اسلامی بہنوں کے لئے خوشخبری

دعوت اسلامی کےشعبہ اوقات الصلوۃ نے ایک اور انقلابی قدم اٹھاتے ہوئے عالمات اسلامی بہنوں کے لئے” آن لائن علم توقیت کورس“ لانچ کردیا ہے جس کا آغاز 25 ستمبر 2022ء سے ہونے جارہاہے۔

یہ کورس 19 دن پر مشتمل ہے جو اتوار اور بدھ کے علاوہ 25 اکتوبر 2022ء تک جاری رہے گا۔ کورس کی تدریس معلمہ کریں گی جبکہ امتحان میں کامیابی پر طالبات کو سند بھی دی جائے گی۔کورس کا دورانیہ شام 4:00 بجے سے 4:45 تک ہوگا۔

آن لائن علمِ توقیت کورس میں شرکت کرنے والی اسلامی بہنوں کو درجِ ذیل چیزیں سکھائی جائیں گی:

٭نماز و سحر و افطار کے اوقات نکالنے کے طریقے ٭ممالک کی گھڑیاں آپس میں مختلف کیوں ہوتی ہیں؟ ٭دنیا کے کسی بھی مقام کے لئے سمتِ قبلہ کیسے معلوم کیا جائے؟ ٭6ماہ کا دن، 6ماہ کی رات کہاں اور کیوں ہوتی ہے؟ ٭نقشہ نظام الاوقات کیسے تیار ہوتے ہیں؟ ٭رات دن کیسے بنتے اور چھوٹے بڑے کیوں ہوتے ہیں؟ ٭سردیاں اور گرمیاں کیسے آتی ہیں؟ ٭کمپاس کیسے کام کرتا ہےاور استعمال کاطریقہ؟ ٭رمضان المبارک کبھی سردیوں اور گرمیوں میں کیوں آتا ہے؟۔ اس کے علاوہ اور بہت کچھ ۔۔۔۔

مزید معلومات کے لئے صرف SMSکے ذریعے اس Whatsaapنمبر رابطہ کیا جاسکتا ہے:03302643181

پچھلے دنوں دعوتِ اسلامی کے مدنی مرکز فیضانِ مدینہ خان پور میں جامعۃ المدینہ بوائز کے طلبۂ کرام کے لئے علمِ توقیت کورس (لیول ون) کا انعقاد کیا گیا جس میں مبلغِ دعوتِ اسلامی شرکا کی علمِ توقیت کے حوالے سے تربیت کرتےرہتے ہیں۔

کورس کے دوسرے دن مبلغِ دعوتِ اسلامی مولانا سجاد عطاری مدنی نے شرکا کو علمِ توقیت کے متعلق چند اہم اور بنیادی چیزیں بیان کیں نیز اس کورس کے ذریعے دنیا بھر میں دینی کاموں کو بڑھانے کا ذہن دیا۔

واضح رہے اس کورس کی ہفتے میں 4 دن کلاس ہوگی جس کی ٹائمنگ دن 3 بجے سے 4 بجے تک ہے نیز یہ کورس 30 جون 2022ء کو مکمل ہو جائے گا جبکہ عیدالاضحیٰ کے بعد اس کورس کا دوسرا لیول شروع کیا جائے گا۔(کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں کشمیر کے قصبے ہجیرہ ضلع پونچھ میں واقع جامع مسجد مکی میں سیکھنے سکھانے کا حلقہ لگایا گیا جس میں مقامی اسلامی بھائیوں سمیت ٹیچرز اور ائمہ کرام نے شرکت کی۔

اس موقع پر نگرانِ شعبہ اوقات الصلوٰۃ مولانا وسیم عطاری مدنی نے اسلامی بھائیوں کی تربیت کرتے ہوئے انہیں شعبے کے دینی کاموں کے حوالے سے بتایا نیز علمِ توقیت کورس کرنے کا ذہن دیا جس پر اسلامی بھائیوں نے اچھی اچھی نیتوں کا اظہار کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے تحت 10 اپریل 2022ء بروز اتور شعبہ اوقات الصلوٰۃ کے ذمہ دار اسلامی بھائیوں نے عباس پور آزادکشمیرمیں جامع مسجد و دارالعلوم حنفیہ رضویہ کے مفتی محمد حسین چشتی دامت برکاتہم العالیہ سے ملاقات کی۔

دورانِ ملاقات نگرانِ شعبہ استاذالتوقیت مولانا وسیم احمد عطاری مدنی نے انہیں شعبہ اوقات الصلوٰۃ کی دینی خدمات کے حوالے سے بتاتے ہوئے دعوتِ اسلامی کے دیگر شعبہ جات کا تعارف کروایا جس پر مفتی صاحب بہت خوش ہوئے اور دعوتِ اسلامی کے لئے اپنی نیک خواہشات کا اظہا رکیا۔(رپورٹ:شعبہ اوقات الصلوٰۃ، کانٹینٹ:غیاث الدین عطاری)

10 اپریل 2022ء بروز اتوار بعد نمازِ ظہر عباس پور آزادکشمیر میں واقع دعوتِ اسلامی کے مدنی مرکز فیضانِ مدینہ میں شعبہ اوقات الصلوٰۃ کے تحت سیکھنے سکھانے کا حلقہ لگایا گیا جس میں علمائے کرام، ٹیچرز اور عاشقانِ رسول نے شرکت کی۔

اس حلقے میں ا ستاذ التوقیت مولانا وسیم احمد عطاری مدنی نے وہاں موجود عاشقانِ رسول کواس شعبے کے ذریعے دنیا بھر میں ہونے والےدینی کاموں کے حوالے سے بتایا جس پر انہوں نے دعوتِ اسلامی کی کاوشوں کو سراہا۔(رپورٹ:شعبہ اوقات الصلوٰۃ، کانٹینٹ:غیاث الدین عطاری)

دعوتِ اسلامی کے تحت پچھلے دنوں شعبہ اوقات الصلوٰۃ کے نگران، استاذ التوقیت مولانا وسیم احمد عطاری مدنی دیگر ذمہ دار اسلامی بھائیوں کے ہمراہ رمضانُ المبارک میں 12 دن پر مشتمل مدنی قافلے کے سفر پر روانہ ہوئے۔

دورانِ مدنی قافلہ علمِ توقیت سے آگاہی کے سلسلے میں ایک نشست منعقد ہوئی جس میں مقامی علمائے کرام، ٹیچرز اور دیگر شعبہ جات سے تعلق رکھنےاسلامی بھائیوں نے شرکت کی۔

بعدازاں نگرانِ شعبہ نے سنتوں بھرا بیان کرتے ہوئے وہاں موجود عاشقانِ رسول کی دینی و اخلاقی اعبار ت سے تربیت کی۔(رپورٹ:شعبہ اوقات صلوٰۃ، کانٹینٹ:غیاث الدین عطاری)

پیارے آقاﷺ نے ارشاد فرمایا:جب تم چاند دیکھو تو روزہ رکھو اور چاند دیکھ کر افطار کرو (یعنی عید کرو)، اسی حدیثِ پاک پر عمل کرتے ہوئے پچھلے دنوں دعوتِ اسلامی کے زیرِ اہتمام عالمی مدنی مرکز فیضانِ مدینہ کراچی سے رمضانُ المبارک کا چاند دیکھنے کا سلسلہ ہوا۔

اس دوران عالمی مدنی مرکز فیضانِ مدینہ سمیت پاکستان بھر میں دعوتِ اسلامی کے قائم کردہ مراکز سے بھی چاند دیکھنے کی اطلاعات موصول ہوئیں۔اس موقع پر نگرانِ شعبہ اوقات الصلوٰۃ مولانا وسیم عطاری مدنی سمیت دیگر اہم ذمہ داران بھی موجود تھے۔(رپورٹ:شعبہ اوقات الصلوٰۃ، کانٹینٹ:غیاث الدین عطاری)

شعبہ اوقات الصلاۃ دعوت اسلامی کے زیرِ اہتمام دو مقامات پر 6 دن پر مشتمل (21 تا 26 مارچ 2022ء) توقیت وفلکیات کورس منعقد کیا گیا جن میں عالمی مدنی مرکز فیضان مدینہ کراچی اور مدنی مرکزفیضانِ مدینہ خان پور ضلع رحیم یار خان شامل تھے۔

تفصیلات کے مطابق کورس میں شریک طلبۂ کرام کو استخراج اوقات اور علم توقیت سمیت دیگر اہم باتیں سکھائی گئیں نیز رؤیتِ ہلال کے قواعد و شرائط پر الگ سے ایک لیکچر کا اہتمام کیا گیا۔

کورس کے اختتام پر طلبۂ کرام سے امتحانات لینے کا بھی سلسلہ رہا جس میں 70 فیصد سے زائد مارکس لینے والے طلبۂ کرام نے توقیت کورس کے دوسرے لیول کے لئے کوالیفائی کیا۔

بعدازاں امتحان میں پاس ہونے والے طلبۂ کرام کے درمیان اسناد تقسیم کی گئیں جن میں پہلی پوزیشن محمد فاروق صدیقی بن محمد ندیم، دوسری پوزیشن حسنین سلطان بن سلطان احمد جبکہ تیسری پوزیشن محمد سیف اللہ بن قیصر محمود نے حاصل کی۔

واضح رہے کو الیفائڈ طلبۂ کرام کے لئے علمِ توقیت کورس کا دوسرا لیول جلد آن لائن شروع کیا جائے گا۔(رپورٹ:عبدالقادر عباسی، کانٹینٹ:غیاث الدین عطاری)

علم توقیت کے شائقین کے لئے خوشخبری

دعوت اسلامی کےشعبہ اوقات الصلوۃ کے زیر اہتمام 21 تا 26 مارچ 2022ء 6دن پر مشتمل ”توقیت و فلکیات کورس“شروع ہونے جارہا ہے۔

یہ کورس پاکستان میں دو مقامات عالمی مدنی مرکز فیضان مدینہ کراچی اور فیضان مدینہ خان پورضلع رحیم یار خان میں کروایا جائیگا جس کا دورانیہ صبح 8:00 بجے سے دوپہر 12:30 بجے تک ہوگا۔

علمِ توقیت کورس میں شرکت کرنے والے اسٹوڈنٹس کو درجِ ذیل چیزیں سکھائی جائیں گی۔

٭نماز و سحر و افطار کے اوقات نکالنے کے طریقے ٭ممالک کی گھڑیاں آپس میں مختلف کیوں ہوتی ہیں؟ ٭دنیا کے کسی بھی مقام کے لئے سمتِ قبلہ کیسے معلوم کیا جائے؟ ٭6ماہ کا دن، 6ماہ کی رات کہاں اور کیوں ہوتی ہے؟ ٭نقشہ نظام الاوقات کیسے تیار ہوتے ہیں؟ ٭رات دن کیسے بنتے اور چھوٹے بڑے کیوں ہوتے ہیں؟ ٭سردیاں اور گرمیاں کیسے آتی ہیں؟ ٭کمپاس کیسے کام کرتا ہےاور استعمال کاطریقہ؟ ٭رمضان المبارک کبھی سردیوں اور گرمیوں میں کیوں آتا ہے؟۔ اس کے علاوہ اور بہت کچھ ۔۔۔۔

نوٹ: اِنْ شَآءَ اللہ عَزَّ وَجَلَّ! کورس کے آخر میں ٹیسٹ پاس کرنے والوں کو سند بھی دی جائی گی، نیز ممتاز کیفیت (A Grade) والوں کو توقیت کے اگلے درجات میں بالکل فری پڑھنے کا (آن لائن یا بالمشافہ) موقع بھی دیا جائیگا۔اس کے علاوہ کورس کرنے والوں کو قیام و طعام کی سہولت بھی فراہم کی جائے گی۔

کورس کے متعلق مزید معلومات کے لئے ان نمبرز پر رابطہ فرمائیں:

03431164026

03033864548

اللہ پاک کی شان ہے کہ استوائی ممالک (Equatorial Countries)میں دن رات ہمیشہ برابر رہتے ہیں یعنی12 گھنٹے کا دن اور 12 گھنٹےکی رات ۔پھر پاک وہند وغیرہ جیسے ممالک میں موسم سرما (Winter Season)میں دن چھوٹا ہوکر تقریباً 10 گھنٹے کا رہ جاتا ہے جبکہ موسم گرما (Summer Season)میں دن بڑھ کر تقریباً 14 گھنٹے تک پہنچتا ہے۔

سب جانتے ہیں کہ قطبِ شمالی و جنوبی (North & South Poles) پر پورے 6 ماہ کا دن اور 6 ماہ کی رات ہوتی ہے لیکن قطبِ شمالی (North Pole)کے قریب ہزاروں کی آبادی پر مشتمل ایسے کئی ٹاؤنز (Towns) بھی موجود ہیں جہاں موسمِ گرما میں کئی ماہ کا دن اور موسمِ سرما میں کئی ماہ کی رات رہتی ہے۔کیونکہ سورج خطِّ استواء (Equator)سے 6 ماہ جانبِ شمال (North)اور 6 ماہ جانبِ جنوب (South)رہتا ہے لہذا جن مقامات كا عرضِ بلد (Latitude) 67.4 ڈگری سے زائد ہو تو وہاں مسلسل راتوں (Continuous Nights)اور جن مقامات کا عرض بلد (Latitude) 65.73ڈگری سے زائد ہو تو وہاں مسلسل دنوں (Continuous Days) کا معاملہ ہوتا ہے۔

یہ مقامات ناروے،گرین لینڈ،روس ، امریکا ، کینیڈا اور انٹارکٹیکا جیسے ممالک میں واقع ہیں۔

آئیے ! چند ایسے مقامات کا جائزہ لیتے ہیں....

1...ناروے کا علاقہ لونگیئر بین(Longyearbyen , Norway)

اس کا عرض 78:13N ہے ۔یہاں کی آبادی 2144افراد پر مشتمل ہے ۔یہاں موسمِ سرما میں سورج 26 اکتوبر کو غروب ہوکر 15 فروری کو طلوع ہوتا ہے یعنی 112 دن تک وہاں رات ہی رات رہتی ہے ۔اسی طرح موسم گرما میں129 دن تک دن ہی دن رہتا ہے۔سبحان اللہ العظیم!

2...گرین لینڈکا علاقہ اپرنویک (Upernavik , Greenland)

اس کا عرض 72:47Nہے ۔یہاں کی آبادی 1166 پر مشتمل ہے ۔یہاں موسمِ سرما میں سورج 12نومبر کو غروب ہو کر 28 جنوری کو طلوع ہوتا ہے یعنی 77 دن تک وہاں رات ہی رات رہتی ہے ۔اسی طرح موسم گرما میں94دن تک دن ہی دن رہتا ہے۔سبحان اللہ العظیم!

3...روس کا علاقہ کھتنگا (Khatanga , Russia)

اس کا عرض71:58Nہے ۔یہاں کی آبادی 3450 افراد پر مشتمل ہے ۔یہاں موسمِ سرما میں سورج16نومبر کو غروب ہو کر 25 جنوری  کو طلوع ہوتا ہے یعنی 70 دن تک وہاں رات ہی رات رہتی ہے اسی طرح موسمِ گرما میں89دن تک دن ہی دن رہتا ہے۔سبحان اللہ العظیم!

4 ...روس کا ایک اور علاقہ ٹکسی (Tiksi , Russia)

اس کا عرض 71:39N ہے ۔یہاں کی آبادی 5063افراد پر مشتمل ہے ۔یہاں موسمِ سرما میں سورج 17 نومبر کو غروب ہوکر 24 جنوری کو طلوع ہوتا ہے یعنی 68 دن تک وہاں رات ہی رات رہتی ہے اسی طرح موسم گرما میں87دن تک دن ہی دن رہتا ہے۔سبحان اللہ العظیم!

5 ...امریکا کی ریاست الاسکاکا علاقہ اوتکیاگوک (Utqiagvik , Alaska , USA)

اس کا عرض 71:18N ہے ۔یہاں کی آبادی 4212افراد پر مشتمل ہے ۔یہاں موسمِ سرما میں سورج 18 نومبر کو غروب ہوکر 22 جنوری کو طلوع ہوتا ہے یعنی 65 دن تک وہاں رات ہی رات رہتی ہے ۔اسی طرح موسم گرما میں84 دن تک دن ہی دن رہتا ہے۔سبحان اللہ العظیم!

6 ...ناروے کا ایک اورعلاقہ ہیمر فیسٹ (Hammerfest , Norway)

پچھلے دنوں عالمی مدنی مرکز فیضان مدینہ کراچی میں قائم اسلامک ریسرچ سینٹر (المدینۃ العلمیہ)میں مدنی مشورہ ہوا جس میں شعبہ اوقات الصلوۃ کے نگران مولانا وسیم عطاری، ناظم المدینۃ العلمیہ مولانا آصف خان عطاری مدنی اور متعلقہ شعبے کے دیگر اسلامی بھائیوں نے شرکت کی۔

مرکزی مجلس شوریٰ کے رکن حاجی ابو ماجد محمد شاہد عطاری نے شعبے کے کام (توقیت کے کتب، توضیح و توقیت کے حوالے سے رہنمائی، توقیت کورسز، گھڑیو کے کام کے حوالے) کے حوالے سےبات چیت کی ۔

دعوت اسلامی کے شعبہ اوقات الصلوۃ کے زیر اہتمام عالمی مدنی مرکز فیضان مدینہ کراچی میں  12 دن کا تقریبی کورس کا آغاز کردیا گیا۔

مجلس توقیت کے اسلامی بھائی شرکا کو مختلف موضوعات پر مدنی پھول بیان کررہے ہیں۔

پچھلے دنوں شروع ہونے والے اس کورس میں ہند کے 28 اور برطانیہ کے دو طلبہ شریک ہوئے۔