صوبۂ پنجاب پاکستان کے شہر بھکر میں شعبہ ائمہ مساجد دعوتِ اسلامی کے تحت احکامِ مسجد کورس کا انعقاد کیا گیا جس میں مسجد کی انتظامیہ کے عہدیداران، ذمہ داران اور ائمہ کرام سمیت دیگر اسلامی بھائیوں نے شرکت کی۔

مرکزی مجلسِ شوریٰ کے رکن مولانا حاجی محمد عقیل عطاری مدنی نے چندہ کرنے کے حوالے سے مسجد انتظامی کے اسلامی بھائیوں کی ذہن سازی کرتے ہوئے انہیں وقف کے چند ضروری مسائل بتائے۔

عاشقانِ رسول کی دینی تحریک دعوتِ اسلامی کے شعبہ ائمہ مساجد کے تحت پنجاب پاکستان کے شہر میانوالی میں قائم جامعۃالمدینہ بوائز میں ایک تربیتی سیشن ہوا جس میں طلبۂ کرام اور اساتذۂ کرام نے شرکت کی۔

اس سیشن میں دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے ”امامت کی اہمیت و فضیلت“ کے موضوع پر سنتوں بھرا بیان کیااور شرکا کو امامت کے چند ضروری احکام کے حوالے سے مدنی پھول دیئے۔

عاشقانِ رسول کی دینی تحریک دعوتِ اسلامی کی جانب سے 3 جنوری 2023ء کو ساؤدرن افریقہ کے آئمہ کرام کا بذریعہ انٹرنیٹ مدنی مشورہ منعقد ہوا جس میں رکنِ شوریٰ حاجی عقیل عطاری مدنی نے ’’ امام کو کیسا ہونا چاہیے‘‘ کے موضوع پر سنتوں بھرا بیان کیا۔

دورانِ بیان رکنِ شوریٰ نے ائمہ کرام کو اچھے اخلاق اپنانے کا ذہن دیتے ہوئے مقامی لوگوں میں دینی کام کرنے کا ہدف دیا اور مختلف دینی کاموں کے حوالے سے نیتیں کروائی۔اس مشورے کو مقامی امام صاحبان کے لئے پرتیگش زبان میں ٹرانسلیٹ بھی کیا گیا۔(رپورٹ : شعبان عطاری مدنی ، کانٹینٹ: رمضان رضا عطاری)

28 دسمبر 2022ء کو مرکزی مجلسِ شوریٰ کے رکن حاجی محمد امین عطاری نے بحریہ ٹاؤن کراچی کے امام صاحبان و ذمہ داران کا مدنی مشورہ کیا، اس مدنی مشورہ میں رکنِ شوریٰ نے امامت کے حوالے سے مدنی پھول دیئے اور ذمہ داران کی مختلف امور کے حوالے سے تربیت کی ۔(رپورٹ : شعبہ ائمہ مساجد/ کانٹینٹ : محمد مصطفیٰ انیس) 

14 دسمبر 2022ء بروز بدھ عالمی مدنی مرکز فیضانِ مدینہ کراچی میں دعوتِ اسلامی کے  شعبہ ائمہ مساجد کی میٹنگ ہوئی جس میں پاکستان سطح کے مفتشین اور ان کے ذمہ دار قاری الیاس رضا عطاری شریک ہوئے۔

اس میٹنگ میں سینٹرل ٹیسٹ مجلس ذمہ دارقاری عمران حسن نے شرکا کی ٹیسٹ کے طریقہ کار اور ٹیسٹ کے نصاب کےحوالے سے تربیت کی۔

اس کے علاوہ ٹیسٹ مجلس ذمہ دارنے میٹنگ میں شریک اسلامی بھائیوں سے گفتگو کرتے ہوئے انہیں نظام کو مزید بہتر بنانے کے حوالے سےنکات بتائے۔اس موقع پر سید دانش عطاری اور ٹیسٹ مجلس آئمہ مساجد کے ذمہ داران بھی موجود تھے۔( رپورٹ :سید محمد رضوان عطاری مدنی ، کانٹینٹ: رمضان رضا عطاری ) 

10 دسمبر2022ء  بروز ہفتہ دعوتِ اسلامی کے عالمی مدنی مرکز فیضانِ مدینہ کراچی میں مدنی مشورے کا انعقاد ہوا جس میں کراچی سٹی شعبہ آئمہ مساجد کے سٹی،ڈسٹرکٹ اور ٹاؤن ذمہ داران نے شرکت کی۔

رکنِ شوریٰ حاجی محمد امین عطاری نے دورانِ مدنی مشورہ ذمہ داران سے گفتگو کرتے ہوئے انہیں دعوتِ اسلامی کےتحت چلنے والی مساجد میں 12 دینی کاموں کو بڑھانے اور ان میں مدنی کورسز کروانے کے سلسلے میں مدنی پھول دیئےنیز شرکا کو مدنی قافلے میں سفر کرنے کا ذہن بھی دیا۔( کانٹینٹ:رمضان رضا عطاری)

مسجدیں آباد کرنے والی عاشقانِ رسول کی تحریک دعوتِ اسلامی کے تحت2 دسمبر 2022ء بروز جمعہ جوہر ٹاؤن لاہور کے مدنی مرکز فیضانِ مدینہ میں شعبہ ائمہ مساجد کے امام صاحبان کا مدنی مشورہ ہوا۔

مرکزی مجلسِ شوریٰ کے رکن حاجی یعفور رضا عطاری نے مدنی مشورے میں شریک ائمہ کرام سے گفتگو کرتے ہوئے امامِ مسجد کے لئے امیرِ اہلِ سنت دامت بَرَکَاتُہمُ العالیہ کے عطاکردہ مدنی پھولوں کے مطابق اُن کی تربیت کی۔

19 نومبر 2022ء بروز ہفتہ دعوتِ اسلامی کے عالمی مدنی مرکز فیضانِ مدینہ کراچی میں مدنی مشورے کا انعقاد ہوا جس میں شعبہ ائمہ مساجد کے ڈسٹرکٹ و ٹاؤن ذمہ داران نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی محمد امین عطاری نےذمہ دار اسلامی بھائیوں سے گفتگو کرتے ہوئے شعبے کے دینی کاموں کے متعلق کلام کیا نیز امت کی خیر خواہی کا جذبہ دلاتے ہوئے انہیں مزید احسن انداز میں دینی کام کرنے کی ترغیب دلائی۔

اس کے علاوہ رکنِ شوریٰ حاجی محمد امین عطاری نے ذمہ داران کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

15 نومبر2022 بروز منگل صوبۂ پنجاب پاکستان کے شہر سرگودھا میں احکام ِمسجد کورس منعقد کیا گیا جس میں مسجد انتظامیہ، ائمہ مساجد و ذمہ داران سمیت دیگر عاشقان رسول نے شرکت کی۔

اس کورس میں مرکزی مجلسِ شوریٰ کےرکن حاجی محمد عقیل عطاری مدنی نے احکامِ مسجد،چندہ،وقف اور متولی کے چند ضروری مسائل بیان کرتے ہوئے ان کے مطابق عمل کرنےنیز اپنی مساجد کو نمازیوں سے آباد کرنےکا ذہن دیا۔

علاوہ ازیں رکنِ شوریٰ نے شرکائے مدنی مشورہ کو مسجد کی تعمیرات، مرمت ، آمدن اور خرچ کا باقاعدہ نظام بنانےجبکہ ماہانہ وسالانہ کی بنیاد پر تمام معاملات کا جائزہ لینے کی ترغیب دلائی۔

بعدازاں رکنِ شوریٰ نے شرکائے کورس کی دعوتِ اسلامی کے جملہ اخراجات کے لئے ہونےوالی ٹیلی تھون مہم میں چندہ جمع کرنے کرنے کے متعلق ذہن سازی کی جس پر حاضرین نے اچھی اچھی نیتیں کیں۔(کانٹینٹ:غیاث الدین عطاری)

ائمہ  مساجد دعوتِ اسلامی کے زیرِ اہتمام 14 نومبر 2022ء بروز پیر سرگودھا ڈویژن میں قائم جامعۃُالمدینہ بوائز خوشاب میں سیکھنے سکھانے کا حلقہ ہوا جس میں رکنِ شوریٰ مولاناعقیل عطاری مدنی نے ’’ علمِ دین اور امامت ‘‘کے موضوعات پر سنتوں بھرا بیان کیا۔

دورانِ بیان رکنِ شوریٰ نے جامعۃُالمدینہ کے طلبہ کرام و ذمہ داران کو خوش دلی سے علم دین حاصل کرنے اور امامت کرنے کا ذہن دیتے ہوئے 12 دینی کاموں کو کرنے کا ذہن دیا جس پر انہوں نے اچھی اچھی نیتوں کا اظہار کیا ۔( کانٹینٹ: رمضان رضا عطاری)

14 نومبر2022 بروز پیر بعدِظہرسرگودھا ڈویژن  کےشہر خوشاب میں احکامِ مسجد کورس منعقد کیا گیا جس میں مسجد انتظامیہ، ائمہ مساجد و ذمہ داران سمیت دیگر عاشقانِ رسول نے شرکت کی ۔

رکنِ شوری حاجی محمد عقیل عطاری مدنی نے احکامِ مسجد،چندہ،وقف اور متولی کے بارے میں بیان کیا اور ان کے مطابق عمل کرکے اپنی مساجد کو نمازیوں سےآباد کرنےنیز مسجد کی تعمیر ومرمت اور آمدن و خرچ کا باقاعدہ نظام کے مطابق ماہانہ وسالانہ کی بنیاد پر جائزہ لینے کی ترغیب دلائی۔

آخر میں شرکائے کورس کو دعوتِ اسلامی کےتمام شعبہ جات کے جملہ اخراجات کے لئے ہونےوالی ٹیلی تھون مہم میں چندہ دینے کاذہن دیاجس پر حاضرین نے اچھی اچھی نیتوں کا اظہار کیا۔( کانٹینٹ: رمضان رضا عطاری)

11 نومبر 2022ء کو عاشقانِ رسول کی دینی تحریک دعوتِ اسلامی کے شعبہ ائمہ مساجد کے تحت ایشیاء کے آئمہ کرام کا بذریعہ انٹر نیٹ مدنی مشورہ ہوا جس میں رکنِ شوریٰ مولاناعقیل عطاری مدنی نے ’’راہ ِ خدا میں خرچ‘‘ کرنے کے موضوع پر سنتوں بھرا بیان کیا۔

بیان کے اختتام پر رکنِ شوریٰ نے اسلامی بھائیوں کو دعوتِ اسلامی ٹرسٹ کے جملہ دینی کاموں کے لئے ہونے والی ٹیلی تھون مہم میں چندہ کرنے کی ترغیب دلائی اور اسی کے ساتھ ساتھ صدقات کے شرعی مسائل بیان فرمائے۔(رپورٹ : شعبان مدنی، کانٹینٹ: رمضان رضا عطاری)