14 اپریل 2022ء بروز جمعرات دعوتِ اسلامی کے مدنی مرکز فیضانِ مدینہ جوہر ٹاؤن لاہور میں مرکزی مجلسِ شوریٰ کے رکن حاجی یعفور رضا عطاری نے پردے میں موجود جامعۃ المدینہ و مدرسۃ المدینہ گرلز کی ناظمات اسلامی بہنوں کی تربیت کی، اس دوران شعبے کے اہم ذمہ داران کی بھی شرکت رہی۔

اس دوران رکنِ شوریٰ نے ’’تقوی و پرہیزگاری‘‘ کے موضوع پر سنتوں بھرا بیان کرتے ہوئے شعبے کے دینی کاموں کے حوالے سے اہم امور پر گفتگو کی۔

اس کے علاوہ رکنِ شوریٰ نے اسلامی بہنوں کو ماہِ رمضانُ المبارک میں دعوتِ اسلامی کے مختلف شعبہ جات کے لئے زیادہ سے زیادہ عطیات کرنے کا ذہن دیا۔ (رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

امیر اہلسنت علامہ محمد الیاس عطار قادری دامت بَرَکَاتُہمُ العالیہ اپنے چاہنے والوں اور عاشقان رسول کی وقتاً فوقتاً شرعی رہنمائی کرتے رہتے ہیں جس کا اندازہ مدنی چینل کے منفرد سلسلے ”مدنی مذاکرہ“ سے لگایا جاسکتا ہے۔ مدنی مذاکرے میں عاشقان رسول کی جانب سے براہ راست، S.M.S یاریکارڈ شدہ کال کے ذریعے ”نماز وتر“ کے متعلق سوالات کیا جاتا رہا ہے جن کے جوابات امیر اہلسنت دامت بَرَکَاتُہمُ العالیہ قرآن و حدیث کی روشنی میں ارشاد فرماتے رہے ہیں۔ اسلامک ریسرچ سینٹر ”المدینۃ العلمیہ“ نے مدنی مذاکروں میں ”نماز وتر“ کے متعلق ہونے والے سوالات و جوابات کو یکجا کرکے 14 صفحات پر مشتمل رسالہ بنام ”امیر اہلسنت سے نماز وتر کے بارے میں سوال جواب“ مکمل کرنے کی بہترین کوشش کی ہے۔

جانشین امیر اہلسنت حاجی مولانا عبید عطاری مدنی مُدَّ ظِلُّہُ العالی نے عاشقان رسول کی نماز وتر کے متعلق شرعی رہنمائی کرنے کے لئے اس ہفتے رسالہ ”امیر اہلسنت سے نمازِ وتر کے بارے میں سوال و جواب“ پڑھنے/ سننے کی ترغیب دلائی ہے اور پڑھنے / سننے والوں کو اپنی دعاؤں سے نوازا ہے۔

دعوت اسلامی کی مجلس تراجم کی جانب سے اس رسالے کا آٹھ زبانوں(اردو، انگلش، بنگلہ، ہندی، رومن اردو، سندھی، پشتو اورفرنچ) میں ترجمہ بھی کیا گیا ہے، دعوت اسلامی کی ویب سائٹ پر ان زبانوں میں رسائل موجود ہیں، مذکورہ زبانوں کے جاننے والے درج ذیل لنک پر کلک کرکے رسائل کا مطالعہ کرسکتے ہیں۔

دعائے جانشین امیر اہلسنت

یارب المصطفی! جو کوئی 14 صفحات کا رسالہ ”امیر اہلسنت سے نماز وتر کے بارے میں سوال جواب“پڑھ یا سن لے اسے باجماعت نماز کی پابندی نصیب فرما۔ اٰمین بجاہ خاتم النبیین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

نگران کراچی سٹی و رکن شوری حاجی امین عطاری نے 13 اپریل 2022ء  بروز بدھ کراچی کے علاقے میمن نگر کی میمن مسجد میں افطار اجتماع میں بیان فرمایا اور دعا کروائی۔

٭بعد نماز مغرب ایک اسلامی بھائی کے گھر جا کر انہیں مدنی عطیات کی ترغیب دی۔

٭علاوہ ازیں تراویح کے بعد موسمیات کی فیضانِ عطار مسجد میں ختم قراٰن کا سلسلے ہوا جس میں رکن شوریٰ نے بیان فرمایا اور دعا کروائی۔( کانٹینٹ:رمضان رضا عطاری)

13  اپریل 2022ء کو پنجاب پاکستان کے شہر فیصل آباد میں قائم مدنی مرکز فیضان مدینہ میں ایک ماہ کے اعتکاف مجلس کے اسلامی بھائیوں کی میٹنگ ہوئی جس میں اعتکاف مجلس کےنگران و ذمہ داران اور حلقہ نگران اسلامی بھائیوں نے شرکت کی۔

مرکزی مجلسِ شوریٰ کے رکن ونگران پاکستان مشاورت حاجی محمد شاہدعطاری نے اعتکاف حلقہ نگران و ذمہ دار اسلامی بھائیوں کی تربیت فرماتے ہوئے انہیں جدول پر عمل کروانے اور نرمی سے پیش آنے کے بارے میں مدنی پھول پیش کئے۔( کانٹینٹ:رمضان رضا عطاری)

فیصل آباد  میں قائم مدنی مرکز فیضان مدینہ کا 12 اپریل 2022ء کو ڈسٹرک چیف ایگزیکٹو آفیسر فیصل آباد ویسٹ مینجمنٹ کمپنی محمد بلال فیروز جوئیہ نے وزٹ کیا اس موقع پر شخصیات سے نگران پاکستان مولانا شاہد عطاری نے ملاقات کیں اور انہیں ملک و بیرون ملک میں ہونے والی دعوت ا سلامی کی دینی خدمات سے آگاہ کیا۔

اس کے علاوہ شخصیات نے بعد نماز عصر ہونے والے مدنی مذاکرہ اور مناجات افطار میں بھی شرکت کی۔ ( کانٹینٹ:رمضان رضا عطاری)

دعوت اسلامی کے شعبہ اصلاح اعمال کے تحت مارچ 2022ء  میں اورسیز میں ہونے والے دینی کاموں کی کارکردی ملاحظہ ہوں:

تقسیم ہونے والے نیک اعمال رسائل کی تعداد: 32 ہزار 914

وصول ہونےوالے نیک اعمال کے رسائل کی تعداد: 33 ہزار 754

مدنی بیٹیاں بننے والی اسلامی بہنوں کی تعداد: 2 ہزار 182

اصلاح اعمال اجتماعات کی تعداد: 755

ان میں شرکت کرنے والی اسلامی بہنوں کی تعداد: 15 ہزار485

ادارتی شعبہ جات میں تقسیم ہونے والے نیک اعمال کے رسائل کی تعداد: 1 ہزار 707

ادارتی شعبہ جات سے وصول ہونے والے نیک اعمال کے رسائل کی تعداد: 2 ہزار 182

ادارتی شعبہ جات میں مدنی بیٹیاں بننے والی اسلامی بہنوں کی تعداد: 225

اورسیز میں مدنی مذاکرہ سننے والی اسلامی بہنوں کی تعداد:11 ہزار 967

دعوت اسلامی کے شعبہ اصلاح اعمال کے تحت مارچ 2022ء  میں اورسیز میں ہونے والے دینی کاموں کی کارکردی ملاحظہ ہوں:

تقسیم ہونے والے نیک اعمال رسائل کی تعداد: 32 ہزار 914

وصول ہونےوالے نیک اعمال کے رسائل کی تعداد: 33 ہزار 754

مدنی بیٹیاں بننے والی اسلامی بہنوں کی تعداد: 2 ہزار 182

اصلاح اعمال اجتماعات کی تعداد: 755

ان میں شرکت کرنے والی اسلامی بہنوں کی تعداد: 15 ہزار485

ادارتی شعبہ جات میں تقسیم ہونے والے نیک اعمال کے رسائل کی تعداد: 1 ہزار 707

ادارتی شعبہ جات سے وصول ہونے والے نیک اعمال کے رسائل کی تعداد: 2 ہزار 182

ادارتی شعبہ جات میں مدنی بیٹیاں بننے والی اسلامی بہنوں کی تعداد: 225

اورسیز میں مدنی مذاکرہ سننے والی اسلامی بہنوں کی تعداد:11 ہزار 967

مارچ2022  ءمیں دعوت اسلامی کے شعبہ محفل نعت (اسلامی بہنیں ) کے تحت دنیا بھر کے جن ملکوں اور ریجن میں محفل نعت ہوئی ان میں

عرب شریف ، بحرین ، عمان،کویت، قطر، آسٹریلیا ، چائنا ، ہانک کانگ ،سری لنکا، سلہٹ ، راجشاہی ،ڈھاکہ ، چٹاگانگ،اجمیر ، دہلی، بمبئی، کلکتہ، بریلی، ایران ،ترکی ،ساؤتھ افریقہ، تنزانیہ ،کینیا ، موزمبیق ، یوکے ، بیلجئیم ، اسپین ، سویڈن اور نیو یارک شامل ہیں۔ ان کی ماہانہ کارکردگی درج ذیل ہے:

کل محافل نعت کی تعداد: ایک ہزار394

محافل نعت کے ذریعے ہفتہ وار اجتماعات میں شرکت کرنے والی اسلامی بہنوں کی تعداد:3 ہزار 224

مدرسۃ المدینہ بالغات میں داخلہ لینے والی اسلامی بہنوں کی تعداد: 516

تقسیم کیں گئیں کتب کی تعداد: 640

تقسیم کئے گئے رسائل کی تعداد:9 ہزار497

محافل نعت کے ذریعے دینی ماحول سے وابستہ ہونے و الی شخصیات کی تعداد: 489

ماہانہ سیکھنے سکھانے کے حلقوں کی تعداد: 434

ان میں شرکت کرنے والی اسلامی بہنوں کی تعداد:8 ہزار16

دعوتِ اسلامی کے  زیر اہتمام ساؤدرن افریقہ میں نیکی کی دعوت کو عام کرنے کے جذبے کے تحت اسلامی بہنوں کےمارچ2022 ءکے دینی کاموں کی چند جھلکیاں ملاحظہ فرمائیے:

انفرادی کوشش کے ذریعے دینی ماحول سے منسلک ہونے والی اسلامی بہنوں کی تعداد : 13

روزانہ گھر درس دینے والی اسلامی بہنوں کی تعداد :97

مدرسۃ المدینہ بالغات کی تعداد:25

مدرستہ المدینہ بالغات میں پڑھنے والی اسلامی بہنوں کی تعداد :272

ہفتہ وار سنتوں بھرے اجتماعات کی تعداد:36

ان میں شرکت کرنے والی اسلامی بہنوں کی تعداد :771

ہفتہ وار مدنی مذاکرہ سننے والی اسلامی بہنوں کی تعداد :137

ہفتہ وار علاقائی دوروں میں شرکت کرنے والی اسلامی بہنوں کی تعداد:23

ہفتہ وار رسالہ پڑھنے/ سننے والی اسلامی بہنوں کی تعداد :389

وصول ہونے والے نیک اعمال کے رسائل کی تعداد :197

خدائے رحمن  کے کروڑ ہا کروڑ احسان کہ اس نے ہمیں ماہِ مضان جیسی عظیم الشان نعمت سے نوازا ہے۔ ماہِ رمضان کے فیضان کے تو کیا کہنے! اس کی تو ہر گھڑی رحمت بھری ہے۔1۔ نزولِ قرآن کریم:رمضان المبارک کی ایک خصوصیت یہ ہے کہ خدائے کریم نے اس مہینے میں قرآنِ کریم نازل فرمایا:( فیضان ِرمضان، صفحہ نمبر 22)

تجھ پہ صدقے جاؤں رمضان تو عظیم الشان ہے تجھ میں نازل حق تعالیٰ نے کیا قرآن ہے (وسائل بخشش صفحہ نمبر 755)

2۔ شبِ قدر:نبیِ کریم، خاتم المرسلین صلی اللہُ علیہ واٰلہٖ وسلم نے فرمایا:بے شک اللہ پاک نے میری امت کو لیلۃ القدر عطا کی اور یہ رات تم سے پہلے کسی امت کو عطا نہیں ہوئی۔( فیضانِ رمضان، صفحہ 182،183)

لیلۃ القدر میں مطلع الفجر حق مانگ کی استقامت پہ لاکھوں سلام(حدائق بخشش ، ص 299)

3۔ جس کا حساب نہیں:رمضان المبارک کی ایک خصوصیت یہ بھی ہے کہ رمضان کے کھانے پینے یعنی کہ سحری اور افطاری کاحساب نہیں ہوگا۔( فیضانِ رمضان، صفحہ نمبر 29) 4 ۔سب سے بڑھ کر سخی:رسولِ کریم صلی اللہُ علیہ واٰلہٖ وسلم خصوصاً رمضان میں بہت زیادہ سخاوت فرماتے۔( کتاب : فیضانِ رمضان، ص نمبر39)

ہاتھ اٹھا کر ایک ٹکڑا اے کریم ہیں سخی کے مال میں حق دار ہم(حدائق بخشش ، صفحہ نمبر 83)

5۔ جنت سجائی جاتی ہے:فرمانِ مصطفٰے صلی اللہُ علیہ واٰلہٖ وسلم:بے شک جنت سال کے شروع سے اگلے سال تک رمضان المبارک کے لیے سجائی جاتی ہے۔

خدائے رحمن  کے کروڑہا کروڑ احسان کہ اس نے ہمیں ماہِ رمضان جیسی عظیم الشان نعمت سے سرفراز فرمایا۔ ماہِ رمضان کے فیضان کے کیا کہنے!اس کی تو ہر گھڑی رحمت بھری ہے۔رمضان المبارک میں ہر نیکی کا ثواب70 گنا یا اس سے بھی زیادہ ہے۔( مراٰۃج 3ص 137) نفل کا ثواب فرض کے برابر اور فرض کا ثواب 70گنا کر دیا جاتا ہے۔عرش اٹھانے والے فرشتے روزہ داروں کی دعا پر آمین کہتے ہیں اور فرمانِ مصطفٰے صلی اللہُ علیہ واٰلہٖ وسلم کے مطابق رمضان کے روزے دار کے لیے مچھلیاں افطار تک دعائے مغفرت کرتی رہتی ہیں۔ (التَّرغیب والتَّرھیب ج2ص55حدیث6)اس ماہِ مبارک کی ایک خصوصیت یہ ہے کہ اﷲ پاک نے اس میں قرآنِ پاک نازل فرمایا ہے ۔چنانچہ پارہ 2 سُورَۃُالبَقَرَہ آیت 185 میں خُدائے رَحمٰن کا فرمانِ عالی شان ہے:تَرجَمَۂ کَنزالاِیمَان:رمضان کا مہینا، جس میں قرآن اُترا، لوگوں کے لئے ہدایت اور رہنمائی اور فیصلے کی روشن باتیں، تو تم میں جو کوئی یہ مہینا پائے توضرور اس کے روزے رکھے اور جو بیمار یا سفر میں ہو، تو اتنے روزے اور دنوں میں۔ا ﷲ تم پر آسانی چاہتا ہے اور تم پر دشواری نہیں چاہتا اور اس لئے کہ تم گنتی پوری کرو اورا ﷲ کی بڑائی بولو اس پر کہ اس نے تمہیں ہدایت کی اور کہیں تم حق گزار ہو۔پانچ خصوصی کرم:حضرت جابر بن عبداللہ رضی اللہ عنہ سے روایت ہے،رحمتِ عالمیان،سلطانِ دو جہان، شہنشاہِ کون و مکان صلی اللہُ علیہ واٰلہٖ وسلم کا فرمانِ ذی شان ہے: میری اُمّت کو ماہِ رمضان میں پانچ چیزیں ایسی عطا کی گئیں جو مجھ سے پہلے کسی نبی کو نہ ملیں:(1)جب رمضان المبارک کی پہلی رات ہوتی ہے تو اللہ پاک ان کی طرف رحمت کی نظر فرماتا ہے اور جس کی طرف اﷲ پاک نظرِ رحمت فرمائے اسے کبھی بھی عذاب نہ دے گا ۔(2)شام کے وقت ان کے منہ کی بُو (جو بھوک کی وجہ سے ہوتی ہے) اللہ پاک کے نزدیک مشک کی خوشبو سے بھی بہتر ہے۔ (3)فرشتے ہر رات اور دن ان کے لئے مغفرت کی دعائیں کرتے رہتے ہیں ۔ (4)اﷲ پاک جنت کو حکم فرماتا ہے:میرے( نیک)بندوں کے لئے مُزَیَّن (یعنی آراستہ) ہوجا عنقریب وہ دنیا کی مَشَقَّت سے میرے گھر اور کرم میں راحت پائیں گے۔ (5)جب ماہِ رمضان کی آخری رات ہوتی ہے تو اﷲ پاک سب کی مغفرت فرما دیتا ہے ۔ قوم میں سے ایک شخص نے کھڑے ہو کر عرض کی: یا رسول اللہ صلی اللہُ علیہ واٰلہٖ وسلم !کیا وہ لیلۃ القَدر ہے؟ ارشاد فرمایا: نہیں! کیا تم نہیں دیکھتے کہ مزدور جب اپنے کاموں سے فارغ ہو جاتے ہیں تو انہیں اُجرت دی جاتی ہے!(شُعَب الایمان ج3ص303حدیث 3203) سرکارِ دوعالم صلی اللہُ علیہ واٰلہٖ وسلم کا فرمانِ عالی شان ہے:اگر بندوں کو معلوم ہوتا کہ رمضان کیا ہے تو اُمّت تمنَّا کرتی کہ کاش! پورا سال رمضان ہی ہوتا۔(ابنِ خزیمہ ج3ص190حدیث 1886) حضرت ابو ہریرہ رضی اللہ عنہ سے مروی ہے: حضور پر نور صلی اللہُ علیہ واٰلہٖ وسلم کا فرمانِ پُر سُرُور ہے:پانچوں نمازیں اور جمعہ اگلے جمعے تک اور ماہِ رمضان اگلے ماہِ رمضان تک گناہوں کا کفارہ ہے جب تک کبیرہ گناہوں سے بچا جائے۔ (مسلم، ص144حدیث: 233)حضرت سلمان فارسی رضی اللہ عنہ فرماتے ہیں:محبوبِ رحمن،سرورِ ذیشان صلی اللہُ علیہ واٰلہٖ وسلم نے ماہِ شعبان کے آخری دن بیان فرمایا :اے لوگوں! تمہارے پاس عظمت والا، برکت والا مہینہ آیا، وہ مہینہ جس میں ایک رات (ایسی بھی ہے جو) ہزار مہینوں سے بہتر ہے ، اس(ماہِ مبارک) کے روزے اللہ پاک نے فرض کئے اور اس کی رات میں قیام تَطَوُّع (یعنی سنت) ہے۔ جو اس میں نیکی کا کام کرے تو ایسا ہے جیسے اور کسی مہینے میں فرض ادا کیا اور اس میں جس نے فرض ادا کیا تو ایسا ہے جیسے اور دنوں میں 70 فرض ادا کیے۔یہ مہینہ صبر کا ہے اور صبر کا ثواب جنت ہے اور یہ مہینا مُؤَاسات(یعنی غم خواری اور بھلائی) کا ہے اور اس مہینے میں مومن کا رزق بڑھایا جاتا ہے۔جو اس میں روزہ دار کو افطار کرائے اس کے گناہوں کے لیے مغفرت ہے اور اس کی گردن آگ سے آزاد کر دی جائے گی اور اس افطار کرانے والے کو ویسا ہی ثواب ملے گا جیسا روزے رکھنے والے کو ملے گا،بغیر اس کے کہ اس کے اجر میں کچھ کمی ہو۔ہم نے عرض کی:یارسول اللہ صلی اللہُ علیہ واٰلہٖ وسلم! ہم میں سے ہر شخص وہ چیز نہیں پاتا جس سے روزہ افطار کروائے ۔ آپ صلی اللہُ علیہ واٰلہٖ وسلم نے ارشاد فرمایا:اﷲ پاک یہ ثواب اس شخص کو دے گا جو ایک گھونٹ دودھ یا ایک کھجور یا ایک گھونٹ پانی سے روزہ افطار کروائے اور جس نے روزہ دار کو پیٹ بھر کر کھلایا ، اس کو اﷲ پاک میرے حوض سے پلائے گا، کبھی پیاسا نہ ہوگا ، یہاں تک کہ جنت میں داخل ہو جائے۔یہ وہ مہینہ ہے کہ اس کا اول(یعنی ابتدائی دس دن) رحمت ہے اور اس کا اوسط(یعنی درمیانی دس دن) مغفرت ہے اور آخر( یعنی آخری دس دن)جہنم سے آزادی ہے۔ جو اپنے غلام پر اس مہینے میں تخفیف کرے ( یعنی کام کم لے) اﷲ پاک اسے بخش دے گا اور جہنم سے آزاد فرمائے گا۔اس مہینے میں چار باتوں کی کثرت کرو۔ان میں سے دو ایسی ہیں جن کے ذریعے تم اپنی رب کو راضی کرو گےوہ یہ ہیں: (1) لَآاِلٰهَ اِلّااﷲکی گواہی دینا (2)استغفار کرنا۔جبکہ وہ دو باتیں جن سے تمہیں غَنیٰ (یعنی بے نیازی)نہیں وہ یہ ہیں:(1)اللہ پاک سے جنت طلب کرنا (2)جہنم سے اﷲ پاک کی پناہ طلب کرنا۔(شُعَبُ الایمان ج3ص305حدیث3608، ابنِ خُرَّیمہ ج3ص192خدیث 1887)حضرت ابو ہریرہ رضی اللہ عنہ فرماتے ہیں: سرکارِ دو جہان ،رحمتِ عالمیان صلی اللہُ علیہ واٰلہٖ وسلم کا فرمانِ عالیشان ہے: جب رمضان آتا ہے تو آسمان کے دروازے کھول دیے جاتے ہیں۔( بخاری ج 1 ص 543حدیث 1079) اور ایک روایت میں ہے: جنت کے دروازے کھول دیے جاتے ہیں اور دوزخ کے دروازے بند کر دئیے جاتے ہیں، شیاطین زنجیروں میں جکڑ دیے جاتے ہیں۔(اَیضاً ص399 حدیث 3277)

اللہ پاک کا کروڑہا کروڑ احسان کہ اُس نے ہمیں ماہِ رمضان جیسی عظیم الشان نعمت سے سرفراز فرمایا ہے۔ ماہِ رمضان کے فیضان کے کیا کہنے!اس کی ہر گھڑی رحمت بھری ہے۔ رمضان المبارک میں ہر نیکی کا ثواب 70 گُنا یا اس سے بھی زیادہ ہے۔عرش اُٹھانے والے فرشتے روزہ داروں کی دُعا پر آمین کہتے ہیں اور فرمانِ مصطفٰے کے مطابق رمضان کے روزہ دار کے لیے مچھلیاں افطار تک دعائے مغفرت کرتی رہتی ہیں۔(الترغیب الترھیب ج،2 صفحہ 55،حدیث 6) اللہ پاک کے آخری نبی صلی اللہُ علیہ واٰلہٖ وسلم کا فرمانِ عالیشان ہے:اگر بندوں کو معلوم ہوتا کہ رمضان کیا ہے تو میری امّت تمنَّا کرتی کہ کاش! پورا سال رَمَضان ہی ہو۔(ابنِ خزیمہ،ج 3،ص 190،حدیث 1886) ماہِ رمضان المبارک کی بے شمار خصوصیات ہیں جن میں سے پانچ یہاں ذکر کی جاتی ہیں:1۔نزولِ قرآن:ماہِ رمضان کی ایک خصوصِیَّت یہ ہے کہ اللہ پاک نے اس میں قرآنِ پاک نازل فرمایا ہے۔ چنانچہ پارہ 2 سورۃ البقرہ آیت 185 میں اللہ پاک ارشاد فرماتا ہے:شَهْرُ رَمَضَانَ الَّـذِىٓ اُنْزِلَ فِيْهِ الْقُرْاٰنُ هُدًى لِّلنَّاسِ وَبَيِّنٰتٍ مِّنَ الْـهُـدٰى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ وَمَنْ كَانَ مَرِيْضًا اَوْ عَلٰى سَفَرٍ فَعِدَّةٌ مِّنْ اَيَّامٍ اُخَرَ يُرِيْدُ اللّٰهُ بِكُمُ الْيُسْرَ وَلَا يُرِيْدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللّٰهَ عَلٰى مَا هَدٰكُمْ وَ لَعَلَّكُمْ تَشْكُـرُوْنَ0ترجمہ ٔکنزالایمان : رمضان المبارک کا مہینہ، جس میں قرآن اُترا، لوگوں کے لیے ہدایت اور رہنمائی اور فیصلے کی روشن باتیں، تو تم میں جو کوئی یہ مہینہ پائے ضرور اِس کے روزے رکھے اور جو بیمار یا سفر میں ہو، تو اتنے روزے اور دنوں میں۔اللہ تم پر آسانی چاہتا ہے اور تم پر دشواری نہیں چاہتا اور اس لیے کہ تم گنتی پوری کرو اور اللہ کی بڑائی بولو اِس پر کہ اُس نے تمہیں ہدایت کی اور کہیں تم حق گزار ہو۔ 2۔ جمعہ کی ہر ہر گھڑی میں دس لاکھ کی مغفرت: حضرتِ عبداللہ ابنِ عباس رضی اللہ عنہما سے روایت ہے، پیارے آقا صلی اللہُ علیہ واٰلہٖ وسلم کا فرمان ہے:اللہ پاک ماہِ رمضان میں روزانہ افطار کے وقت دس لاکھ ایسے گنہگاروں کو جہنم سے آزاد فرماتا ہے جن پر گناہوں کی وجہ سے جہنم واجب ہو چکا تھا، نیز شبِ جمعہ اور روزِ جمعہ کی ہر ہر گھڑی میں ایسے دس دس لاکھ گنہگاروں کو جہنم سے آزاد کیا جاتا ہے جو عذاب کے حق دار قرار دئیے جا چکے ہوتے ہیں۔(الفردوس بمأ ثور الخطاب جلد 3،ص 320،حدیث 4960) 3۔ تراویح: الحمدللہ! رمضان المبارک میں جہاں ہمیں بے شمار نعمتیں مُیسَّر آتی ہیں انہیں میں تراویح کی سُنَّت بھی شامل ہے اور سُنَّت کی عظمت کے کیا کہنے!اللہ پاک کے آخری نبی صلی اللہُ علیہ واٰلہٖ وسلم کا فرمان ہے:جس نے میری سُنَّت سے محبت کی اس نے مجھ سے محبت کی اور جس نے مجھ سے محبت کی وہ جنت میں میرے ساتھ ہو گا۔ چنانچہ ماہِ رمضان کی یہ خصوصیت ہے کہ اس میں ہمیں تراویح جیسی عظیم سُنَّت پر عمل کرنے کا موقع ملتا ہے۔4۔لیلۃ القدر: بخاری شریف میں ہے، فرمانِ مصطفٰے صلی اللہُ علیہ واٰلہٖ وسلم :جس نے لیلۃ القدر میں ایمان اور اخلاص کے ساتھ قیام کیا (یعنی نماز پڑھی) تو اس کے گزشتہ(صغیرہ) گناہ معاف کر دئیے جائیں گے۔5۔اعتکاف:رمضان المبارک میں ہمیں جہاں بے شمار برکتیں حاصل ہوتی ہیں وہیں اعتکاف جیسی عظیم عبادت بھی نصیب ہوتی ہے۔ ہمارے پیارے آقا صلی اللہُ علیہ واٰلہٖ وسلم نے ماہِ رمضان کا پورا مہینا بھی اعتکاف فرمایا ہے اور آخری دس دن کا بہت زیادہ اہتمام فرماتے۔اللہ پاک ہمیں ماہِ رمضان کی خصوصیت سے برکتوں سے مالا مال فرمائے اور ہمیں خوب عبادت کرنے کی توفیق عطا فرمائے۔آمین