوتِ اسلامی کی اس کاوش کو خوب سرا تے ہوئے ممکنہ تعاون کی یقین دہانی کروائی ۔(رپوٹ: شعبہ رابطہ برائے شخصیات)

پچھلے دنوں بلوچستان ریجن کوئٹہ میں شعبہ رابطہ برائے شخصیات کے ذمہ داراسلامی بھائیوں نے کمشنر آفس کوئٹہ میں ایڈیشنل کمشنر ڈاکٹر یاسر بازئی سے ملاقات کی۔اس موقع پر اسلامی بھائیوں نے انہیں اب تک کی  ہونے والی شجر کاری مہم کے حوالے سے مکمل بریفنگ دی ساتھ ہی دعوتِ اسلامی کی دینی وفلاحی خدمات سے آگاہی فراہم کی جس پر ایڈیشنل کمشنر نے دعوت اسلامی کی اس کاوش کو خوب سراہا اور اپنی نیک خواہشات کا اظہارکرتے ہوئے اپنے ہر ممکنہ تعاون کی یقین دہانی کروائی نیز دعوتِ اسلامی کے ذمہ دار اسلامی بھائیوں کے ہمراہ پودے لگانے کی نیت کی۔ اس ملاقات میں شعبہ رابطہ برائےشخصیات کے ذمہ دارمجیب الرحمٰن عطاری اور محسن عطاری سمیت دیگر ذمہ داران نے شرکت کی۔(رپوٹ: شعبہ رابطہ برائے شخصیات)

دعوتِ اسلامی کے شعبہ ایف جی آرایف کے تحت ڈسٹرکٹ جیل ڈیرہ مرادمیں شجرکاری مہم کی گئی جس میں سپرینڈنٹ حماد اسلم، اسسٹنٹ سپرینڈنٹ میر نذید احمد عمرانی، اسسٹنٹ سپرینڈنٹ غلام اکبر ابڑو اوراکاؤنٹ آفیسر نور اللہ سمیت دیگر اسٹاف جیل نے شرکت کی اور شجرکاری مہم کرتے ہوئے پودے لگائے۔(رپوٹ: شعبہ رابطہ برائے شخصیات)

پچھلے دنوں کوئٹہ میں دعوتِ اسلامی کے شعبہ رابطہ برائے شخصیات کے تحت ریجن ذمہ دار نے ایڈیشنل سیکرٹری جنگلات و جنگلی حیات داؤد کھیازئی اور ڈپٹی پی ڈی منصور جعفرسے میٹنگ کی۔ اس میٹنگ میں دعوتِ اسلامی کےشعبہ ایف جی آر ایف کے تحت اب تک ہونے والی شجر کاری مہم اور مزید پلان پر گفتگو ہوئی جس پر انہوں نے دعوت ِاسلامی کےایف جی آر ایف کی شجر کاری مہم کو خوب سراہا اور اپنی نیک خواہشات کا اظہار کیا۔ریجن ذمہ دار نے ایڈیشنل سیکرٹری فاریسٹ داؤد کھیازئی اور ان کی ٹیم محکمہ جنگلات و جنگلی حیات کے افسران کا شکریہ ادا کیا۔ ساتھ ہی مزید اپنے ہر ممکنہ تعاون کی یقین دہانی کروائی۔ رپوٹ: شعبہ رابطہ برائے شخصیات)

پنجاب  پاکستان میں 5اگست 2021ءبروز جمعرات صوبائی وزیر قانون راجہ بشارت کی خوشدامن (ساس) اور راجہ بہروز کی نانی جان کےلئے ایصالِ ثواب اجتماع کاسلسلہ ہوا۔ دعوتِ اسلامی کے شعبہ رابطہ برائے شخصیات کے ذمہ دار اسلامی بھائیوں نے ان کےگھر میں ایصال ثواب اجتماع کیانیزقبرستان میں قراٰن خوانی کی گئی۔

اس موقع پر شعبہ رابطہ برائے شخصیات کے ذمہ دار محمد لیاقت عطاری نے ’’فلسفۂ موت اور ایصال ثواب ‘‘کے موضوع پر بیان کر کے اسلامی بھائیوں کی رہنمائی کی۔اس اجتماعِ پاک میں معاونِ خصوصی وزیر اعظم پاکستان شہزاد اکبر سمیت مختلف اہم سیاسی و سماجی شخصیات نے شرکت کی۔(رپوٹ: شعبہ رابطہ برائے شخصیات)

دارالمدینہ ایک نظر میں

مروجہ تعلیمی نظام میں پروان چڑھنے والے غیر اسلامی نظریات نے ہماری نئی نسل کو اسلامی تعلیمات سے دور کر دیا ہے۔ مخلوط تعلیمی نظام اور سوشل میڈیا کے بڑھتے ہوئے استعمال کی بناء پر بے راہ روی عام ہوتی جارہی ہے ۔ان حالات کے باعث سنجیدہ اور دینی شعور رکھنے والے افراد کے ذہنوں میں یہ سوچ پیدا ہوئی کہ ایک ایسا تعلیمی نظام بھی ہونا چاہیے، جہاں اُمّت کے نونہال دینی تعلیم حاصل کرنے کے ساتھ ساتھ شریعت کے تقاضوں کے مطابق جدید دُنیاوی تعلیم بھی حاصل کر سکیں،اس طرح ایک طرف تو مستقبل کے معماروں کی تعلیمی و اخلاقی تربیت ہوسکے گی اور دُوسری طرف وہ مسلمانوں کےشعائر کی دُرست ترجمانی کر سکیں گے اوران میں خدمت ِدین و ملّت کا جذبہ بھی بیدار ہوسکےگا۔

عاشقان رسول کی دینی تحریک دعوت ِاسلامی کی علم ِدین کے فروغ کے حوالے سے شبانہ روز کاوشیں کسی سے ڈھکی چُھپی نہیں ہیں ۔ ملک و بیرون ملک میں  قائم سینکڑوں مدارس المدینہ اور جامعات المدینہ کی خدمات روز ِروشن کی طرح عیاں ہیں ۔ شیخ ِطریقت ،امیرِ اہلِ سُنّت ،بانی دعوت ِ اسلامی ،حضرت علّامہ مولاناابوبلال محمد الیاس عطار قادری رضویدَامَتْ بَرَکَاتُہُمُ الْعَالِیَہْکے فیضان ِنظر سےان خدمات کا دائرہ مزید وسیع کرتے ہوئے 2011ء میں دارالمدینہ انٹرنیشنل اسلامک اسکول سسٹم  کا قیام عمل میں لایا گیا تاکہ دینی علوم کے ساتھ جدید دُنیاوی علوم و فنون   کو  شریعت  کے تقاضوں کے مطابق   پڑھایا جائے۔ دارالمدینہ کا پہلا کیمپس 25 صفر  1432 ہجری بمطابق 30 جنوری 2011 کو قائم کیا گیا۔اللہ پاک کے کرم سے اس اسکول سسٹم نے انتہائی تیزی سے ترقی کی منازل طے کیں اور اب تک پاکستان  کے 23 شہروں میں 82  اسکولز قائم کیے جاچکے ہیں جن میں 21،000سے زائدطلبہ وطالبات تعلیم و تربیت حاصل کررہے ہیں ۔پاکستان کے علاوہ USA، UK، ساؤتھ افریقہ، نیپال، بنگلہ دیش اور  انڈیا میں بھی مجموعی طور پر 25 دارالمدینہ اسلامک اسکولز قائم ہوچکے ہیں جن میں 5,000سے زائد اسٹوڈنٹس زیر تعلیم ہیں۔

دارُالمدینہ انٹرنیشنل اسلامک اسکول سسٹم دینی و دُنیا وی تعلیم کا حسین امتزاج ہے۔یہاں قُرآنِ مجید اور ضروری علوم کی تعلیم کا خُصوصی اہتمام کیا جاتا ہے۔ ناظرہ قرآنی تعلیم اور حفظ کیے ہوئے طلبہ کے لیے منزل کی دُہرائی کا ایک پیریڈ مختص کیا گیا ہے ، جس میں حفاظ طلبہ کو اپنی منزل مضبوط کرنے کا موقع میسر آتا ہے۔

دارالمدینہ اسلامک سسٹم میں ابتدا ہی سے بچوں اور بچیوں کے لیےالگ الگ کلاسز کا اہتمام کیا جاتا ہے۔بچوں کی تربیت اور اُنھیں ایک اچھّا انسان اور باکردارمسلمان بنانے کے لیےمختلف نصابی و ہم نصابی سرگرمیوں کا انعقاد کیا جاتا ہے۔ بامقصد نصابی اور ہم نصابی سرگرمیاں طلبہ کی صلاحیتیں نکھارنے میں اہم کردار ادا کرتی ہیں۔دارالمدینہ میں طلبہ کے درمیان مختلف ایجوکیشنل اور فزیکل ایکٹیویٹیز پر مشتمل competitionsکروائے جاتے ہیں۔بچوں کی ذہنی نشونما کے ساتھ ان کی جسمانی نشونما پر بھی توجہ دی جاتی ہے۔

اہم دینی، قومی اور عالمی ایونٹس کے مواقع پر دارالمدینہ کے طلبہ کو اس دن کے پیغام کودرست انداز سے سمجھانے کےلیے دارالمدینہ میں ایونٹس کے تحت مختلف سرگرمیوں کا اہتمام کیا جاتا ہے۔ طلبہ میں عشق رسول صلی اللہ تعالی علیہ وآلہ وسلم بڑھانے کےلیے عید میلاد النبی صلی اللہ تعالی علیہ وآلہ وسلم کے موقع پر محفل میلاد کا اہتمام ہوتا ہے۔شب معراج ، شب براءت اور دیگر اہم اسلامی ایونٹس پر خصوصی تقاریب منعقد کی جاتی ہیں۔

ایک مسلمان کے لیے وطن کی محبت نہایت اہمیت کی حامل ہے۔ دارالمدینہ میں یوم آزادی، یوم پاکستا ن اور دیگر اہم قومی ایونٹس پر مختلف پروگرامز منعقد کیے جاتے ہیں تاکہ طلبہ کو اپنے ملک کے بارے میں آگاہی ملے اور اس کی تاریخی اہمیت کے بارے میں معلومات میں اضافہ ہو۔یوم صفائی، یوم شجر کاری اور اس طرح کے بہت سے ایام دارالمدینہ میں خصوصی اہتمام کے ساتھ منائے جاتے ہیں۔

دارُالمدینہ میں پڑھنے والے طلبہ کے لیے قومی و عالمی تقاضوں کو مدنظر رکھتے ہوئے جدید اور معیاری نصاب تیار کیا گیا ہے، پری پرائمری میں early childhood education  کی گائیڈلائنز اور recommendationsکی روشنی میں  کلاس روم arrangement اور لرنگ کارنرز کے ذریعے بچوں کی دلچسپی کو برقرار رکھتے ہوئے سیکھنے کے مواقع فراہم کیے جاتے ہیں۔ دارالمدینہ پری پرائمری میں ٹیچر بطور facilitator  بچوں کے سیکھنے کے عمل میں ان کی مدد کرتی ہے۔ دارالمدینہ انہیں ایک ایسا ماحول فراہم کرتا ہے جہاں ان کے لیے سیکھنا ایک پرلطف اور بامقصد سرگرمی بن جائے۔

بچوں کی Personal and Social Developmentکے لیے، اُن میں روزِ مرہ کے کام کرنے کی صلاحیت بڑھانے،تخلیقی صلاحیتوں کو پروان چڑھانے،اخلاقی قدروں کا خیال رکھنے،اُن کے تجربات اور مشاہدات کو وسیع کرنے، اپنی صحت کا خیال رکھنے سے متعلق شعور و آگہی فراہم کرنادارُالمدینہ کے پری پرائمری نصاب کا حصہ ہے ۔طلبہ کو دورِ جدید کے تقاضوں سے ہم آہنگ رکھنے کے لیے پرائمری کیمپسز میں کمپیوٹر لیبز قائم کی گئی ہیں ۔ طلبہ کی سائنسی تعلیم کی ضروریات پوری کرنےکے لیے سیکنڈری کیمپسزمیں کمپیوٹر لیبز کے ساتھ سائنس لیبزبھی قائم کی گئی ہیں۔

دارالمدینہ میں معیار تعلیم کو بہتر بنانے کے لیے اہل،تجربہ کار اور اعلی تربیت یافتہ اساتذہ کرام کا انتخاب کیا جاتا ہے، وقتاً فوقتاً ان اساتذہ کرام کے لیے ٹریننگ سیشنز کا اہتمام بھی کیا جاتاہے تاکہ اُنہیں جدید تعلیمی تکنیک اور سہولتوں سے آگاہی فراہم کی جاسکے۔

دارُالمدینہ میں معیارِ تعلیم کو بہتر بنانے کے لیے  تقسیم کاری کرتے ہوئے متعددذیلی شعبے  قائم کیے گئے ہیں جن میں شعبہ ریسرچ اینڈ ڈیولپمنٹ ، ایجوکیشن مینجمنٹ ،شعبہ دینیات وغیرہ بھی شامل ہیں ۔ دارالمدینہ انٹرنیشنل یونیورسٹی پریس کے تحت تیار کردہ کتب دارُالمدینہ کے تعلیمی نصاب میں شامل کی جاچکی ہیں اور دیگر پبلشرز کی کتب بھی شرعی تفتیش کے بعد شامل ِنصاب کی جاتی ہیں۔تمام شعبہ جات کے ذریعے ہونے والے کاموں کو شرعی تقاضوں اور احتیاطوں کے مطابق جانچنے کے لیے شعبہ تفتیش وشریعہ  بھی قائم ہے۔ اَلۡـحَـمۡـدُ لـِلّٰـهِ عَزَّوَجَلَّ د ارُالمدینہ کے تعلیمی ،تدریسی اور انتظامی ماحول  کو  ہر قسم کے غیر شرعی اُمور سے پاک رکھنے کی حتی الامکان کوشش کی جاتی ہے ۔ دارُالمدینہ کے معیار ِتعلیم میں مزید بہتری کے لیےمجلس دارالمدینہ پُوری طرح سرگرم عمل ہے۔ 

دعوتِ اسلامی کے شعبہ مکتبۃ المدینہ للبنات  اور تقسیم رسائل کے تحت 6 اگست 2021 ءکو شیرشاہ کراچی میں مدنی مشورےکاانعقادہوا جس میں زون مشاورت ذمہ داراسلامی بہن نے کابینہ مشاورت کو شعبےکے دینی کاموں کےحوالےسےنکات سمجھائےاور کارکردگی کوبہتر بنانےنیز مکتبۃ المدینہ اور تقسیم رسائل کا فالواپ کیسے کیا جائے اس کےحوالےسے مدنی پھول بھی سمجھائے۔

بروقت شیڈول جمع کروانے پر ذمہ داراسلامی بہنوں کی حوصلہ افزائی کی نیز محرم الحرام میں تقسیم رسائل کے پیکجز زیادہ سے زیادہ تقسیم کرنے کا ذہن دیا اورمکتبۃ المدینہ کی نئی کارکردگیاں سمجھاتے ہوئے مشاورتوں کو تقرریاں 26 دن میں مکمل کرنے کا ہدف دیا۔ اس کےعلاوہ مکتبۃ المدینہ کے بستے(اسٹال) پر کیا سامان رکھنا ہے اس کے تفصیلی نکات بتائے۔ ذمہ دار اسلامی بہنوں نے شعبے کو بہتر بنانے اور بروقت پر کارکردگی دینے تقرریاں مکمل کرنے کی نیتوں کا اظہار کیا ۔

دعوت اسلامی کے زیر اہتمام 6 اگست 2021 ء  بروزجمعہ گلستان جوہر کابینہ کی ڈویژن جوہر چورنگی نوید بنگلوز کراچی میں مدنی مشورہ منعقد ہوا جس میں ڈویژن تا ذیلی نگران اسلامی بہنوں نے شرکت کی۔

کابینہ نگران اسلامی بہن نے ’’اسلاف کی دین کی خاطر قربانی ‘‘کے موضوع پر بیان کرتے ہوئے صحابیات کی قربانیوں کا ذکر کیا اور دین کی خاطر وقت کی قربانی دینے اور دعوت اسلامی کا دینی کام بہتر انداز میں کرنے کا ذہن دیا۔ ذیلی حلقے میں دینی کام مضبوط کرنے کے طریقے بتاتے ہوئے پُرانی اسلامی بہنوں سے رابطے کرنے اور نئی اسلامی بہنوں پر کوشش کرکے درس و بیان سکھانے کی تربیت کی۔ ساتھ ہی منسلک کی فہرست اپڈیٹ کرنے، علاقائی دورے میں ہر ذمہ داراسلامی بہن کو شرکت کرنے، ہر ماہ مدنی مشورے کے نظام کو مضبوط کرنے، شیڈول و ماہانہ کارکردگی وقت پر جمع کروانے اور دینی حلقے میں خود بھی شریک ہوکر زیادہ اسلامی بہنوں کو شرکت کروانے کاہدف دیا نیز اجتماعِ ذکرِ شہادت اور دعائے شفاء اجتماع کے نکات بتاتے ہوئے ان کو اچھے انداز میں کرنے اور دوسری اسلامی بہنوں کو اس کی دعوت دینے کا ذہن دیا جس پراسلامی بہنوں نے اچھی نیتوں کا اظہار کیا۔ آخر میں ذمہ دار اسلامی بہنوں کو رسائل کے تحائف دئیے گئے۔