دعوت اسلامی ڈیفنس کابینہ کے شعبہ تعلیم اور مجلس ڈاکٹر کےزیر اہتمام ڈیفنس   فیز 7 میں سنتوں بھرا اجتماع ہوا جس میں شعبۂ تعلیم سے وابستہ اسٹوڈنٹس ٹیچرز ، ڈاکٹرز اور دیگر اسلامی بھائیوں نے شرکت کی ۔

مبلغ دعوت اسلامی نے کامیاب کون کے موضوع پر سنتوں بھرا بیان فرمایا ۔ مزید مارچ میں شعبۂ تعلیم کے تحت ہونے والے طہارت کورس کے حوالے سے ذہن سازی کی گئی۔(رپورٹ:محمد حماد رضا میڈیا ڈیپارٹمنٹ ڈیفنس کابینہ)

دعوتِ اسلامی کے شعبہ فیضان آن لائن اکیڈمی کے زیر اہتمام پچھلے دنوں حیدرآباد ریجن میں واقع فیضان آن لائن اکیڈمی کی برانچ فیضان مدینہ آفندی ٹاؤن میں ریجن ذمہ دار جنید عطاری مدنی نے شفٹ عطاری اور قادری کے ناظمین،معاونین،شفٹ تعلیمی ذمہ داران اور مدرسین کا مدنی مشورہ لیا۔

دعوتِ اسلامی کے شعبہ فیضان آن لائن اکیڈمی کے زیر اہتمام  19 فروری 2021ء کو نگران مجلس فیضان آن لائن اکیڈمی للبنین مولانا یاسر عطاری مدنی نے برانچ فیضان مدینہ گجرانوالہ میں برانچ ذمہ داران کا مدنی مشورہ لیا۔

مدنی مشورے میں کراچی میں ہونے والے سالانہ سنتوں بھرے اجتماع کی تیاریوں کا ذہن دیتے ہوئے دینی کاموں میں مضبوطی لانے کی ترغیب دلائی۔نیز انتظامی معاملات کے حوالے سے مدنی پھول بھی دئیے۔

دعوتِ اسلامی کے شعبہ ائمۂ مساجد کے زیر اہتمام 24فروری2021ء بروز بدھ فیضان مدینہ آفندی ٹاؤن حیدرآباد میں  رکنِ شوری حاجی محمد عقیل عطاری مدنی ونگران ائمہ مساجد پاکستان حافظ محمدفیضان عطاری مدنی نے ائمہ کرام کا مدنی مشورہ لیا ۔

امام صاحبان کی صلاحیتوں میں اضافہ کرنے اور احسن و نرم انداز میں عوام الناس کی اصلاح کرنے پر تربیت فرمائی۔ائمۂ مساجدپاکستان کےنظام کوبہتربنانےاورہرمسجدکو آبادکرنے،نمازیوں اور اہل محلہ کےبچوں کو درست مخارج کےساتھ قرآن پاک کی تعلیم وتربیت دینےنیز اسکےاخراجات کوخودکفیل کرنےکےحوالےسےمدنی پھول عطا فرمائے۔

ماہ رجب وشعبان المعظم میں سحری اجتماعات کرنے اور اس میں نمازیوں اور اہل محلہ کی شرکت اورشعبہ نیک اعمال کےطےشدہ شیڈول و طریقہ کارکےمطابق اجتماع کرنے کی ذہن سازی کی گئی۔(رپورٹ: محمدعابد عطاری مدنی)

22 فروری 2021ء بروز بدھ سکھر زون، جیکب آباد کابینہ،  ڈویژن ٹھل سٹی ڈسٹرکٹ جیکب آباد میں ڈویژن نگران محمد اویس عطاری نے ایک سینٹر کا وزٹ کیا اور نیکی کی دعوت کا سلسلہ ہوا جس میں اسٹوڈنٹس اور ٹیچرز نے شرکت کی۔

25 فروری 2021ء  بروز جمعرات ریجن حیدرآباد، زون سکھر، کابینہ میاں جو گوٹھ کے ڈویژن آباد سٹی نزد جیکب آباد میں زیر تعمیر مدنی مرکز فیضانِ مدینہ کا نگرانِ کابینہ اختیار احمد عطاری نے وزٹ کیا اور فیضان مدینہ میں جاری تعمیرات کا جائزہ لیا۔(رپورٹ: اختیار احمد عطاری کابینہ نگران)

صحابہ کرام رَضِیَ اللہُ عَنْہُم کے عشقِ رسو ل کے واقعات پر مشتمل تالیف

صحابہ کرام رَضِیَ اللہُ عَنْہُم کا عشقِ رسول

اِس کتاب کی چندخصوصیات:

٭دیدہ زیب ودلکش سرورق(Title)وڈیزائننگ(Designing) ٭عصرحاضرکے تقاضوں کے پیش نظرجدید کمپوزنگ وفارمیشن ٭عبارت کے معانی ومفاہیم سمجھنے کیلئے ’’علامات ترقیم ‘‘(Punctuation Marks) کا اہتمام ٭تقریباً ہرآیت مبارکہ میں ترجمہ ٔکنزالایمان کا التزام ٭پڑھنے والوں کی دلچسپی برقرار رکھنے کیلئے عنوانات (Headings) کا قیام ٭فکرِآخرت پرمشتمل اِصلاحی موادکی شمولیت ٭قراٰنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، احادیث ودیگر عبارات کےحوالوں(References) کا خاص اہتمام ٭ایک ہی نظرمیں کتاب کے عنوانات دیکھنے کیلئے کتاب کے شروع میں فہرست(Index) ٭جن کتب کا حوالہ دیا گیا ہے ان کے مصنفین، مکتبوں اورشہرطباعت کی ’’ماخذومراجع‘‘میں تفصیل ٭پوری کتاب کی دارالافتاء اَہلِ سنت کے مفتیانِ کرام سے شرعی تفتیش ٭اَغلاط کوکم سے کم کرنے کیلئے پوری کتاب کی کئی بار پروف ریڈنگ

274صفحات پر مشتمل یہ کتاب 2006ء سے لیکر 10 مختلف ایڈیشنز میں تقریباً32ہزار 800کی تعداد میں پرنٹ ہو چکی ہے۔

اس کتاب کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

دعوت اسلامی کے زیر اہتمام آج رات  بمطابق 15 رجب المرجب 1442ھ کی شب عالمی مدنی مرکز فیضان مدینہ کراچی میں عرس ِآل نبی، اولاد علی حضرت سیدنا امام جعفر صادق رضی اللہ عنہ کے موقع پر مدنی مذاکرے کا انعقاد کیا جائیگا۔

اس روحانی محفل کا آغاز تلاوت قرآن مجید سے ہوگا ، تلاوت کے بعد بارگاہِ رسالت صلَّی اللہ علیہ واٰلہٖ وسلَّم میں ہدیۂ نعت اور امام جعفر صادق رضی اللہ عنہ کی شان میں منقبت پڑھی جائیگی۔امیر اہلِ سنت دَامَتْ بَرَکَاتُہُمُ الْعَالِیَہ سیدناامام جعفر صادق رضی اللہ عنہ کی سیرت بیان کرنے کے ساتھ ساتھ عاشقان رسول کی جانب سے کئے گئے سوالات کے جوابات ارشاد فرمائیں گے۔ مدنی مذاکرے کے اختتام پر کونڈوں کی نیاز کھیر پوری کا بھی اہتمام ہوگا۔

واضح ہے کہ یہ پروگرام مدنی چینل پر براہ راست نشر بھی کیا جائیگا۔

عاشقان رسول  کے دلوں کو علمِ دین کی طرف راغب کرنے اور ان کی دینی معلومات میں اضافہ کرنے کےساتھ ساتھ ان کے قلوب کو صحابہ، اہل بیت اور اولیاء کرام کی محبت سے لبریز کرنے کے لئے امیرِ اہلِ سنت دَامَتْ بَرَکَاتُہُمُ الْعَالِیَہ ہر ہفتے ایک رسالے کے مطالعے کی ترغیب دلاتے ہیں اور رسالہ پڑھنےیاسننے والوں کو اپنی دعاؤں سے بھی نوازتے ہیں۔

اس ہفتے امیرِ اہلِ سنت نے عاشقانِ رسول کو رسالہ ” ہر صحابی نبی جنّتی جنّتی“ پڑھنے / سننے کی ترغیب دلائی ہے اور پڑھنے /سننے والوں کو اپنی دعاؤں سے بھی نوازا ہے۔

دعائے عطار

یا اللہ پاک ! جو کوئی رسالہ ” ہر صحابی نبی جنّتی جنّتی“ پڑھ یا سن لے اُسےاور اس کی قیامت تک آنے والی ساری نسلوں کو صحابۂ کرام کی سچی غلامی نصیب فرما۔اٰمین

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

آڈیو میں رسالہ نیچے ملاحظہ کریں

دعوت اسلامی کے شعبہ رابطہ برائے وکلاء کے زیر اہتمام 24 فروری 2021ء کو شکر گڑھ کے بار روم میں وکلاء اجتماع ہوا جس میں بار کے صدر، نائب صدر اور وکلاء حضرات نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیااور حاضرین کو مدنی پھول دیئے۔ رکن شوریٰ نے انہیں بار میں دینی کاموں کو فروغ دینےاور دعوت اسلامی کے دینی کاموں میں تعاون کرنے کی ترغیب دلائی۔

25 فروری 2021ء کو دعوت اسلامی کے زیر اہتمام شکر گڑھ پنجاب میں سنتوں بھرے اجتماع کا انعقاد کیا گیا جس میں مختلف شعبے سے وابستہ شخصیات نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا اور انہیں دینی ماحول سے وابستہ ہونے، دینی کاموں میں شرکت کرنے، اور دینی کاموں میں بڑھ چڑھ کر حصہ لینے کا ذہن دیا۔

گزشتہ روز عالمی مدنی مرکز فیضان مدینہ کراچی میں شعبہ رابطہ برائے شوبز کے زیر اہتمام سنتوں بھرے اجتماع کا انعقاد کیا گیا جس میں کراچی میں مقیم شوبز کے فنکار اور دیگر افراد نے شرکت کی۔

مرکزی مجلس شوریٰ نے رکن مولانا حاجی عبد الحبیب عطاری نے سنتوں بھرا بیان کیا اور شرکا کو دعوت اسلامی کی دنیا بھر میں جاری دینی خدمات سے آگاہ کیا۔ رکن شوریٰ نے انہیں نیکی کی دعوت دی اور ہفتہ وار اجتماع و مدنی مذاکرے میں شرکت کرنے کی ترغیب دلائی۔