29اپریل 2024ء کو  فیضان اسلامک اسکول سسٹم ہیڈ آفس ٹیم نے انتظامات کے معائنے کے لئے خضدار بلوچستان میں قائم فیضان اسلامک اسکول سسٹم کے کیمپس کا دورہ کیا۔

ٹیم نے کلاسز کا وزٹ کیا اور اسٹوڈنٹس اور کیمپس کی منیجمنٹ سے ملاقات کرتے ہوئے وہاں کے انتظامات کا جائزہ لیا۔

واضح رہے کہ ”فیضان اسلامک اسکول سسٹم“ دعوتِ اسلامی کا ایک تعلیمی شعبہ ہے جہاں نہایت مناسب فیس کے ساتھ بچوں اور بچیوں کو عصری علوم کی تعلیم بڑے ہی اچھے ماحول میں فراہم کی جاتی ہے۔ عصری علوم کے ساتھ ساتھ اسٹوڈنٹس کی اخلاقی تربیت اور سنتوں و آداب کو اپنانے پر بھی خاص توجہ دی جاتی ہے تاکہ بچہ عصری تعلیم حاصل کرنے کے ساتھ ساتھ سنتوں کو اپناتے ہوئے ملک و ملت اور دین کی خدمت کرنے میں اپنا نمایاں کردار پیش کرسکے۔ (رپورٹ: دانش عطاری)

26اپریل 2024ء کو پی آئی بی  میں قائم فیضان اسلامک اسکول سسٹم کے کیمپس میں مسواک کی اہمیت کو طلبہ میں اجاگر کرنے کے لئے ایک ایکٹیوٹی ہوئی۔

اس موقع پر فیضان اسلامک اسکول سسٹم کے بچوں اور بچیوں نے مسواک شریف کی پینٹنگ ڈرا کی، مسواک شریف کے فوائد اور سنتوں کو چارٹ پر لکھا ۔بچوں کو مسواک کی اہمیت اور فوائد سے آگاہ کیا اور مسواک کرنے کا ذہن دیا گیا جس پر مسواک شریف کرنے کی نیتوں کا اظہار کیا۔ (رپورٹ: دانش عطاری)

دعوتِ اسلامی  کے شعبہ فیضان اسلامک اسکول سسٹم کے زیرِ اہتمام 17 اپریل 2024ء کو کراچی میں موجود ہیڈ آفس کراچی میں ماہانہ میٹنگ ہوئی جس میں ہیڈ آفس میں کام کرنے والے اسلامی بھائیوں نے شرکت کی۔

معلومات کے مطابق نگران ہیڈ آفس نے اسلامی بھائیوں کے سابقہ دینی کاموں کی کارکردگی کا جائزہ لیتے ہوئے اچھی کارکردگی پر حوصلہ افزائی کی اور آئندہ کے لئے اہداف دیئے نیز آپس میں ایک دوسرے سے اچھے انداز سے ملنے کا ذہن دیا جس پر شرکا نے اچھی اچھی نیتیں کیں۔(رپورٹ:محمد دانش عطاری، کانٹینٹ:رمضان رضا عطاری)

دعوت اسلامی  کے تعلیمی شعبہ فیضان اسلامک اسکول سسٹم کی جانب سے پی آئی بی برانچ میں پیرینٹس میٹنگ ہوئی جس میں اسٹوڈنٹس کے سرپرست حضرات نے شرکت کی ۔

اس میٹنگ میں اساتذہ نے علیحدہ /علیحدہ سرپرستوں سے ان کے بچوں کی تعلیم و اخلاقی کیفیت میں مزید نکھار لانے کے حوالے سے گفتگو کی جس پر انہوں نے اچھے جذبات کا اظہار کیا ۔(رپورٹ:محمد دانش رضا عطاری ، کانٹینٹ:رمضان رضا عطاری )

کسی بھی بچے کی بات چیت اس کی پیدائش سے شروع ہوتی ہے۔آواز، جسم کی حرکات اور چہرے کے تاثرات جیسے:رونے ، مسکرانے ،چیخنے، جوش یا تکلیف میں ٹانگوں کو حرکت دینا اورآنکھ سے رابطہ کرناوغیرہ کمیونی کیشن کے ابتدائی طریقے ہیں۔

کمیونی کیشن (ابلاغ )کے ذرائع کے بارے میں جاننا اور اظہار کے فن کو بہتر بنانا ان مہارتوں میں سے ایک ہے جو ابتدائی عمر میں بچوں کو سیکھنے کی ضرورت ہے۔ جن بچوں میں کمیونی کیشن کی مہارت کی کمی ہوتی ہے وہ دوسرے بچوں سے الگ تھلگ ہو سکتے ہیں، اس لئے پری پرائمری میں کمیونی کیشن ایکٹیویٹی کروائی جاتی ہے ۔

فیضان اسلامک اسکول سسٹم ٹھٹھہ کیمپس میں Means of Communication کی ایکٹیویٹی منعقد ہوئی۔اس موقع پر ایکٹیویٹی کارنر کو دل کش انداز میں سجایا گیا تھا،کمیونی کیشن میں استعمال ہونے والی چیزوں کی تصاویر خوبصورت چارٹس پر بنائی گئی تھیں۔ ایکٹیویٹی کے دوران طلبہ کو ان چیزوں کے نام بھی یاد کروائے گئےاور ان کی تفہیم کا جائزہ بھی لیا گیا۔

کمیونی کیشن ایکٹیویٹی کے دوران بچوں کو اپنی ضرورت کے بارے میں پوچھنا ، بات چیت کرنا اور دوسرے بچوں کے ساتھ مؤثر رابطہ کرنا بھی سکھایا گیا۔اس ایکٹیویٹی سے طلباوطالبات کی خود اعتمادی اور ذخیرہ الفاظ میں بھی اضافہ ہوا۔(رپورٹ: غلام محی الدین ترک ، سوشل میڈیا ڈیپارٹمنٹ فیضان اسلامک اسکول سسٹم ،ہیڈ آفس کراچی، کانٹینٹ:رمضان رضا عطاری )

کسی اسکول میں نصابی سرگرمیاں طلبہ کی صلاحیتیں پروان چڑھانے میں اہم کردار ادا کرتی ہیں۔ تعلیمی سرگرمیوں کی بدولت  طلبہ کی تفہیم بہتر ہوتی ہے، اُن کی شخصی ترقی میں اضافہ ہوتا ہےاور وہ مختلف مضامین کو بہتر طریقے سے سیکھ سکتے ہیں۔تعلیمی سرگرمیاں طلبہ کو گروہی کام کے مواقع بھی فراہم کرتی ہیں جو ،ان کی معاشرتی ترقی میں اہم کردار ادا کرتا ہے۔

فیضان اسلامک اسکول سسٹم تلہ گنگ کیمپس میں12 فروری 2024ء کو پری پرائمری کے کریکولم (نصاب )سے متعلق Seasons of the year (سال کے موسم کے نام یاد کروانا) کی ایکٹیویٹی منعقدکی گئی۔اس موقع پر ایکٹیویٹی کارنر کو دل کش انداز میں سجایا گیا تھا، موسموں کے نام خُوب صُورت چارٹس میں لکھے گئے تھے۔چارٹس پر موسموں کے مختلف مناظر بھی دکھائے گئے تھے۔ایکٹیویٹی کے دوران طلبہ کو موسموں کے نام یاد کروائے گئےاور ان کی تفہیم کا جائزہ بھی لیا گیا۔ (رپورٹ: غلام محی الدین ترک،سوشل میڈیا ڈیپارٹمنٹ فیضان اسلامک اسکول سسٹم ،ہیڈ آفس کراچی،کانٹینٹ:رمضان رضا عطاری)

گزشتہ دنوں کراچی عالمی کتب میلے کراچی انٹرنیشنل بک فیئر کا انعقاد ہوا، جس میں فیضان اسلامک اسکول سسٹم کے CEOزبیر عطاری المدنی ، اساتذہ ، مینجمنٹ اور مختلف کیمپسز کے طلبہ نے خصوصی طور پر شرکت کی۔ اس میلے میں طلبہ نے دارالمدینہ انٹرنیشنل یونیورسٹی پریس(قادری پبلی کیشن )، مکتبۃ المدینہ اور دیگر پبلشرز کے اسٹالز کا خصوصی دورہ کیا۔طلبہ اس دورے سے خاصے لطف اندوز ہوئے۔اساتذہ نے اپنے طلبہ کے لیے تعلیمی سرگرمیوں کا اہتمام بھی کیا تھا۔ ان سرگرمیوں سے بچوں میں کتب بینی کے رجحان میں اضافہ ہوگا اور وہ نئی معلومات بھی حاصل کرسکیں گے۔(رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ فیضان اسلامک اسکول سسٹم ،ہیڈ آفس کراچی) 

دعوت اسلامی کے  شعبہ فیضان اسلامک اسکول سسٹم کے تحت 29 اکتوبر 2023ء کو پشاور کیمپس میں رزلٹ ڈے منایا گیا جس میں فسٹ ٹرم میں اچھے نمبروں سے کامیاب ہونے والے طلبہ کو اعزازی طورپرانعامات دیئے گئے۔(رپورٹ:محمد دانش عطاری،کانٹینٹ:رمضان رضا عطاری)

فیضان اسلامک اسکول سسٹم دعوت اسلامی کے  زیرِ اہتمام 29 اکتوبر 2023ء کو ڈیرہ اسماعیل خان کیمپس میں رزلٹ ڈے منایا گیا جس میں فسٹ ٹرم میں اچھے نمبروں سے کامیاب ہونے والے اسٹوڈنٹس کو اعزازی طور پر انعامات دیئے گئے ۔(رپورٹ:محمد دانش عطاری،کانٹینٹ:رمضان رضا عطاری)

دعوتِ اسلامی کے تعلیمی  شعبہ فیضان اسلامک اسکول سسٹم کے تحت 26اکتوبر 2023ء کو کراچی، اندرون سندھ، پنجاب، کے پی کے، بلوچستان، دنیا پور ، افضل پور ، پشاور اور کشمیر کیمپسز میں گیارہویں شریف کے اجتماعات کا انعقاد کیا گیا۔

گیارہویں شریف کے اجتماعات کے آغاز میں فیضان اسلامک اسکول کے طلبہ و طالبات نے تلاوت قرآن پاک و نعت رسول مقبول صلَّی اللہ علیہ واٰلہٖ وسلَّم کے نذرانے پیش کئے اور ’’سیرت ِ غوثِ اعظم رحمۃ اللہ علیہ‘‘ کے موضوع پر بیانات کئے۔آخر میں شانِ غوث اعظم میں منقبت پڑھیں جبکہ فاتحہ خوانی، دعا اور صلوۃ و سلام پر اجتماعات کا اختتام ہوئے۔(کانٹینٹ:رمضان رضا عطاری)

عملے کی کارکردگی کو سراہنے اور انھیں ایوارڈ دینے سے ملازمین کی حوصلہ افزائی ہوتی ہے۔ انھیں آگے بڑھنے کی ترغیب ملتی ہے اور آرگنائزیشن کے ساتھ اُن کےتعلق کے احساس کو بڑھاتی ہےجس سے تنظیم کو  کامیابی اور ترقی میں مدد ملتی ہے۔

فیضان اسلامک اسکول سسٹم کے CEO مولانا زبیر عطاری مدنی نے دو سال کے قلیل عرصے میں 7ہزار طلبہ کے داخلے مکمل ہونے پر فیضان اسلامک اسکول کی ٹیم کو مبارک با د پیش کی۔

اس موقع کو یادگار بنانے کے لئے24 اکتوبر 2023ء کو کراچی ہیڈ آفس میں ایک تقریب بھی منعقد کی گئی جس میں ذمہ داران کی تربیت کرتے ہوئے نگران مجلس نے کہا کہ امت کے نونہال ہمارے بچے ہیں ۔ ہمیں ان کی تربیت کرتے ہوئے یہی سوچ اپنانی چاہیے۔ اُنھوں نے تعلیمی سال کے آغاز سے قبل ہی تمام ترضروری اقدامات مکمل کرنے کی ترغیب بھی دلائی ۔

تقریب کے آخر میں سال بھر اچھی کارکردگی کا مظاہرہ کرنے والے اسٹاف کو تحائف بھی پیش کئے۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ فیضان اسلامک اسکول سسٹم ، ہیڈ آفس کراچی، ویب ڈیسک رائٹر:رمضان رضا عطاری)

دعوتِ اسلامی کے  شعبہ فیضان اسلامک اسکول سسٹم کے تحت19 اکتوبر 2023ء کوسبی ، ڈیرہ اللہ یار ، اوتھل اور حَبّْ (بلوچستان) کیمپس میں رزلٹ ڈے کے موقع پر PTM کا انعقاد ہوا جس میں طلبہ اور ان کے سرپرست نے شرکت کی ۔

اس موقع پر ٹیچرز نے والدین سے فرداً فرداً ملاقاتیں کیں جس میں بچوں کی تعلیم میں مزید بہتری لانے کے حوالے سے گفتگو ہوئی جبکہ پیرینٹس نے اساتذۂ کو فیضان اسلامک اسکول سسٹم میں ہونے والی پڑھائی کے حوالےسے اچھے تاثرات بھی پیش کئے۔( کانٹینٹ:رمضان رضا عطاری)