مدنی مرکز فیضانِ مدینہ فیصل آباد میں 13 اپریل 2025ء کو شعبہ معاونت برائے اسلامی بہنیں دعوتِ اسلامی کے تحت مدنی مشورے کا انعقاد کیا گیا جس میں شعبے کے ذیلی، ڈویژن اور صوبائی ذمہ داران اسی طرح لاہور ڈسٹرکٹ، پنجاب ڈسٹرکٹ اور کراچی ڈسٹرکٹ کے ذمہ دار اسلامی بھائی شریک ہوئے۔

تفصیلات کے مطابق اس مدنی مشورے میں مرکزی مجلسِ شوریٰ کے رکن مولانا حاجی ابوماجد محمد شاہد عطاری مدنی نے مختلف نکات پر اسلامی بھائیوں کی تربیت و رہنمائی کی جبکہ نگرانِ شعبہ نے بھی ذمہ داران کی ذہن سازی کی۔

اس دوران جن نکات پر تبادلۂ خیال کیا گیا اُن میں سے بعض درج ذیل ہیں:

دعوتِ اسلامی کے شعبہ معاونت برائے اسلامی بہنیں  کے تحت صوبہ خیبرپختونخوا میں ذمہ داران کی میٹنگ ہوئی جس میں پشاور دویژن اور ہزارہ دویژن کے ڈویژن و ڈسٹرکٹ نگران سمیت شعبے کے تمام ذمہ دار اسلامی بھائیوں نے شرکت کی۔

دورانِ میٹنگ شعبے کے پاکستان سطح کے ذمہ دار مولانا جہانزیب عطاری مدنی نے دینی کاموں کا جائزہ لیتے ہوئے گلی گلی مدرسۃالمدینہ کی تعداد بڑھانے اور محارم اجتماعات منعقد کرنے کے اہداف طے کئے۔

عاشقانِ رسول کی دینی تحریک دعوتِ اسلامی کے تحت گزشتہ روز شعبہ معاونت برائے اسلامی بہنیں کا مدنی مشورہ ہوا جس میں مردان اور مالاکنڈ کے ذمہ دار اسلامی بھائیوں نے شرکت کی۔

پاکستان سطح کے ذمہ دار مولانا جہانزیب عطاری مدنی نے شعبے کے متعلق کلام کیا اور ذمہ دار اسلامی بھائیوں کے گھروں میں گلی گلی مدرسۃالمدینہ و کورسز شروع کروانے کا ذہن دیا۔

پنجاب، پاکستان کے شہر فیصل آباد میں موجود دعوتِ اسلامی کے مدنی مرکز فیضانِ مدینہ میں 13 اپریل 2025ء کو دعوتِ اسلامی کے تحت قافلہ اجتماع منعقد ہوا جس میں پنجاب، کشمیر اور خیبرپختونخوا کے 12 ماہ قافلے کاسفر مکمل کرنے والے عاشقانِ رسول سمیت فیصل آباد سٹی کے تمام قافلہ ذمہ داران کی شرکت ہوئی۔

معمول کے مطابق اجتماع کا باقاعدہ آغاز تلاوتِ قراٰن سے ہوااور نعت خواں اسلامی بھائی نے پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا۔

تلاوت و نعت کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا جس میں انہوں نے 12 ماہ قافلے کے شرکا کو مدنی پھولوں سے نوازا اور اُن کے درمیان اسناد تقسیم کیں۔

عاشقانِ رسول کی دینی تحریک دعوتِ اسلامی کے تحت فیصل آباد، پنجاب میں واقع مدنی مرکز فیضانِ مدینہ میں شعبہ اجتماعی قربانی کے ذمہ داران کا مدنی مشورہ ہوا جس میں مرکزی مجلسِ شوریٰ کے اراکین مولانا حاجی جنید عطاری مدنی، مولانا حاجی محمد اسد عطاری مدنی، مختلف شعبہ جات کے نگران اور ذمہ داران شریک ہوئے۔

اس مدنی مشورے میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مختلف امور پر اسلامی بھائیوں سے گفتگو کرتے ہوئے اجتماعی قربانی کی تیاریوں اور اجتماعی قربانی کے مقامات کے متعلق رہنمائی کی۔

اسلامک ریسرچ سینٹر (المدینۃ العلمیۃ) کا ایک ذیلی شعبہ ”شعبہ ہفتہ وار رسالہ“ بھی ہے جو علمی و تحقیقی انداز میں اور خوب محنت و لگن سے ہفتہ وار رسائل تیار کرتا ہے جسے ہر ہفتے مدنی مذاکرے میں پڑھنے/سننے کی ترغیب دلائی جاتی ہے۔

اسی شعبے نے اپنی محنت و کوشش سےقرآن پاک کی تفسیر کی کتاب ”تفسیر نور العرفان“ سے چند مدنی پھول اخذ کرکے ایک رسالہ بنام ”تفسیر نورُ العرفان سے 99 مدنی پھول(قسط 03)“ تیار کیا ہے۔ امیر اہلسنت دامت بَرَکَاتُہمُ العالیہ نے اس ہفتے اس رسالے کو پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے نوازا ہے۔

دعائے عطار

یااللہ پاک! جو کوئی 17 صفحات کا رسالہ ”تفسیر نورُ العرفان سے 99 مدنی پھول (قسط 03)“ پڑھ یا سُن لے اُس کو نفع دینے والے علم سے مالا مال فرمااور اُسے ماں باپ اور خاندان سمیت بے حساب بخش دے۔اٰمین بجاہِ خاتَم النبیّن صلی اللہ علیہ و سلم

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

صوبہ پنجاب کے شہر فیصل آباد میں 12 اپریل 2025ء کو دعوتِ اسلامی کے تحت شعبہ تحفظِ اوراقِ مقدسہ کے اسلامی بھائیوں کا مدنی مشورہ ہوا جس میں ڈسٹرکٹ ذمہ دار اور محافظِ اوراقِ مقدسہ کے اسلامی بھائیوں نے شرکت کی۔

مدنی مشورے کے دوران نگرانِ شعبہ مولانا افضل عطاری مدنی نے رمضان عطیات کی سابقہ کارکردگی اور اوراقِ مقدسہ کے باکسزکا جائزہ لیتے ہوئے اسلامی بھائیوں کو آئندہ کے اہداف دیئے۔

علاوہ ازیں نگرانِ شعبہ نے نمایاں کارکردگی کے حامل اسلامی بھائیوں کو تحائف بھی دیئے جس پر انہوں نے مزید احسن انداز میں دینی کام کرنے کی اچھی اچھی نیتیں کیں۔

10 اپریل 2025ء کو شیخو پورہ موڑ بس اسٹاب گوجرانوالہ میں موجود دعوتِ اسلامی کے شعبہ روحانی علاج کے تحت ”دہرائی اجتماع“ کا انعقاد کیا گیا جس میں ڈسڑکٹ گوجرانولہ اور حافظ آباد کے بستہ ذمہ داران نے شرکت کی۔

اس اجتماعِ پاک میں مبلغِ دعوتِ اسلامی مولانا انیس عطاری مدنی نے حاضرین کو تعویذات کی دہرائی کروائی اور شعبے کے متعلق نئی اپڈیٹس سے آگاہ کیا جبکہ دعوتِ اسلامی کے دینی کاموں میں عملی طور پر حصہ لینے کی ترغیب دلائی۔(رپورٹ: ثقلین علی عطاری، شعبہ روحانی علاج ڈویژن گوجرانوالہ ، کانٹینٹ:غیاث الدین عطاری)

12 اپریل 2025ء کو فیصل آباد میں قائم مدنی مرکز فیضانِ مدینہ میں دعوتِ اسلامی کے شعبہ معاونت برائے اسلامی بہنیں کے تحت مدنی مشورے کا انعقاد کیا گیا جس میں شعبے کے صوبائی  ذمہ داران اور پاکستان سطح کے ذیلی شعبہ ذمہ دار اسلامی بھائیوں نے شرکت کی۔

معلومات کے مطابق اس مدنی مشورے میں مرکزی مجلسِ شوریٰ کے رکن مولانا حاجی ابوماجد محمد شاہد عطاری مدنی نے شعبے میں مزید بہتری لانے، شعبے کے دینی کاموں کو بڑھانے، نئے فیضانِ صحابیات کا قیام کرنے اور سیکھنے سکھانے کے حلقے لگانے پر تبادلۂ خیال کیا۔

اس کے علاوہ رکنِ شوریٰ نے دیگر اہم نکات پر بھی گفتگو کی جن میں سے بعض درج ذیل ہیں:

٭گلی گلی مدرسۃالمدینہ شروع کروانا٭ماہانہ اجتماع شروع کرنا٭دینی کاموں کو مضبوط کرنا٭جن یوسیز میں دینی کام نہیں ہورہے وہاں دینی کام شروع کرنا٭ہر ڈسٹرکٹ میں نئے فیضانِ صحابیات کا آغاز کرنا۔اس موقع پر نگرانِ شعبہ غلام الیاس عطاری سمیت دیگر ذمہ دار اسلامی بھائی موجود تھے۔(رپورٹ: طاہر اقبال عطاری، آفس ذمہ دار شعبہ معاونت برائے اسلامی بہنیں، کانٹینٹ:غیاث الدین عطاری)

شعبہ رابطہ برائے تاجران دعوتِ اسلامی کے تحت فیصل آباد کے  مدنی مرکز فیضانِ مدینہ میں ایک میٹ اپ منعقد ہوا جس میں نگرانِ شعبہ اور صوبہ پنجاب بالخصوص لاہور سٹی کے تاجران نے شرکت کی۔

میٹ اپ کے دوران مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے شعبے کے متعلق کلام کرتے ہوئے ماہانہ خود کفالت کا جائزہ لیا اور آئندہ کے اہداف پر گفتگو کی۔

بعدازاں تمام اسلامی بھائیوں نے نگرانِ پاکستان مشاورت کے ہمراہ اجتماعی طور پر بذریعہ مدنی چینل مدنی مذاکرے میں شرکت کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

مدنی مرکز فیضانِ مدینہ فیصل آباد میں گزشتہ روز دعوتِ اسلامی کے تحت  شعبہ رابطہ برائے شخصیات کے ذمہ داران کا مدنی مشورہ ہوا جس میں نگرانِ شعبہ، صوبائی ذمہ داران اور پنجاب کے ڈویژن ذمہ دار اسلامی بھائی شریک ہوئے۔

ابتداءً دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ دار اسلامی بھائیوں سے شعبے کی سابقہ کارکردگی کا جائزہ لیا اور انہیں مدنی پھولوں سے نوازا۔

اسکولز میں عید ملن کی تقریبات نہ صرف ہماری تہذیبی روایات کو زندہ رکھتی ہیں بلکہ بچوں میں باہمی محبت اور تہذیبی اقدار کو بھی فروغ دیتی ہیں۔

دارالمدینہ انٹرنیشنل اسلامک اسکول سسٹم (دعوتِ اسلامی) کے تحت پاکستان بھر کے کیمپسز میں عید ملن کی خوبصورت تقریبات منعقد ہوئیں جس میں طلبہ، اساتذہ اور اسکول انتظامیہ نے شرکت کی۔

اس موقع پر طلبہ نے عید کے روایتی اور دل کش لباس پہن رکھے تھے۔ طلبہ نے اپنے ساتھیوں کو عید کی مبارکباد دی اور ان سے عید ملتے ہوئے لطف اندوز ہوئے۔طلبہ نے مختلف تعلیمی اور تفریحی سرگرمیاں پیش کرتے ہوئے عید ملن کی تقریبات کو چار چاند لگا دیئے۔

خوشیوں سے بھرپور عید ملن کی ان تقریبات میں مختلف کلاسز کے طلبہ اپنے ساتھ روایتی کھانے اور اسنیکس بھی لائے تھے۔اس دوران ٹیچرز نے طلبہ کو عید کی اہمیت، بھائی چارے اور دوسروں کے ساتھ مل کر خوشیاں منانے کی اہمیت پر زور دیا۔(رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ، ہیڈ آفس کراچی ، ویب ڈسک رائٹر:غیاث الدین عطاری)