‫دعو ت اسلامی کے تحت 6ستمبر 2020ء کو لاہور ریجن میں 564مقامات پر سحری اجتماعات کا انعقاد کیا گیا جن میں 2905 میں عاشقانِ رسول نے شرکت کی۔ اس موقع پرمبلغین دعوت اسلامی نے سنّتوں بھرے بیانات کئے۔ اجتماع کے اختتام عاشقان رسول نے نماز تہجد بھی اداکی۔

دعوت اسلامی کے زیر اہتمام 7ستمبر 2020ء کو مدنی مرکز فیضان مدینہ جوہر ٹاؤن لاہور میں مدنی مشورہ ہوا جس میں مجلس تعمیرات کے ذمہ داران نے شرکت کی۔ رکن شوریٰ حاجی یعفور رضا عطاری اور نگران مجلس میر حسن عطاری نے شرکا کی تربیت کی اور مدنی پھولوں سے نوازا۔

مدنی مرکز فیضان مدینہ ہیگر والا منڈی بہاؤ الدین میں ”فیضان نماز کورس “ کا سلسلہ جاری ہے۔ دوران کورس 7 ستمبر 2020ء کو مجلس تقسیم رسائل اسلام آباد کے ریجن ذمہ دار حاجی غلام شبیر عطاری نے شرکائے کورس کی تربیت کی ۔ ریجن ذمہ دار نے انہیں ماہنامہ فیضان مدینہ کی سالانہ بکنگ کروانے، 12 مدنی کام، ہفتہ وار اجتماع اور مدنی مذاکرے میں شرکت کرنے کی ترغیب دلائی۔ مدنی مشورے میں مدنی پیکجز کے تحائف شرکائے کورس و انتظامی مجلس کو دیئے گئے۔

بعد ازاں مدرسۃ المدینہ میں بچوں کی تربیت کی گئی اور تحائف بھی تقسیم کئے گئے۔

4اکتوبر 2020ء بروز اتوار دوپہر 3:00 بجے ملک بھر میں تاجر اجتماع ہونے جارہا ہے۔ اس اجتماع میں مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی بذریعہ مدنی چینل خصوصی بیان فرمائیں گے۔

تمام تاجر حضرات اس اجتماع پاک میں ضرور بالضرور شرکت کریں اور اپنے رفقاء کو اس کی دعوت بھی دیں۔

5ستمبر 2020ء کودعوت اسلامی کے تحت  عرب شریف کی ملک نگران اسلامی بہن نے زون نگران اسلامی بہنوں کا مدنی مشورہ لیا ۔مدنی مشورے میں اسلامی بہنوں سے مدنی کاموں کو بڑھانے، مدنی دورے میں شرکا کی تعداد میں اضافہ کرنے اور ذیلی حلقوں میں ون ڈے سیشن بڑھانے کے حوالے سے اہداف لئے گئے۔

یکم ستمبر 2020ء کو اسلامی بہنوں کی مجلس مکتبۃ المدینہ و تقسیم رسائل ملتان ریجن کی ذمہ دار نے بذریعہ کال مدنی مشورہ لیا۔ جس میں شعبہ ذمہ دار اسلامی بہنوں نے شرکت کی۔مدنی مشورے میں شعبہ ذمہ داران کی تقرری مکمل کرنے، ماہانہ شیڈول پر عمل کرنےاور پیشگی جدول بنانے کی ترغیب دلائی گئی۔

ماہ اگست 2020ء میں اسلامی بہنوں کی مجلس شارٹ کورسز کے زیر اہتمام آن لائن کورس ”تفسیر سورہ رحمٰن “ کا انعقاد کیا گیا جس میں ملتان ریجن سے بذریعہ آن لائن 80 درجات میں 714 اسلامی بہنوں نے شرکت کی۔ کورس میں شریک اسلامی بہنوں میں سے 537 اسلامی بہنوں نے مزید شارٹ کورسز کرنے کی نیتیں کی جبکہ 378 اسلامی بہنوں نے تفسیر صراط الجنان پڑھنے کی نیتیں کی۔

4ستمبر 2020ء کو اسلامی بہنوں کی مجلس شارٹ کورسز کے تحت ملتان ریجن میں اسلامی بہنوں کا  مدنی مشورہ ہوا جس میں وہاڑی زون، بہاولپور، رحیم یار خان اور احمد پور شرقیہ کی شعبہ ذمہ داران اسلامی بہنوں نے شرکت کی۔ شارٹ کورسز ملتان ریجن کی ذمہ دار اسلامی بہن نے شارٹ کورسز کے نکات سمجھائے نیز کورسز کے لنک بنانے اور اپنی زون کے ماہانہ مدنی مشورے کی تاریخ مقرر کرنے کے اہداف دیئے گئے۔

5ستمبر 2020ء کو دعوت اسلامی کے زیر اہتمام کراچی ریجن گلزار ہجری کابینہ میں مدنی مشورہ ہوا جس میں مدنی انعامات، مدنی دورہ، مدرسۃ المدینہ بالغات، شارٹ کورسز، کفن دفن اور مجلس مالیات کی اسلامی بہنوں  سمیت کابینہ مشاورت اور ڈویژن سطح کی اسلامی بہنوں نے شرکت کی۔ نگران اسلامی بہن نے کابینہ مشاورت اسلامی بہنوں کی تربیت کی اور شعبوں کے مدنی کاموں کو مضبوط کرنے کے حوالے سے اہداف دیئے۔ مدنی مشورے میں اسلامی بہنوں کو اپنی اصلاح کرنے کے حوالے سے مدنی پھول دیئے گئےاور اپنا محاسبہ کرنے کی نیتیں کروائی گئیں۔ 

دعوت اسلامی کے زیر اہتمام 4 ستمبر 2020ء کو ملک بحرین کے علاقے رفاع شرقی میں اسلامی بہنوں کا مدنی مشورہ ہوا جس میں ڈویژن نگران اسلامی بہنوں نے شرکت کی۔ نگران کابینہ اسلامی بہن نے مدنی کاموں کو تیز کرنے اور روزانہ کے مدنی کاموں پر کلام کیا۔ اس مدنی مشورے میں ذمہ داریاں بھی تقسیم کی گئی۔

2ستمبر 2020ء کو دعوت اسلامی کے زیرِ اہتمام ملک کویت کی ڈویژن فروانیہ کی نگران اسلامی بہن کا اپنی ماتحت اسلامی بہنوں کا ساتھ مدنی مشورہ ہوا ۔ مدنی مشورے میں کارکردگی کا جائزہ لیا گیا ،  ذیلی حلقوں میں مدنی کام کرنےاور منسلک کی تعداد بڑھانے سے متعلق گفتگو کی گئی۔ اس مشورے میں مدنی کاموں کے اہداف بھی دیئے گئےنیز اسلامی بہنوں کو مدرسۃ المدینہ بالغات میں داخلہ لینے اور شارٹ کورسز کرنے کا ذہن دیا گیا۔

4ستمبر 2020ء کو دعوت اسلامی کی مجلس دارالسنہ للبنات کے زیر اہتمام ہونے والے ”فیضان قراٰن کورس“ کا اختتام ہوا جس میں کراچی ریجن سے چھ اسلامی بہنوں نےکورس مکمل کرنے کی سعادت حاصل کی۔ اس کورس میں اسلامی بہنوں نے فقہی مسائل سے متعلق علم حاصل کرنے، قراٰن مجید کی آخری دس صورتیں یاد کرنے، ایمان مفصل ومجمل اور مدنی پھول پر تربیت حاصل کرنے کی ترغیب دلائی۔

کورس کے اختتام پر اسلامی بہنوں نے آئندہ بھی آن لائن کورسز کرنے نیت کی ہے۔