شعبہ رابطہ برائے خصوصی شخصیات دعوتِ اسلامی کے تحت پچھلے دنوں وفاقی دارالحکومت اسلام آباد کے سیکٹر G-11میں واقع مدنی مرکز فیضانِ مدینہ میں سرکاری افسران کی حاضری ہوئی۔

اس موقع پر مرکزی مجلسِ شوریٰ کے رکن حاجی وقار المدینہ عطاری اور دیگر ذمہ دار اسلامی بھائیوں نے تمام افسران کو خوش آمدید کہا نیز ملک و بیرونِ ملک میں ہونے والی دینی و فلاحی خدمات کے بارے میں آگاہی دی۔

اس کے علاوہ رکنِ شوریٰ حاجی وقار المدینہ عطاری نے دعوتِ اسلامی کے فلاحی شعبے FGRF کے فلاحی کاموں بالخصوص سیلاب و زلزلہ متأثرین میں ہونے والی خدمات کے متعلق افسران کو بتایا۔

وفاقی دارالحکومت اسلام آباد کے سیکٹر جی الیون میں واقع مدنی مرکز فیضانِ مدینہ میں پچھلے دنوں شعبہ رابطہ برائے خصوصی شخصیات کے ذمہ دار اسلامی بھائیوں کا دینی کاموں کے حوالے سے مدنی مشورہ ہوا۔

معلومات کے مطابق دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری نے اسلامی بھائیوں کی تربیت کرتے ہوئے شعبے کے دینی کاموں کا جائزہ لیا اور مزید نئے کاموں کے اہداف طے کئے۔