عاشقانِ رسول کی دینی تحریک دعوت ِ اسلامی کے تحت  راولپنڈی میٹروپولیٹن میں اسلامی بہنوں کی ایک میٹنگ ہوئی جس میں بحریہ ٹاؤن کی ٹاؤن تا ذیلی سطح کی ذمہ دار اسلامی بہنوں نے شرکت کی۔

دورانِ میٹنگ نگرانِ پاکستان مجلسِ مشاورت اسلامی بہن نے ”تنظیمی اپڈیٹس کے فوائد اور ذرائع“ کے موضوع پر بیان کرتے ہوئے تقرریاں مکمل کرنے، دینی کاموں میں عملی طور پر شرکت کرنے، پرانی اسلامی بہنوں سے رابطہ کرنےاور نئے اجتماعات شروع کروانے کے اہداف دیئے۔

عاشقانِ رسول کی دینی تحریک دعوتِ اسلامی  ملک و بیرونِ ملک میں مختلف شعبہ جات کے ذریعے دینی کام کر رہی ہے جن میں سے ایک شعبہ کفن دفن للبنات بھی ہے۔

اپریل 2023ء میں اس شعبے کے تحت بیرونِ ملک یو کے، یورپین یونین، نیپال، بنگلہ دیش، موریشس، موزمبیق اور آسٹریلیا میں شعبہ کفن دفن کے تحت مدنی مشورے منعقدہوئے۔

معلومات کے مطابق ان مدنی مشوروں میں شعبے کے کام کو مضبوط کرنے پر کلام ہوا جبکہ ریجنز میں درپیش مسائل کا حل بتایا گیا۔علاوہ ازیں اسلامی بہنوں پر انفرادی کوشش کر کے ان کو ٹیسٹ کے لئے تیار کرنے کی ترغیب دلائی گئی جس پر ذمہ دار اسلامی بہنوں نے اچھی اچھی نیتوں کا اظہار کیا۔

دعوتِ اسلامی کے زیرِ اہتمام گزشتہ روز بیرونِ ملک میں دینی کام کرنے والی ذمہ داران اسلامی بہنوں کا مدنی مشورہ منعقد ہوا جس میں آسٹریلیا اسٹیٹ نگران اور سڈنی ڈویژن نگران اسلامی بہنوں نے شرکت کی۔

ذمہ دار اسلامی بہنوں نے حج کے مدنی پھولوں کے متعلق کلام کرتے ہوئے حج تربیتی اجتماع میں تقسیمِ رسائل کی ترغیب دلانے کا ذہن دیا نیز مختلف مقامات پر کورس ”فیضانِ حج و عمرہ“ کروانے پر مشاورت ہوئی۔

پچھلے دنوں دنیا بھر میں نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت ایک میٹنگ ہوئی جس میں آسٹریلیا اسٹیٹ نگران، سڈنی ڈویژن نگران اور شعبہ نگران اسلامی بہنیں شریک ہوئیں۔

دورانِ میٹنگ ذمہ دار اسلامی بہنوں نے بیرونِ ملک میں دعوتِ اسلامی کےتحت اسلامی بہنوں کے درمیان ہونے والے مختلف دینی کاموں کے بارے میں تبادلۂ خیال کیا اور اُن میں مزید بہتری کے لئے اپنی اپنی رائے پیش کی۔

اس موقع پر جن امور پر کلام کیا گیا اُن میں سے بعض یہ ہیں:٭رمضانُ المبارک میں ہونے والے”فیضانِ تلاوت کورس“ کا فیڈبیک٭عالمی مجلسِ مشاورت کی جانب سے آئے ہوئے مدنی پھولوں پر گفتگو٭حج سنتوں بھرے اجتماع اور تقسیمِ رسائل کے حوالے سے ڈسکشن۔

عاشقانِ رسول کی دینی تحریک دعوتِ اسلامی کےتحت بذریعہ انٹرنیٹ ریجن نگران اسلامی بہنوں کا مدنی مشورہ ہوا جس میں ملک و بیرونِ ملک میں ہونے والے دینی کاموں کے متعلق گفتگو ہوئی۔

معلومات کے مطابق اس مدنی مشورے میں نگرانِ عالمی مجلسِ مشاورت اسلامی بہن نے ریجن نگران اسلامی بہنوں کی تربیت و رہنمائی کرتے ہوئے عملی شیڈول کے متعلق مدنی پھول دیئے نیز اس پر عمل کرنے کا طریقۂ کار سمجھایا۔

دعوتِ اسلامی کے تحت دنیا بھر میں ہونے والے دینی کاموں کے سلسلے میں پچھلے دنوں عالمی مجلسِ مشاورت آفس کا آن لائن مدنی مشورہ ہوا جس میں آفس ناظمہ، کارکردگی ذمہ دار اور عالمی سطح بین الاقوامی امور کی شعبہ ذمہ دار اسلامی بہنوں نے شرکت کی۔

اس موقع پر نگرانِ عالمی مجلسِ مشاورت اسلامی بہن نے بذریعہ انٹرنیٹ اسلامی بہنوں سے گفتگو کرتے ہوئے دفتر کے نظام ، کارکردگی ریکارڈ رکھنے اور کم وقت میں زیادہ کام کرنے کے متعلق مدنی پھول دیئے جس پر ذمہ دار اسلامی بہنوں نے اپنے کام میں مزید بہتری لانے کے لئے اچھی اچھی نیتوں کا اظہار کیا۔

گزشتہ روز عاشقانِ رسول کی دینی تحریک دعوتِ اسلامی کے تحت اراکینِ عالمی مجلسِ مشاورت اور مجلس بین الاقوامی امور کی اسلامی بہنوں کا مدنی مشورہ ہوا جس میں دیگر اسلامی بہنوں نے بھی شرکت کی۔

اس مدنی مشورے میں نگرانِ عالمی مجلسِ مشاورت اسلامی بہن نے بذریعہ انٹرنیٹ اسلامی بہنوں کے دینی کاموں کے متعلق گفتگو کرتے ہوئے انہیں مزید احسن انداز میں دینی کام کرنے کا ذہن دیا۔

علاوہ ازیں نگرانِ عالمی مجلسِ مشاورت نے کارکردگی شیڈول ہر ماہ جمع کروانے کا طریقۂ کار اور اس پر عمل کرنے کے بارے میں مدنی پھول دیئے جس پر اسلامی بہنوں نے اچھی اچھی نیتیں کیں۔

پچھلے دنوں دعوتِ اسلامی کے تحت دینی کاموں کے سلسلے میں نگرانِ عالمی مجلسِ مشاورت اسلامی بہن نے دیگر ذمہ داران کے ہمراہ P.I.B کالونی کراچی کے ذیلی حلقے میں گھر گھر جاکر اسلامی بہنوں کے درمیان نیکی کی دعوت پیش کی۔

اس دوران نگرانِ عالمی مجلسِ مشاورت نے اسلامی بہنوں کو دعوتِ اسلامی کے ہفتہ وار اجتماع سمیت دیگر دینی کاموں میں شرکت کرنے کا ذہن دیا جس پر انہوں نے اچھی اچھی نیتوں کا اظہار کیا۔بعدازاں اسلامی بہنوں کے درمیان مکتبۃالمدینہ کے رسائل تقسیم کئے گئے۔

دعوتِ اسلامی کے شعبہ مدرسۃ المدینہ گرلزکے تحت پاکستان سطح کی ٹیچر ٹرینر اسلامی بہنوں کا آن لائن مدنی مشورہ ہواجس میں  شعبے کی عالمی مجلس مشاورت ذمہ دار اسلامی بہن نے اُن کی تربیت کی۔

دورانِ مشورہ عالمی مجلسِ مشاورت ذمہ دار نے لرننگ سیشن کی ٹریننگ ، کتاب قرآن سیکھیں اور سکھائیں پرگہری توجہ دلاتے ہوئے مخارج کی ادائیگی میں بہتری کے طریقے بتانے پر کلام کیا۔

اس کے علاوہ عالمی مجلسِ مشاورت ذمہ دار نے مدنی مشورےمیں شریک ذمہ دار اسلامی بہنوں کو ٹیچرٹرینر کا اوقاتِ جدول اور انہیں سنتوں پرعمل کرنے /کروانے کی ترغیب دلانے کا ذہن دیا۔بعدازاں اسلامی بہنوں نے ٹیچرٹریننگ کورس مزید احسن اندازسے کروانے کی اچھی اچھی نیتیں کیں۔

قرآنِ پاک اللہ عَزَّوَجَلَّ کاکلام ہے جسے آخری نبی حضرت محمد مصطفٰے صلَّی اللہ علیہ واٰلہٖ وسلَّم پر نازل کیا گیا۔ قرآن کریم تمام انسانوں کے لئے ہدایت ہے، اس عظیم کتاب کو پڑھنے والا اور درست سمجھ کر اس کے مطابق اپنی زندگی گزارنے والا کبھی رسوا نہیں ہوتا بلکہ وہ رب عَزَّوَجَلَّ کے قریب ہوتا چلا جاتا ہے۔

عاشقانِ رسول کے قلوب کو قرآن پاک کی تلاوت کی طرف مائل کرنے اور قرآن پاک کے متعلق اہم معلومات فراہم کرنے کے لئے اس ہفتے خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے 17صفحات کا رسالہ ”امیر اہلِ سنّت سے قرآنِ پاک کے بارے میں سوال جواب“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے جانشین امیر اہلسنت

یااللہ پاک! جو کوئی 17 صفحات کا رسالہ ”امیر اہلِ سنّت سے قرآنِ پاک کے بارے میں سوال جواب“ پڑھ یا سن لے، اُس کے دل کو نورِ قرآن سے منوّر فرما اور اس کی بے حساب بخشش فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

عاشقان رسول کی دینی تحریک دعوت اسلامی کے زیر اہتمام آج مؤرخہ 11 مئی 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں اراکین شوریٰ و مبلغین دعوت اسلامی سنتوں بھرے بیانات فرمائیں گے۔

تفصیلات کے مطابق مدنی مرکز فیضان مدینہ حیدر آباد آفنڈی ٹاؤن میں ہونے والے ہفتہ وار اجتماع سے رکنِ شوریٰ مولانا حاجی عبد الحبیب عطاری براہِ راست مدنی چینل پر سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں رکن شوریٰ حاجی محمد امین عطاری، فیض مدینہ مسجد کریلا اسٹاپ نارتھ کراچی میں رکنِ شوریٰ حاجی محمد رفیع عطاری اور فٹبال گراؤنڈ گلشن معمارT3 جامع مسجد ابن آدم چار مینار سیکٹر میں رکنِ شوریٰ حاجی سید ابراہیم عطاری سنتوں بھرا بیان فرمائیں گے۔

تمام عاشقان رسول سے آج رات ہونے والے ہفتہ وار اجتماع میں شرکت کرنے کی درخواست ہے۔

اہل سنت کا عقیدہ ہے کہ ہمارے پیارے آقا ﷺ اپنے رب کے اذن و حکم سے دافع البلاء ہیں یعنی مسائل کو حل فرماتے ہیں بلاؤں کو دفع فرماتے ہیں اور اسیروں کے مشکل کشا ہیں، اس عقیدے کی دلیل یہ ہے کہ اللہ پاک نے قرآن مجید میں ارشاد فرمایا:

آیت نمبر 1۔ وَ مَا كَانَ اللّٰهُ لِیُعَذِّبَهُمْ وَ اَنْتَ فِیْهِمْؕ-(پ 9، الانفال: 33) ترجمہ: اللہ کہ یہ شان نہیں کہ انہیں عذاب دے جب تک اے حبیب تم ان میں تشریف فرما ہو۔ سبحٰن اللہ ہمارے حضور دافع البلاء ﷺ کفار پر سے بھی سبب دفعِ بلاء ہیں کہ مسلمانوں پر تو خاص رؤف رحیم ہیں۔

آیت نمبر 2۔ وَ لَوْ اَنَّهُمْ اِذْ ظَّلَمُوْۤا اَنْفُسَهُمْ جَآءُوْكَ فَاسْتَغْفَرُوا اللّٰهَ وَ اسْتَغْفَرَ لَهُمُ الرَّسُوْلُ لَوَجَدُوا اللّٰهَ تَوَّابًا رَّحِیْمًا(۶۴) (پ 5، النساء: 64) ترجمہ: اگر وہ اپنی جانوں پر ظلم کر بیٹھیں تو اے حبیب تمہاری بارگاہ میں حاضر ہوجائیں پھر اللہ سے معافی مانگیں اور رسول بھی ان کی مغفرت کی دعا فرمائیں تو ضرور اللہ کو بہت توبہ قبول کرنے والا مہربان پائیں۔ آیت کریمہ میں بالکل صاف واضح ہوا کہ حضور ﷺ کی بارگاہ میں حاضری سبب قبول توبہ و دفع بلائے عقاب ہے اور اس آیت مبارکہ سے حضور ﷺ کے دافع البلاء ہونے کا وصف رب کریم نے خود بیان فرمایا کہ وہ چاہے تو یونہی گناہ بخش دے مگر ارشاد فرمایا کہ اے لوگو! اگر اپنے گناہ معاف کروانا چاہو تو میرے محبوب کی بارگاہ میں آجاؤ اور پھر اگر میرے محبوب تمہارے لیے دعائے بخشش کردیں تو میں رب بھی تمہارے گناہ معاف فرمادوں گا۔ سیدی اعلیٰ حضرت کیا خوب فرماتے ہیں:

مجرم بلائے آئے ہیں جاءوک ہے گواہ پھر رد ہو کب یہ شان کریموں کے در کی ہے

آیت نمبر 3۔ وَ مَاۤ اَرْسَلْنٰكَ اِلَّا رَحْمَةً لِّلْعٰلَمِیْنَ(۱۰۷) (پ 17، الانبیاء: 107) ترجمہ: اور ہم نے تمہیں تمام جہاں کے لیے رحمت بنا کر ہی بھیجا۔ اس آیت مبارکہ میں فرمایا گیا کہ حضور ﷺ رحمت ہیں اور رحمت ہی وہ چیز ہوتی ہے جو سبب دفعِ بلا و زحمت ہوتی ہے۔

حدیث مبارکہ: حضرت انس رضی اللہ عنہ فرماتے ہیں کہ رسول اللہ ﷺ کے زمانہ میں لوگوں کو سخت قحط سالی پہنچی تو جب نبی ﷺ خطبہ پڑھ رہے تھے جمعہ کے دن ایک دیہاتی اٹھا بولا: یا رسول اللہ مال برباد ہوگیا اور بچے بھوکے ہوگئے آپ ہمارے لیے اللہ سے دعا فرمائیں تو حضور ﷺ نے اپنے ہاتھ اٹھائے ہم آسمان میں بادل نہیں دیکھتے تھے، تو اس کی قسم جس کے قبضہ قدرت میں میری جان ہے کہ حضور نے ہاتھ نیچے نہ کیے حتیٰ کہ بادل پہاڑوں کی طرح اٹھا پھر حضور اپنے منبر سے نہ اترے حتیٰ کہ میں نے آپ کی داڑھی پر بارش ٹپکتی دیکھی۔ (مراٰۃ المناجیح، جلد 8، حدیث: 590) اس طرح کی کئی روایات اس بات پر دلالت کرتی ہیں کہ حضور ﷺ دافع البلاء ہیں کہ کبھی کسی صحابی کا غزوہ میں بازو کٹ جاتا ہے تو وہ حضور کی بارگاہ میں حاضر ہوجاتے ہیں حضور اپنا لعاب دہن لگا کر ان کے بازو کو درست فرماتے ہیں اور انہیں اس بلاء سے نجات بخشتے ہیں، اسی طرح کسی صحابی کی تیر لگنے سے آنکھ نکل جاتی ہے تو وہ حضور کی بارگاہ میں حاضر ہوجاتے ہیں تو حضور انہیں اس بلاء سے نجات بخشتے ہیں، دنیا میں بھی حضور دافع البلاء ہیں اور آخرت میں بھی کہ قبر کی وحشت اور اندھیرے سے نجات حضور کے کرم سے ملے گی وہ تشریف لائیں گے تو قبر کے اندھیرے سے نجات ملے گی۔ اعلیٰ حضرت فرماتے ہیں:

قبر میں لہرائیں گے تاحشر چشمے نور کے جلوہ فرما ہوگی جب طلعت رسول اللہ کی

اور آخرت کی ہولناکیوں سے نجات بھی حضور کے کرم سے ملے گی کہ حضور وہاں بھی دافع البلا ہوں گے اور آپ ہی کے صدقے سے آپ کی امت کے گنہگار لوگ محشر و پل صراط کی سختیوں اور بلاؤں سے بچ کر داخل جنت ہوں گے۔ اعلیٰ حضرت فرماتے ہیں:

رضا پل سے اب وجد کرتے گزریئے کہ ہے رب سلم دعائے محمد

پائے کوباں پل سے گزریں گے تیری آواز پر رب سلم کی صدا پر وجد لاتے جائیں گے