رابطہ برائے میڈیکل ڈیپارٹمنٹ  کے تحت 26 اکتوبر 2023ء بروز جمعرات مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ داران اور ڈاکٹر حضرات کے ہمراہ مدنی مرکز فیضانِ مدینہ فیصل آباد میں موجود ڈسپنسری کا وزٹ کیا۔

نگرانِ پاکستان مشاورت کا ڈسپنسری کے بارے میں کہنا تھا کہ اس میں جامعۃ المدینہ ومدرسۃ المدینہ بوائز اور دیگر کورسز کے اسلامی بھائیوں کا علاج کیا جاتا ہے نیز یہ اہم قدم رابطہ برائے میڈیکل ڈیپارٹمنٹ کی معاونت سے ہوا ہے۔آخر میں نگرانِ پاکستان مشاورت حاجی محمد شاہد عطاری نے دعا کروائی اور حاضرین کو مدنی پھولوں سے نوازا۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

میڈیکل ڈیپارٹمنٹ دعوت اسلامی کے تحت چلڈرن اَسْپَتال   لاہور میں اجتماع میلاد کا سلسلہ ہوا جس میں مرکزی مجلس شوریٰ کے رکن حاجی یعفور رضا عطاری نے’’ اخلاقِ مصطفی صلَّی اللہ علیہ واٰلہٖ وسلَّم‘‘ کے موضوع پر سنتوں بھرا بیان کیا جس میں قرب و جوارسے عاشقان رسول و اسٹاف نے شرکت کی۔(کانٹینٹ:رمضان رضا عطاری)

دعوتِ اسلامی کے شعبہ رابطہ برائے میڈیکل کی جانب سے نواب شاہ میں محفل میلاد مصطفی  صلَّی اللہ علیہ واٰلہٖ وسلَّم کا سلسلہ ہوا جس میں ڈاکٹرز حضرات نے شرکت کی ۔

میلاد اجتماع میں نگران مجلس محمد شہزاد عطاری نے بیان کیا اور فضائلِ مصطفی صلَّی اللہ علیہ واٰلہٖ وسلَّم بیان کرتے ہوئے ڈاکٹر حضرات کو اپنی زندگی کے شب وروز اللہ و رسول کے فرامین پر عمل کرتے ہوئے گزارنے کا ذہن دیا جس پر انہوں نے بہت بھلے جذبات کا اظہار کیا۔(رپورٹ:محمد فاروق عطاری نیوسوسائٹیز ڈیپاٹمنٹ آفس ذمہ دار،کانٹینٹ:رمضان رضا عطاری) 

دنیا بھر میں  دینی کام کرنے وا لی عاشقانِ رسول کی دینی تحریک دعوت اسلامی کے زیرِ اہتمام لودہراں میں CEO ہیلتھ ڈاکٹرفیصل وحیدچغتائی کےآفس میں سیکھنے سکھانے کے حلقے کا انعقاد ہوا جس میں میںDHO ڈاکٹرعامربشیر،ہیلتھ نیوٹریشن آفیسرشیخ محمدآصف اور ان کے دیگراسٹاف نےشرکت کی۔

نگران رابطہ برائےمیڈیکل ڈیپارٹمنٹ محمدشہزادعطاری نے شرکا کو دعوت اسلامی کےمختلف شعبہ جات مدرسۃ بالغان،فیضان آن لائن اکیڈمی اورآئی ٹی ڈیپارٹمنٹ کےذریعے کی جانے والی علمی ودینی خدمات کےحوالےسےبریف کیا اور انہیں مدنی مذاکرہ دیکھنے کی دعوت دی جس پر انہوں نے دعوت اسلامی کی کاوشوں پر خوشی کا اظہار کرتے ہوئے اچھے تاثرات پیش کئے۔(رپورٹ: میڈیکل ڈیپارٹمنٹ دعوت اسلامی لودہراں، کانٹینٹ:رمضان رضا عطاری)

لاہور داتا صاحب رحمۃ اللہ علیہ کے 980 عرس کے موقع پر خیر خواہی اُمّت کے جذبے کے تحت دعوتِ اسلامی میڈیکل ڈیپارٹمنٹ کے تحت عاشقان رسول کے لئے تینوں دن فری میڈیکل کیمپ لگایا گیا۔

اس موقع پر کنسلٹنٹ اور سینئر ڈاکٹرز نے اپنی خدمات پیش کیں اور زائرین کوفری چیک اَپ کے ساتھ فری میڈیسن بھی دیں۔(رپورٹ: شمشیر علی عطاری مدنی میڈیکل ڈیپارٹمنٹ لاہور،کانٹینٹ:رمضان رضا عطاری)

20 اگست 2023ء  بروز اتوار دعوتِ اسلامی کے میڈیکل ڈیپارٹمنٹ کےتحت مدنی مرکز فیضانِ مدینہ کرچی میں میٹنگ کا سلسلہ ہوا جس میں شعبے کے ڈسٹرکٹ و شعبہ ذمہ داران نے شرکت کی ۔

میٹنگ میں نگرانِ مجلس پاکستان محمد شہزاد عطاری نے شعبے کے دینی کام میں مزید بہتری لانے کے متعلق مدنی پھول دیئے نیز ذمہ داران کو شجرکاری اور میڈکل کیمپ لگانے کا ہدف دیا جس پر انہوں نے اچھی اچھی نیتوں کا اظہار کیا ۔اس موقع پر کراچی سٹی ذمہ دار حمزہ علی عطاری بھی موجود تھے۔(کانٹینٹ:میڈیکل ڈیپارٹمنٹ کراچی سٹی،رپورٹ: رمضان رضا عطاری)

8 اگست  2023ء کو دعوتِ اسلامی کے میڈیکل ڈیپارٹمنٹ کے زیرِ اہتمام سٹی ذمہ دار حمزہ علی عطاری نے دیگر ذمہ دار اسلامی بھائیوں کے ساتھ سندھ گورنمنٹ لیاقت آباد کراچی اسپتال کا دورہ کیا اور وہاں M.S ڈاکٹر ذاکر حسین سومرو ، ڈاکٹر آصف علی اور ڈاکٹر سلمان سے ملاقات کی ۔

اس موقع پر ذمہ داران نے ڈاکٹر ز کو ماہ اگست 2023ء میں دعوت اسلامی کے تحت جاری شجر کاری مہم کے متعلق بتایا جس پر MS ڈاکٹر ذاکر حسین سومروں نے دعوت اسلامی کے لئے plantation کرنے پر نیک جذبات کا اظہار کیا۔

بعدازاں شعبہ ایف،جی آر،ایف کے تعاون سے ذمہ داران نے ڈاکٹر کے ساتھ اسپتال کے باغیچہ میں 30 پودے بھی لگائے۔ (کانٹینٹ:رمضان رضا عطاری) 

لاہور میں رابطہ برائے میڈیکل ڈیپارٹمنٹ  دعوتِ اسلامی کے تحت جنرل ہسپتال پنجاب انسٹیٹیوٹ آف نیورو سائنسز کے آڈیٹوریم میں استقبال رمضان اجتماع ہوا جس میں رکن ِشوریٰ حاجی یعفور رضا عطاری نے سنتوں بھرا بیان کیا۔

بیان میں رکنِ شوریٰ نے شرکا کواسلام کی تعلیمات ایک مسلمان کے بارے میں کیا ہیں، رمضان کو گزارنے کا طریقہ، رمضان کی تیاری کس طرح کریں اور دعوتِ اسلامی کے ساتھ اعتکاف کرنے کا ذہن دیا۔

اس اجتماع میں ایم ایس ڈاکٹر خالد بن اسلم، ڈی ایم ایس ڈاکٹر سعد اعوان ، صدر ملک وسیم ، پروفیسرز، اسسٹنٹ پروفیسرز کنسلٹنٹ ، سینئر ڈاکٹرز اور پیرا میڈیکل اسٹاف نے شرکت کی۔( رپورٹ : شمشیر علی عطاری مدنی،کانٹینٹ: رمضان رضا عطاری)

5مارچ 2023ء کو دعوتِ اسلامی کے رابطہ برائےمیڈیکل ڈیپارٹمنٹ کے تحت عالمی مدنی مرکز فیضانِ مدینہ کراچی میں سیکھنے سکھانے کا حلقہ منعقد ہوا ۔

جہاں سٹی نگران کراچی رکنِ شوریٰ حاجی محمد امین عطاری اور نگرانِ شعبہ محمد شہزاد عطاری نے شرکا کی دینی واخلاقی اعتبار سے تربیت کرتے ہوئے انہیں میڈیکل ڈیپارٹمنٹ کےشعبے میں مدرسۃُ المدینہ بالغان، نماز کورس،زکوۃ کورس،رمضان اعتکاف اور ڈونیشن جمع کرنے کے حوالے سے ذہن دیا جس پر انہوں نے اچھی اچھی نیتیں کیں۔ (رپورٹ: میڈیکل ڈیپارٹمنٹ کراچی سٹی، کانٹینٹ:رمضان رضا عطاری) 

دعوتِ اسلامی اسلامی کے رابطہ برائے میڈیکل ڈیپارٹمنٹ کے تحت پچھلے دنوں پاکستان کے شہر  فیصل آباد میں قائم مدنی مرکز فیضانِ مدینہ میں Docters as a preacher (ڈاکٹر بطورِ مبلغ) کورس منعقد ہوا جس میں دینی ماحول سے وابستہ سینئر ڈاکٹرز اور ذمہ داران نے شرکت کی۔

کورس کے اختتام پر دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”SPIRTUAL HEALING OF PHYSICAL DISEASES“ (جسمانی بیماریوں کا روحانی علاج) کے موضوع پر سنتوں بھرا بیان کیا۔

خیر خواہی اُمّت کا جذبہ رکھنے والی  عاشقانِ رسول کی دینی تحریک دعوتِ اسلامی کے تحت 1 جنوری2023 ء بروز اتوار عالمی مدنی مرکز فیضانِ مدینہ کراچی میں شعبہ رابطہ برائےمیڈیکل ڈیپارٹمنٹ کا ماہانہ مشورہ ہوا جس میں ڈسٹرکٹ ذمہ داروں نے شرکت کی۔

سٹی ذمہ دار اسلامی بھائی نے شعبے کے اسلامی بھائیوں کی سابقہ کارکردگی کا جائزہ لیتے ہوئے انہیں آئندہ کے لئے اہداف دیئے اور 8جنوری2023 ء بروز اتوار کو ڈاکٹرز میں سیکھنے سکھانے کا حلقہ منعقد کرنے نیز امیرِ قافلہ کے اہل اسلامی بھائیوں کی لسٹ تیار کرنے اور ماہانہ میگزین ماہنامہ فیضانِ مدینہ کی بکنگ کروانے کا ذہن دیا ۔

اس کے علاوہ مختلف مقامات پر میڈیکل کیمپ کا انعقاد کرنے کا ہدف دیا اور ہر ڈسٹرکٹ میں 3 رکنی ٹیم بنانے کی ترغیب بھی دلائی جس پر اسلامی بھائیوں نے اچھی اچھی نیتوں کا اظہار کیا۔(رپورٹ : مومن آباد ٹاؤن نگران حمزہ علی عطاری، کانٹینٹ: رمضان رضا عطاری) 

دعوتِ اسلامی کے زیرِ اہتمام 27 نومبر 2022ء کو ایشیاء گراؤنڈ گلشن بہار اورنگی ٹاؤن کراچی میں ہونے والے سنتوں بھرے اجتماع میں  کراچی سٹی میڈیکل ڈیپارٹمنٹ کی جانب سے کیمپ لگایا گیا جہاں ڈاکٹرز کے ساتھ ساتھ میڈیکل سے وابستہ عاشقانِ رسول نے شرکت کی۔(رپورٹ: شبہ رابطہ برائے میڈیکل ڈیپارٹمنٹ کراچی سیٹی ذمہ دار حمزہ علی عطاری ، کانٹینٹ:رمضان رضا عطاری)