سچا مسلمان وہی ہے جو اپنی خواہشات کو نبی کریم صلَّی اللہ علیہ واٰلہٖ وسلَّم کی سنت کے تابع کر دے کیونکہ آقا صلَّی اللہ علیہ واٰلہٖ وسلَّم کی پسند میں اللہ پاک کی رضا پوشیدہ ہے۔ جب بندہ اپنی پسند چھوڑ کر محبوبِ خدا صلَّی اللہ علیہ واٰلہٖ وسلَّم کی پسند اختیار کر لیتا ہے تو اس کی زندگی میں سکون، دل میں نور اور اعمال میں برکت آ جاتی ہے۔

آقا صلَّی اللہ علیہ واٰلہٖ وسلَّم کی پسند اپنانا دراصل سنتِ مصطفیٰ صلَّی اللہ علیہ واٰلہٖ وسلَّم سے محبت کا عملی اظہار ہے۔ چاہے وہ عبادات ہوں، معاملات ہوں، اخلاق ہوں یا رہن سہن۔ہر شعبۂ زندگی میں اگر معیار سنت بن جائے تو انسان خود بخود خیر و بھلائی کی راہ پر چل پڑتا ہے۔ یہی وہ راستہ ہے جو بندے کو اللہ پاک کے قریب اور آقا صلَّی اللہ علیہ واٰلہٖ وسلَّم کی شفاعت کا حق دار بناتا ہے۔

راہِ سنت پر چلانے کے لئے شیخ طریقت امیر اہل سنت علامہ محمد الیاس عطار قادری دامت بَرَکَاتُہمُ العالیہ نے اس ہفتے عاشقان رسول کو 25 صفحات کا رسالہ ” جو آقا صلَّی اللہ علیہ واٰلہٖ وسلَّم کی پسند وہ اپنی پسند “پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں بھی سے نوازا ہے۔

دعائے عطار

یاربِّ کریم ! جو کوئی 25 صفحات کا رسالہ ” جو آقا صلَّی اللہ علیہ واٰلہٖ وسلَّم کی پسند وہ اپنی پسند “پڑھ یا سن لے اُسے صحابہ واہل بیت کے عشق رسول سے حصہ عطاکر اور اُس کو ماں باپ اور خاندان سمیت بے حساب جنت الفردوس میں داخلہ نصیب فرما۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

سانحہ گل پلازہ کراچی پر رپورٹ:

یہ واقعہ 17 جنوری 2026 کی رات تقریباً 10:15 بجے ایم اے جناح روڈ کراچی کے اہم تجارتی مرکز گل پلازہ شاپنگ مال میں پیش آیا جس میں تقریباً 1200 دکانیں تھیں۔

آگ کا آغاز اور پھیلاؤ:

S.S.Pسٹی عارف عزیز کا کہنا تھا کہ اب کی رپورٹ کی مطابق شارٹ سرکٹ کی وجہ سے پلازہ میں آگ لگی جو جلد ہی ارد گرد موجود آسانی سے قابلِ احتراق چیزوں جیسے کپڑے، قالین اور پلاسٹک کی مصنوعات کے سبب بہت تیزی سے پھیل گئی۔ S.S.Pسٹی نے مزید کہا کہ گل پلازہ میں موجود میٹریل مثلاً آرٹیفیشل پلانٹس اور فلاور بھی آگ پھیلنے کا سبب بنے۔

جانی و مالی نقصان:

اب تک کی ملنے والی رپورٹ کے مطابق 61 سے زائد افراد آگ میں جھلس کر اور آکسیجن نہ ملنے کی وجہ سے شہید ہوگئے۔ اس کے علاوہ زخمی افراد کو ریسکیو کرکے ہسپتال منتقل کردیا گیا ہے جہاں انہیں ہنگامی طور پر علاج فراہم کیا جارہاہے۔ اس کے علاوہ درجنوں افراد ابھی بھی لاپتہ ہیں جن کی تلاش جاری ہے اور ملنے والی باڈی کی شناخت کے لئے D.N.Aٹیسٹ کروائے جارہے ہیں۔ مختلف رپورٹس کے مطابق گل پلازہ کا مالی نقصان کھربو ں میں بتایا جارہا ہے۔

صدر تاجر ایسوسی ایشن گُل پلازہ تنویر قاسم نے انتہائی دُکھ کے ساتھ مدنی چینل سےگفتگو کرتے ہوئےبتایا کہ اس سانحے سے 12 ہزار خاندان متاثر ہوئے ہیں کیونکہ اس پلازہ میں 1200 کے آس پاس دُکانیں تھیں اور ہر دُکان میں 08 سے 10 مزدور کام کیا کرتے تھے۔ اِنَّا لِلہِ وَاِنَّا اِلَیْہِ رٰجِعُوْن

ریسکیو آپریشن:

ریسکیو، فائر فائٹرز اور متعلقہ حکام24 سے 36 گھنٹوں کے بعد آگ پر قابو پانے اور اُسے بجھانے میں کامیاب ہوئے جبکہ K.M.C اور ریسکیو 1122 زخمی اور انتقال کرجانے والے افراد کو نکالنے کے ساتھ ساتھ لاپتہ افراد کو ڈھونڈھنے میں اہم کردار ادا کررہے ہیں۔ اس کے علاوہ دعوتِ اسلامی کا فلاحی شعبہ فیضان گلوبل ریلیف فاؤنڈیشن FGRF کے تحت ریسکیو اور سیکیورٹی پر مامور اہلکاروں تک کھانے پینے کی اشیاء پہنچانے اور دیگر فلاحی کاموں میں پیش پیش ہے۔ FGRFکی ٹیم دُکھ کی اس گھڑی میں متاثرہ تاجران اور مرحومین کے اہل خانہ اور سوگواروں کے ساتھ شانہ بشانہ کھڑی ہے اور انہیں تسلی و حوصلہ دیتے ہوئے ان کے غم میں برابر کی شریک ہے۔

متاثرہ مقام کا مختلف سیاسی و سماجی شخصیات کا دورہ:

سانحہ گل پلازہ کے بعد جائے وقوعہ پر مختلف حکومتی اراکین، سیاسی، سماجی و مذہبی شخصیات نے دورہ کیا۔ اس موقع پر انہوں نے نہ صرف جائے حادثہ کا جائزہ لیا بلکہ سانحہ میں شہید ہونے والوں کے سوگوار لواحقین سے تعزیت کی، تاجروں سے ملاقات کی اور اپنے پیاروں کی تلاش میں بے چینی سے منتظر افراد سے ہمدردی اور اظہارِ افسوس کیا۔

دورہ کرنے والی شخصیات میں دارالافتاء اہلِ سنت (دعوتِ اسلامی) کے مفتیانِ کرام مفتی محمد حسان عطاری مدنی مُدَّ ظِلُّہُ العالی اور مفتی محمد شفیق عطاری مدنی مُدَّ ظِلُّہُ العالی رکن شوریٰ مولانا حاجی عبد الحبیب عطاری، مبلغین دعوتِ اسلامی، FGRFکے ذمہ داران شامل تھےجنہوں نے مرحومین کے لئے دعائے مغفرت اور لواحقین کے لئے صبر و استقامت کی دعا کرتے ہوئےشخصیات نےمتاثرہ خاندانوں سے ملاقات کی اور انہیں دینی و اخلاقی تسلی دی۔

اس کے علاوہ خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے بھی متاثرہ مقام کا دورہ کیا۔خلیفۂ امیر اہلسنت نے گُل پلازہ کے احاطے میں متاثرہ تاجران سے اظہار ہمدردی کرتے ہوئے اس حادثے میں شہید ہونے والے مرحومین کے لواحقین سے تعزیت کی اور انہیں صبر کی تلقین کرتے ہوئے بارگاہِ رب العزت میں دعائیں کیں۔خلیفۂ امیر اہلسنت نے ایسے افرادجن کے پیارے لاپتہ ہیں ان سے بھی ملاقات کرتے ہوئے اظہار افسوس کیا اور دعاکی۔ متاثرہ مقام کا دورہ کرتے ہوئے جانشین امیر اہلسنت کی FGRFکی طرف سے گل پلازہ کے قریب قائم ریلیف کیمپ پر تشریف آوری ہوئی جہاں انہوں نے ذمہ داران کی حوصلہ افزائی کی اور امدادی کاموں کا جائزہ لیا۔

Liveٹرانسمیشن:

سانحہ گل پلازہ کے حوالے سے 19 جنوری 2026ء کی رات مدنی چینل پر ایک ٹرانسمیشن بنام ”سانحہ گُل پلازہ“نشر کی گئی جسے رکن شوریٰ مولانا حاجی عبد الحبیب عطاری نے ہوسٹ کیا۔ ٹرانسمیشن میں امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ کا پیغام بھی شامل کیا گیا جس میں امیر اہلسنت دامت بَرَکَاتُہمُ العالیہ نے سانحہ میں انتقال کرجانے والے مرحومین کے لواحقین سے تعزیت کی اور دعائے مغفرت کرتے ہوئے متاثرہ تاجران سے دُکھ اور ہمدردی کا اظہار کیا۔اس کے علاوہ نگران شوریٰ مولانا حاجی محمد عمران عطاری مُدَّ ظِلُّہُ العالی نے بھی ٹرانسمیشن میں گفتگو کرتے ہوئے گہرے دُکھ کا اظہار کیا۔

شب روز دعوتِ اسلامی کی ٹیم کی جانب سے اظہار ہمدردی اور دعا:

اللہ رب العزت سانحہ گل پلازہ میں وفات پاجانے والے مسلمانوں کی مغفرت فرمائےاور زخمیوں کو جلد از جلد صحت و تندرستی اور مالی نقصان اٹھانے والوں کو نعم البدل عطا فرمائے۔اٰمِیْن بِجَاہِ النّبیِّ الْاَمِیْن صلَّی اللہ علیہ واٰلہٖ وسلَّم

جانشین امیر اہلسنت کے وزٹ کی ویڈیو دیکھنے کے لئے نیچے دیئے گئے لنک پر کلک کیجئے:

https://www.facebook.com/reel/1190581266387342

کراچی: دعوتِ اسلامی کے بانی اور معروف روحانی شخصیت شیخِ طریقت، امیرِ اہلِ سنت علامہ محمد الیاس عطار قادری دامت بَرَکَاتُہمُ العالیہ نے اس ہفتے بھی اپنے مریدین، معتقدین اور دنیا بھر کے مسلمانوں کو ایک علمی و اصلاحی رسالہ پڑھنے کی ترغیب دلائی ہے۔ امیرِ اہلِ سنت نے نہ صرف اس رسالے کے مطالعے کا ذہن دیا ہے بلکہ پڑھنے اور سننے والوں کے لیے ایک جامع اور رقت انگیز دعا بھی فرمائی ہے۔

اس ہفتے کا رسالہ: ”قُوتُ الْقُلُوب سے 59 مدنی پھول (قسط 2)“

امیرِ اہلِ سنت نے اس بار 16 صفحات پر مشتمل رسالہ ”قُوتُ الْقُلُوب سے 59 مدنی پھول (قسط 2)“ پڑھنے کا ارشاد فرمایا ہے۔ یہ رسالہ معروف بزرگ حضرت شیخ ابو طالب مکی رحمۃُ اللہِ علیہ کی شہرہ آفاق کتاب ”قوت القلوب“ سے ماخوذ ہے، جس میں روحانیت، اخلاقیات اور باطنی اصلاح کے حوالے سے قیمتی مدنی پھول جمع کیے گئے ہیں۔

امیرِ اہلِ سنت کی جانب سے دی گئی خصوصی دعا

علامہ الیاس قادری صاحب نے اس رسالے کا مطالعہ کرنے والوں کو اپنی مخصوص ”دُعائے عطار“ سے نوازتے ہوئے فرمایا:

”یا اللہ پاک! جو کوئی 16 صفحات کا رسالہ ”قُوتُ الْقُلُوب سے 59 مدنی پھول (قسط 2)“ پڑھے یا سُن لے، اسے نیکیوں بھری زندگی اور ایمان و عافیت والی موت عطا فرما کر جنّت الفردوس میں بے حساب داخلہ نصیب فرما۔ اٰمین۔“

مطالعے کی اہمیت

دعوتِ اسلامی کے ذرائع کے مطابق، امیرِ اہلِ سنت ہر ہفتے ایک رسالے کی ترغیب اس لیے دلاتے ہیں تاکہ لوگوں میں دینی کتابوں کے مطالعے کا ذوق پیدا ہو اور وہ اپنی اصلاح کے ساتھ ساتھ اسلامی تعلیمات سے بھی روشناس ہو سکیں۔

رسالہ ڈاؤن لوڈ کرنے کا طریقہ

عاشقانِ رسول اس رسالے کو دعوتِ اسلامی کی ویب سائٹ سے پی ڈی ایف (PDF) فارمیٹ میں ڈاؤن لوڈ کر سکتے ہیں۔ رسالہ حاصل کرنے کے لیے درج ذیل لنک پر کلک کریں:

رسالہ ڈاؤن لوڈ کرنے کے لیے یہاں کلک کریں

اسلامک ریسرچ سینٹر (المدینۃ العلمیۃ) کا ایک ذیلی شعبہ ”شعبہ ہفتہ وار رسالہ“ بھی ہے جو علمی و تحقیقی انداز میں اور خوب محنت و لگن سے ہفتہ وار رسائل تیار کرتا ہے جسے ہر ہفتے مدنی مذاکرے میں پڑھنے/سننے کی ترغیب دلائی جاتی ہے۔

اسی شعبے نے اپنی محنت و کوشش سےقرآن پاک کی تفسیر کی کتاب ”تفسیر نور العرفان“ سے چند مدنی پھول اخذ کرکے ایک رسالہ بنام ”تفسیر نورُ العرفان سے 77 مدنی پھول(قسط 09)“ تیار کیا ہے۔شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے اس ہفتے عاشقانِ رسول کو رسالہ پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے نوازا ہے۔

دعائے عطار

یااللہ پاک! جو کوئی 16 صفحات کا رسالہ ”تفسیر نورُ العرفان سے 77 مدنی پھول(قسط 09)“ پڑھ یا سُن لے اُسےقرآن کریم کی خوب تلاوت کی توفیق عطا فرما اور ماں باپ اور خاندان سمیت بے حساب بخش دے۔ اٰمِیْن بِجَاہِ خاتَم ِالنَّبیّٖن صلَّی اللہ علیہ واٰلہٖ وسلَّم

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

3 جنوری 2026ء بمطابق 14 رجب المرجب 1447ھ کی شب معمول کے مطابق  دعوتِ اسلامی کے تحت عالمی مدنی مرکز فیضانِ مدینہ کراچی میں مدنی مذاکرے کا اہتمام کیا گیا جس میں براہِ راست اور بذریعہ مدنی چینل عاشقانِ رسول شریک ہوئے۔

تلاوت و نعت سے آغاز ہونے والے اس مدنی مذاکرے میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے عاشقانِ رسول کی جانب سے ہونے والے مختلف سوالات کے جوابات دیئے جن میں سے بعض درج ذیل ہیں:

سوال: عورت کو گھرکے کاموں کی وجہ سے زیادہ تھکن لگے ،چڑچڑا پن ہو تو کیا کرے ؟

جواب: صبر کرے ،قول یا فعل سے بے صبری کا اظہار نہ کرے ،صبر کے فضائل و فوائد پر غور کرے ،انبیائے کرام علیہم السلام،صحابۂ کرام علیہم الرضوان اور اولیائے کرام رحمہم اللہ المبین کے واقعات و انداز کو یاد کرے ، صبر بہت بڑا خزانہ ہے، اس سے کئی مسائل حل ہو تے ہیں ۔سونے سے پہلے 33 مرتبہ سُبْحَانَ اللهِ ، 33 اَلْحَمْدُ لِلّٰهِ اور34مرتبہ اَللّٰهُ اَكْبَرُ پڑھ لے۔(بخاری، 4/194، حدیث:6318) اس وظیفے کوتسبیحِ فاطمہ(رضی اللہ عنہا) کہتے ہیں۔ روزانہ سونے سے پہلےتسبیحِ فاطمہ پڑھنے کی عادت بنا نے سےاِن شآءَ اللہ الکریم کام کاج کی تھکاوٹ دُور ہو گی ۔بے صبری کرنے سے بسا اوقات گھر بھی ٹُوٹ جاتا ہے، بے صبری کے نقصانات پیشِ نظر رکھیں۔

سوال: ایک پوسٹ میں لکھا تھا کہ جب تک شعور نہ آ جائے تب تک منہ کھانے پینے کے لئے استعمال نہ کریں، اس کے بارے میں آپ کیا فرماتے ہیں ؟

جواب: منہ کا استعمال کھانے اور بولنے دونوں کے لئے ہوتا ہے ،اس پوسٹ میں سمجھایا گیا ہے کہ جب تک کھانے پینے کا شعور اور سمجھ بُوجھ نہ آ جائے ۔اس وقت تک نہ کھائے پیے،اسی طرح بولنے میں بھی ہے۔اصل سبق یہ ہے کہ انسان اپنی خواہشات اور زبان دونوں کو شعور کے ساتھ استعمال کرے۔(یعنی جو کھائیں اور جو بولیں، سوچ سمجھ کر کریں،بےسمجھے کھانا بھی نقصان دہ ہے اور بےسوچے بولنا بھی نقصان دہ)۔

سوال: بعض لوگ کہتے ہیں کہ کھانے کے دوران زبان کچل جائے توکسی نے گالی دی ہے،اس کی کیا حقیقت ہے؟

جواب: ایسا کہنا فضول اور غلط بات ہے ،زبان کے کچل جانے کی ایک وجہ یہ بھی ہوتی ہے کہ دانتوں کی نوک یا کونہ نکل آتا ہے جس کی وجہ سے زبان کچل جاتی ہے ،بعض مرتبہ اس وجہ سے زبان زخمی بھی ہو جاتی ہے یا زبان پر چھالا ہو جاتا ہے ۔اس کا حل یہ ہے کہ دانتوں کے ڈاکٹر سے اس نوک یا کونے کی گھسائی کروا لی جائے ۔

سوال: اسلامی مسائل پوچھنے کے بارے میں آ پ اپنا انداز بتا دیجئے ؟

جواب: مجھے مسائل پوچھنے کا جنون تھا ،اس کے لئے مطالعہ کرتا تھا ،عوامی سواری میں گھنٹوں سفر کر کے مفتی صاحب(مفتیِ اعظم پاکستان، مفتی محمد وقار الدین قادری رحمۃ اللہ علیہ) کے پاس جا جا کر مسائل پوچھتا تھا ۔اب بھی پوچھتا رہتا ہوں۔

سوال: صبر کا پھل میٹھا ہوتا ہے، اس کا کیا معنی ہے ؟

جواب: یہ محاورہ ہے اس کا معنی یہ ہے کہ صبر کرنے کا نتیجہ اچھا ہوتا ہے ۔

سوال: گناہِ کبیرہ اور گناہِ صغیرہ سے کیا مراد ہے ؟

جواب: کبیرہ گنا ہ بڑے گناہ کواور صغیرہ گنا ہ چھوٹے گنا ہ کو کہتے ہیں ۔

سوال: اِس ہفتے کارِسالہ ”حضرت امیر معاویہ رضی اللہ عنہ “ پڑھنے یا سُننے والوں کو امیر اہل سنت دامت برکاتہم العالیہ نے کیا دُعا دی ؟

3 جنوری 2026ء بمطابق 14 رجب المرجب 1447ھ کی شب معمول کے مطابق  دعوتِ اسلامی کے تحت عالمی مدنی مرکز فیضانِ مدینہ کراچی میں مدنی مذاکرے کا اہتمام کیا گیا جس میں براہِ راست اور بذریعہ مدنی چینل عاشقانِ رسول شریک ہوئے۔

تلاوت و نعت سے آغاز ہونے والے اس مدنی مذاکرے میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے عاشقانِ رسول کی جانب سے ہونے والے مختلف سوالات کے جوابات دیئے جن میں سے بعض درج ذیل ہیں:

سوال: عورت کو گھرکے کاموں کی وجہ سے زیادہ تھکن لگے ،چڑچڑا پن ہو تو کیا کرے ؟

جواب: صبر کرے ،قول یا فعل سے بے صبری کا اظہار نہ کرے ،صبر کے فضائل و فوائد پر غور کرے ،انبیائے کرام علیہم السلام،صحابۂ کرام علیہم الرضوان اور اولیائے کرام رحمہم اللہ المبین کے واقعات و انداز کو یاد کرے ، صبر بہت بڑا خزانہ ہے، اس سے کئی مسائل حل ہو تے ہیں ۔سونے سے پہلے 33 مرتبہ سُبْحَانَ اللهِ ، 33 اَلْحَمْدُ لِلّٰهِ اور34مرتبہ اَللّٰهُ اَكْبَرُ پڑھ لے۔(بخاری، 4/194، حدیث:6318) اس وظیفے کوتسبیحِ فاطمہ(رضی اللہ عنہا) کہتے ہیں۔ روزانہ سونے سے پہلےتسبیحِ فاطمہ پڑھنے کی عادت بنا نے سےاِن شآءَ اللہ الکریم کام کاج کی تھکاوٹ دُور ہو گی ۔بے صبری کرنے سے بسا اوقات گھر بھی ٹُوٹ جاتا ہے، بے صبری کے نقصانات پیشِ نظر رکھیں۔

سوال: ایک پوسٹ میں لکھا تھا کہ جب تک شعور نہ آ جائے تب تک منہ کھانے پینے کے لئے استعمال نہ کریں، اس کے بارے میں آپ کیا فرماتے ہیں ؟

جواب: منہ کا استعمال کھانے اور بولنے دونوں کے لئے ہوتا ہے ،اس پوسٹ میں سمجھایا گیا ہے کہ جب تک کھانے پینے کا شعور اور سمجھ بُوجھ نہ آ جائے ۔اس وقت تک نہ کھائے پیے،اسی طرح بولنے میں بھی ہے۔اصل سبق یہ ہے کہ انسان اپنی خواہشات اور زبان دونوں کو شعور کے ساتھ استعمال کرے۔(یعنی جو کھائیں اور جو بولیں، سوچ سمجھ کر کریں،بےسمجھے کھانا بھی نقصان دہ ہے اور بےسوچے بولنا بھی نقصان دہ)۔

سوال: بعض لوگ کہتے ہیں کہ کھانے کے دوران زبان کچل جائے توکسی نے گالی دی ہے،اس کی کیا حقیقت ہے؟

جواب: ایسا کہنا فضول اور غلط بات ہے ،زبان کے کچل جانے کی ایک وجہ یہ بھی ہوتی ہے کہ دانتوں کی نوک یا کونہ نکل آتا ہے جس کی وجہ سے زبان کچل جاتی ہے ،بعض مرتبہ اس وجہ سے زبان زخمی بھی ہو جاتی ہے یا زبان پر چھالا ہو جاتا ہے ۔اس کا حل یہ ہے کہ دانتوں کے ڈاکٹر سے اس نوک یا کونے کی گھسائی کروا لی جائے ۔

سوال: اسلامی مسائل پوچھنے کے بارے میں آ پ اپنا انداز بتا دیجئے ؟

جواب: مجھے مسائل پوچھنے کا جنون تھا ،اس کے لئے مطالعہ کرتا تھا ،عوامی سواری میں گھنٹوں سفر کر کے مفتی صاحب(مفتیِ اعظم پاکستان، مفتی محمد وقار الدین قادری رحمۃ اللہ علیہ) کے پاس جا جا کر مسائل پوچھتا تھا ۔اب بھی پوچھتا رہتا ہوں۔

سوال: صبر کا پھل میٹھا ہوتا ہے، اس کا کیا معنی ہے ؟

جواب: یہ محاورہ ہے اس کا معنی یہ ہے کہ صبر کرنے کا نتیجہ اچھا ہوتا ہے ۔

سوال: گناہِ کبیرہ اور گناہِ صغیرہ سے کیا مراد ہے ؟

جواب: کبیرہ گنا ہ بڑے گناہ کواور صغیرہ گنا ہ چھوٹے گنا ہ کو کہتے ہیں ۔

سوال: اِس ہفتے کارِسالہ ”حضرت امیر معاویہ رضی اللہ عنہ “ پڑھنے یا سُننے والوں کو امیر اہل سنت دامت برکاتہم العالیہ نے کیا دُعا دی ؟

حضرت سیدنا امیر معاویہ رضی اللہ عنہ جلیلُ القدر صحابیِ رسول، کاتبِ وحی، بردبار اور عظیم منتظم تھے۔ آپ کا شمار اُن خوش نصیب ہستیوں میں ہوتا ہے جنہیں نبیِ کریم صلَّی اللہ علیہ واٰلہٖ وسلَّم کی قربت نصیب ہوئی اور جنہوں نے اسلام کی خدمت میں نمایاں کردار ادا کیا۔ آپ رضی اللہ عنہ کو کاتبِ وحی ہونے کا شرف حاصل ہوا۔ رسولِ اکرم صلَّی اللہ علیہ واٰلہٖ وسلَّم آپ سے قرآنِ مجید لکھواتے جو آپ کے اعتماد، دیانت اور علمی مقام کی روشن دلیل ہے۔

سیرتِ حضرت امیر معاویہ رضی اللہُ عنہسے رہنمائی حاصل کرنے کےلئے شیخ طریقت امیر اہلسنت حضرت علامہ محمد الیاس عطار قادری دامت بَرَکَاتُہمُ العالیہ نے عاشقانِ رسول کو اس ہفتے 25 صفحات کا رسالہ ”حضرت امیر معاویہ رضی اللہُ عنہ“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں بھی سے نوازا ہے۔

یاربّ کریم ! جو کوئی 25 صفحات کا رسالہ ”حضرت امیر معاویہ رضی اللہُ عنہ“ پڑھ یا سن لے اُسے اپنے سب سے آخری نبی صلَّی اللہ علیہ واٰلہٖ وسلَّم کے تمام صحابہ و اہل بیت علیہم الرضوان کا احترام کرنے والا بنا اور اُسے ماں باپ سمیت بے حساب بخشش دے۔ اٰمِیْن بِجَاہِ خاتَم ِالنَّبیّٖن صلَّی اللہ علیہ واٰلہٖ وسلَّم

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

حضرت سفیان ثَوری رحمۃ اللہ علیہ خوفِ خدا رکھنے، دنیا سے بےرغبت اور دنیاوی مال کے حساب و کتاب سے ڈرنے والے، بہت عبادت گزار بزرگ تھے جنہوں نے مختلف مواقع پر ایسے حکمت بھرے اقوال ارشاد فرمائے جن پر عمل کرنے سے انسان کی دنیا و آخرت سنور سکتی ہے۔

لوگوں کو حضرت سفیان ثَوری رحمۃ اللہ علیہ کے اقوال و فرامین سے آگاہ کرنے کے لئے شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے عاشقانِ رسول کو اس ہفتے 16 صفحات پر مشتمل رسالہ ” حضرت سفیان ثَوری کے 87 ارشادات“ پڑھنے / سننے کی ترغیب دلائی ہے اور پڑھنے / سننے والوں کو اپنی دعاؤں سے بھی نوازا ہے۔

دعائے عطار

یااللہ پاک! جو کوئی 16 صفحات کا رسالہ” حضرت سفیان ثَوری کے 87 ارشادات“ پڑھ یا سُن لے اُس کے دل سے دنیا کی محبت دور فرما کر اُسے روحانی سُکون نصیب فرما اور اُس کو ماں باپ سمیت بےحساب بخش دے۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

اسلام ایک مکمل ضابطۂ حیات ہے جو انسان کو وقت کی قدر و قیمت سکھاتا ہے۔ قرآنِ کریم اور احادیثِ مبارکہ میں مختلف دنوں کی خاص اہمیت اور فضیلت بیان کی گئی ہے، تاکہ مسلمان اپنے وقت کو نیکی، عبادت اور اصلاحِ نفس میں صرف کریں۔ اسلام میں دن محض تاریخیں نہیں بلکہ یہ اللہ تعالیٰ کی عطا کردہ نعمتیں اور آزمائش کے مواقع ہیں۔

اللہ تعالیٰ نے بعض دنوں کو خصوصی برکت اور فضیلت عطا فرمائی ہے۔ جمعہ کا دن ہفتے کا سب سے افضل دن ہے، جس میں ایک ایسی گھڑی ہے کہ اس وقت مانگی گئی دعا قبول ہوتی ہے۔ اس دن مسلمانوں کو اجتماعیت، ذکرِ الٰہی اور خطبۂ جمعہ کے ذریعے دین کی تعلیم دی جاتی ہے۔

ہفتے کے ایّام کے حوالے سے آگاہی فراہم کرنے کے لئے شیخ طریقت امیر اہلسنت حضرت علامہ محمد الیاس عطار قادری دامت بَرَکَاتُہمُ العالیہ نے عاشقان رسول کو اس ہفتے 25 صفحات کا رسالہ ”فیضانِ ایّام“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں بھی سے نوازا ہے۔

دعائے عطار

یااللہ پاک! جو کوئی 25 صفحات کا رسالہ ”فیضانِ ایّام“ پڑھ یا سن لے اُسے برکت والے دنوں کے صدقے اپنے پیاروں میں شامل فرما اور اُس کو ماں باپ سمیت جنت الفردوس میں بے حساب داخلہ نصیب فرما۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

تصوّف دراصل دل کی دنیا کو سنوارنے اور باطن کو پاکیزہ بنانے کا نام ہے۔ یہ اسلام کی روحانی تعلیمات کا وہ حسین پہلو ہے جو انسان کو اللہ تعالیٰ کی قربت، عاجزی، محبت اور اخلاقِ حسنہ کی طرف لے جاتا ہے۔ اگر شریعت ظاہر کا نظام ہے تو تصوف اس کی روح ہے، جو عبادتوں میں اخلاص، معاملات میں سچائی، اور انسانیت کے ساتھ حسنِ سلوک پیدا کرتا ہے۔

تصوف کے موضوع پر بزرگانِ دین رحمہم اللہ کی بہت ساری تصانیف موجود ہیں جن میں سےامام اجلّ حضرت سیدنا شیخ ابو طالب مکی علیہ رحمۃ اللہ القوی کی ایک مشہور تصنیف ”قوتُ القلوب“ بھی ہے۔

اسلامک ریسرچ سینٹر (المدینۃ العلمیۃ) کا ذیلی شعبہ ”شعبہ ہفتہ وار رسالہ“ نے اپنی محنت و کوشش سے اس کتاب سے چند مدنی پھول اخذ کرکے 17 صفحات پر مشتمل ایک رسالہ بنام ”قوتُ القلوب سے 57 مدنی پھول“ تیار کیا ہے۔ شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے اس ہفتے عاشقانِ رسول کو رسالہ پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے بھی نوازا ہے۔

دعائے عطار

یاربّ کریم! جو کوئی 17 صفحات کا رسالہ ” قوتُ القلوب سے 57 مدنی پھول “پڑھ یا سن لے اُس کو اپنی عبادت کا جذبہ دے، اُسے ماں باپ اور خاندان سمیت جنت الفردوس میں بے حساب داخلہ نصیب فرما۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

اللہ پاک کے پیارے نبی حضرت محمد مصطفٰے صلَّی اللہ علیہ واٰلہٖ وسلَّم کا نام پاک سن کر انُ سے محبت، احترام اور ادب کا اظہار کرنا کئی بزرگانِ دین کا عمل رہا ہے۔ انہی اعمال میں سے ایک عمل انگوٹھے چوم کر آنکھوں پر لگانا بھی ہے۔ یہ عمل محبتِ رسول صلَّی اللہ علیہ واٰلہٖ وسلَّم کا ایک عملی شعور ہے جسے امت کے بہت سے نیک اور بزرگ لوگوں نے اپنایا۔

انگوٹھے چومنے کی فضیلت اور برکتوں سے عاشقانِ رسول کو آگاہ کرنے کے لئے شیخ طریقت امیر اہلسنت حضرت علامہ محمد الیاس عطار قادری دامت بَرَکَاتُہمُ العالیہ نے اس ہفتے 28 صفحات کا رسالہ ”انگوٹھے چومنے کی برکتیں“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں بھی سے نوازا ہے۔

دعائے عطار

یا ربُّ العزت! جو کوئی 28 صفحات کا رسالہ ”انگوٹھے چومنے کی برکتیں“پڑھ یا سن لے اُس کو ہمیشہ اذان و اقامت میں انگوٹھے چومنے کی سعادت عطا فرما آخری سانس تک اس کی آنکھوں کا نور سلامت رکھ اور ماں باپ سمیت اُس کی بے حساب مغفرت فرما۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

29 نومبر 2025ء بمطابق 8 جمادی الاخریٰ 1447ھ کی شب عالمی مدنی مرکز فیضانِ مدینہ کراچی میں ہفتہ وار مدنی مذاکرے کا اہتمام ہوا جس میں بیرونِ ممالک سے آئے ہوئے معزز علمائے کرام،  عاشقانِ رسول، ذمہ داران اور کراچی شہر کے مختلف علاقوں سے آئے ہوئے اسلامی بھائیوں نے شرکت کی۔

اس مدنی مذاکرے کا آغاز بعد نمازِ عشا تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے ہوا جس کے بعد عاشقانِ رسول کے مختلف سوالات ہوئے جن کے شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے جوابات ارشاد فرمائے۔

بعض سوال و جواب

سوال:معاشرے میں ذہن بنا ہوا ہے کہ ساس بہو میں نہیں بنتی ،آپ کیا فرماتے ہیں؟

جواب:یہ ذہن نہیں بنانا چاہیئے، سا س اوربہو دونوں کو ایک دوسرے کےساتھ اچھا سلوک کرنا چاہیئے۔ غصے والے کو اگر کہاجائے کہ یہ بڑا غصے والاہے تو اس کا غصہ بڑھ جاتاہے۔

سوال:والدین اورٹیچرز کوبچوں کوسمجھاتے ہوئے کیا الفاظ نہیں کہنے چاہئیں ؟

جواب:والدین اورٹیچرز کو بچوں کو یہ نہیں کہنا چاہیئے کہ تم کسی کام کے نہیں ہو، اس طرح کہنے سے اس میں احساسِ کمتری پیداہوسکتی ہے جس سے وہ اپنی عمرمیں کچھ بڑا کرنےکی ہمت نہیں کرپاتا۔

سوال:جب گرمی جارہی ہواورسردی آرہی ہوتومسجدمیں پنکھا چلانے اورنہ چلانے میں اختلاف ہوجاتاہے آپ کیا فرماتے کہ کیا کرنا چاہیئے ؟

جواب:میرا مشورہ ہے کہ جسے گرمی لگ ہورہی تو وہ صبرکرلے تاکہ پنکھا چلانے سے جن کو تکلیف ہوتی ہے وہ اس تکلیف سے بچ جائیں ۔کوشش ہونی چاہیئے کہ ہم کسی کو فائدہ نہیں دے سکتے تو تکلیف بھی نہ دیں ۔

سوال:ہمارے معاشرے میں لوگ دوسروں کانام بگاڑتے ہیں ،آپ کیا فرماتے ہیں ؟

جواب:قرآن پاک میں اللہ پاک نے کسی کا نام بگاڑنے سے منع فرمایاہے ۔(پارہ،26،سورۂ حجرات:11)کسی کو کچھ بولنے سے پہلے سوچیں کہ میرے اس طرح کہنے سےوہ خوش ہوگا یا ناراض ،وہ بات ہرگزنہ کہے جس سے اس کی دل آزاری ہو۔ حدیث پاک میں ہے :مَنْ دَعَا رَجُلًا بِغَيْرِ اسْمِهِ لَعَنَتْهُ الْمَلَائِكَةُ یعنی جس نے کسی کو اس کے نام کے علاوہ پُکارا یعنی نام بگاڑاتو فِرِشتے اس پر لعنت کرتے ہیں ۔(عمل الیوم واللیلۃ، ص175، حدیث: 395)

سوال:یہ درست ہے کہ حسن ِظن میں کوئی نقصان نہیں اور بدگُمانی میں کوئی فائدہ نہیں؟

جواب:جی ہاں! ‏ کسی مسلمان کے بارے میں اچھا گمان رکھنا ’’حسن ظن ‘‘کہلاتا ہے٭حسن ظن ایک جائزوحلال، باعث اجر وثواب وجنت میں لے جانے والا کام ہے ٭حسنِ ظن سے بدگمانی دور ہوجاتی ہے ٭حسنِ ظن سے دل میں مسلمانوں کی محبت پیدا ہوتی ہے٭حسنِ ظن سے بدلہ لینے کی چاہت ختم ہوتی ہے ٭حسنِ ظن کا سب سے بڑا فائدہ یہ ہے کہ اس میں کوئی نقصان نہیں۔

سوال:حج میں مشقت ہوتی ہے اس لئے بعض لوگ حج کرنے سے ہچکچاتے ہیں ،آپ انہیں کیا کہیں گے ؟

جواب:حج فرض ہوگیا تو اب حج کرنا ضروری ہے ورنہ گنہگارہوں گے ۔ حج میں جو رِقَّت و ذَوق ہوتا ہے وہ سفرِ عمرہ میں نہیں ہوتا۔سفرِ حج اورسفرِعمرہ دونوں کرنے چاہئیں ۔سفرِحج وعمرہ میں گناہوں کے کاموں مثلاً جھوٹ، غلط سرٹیفکیٹ وغیرہ سے بچنا بھی ضروری ہے ۔

سوال:بڑھاپے میں کئی طرح کی کمزوریاں آجاتی ہیں ،بوڑھے کیا کریں ؟

جواب:کالے بالوں کے بعد سفیدبال آنے میں عبرت ہے ،یہ موت کی یاد دِلاتے ہیں ،آنکھ کمزور،مزاج میں کمزوری ،چڑچڑا پَن بڑھ جاتاہے ،حافظہ کمزور،سننے میں کمزوری آجاتی ہے۔یہ ساری چیزیں موت کی یاد دِلاتی ہیں ۔ بوڑھوں کو بھی موت کی تیاری میں مصروف رہنا چاہیئے، بوڑھوں کےپاس موت سے بچنے کا کوئی آپشن نہیں، اس عمرمیں سنبھل کر رہنا ہے، اب غفلت کی کوئی گنجائش نہیں ہے ۔

سوال:اِس ہفتے کارِسالہ ” مذاق میں جھوٹ بولنا کیسا؟“ پڑھنے یاسُننے والوں کوامیراہل سنت دامت برکاتہم العالیہ نے کیا دُعا دی ؟

جواب:یاربِّ کریم! جو کوئی 14 صفحات کا رسالہ ”مذاق میں جھوٹ بولنا کیسا؟“ پڑھ یا سُن لے اُسے ہمیشہ سچ بولنے کی توفیق دے اور اس کو ماں باپ سمیت بے حساب بخش دے۔اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم