دعوتِ اسلامی کے شعبہ ائمہ مساجد کے  زیر اہتمام 21فروری2021 ء بروز اتوار لاہور ریجن، ڈیرہ اسماعیل خان زون، پہاڑ پور کابینہ میں مدنی مشورہ ہوا جس میں کابینہ کے ائمہ کرام نے شرکت کی۔

ائمہ مساجد کراچی ریجن کے اکاؤنٹس ذمہ دار احمد رضا عطاری  کا اتوار 21فروری2021 کا اچانک بعد عشاء نجی ہسپتال میں انتقال ہوگیا۔ بروز پیر انکے غسل وکفن دفن کے مراحل مکمل کروانے کےلئے نگران ائمہ مساجد پاکستان حافظ محمدفیضان عطاری مدنی اور ریجن ذمہ دار ائمہ مساجد سید قذافی عطاری مدنی انکے گھر تشریف لے گئے۔ غسل میت اور کفن دینے کے مراحل سنت کے مطابق مکمل فرمائے۔ بعد نماز ظہر جامع مسجد بیت المعظم اورنگی ٹاون11G/ میں ان کی نماز جنازہ ادا کی گئی ۔ خصوصی طور پر نگران ریجن کراچی و رکن شوری حاجی محمد امین عطاری ، رکن شوری حاجی محمد علی عطاری، نگران کابینہ اسید رضا(جاوید)عطاری، ریجن ذمہ دار ائمہ مساجد سید قذافی عطاری مدنی، رکن ریجن جامعۃالمدینہ کراچی ریجن مولانا سلیم عطاری مدنی، ناظمین اعلی ائمہ مساجد کراچی ریجن نےنماز جنازہ میں شرکت کی۔

مجلس مزارات اولیاء اسلام آباد ریجن کے ریجن ذمہ دار مولانا یاسر مدنی کے والد محترم 21 فروری 2021ء کو انتقال فرما گئے ۔ رکن زون مجلس ائمہ مساجد عبدالرحمن مدنی اور گوجرانوالہ سینٹر کابینہ کے نگران مولانا خوشی محمد نے نماز جنازہ میں  شرکت کی۔ ذمہ داران دعوتِ اسلامی نے اہل خانہ کو صبر کرنے کی تلقین کی اور مرحوم کے لئے دعائے مغفرت کی ۔(رپورٹر: عبدالرحمن مدنی رکن زون)

دعوت اسلامی کی مجلس ائمہ مساجد کے زیر اہتمام16 فروری 2021ء بروز  منگل نارووال گوجرانوالہ زون میں مدنی مشورہ ہوا جس میں نارووال کابینہ کے امام صاحبان نے شرکت کی ۔

مدنی مشورے میں نگران کابینہ جمیل عطاری نے شرکا کو مساجد کو خود کفیل کرنے اور مساجد میں ١٢دینی کاموں میں شمولیت کا ذہن دیا ۔ اس موقع پر گھریلو صد قہ بکس کے پاکستان کے ذمہ دار نوید عطاری نے بھی مدنی پھول دئیے۔(رپورٹ: عبدالرحمن مدنی مجلس ائمہ مساجد گوجرانوالہ زون لاہور ریجن)

دعوت اسلامی کی مجلس ائمہ مساجد کے زیر اہتمام 17فروری 2021ء بروز بدھ  گاوں اولکھ بھائیکے نوکھر میں گھریلو صدقہ بکس رکھوانے کا سلسلہ ہوا جس میں اہل علاقہ نے شرکت کی ۔

مبلغ دعوت اسلامی عبدالرحمن مدنی نے اس موقع پر راہ خدا میں خرچ کرنےکے فضائل بیان کئے اور حاضرین کو صدقہ کرنے کے بارے میں مدنی پھول دیتے ہوئے روزانہ کچھ نا کچھ عطیات بکس رقم میں ڈالنے کی ترغیب دلائی جس پر جس پر ہاتھوں ہاتھ لوگوں نے تعاون کیا۔ 

دعوتِ اسلامی کے شعبے ائمہ مساجد  پاکستان کے زیر اہتمام گزشتہ دنوں کراچی ریجن، ساؤتھ سینٹرل زون فیضان مدینہ کابینہ میں رکن شوری حاجی محمد عقیل عطاری مدنی ونگران ائمہ مساجد پاکستان حافظ محمدفیضان عطاری مدنی نے مدنی مشورہ کیا جس میں دعوت اسلامی کے آئی ٹی ڈیپارٹمنٹ کے ذمہ داران ’’سید حماد علی عطاری ،شاہد بٹ عطاری، فیصل بلوانی عطاری ‘‘ نے شرکت کی۔

رکن شوری حاجی محمد عقیل عطاری مدنی نے ائمہ مساجد کے شعبے کو منظم اور بہتر انداز میں اپڈیٹ و آسان کرنے کیلئے ائمہ مساجد آن لائن ایپلی کیشن پر گفتگو ہوئی جس میں دنیا بھر میں دعوت اسلامی کے تحت انتظام وانصرام والی مساجد کے نظام کو مضبوط بنانے اور ان مساجد میں ائمہ کرام و دیگر ضروری عملے کے تقرری نظام کو مزید سہل واپڈیٹ کرنے پر مشاورت ہوئی ۔ مشاورت کے بعد آن لائن ایپلی کیشن بنانے اور اسکو جدید انداز سے ترتیب دے کرعام کرنے پر تبادلہ خیال ہوا۔

اس آن لائن ایپلی کیشن میں ابتدائی طور پر مساجد کی معلومات کا اندراج کرکے اس میں امام صاحب اور دیگر ضروری عملہ کی تقرری کی درخواست جمع کروانے کا سلسلہ کیا جائے گا پھر بتدریج وہ افراد جو امامت کے خواہشمند ہوں گے ان کیلئے ’’امام بینک‘‘ کا آپشن شامل کیا جائے گا ۔

11فروری 2021ء بروز  بدھ مجلس ائمہ مساجد پاکستان کے زیر اہتمام امام صاحبان کی صلاحیتوں میں اضافہ کرنے اور احسن و نرم انداز میں عوام الناس کی اصلاح کرنے کے متعلق مدنی مشورے کا سلسلہ ۔

مدنی مشورے میں رکن شوری حاجی محمدعقیل عطاری مدنی نے ائمہ مساجد پاکستان کے نظام کو بہتر بنانے اور ہر مسجد کو آباد کرنے نیز اسکے اخراجات کو خود کفیل کرنے کے حوالےسے شرکا کو مدنی پھول عطا فرمائے۔

رکن شوری حاجی عقیل عطاری مدنی نے مسجد کےنمازیوں اور اہل محلہ کے بچوں کو درست مخارج کے ساتھ قرآن پاک کی تعلیم وتربیت دینے کےحوالےسے تربیت فرماتے ہوئے ہر مسجد کی کمیٹی کو شرعی امور اور احتیاطوں کے مطابق نظام چلانے اور مسجد کی ضروریات کو فوری پورا کرنے اور عملی اقدامات کرنے پر توجہ دلائی۔

انتظامیہ کی شرعی امور پر تربیت اور ضروری مسائل وقف اور چندہ کی معلومات کیلئے امیر اہلسنت کی تصنیف’’چندے کے بارے میں سوال وجواب‘‘ کا مطالعہ کرنےاور اس میں مذکور اہم مسائل کو یاد کرنے کی تاکید فرمائی۔

رکن شوری حاجی عقیل عطاری مدنی نے کہا کہ ہر امام صاحب اپنی مسجد میں 12دینی کاموں کو بہتر سے بہتر بنانے کیلئے وقت دے اور دینی کاموں کو سرانجام دینے کیلئے نمازیوں کی تربیت کرے اور ان کےذریعے محلہ کے دیگر افراد کودینی کاموں بالخصوص نیک اعمال کا عامل بنانے اور مدنی قافلوں میں سفر کروانے کی ترغیب دلائے جس پر حاضرین نے ان مدنی پھولوں پر عمل کرنے کی نیت کا اظہار کیا ۔ (رپورٹ: محمد عابد عطاری مدنی)

11فروری 2021ء بروز  بدھ رکن شوری ائمہ مساجد ونگران مجلس پاکستان نے فیصل آباد میں نگران مجلس پاکستان فیضان عطاری مدنی ،نگران مجلس پراپرٹی و کنسٹریکشن مولانا وسیم احمد عطاری مدنی ، رکن ریجن ائمہ مساجد و ناظمین اعلی کے ساتھ مشورہ فرمایا۔

مدنی مشورے میں ائمہ مساجد کو شعبہ ائمہ مساجد کے تحت مساجد اور شعبہ اثاثہ جات کے تحت ملک بھر کی مساجد کا سروے کرنے اور خالی پلاٹ و زیر تعمیر مساجد کے پروجیکٹ پر جاکر وزٹ کرکے اس کے جملہ امور کو شرعی اور تنظیمی طریقہ کارکے مطابق حل کرنے کے حوالےسے تربیت کی ۔

واضح رہے! اس مشورے میں دعوت اسلامی کی پراپرٹی والی مساجد میں تین رکنی مسجد کی نائب متولی یا کمیٹی کی شرعی اور تنظیمی امور کے حوالےسے تربیت کرکے چندہ اور وقف کے احکام واحتیاطیں سکھانے بتانے اور عمل کرنے کیلئے ذہن سازی کرنے پر مشاورت ہوئی۔

مشاورت میں وہ مساجد کےپلاٹ جہاں پر کام جاری ہے اس کی تعمیرات کنسٹریکشن ڈیپارٹمنٹ کے ذمہ دار کے ذریعے نقشہ کے مطابق چیک کروانے اور کام کو بروقت مکمل کروانے کیلئے کوششیں کرنے کی نیت کروائی گئی جس پر تمام ذمہ داران نے عمل کرنے کی نیت کا اظہار کیا ۔ (رپورٹ: محمدعابد عطاری مدنی)

11فروری 2021ء بروز  بدھ رکن شوری حاجی محمد عقیل عطاری مدنی ائمہ مساجد ونگران مجلس پاکستان’’ حافظ محمد فیضان عطاری مدنی‘‘ نےکراچی ریجن میں نگران مجلس اجارہ سید اسد عطاری کے ہمراہ رکن ریجن و اراکین مجلس کی تربیت فرمائی۔

جس میں مبلغ دعوت اسلامی نے دعوت اسلامی کے تحت ائمہ مساجد کے اجارہ اور نیو گریڈنگ کے مطابق ان کی تقرری،یومیہ حاضری کا بروقت اندراج کرنے اورمشاہرہ جات کےنظام کوبہتر بنانے پر کلام کیا ۔

واضح رہے! اس مشورے میں ائمہ مساجد کے تبادلہ و تقرری میں درپیش مسائل کے حل کے لئے متعلقہ ذمہ داران سے رابطہ کرکے طریقہ کارکے مطابق مسائل کو بروقت مکمل کرنےاورائمہ مساجد کی ماہانہ شعبہ کارکردگی کا بروقت پیرول میں اندراج کروانے کی تاکید کی گئی نیز ائمہ مساجد و اجارہ مجلس کے جملہ امور کے حل کیلئے متعلقہ ریجن اور زون کے ذمہ داران سے مربوط رہنے کی ہدایات کی گئی۔(رپورٹ: محمدعابد عطاری مدنی)

11فروری 2021ء بروز  بدھ رکن شوری حاجی محمد عقیل عطاری مدنی ائمہ مساجد ونگران مجلس پاکستان’’ حافظ محمد فیضان عطاری مدنی‘‘ نے کراچی میں عطیات بکس ذمہ دار کے ہمراہ رکن ریجن وناظمین اعلی کی تربیت فرمائی۔

جس میں مبلغ دعوت اسلامی نے دعوت اسلامی کے تحت ائمہ مساجد کےذریعے ہر مسجد کو آمدن واخراجات کے اعتبار سے خود کفیل کرنے اور مسجد کے قرب وجوار میں عطیات بکس اور عطیات بستہ لگاکر نیز شخصیات سے ملاقات کرکے راہ خدا میں خرچ کرنے کی فضیلت اور اہمیت پر کلام کرتے ہوئے حاضرین کوعطیات بڑھانے کی ترغیب دلائی۔

واضح رہے! اس مشورے میں مسجد کےماہانہ اخراجات کو مسجد ہی کے نمازیوں سے خود کفیل کرنے کیلئے ہر ذمہ دار کو یہ ہدف پیش کیا گیا ہے کہ فروری2021تک ہر مسجد خود کفیل کرلیں۔ اس کےلئے جہاں ممکن ہو عطیات بستہ لگاکر مسجد کی آمدن میں اضافہ کرنے اور مسجد کی تعمیر ومرمت کے امور پر خصوصی توجہ دینے سمیت فنانس ڈیپارٹمنٹ سے منظوری ہونےکےبعد طریقہ کارکے مطابق کام مکمل کروانے کے متعلق کلام ہوا۔(رپورٹ: محمدعابد عطاری مدنی)

دعوت اسلامی کی مجلس ائمہ مساجد پاکستان کے زیر اہتمام 31 جنوری 2021ء کو مدنی مرکز فیضان مدینہ فیصل آباد میں بذریعہ زوم مدنی مشورہ ہوا جس میں نگران ریجن، نگران زون، نگران کابینہ، ائمہ مساجد کے تمام ذمہ داران، نگران مجلس، ریجن تا ناظم اعلی، ریجن ذمہ داران عطیات بکس، فنانس ڈیپارٹمنٹ اور پراپرٹی اینڈ کنسٹریکشن ڈیپارٹمنٹ کے ریجن ذمہ داران نے شرکت کی۔

نگران پاکستان مشاورت حاجی محمد شاہد عطاری نے مساجد میں ائمہ کرام کی تقرری کے نظام اور مسجد کی ضروریات کو شرعی تقاضوں اور وقف و چندے کے احکام کے مطابق چلانےکا ذہن دیا۔ نگران پاکستان مشاورت نے مسجد کو خود کفیل کرنے، مسجد کے متولی یا نائب متولی کو انکی شرعی ذمہ داریوں کےمطابق ضروری علم سیکھ کر مسجد کے اثاثہ جات کا تحفظ کرنے اور مسجد کی عمارت کے ضروری مرمتی کاموں کو شرعی رہنمائی کےمطابق بروقت مکمل کروانے کی ہدایات کی۔ حاجی شاہد عطاری نے مسجد کے پانی،بجلی،پنکھوں ،صفوں کے بےجا استعمال سے بچنے اور ضرورت پوری ہوتے ہی فوراً لائٹس اور پنکھے بند کرنے صفوں کو بچھانےاور اٹھانے کے حوالے سے شرکا کی تربیت فرمائی۔

مدنی مشورے میں مسجد میں ضرورت کے مطابق اجیر رکھنے، عرف کے مطابق ان کی تنخواہیں مقرر کرنے، بلا حاجت اجیر نہ رکھنے کی تاکید فرمائی گئی ۔

دعوت اسلامی کی مجلس ائمہ مساجد پاکستان کے  زیر اہتمام18جنوری2021ء بروز پیر شریف فیضا ن مدینہ مرکز جی 11 اسلام آباد میں مشورے کا سلسلہ ہوا جس میں ائمہ مساجد پاکستان کےاسلام آباد ریجن ذمہ دار سید صادق عطاری مدنی اورناظمین اعلی ائمہ مساجدمحمد شکیل عطاری مدنی، محمد ندیم عطاری مدنی ، شاہ پال عطاری اور فنانس ڈیپارٹمنٹ کے ریجن ذمہ دار محمد عمران عطاری سمیت خودکفالت کے ریجن ذمہ دار سعید عطاری نے شرکت کی۔

مدنی مشورے میں رکن شوری حاجی عقیل عطاری مدنی سلمہ الغنی نے مسجد کو آباد کرنے ،نمازیوں اور اہل محلہ کے بچوں کو درست مخارج کے ساتھ قرآن پاک کی تعلیم وتربیت دینے اور مسجد کے جملہ اخراجات کو احسن انداز میں خودکفیل کرنے کےحوالےسے تربیت فرمائی ۔

رکن شوری نے اسلام آباد ریجن میں دعوت اسلامی کے اثاثہ جات والی مساجد اور شعبہ اثاثہ جات کے تحت ریجن کی تمام مساجد کا سروے کرنے اور خالی پلاٹ و زیر تعمیر مساجد کے پروجیکٹ پر جاکر وزٹ کرکے اس کے جملہ امور کو شرعی اور تنظیمی طریقہ کارکے مطابق حل کرنے کے حوالےسے بھی تربیت فرمائی۔

دعوت اسلامی کے اثاثہ جات والی مساجد میں تین رکنی مسجد کی نائب متولی یا کمیٹی کی شرعی اور تنظیمی امور کے حوالےسے تربیت کرکے چندہ اور وقف کے احکام واحتیاطیں سکھانے بتانے اور عمل کرنے کیلئے ذہن سازی کرنے پر مشاورت ہوئی۔

نیز وہ مساجد کے پلاٹ جہاں پر کام جاری ہے اس کو تعمیرات کے شعبہ ذمہ دار کے ذریعے نقشہ کے مطابق چیک کروانے اور کام کو بروقت مکمل کروانے کیلئے کوششیں کرنے کی نیت کروائی گئی جس پر تمام ذمہ داران نے عمل کی نیت کی۔(رپورٹ:محمد عابد عطاری مدنی:رکن مجلس ائمہ مساجد پاکستان ودفتر ذمہ دار)