دعوت اسلامی دن بدن ترقی کی طرف گامزن ہے ۔ یہ تحریک نہ صرف تبلیغ دین بلکہ دین اسلام کی تعلیمات کو بھی عام کرنے کی بھر پور کوشش کررہی ہےجس کے لئے مختلف شعبہ جات قائم ہیں۔ ان شعبہ جات میں سے ایک شعبہ جامعۃ المدینہ بھی ہے جس میں اسٹوڈنٹس کو مختلف سہولیات کے ساتھ درسِ نظامی (عالم کورس) کروایا جاتا ہے۔

آٹھ سالہ اس کورس کا اختتام اپنی آخری (Last)کلاس دورۃ الحدیث شریف پر ہوتا ہے جس میں علما و مفتیان کرام کے زیرِ تدریس اسٹوڈنٹس صِحاح ستّہ سے احادیث نبوی صلَّی اللہ علیہ واٰلہٖ وسلَّم پڑھ کر مستفیض ہوتے ہیں۔2024ء کے آغاز تک عالمی مدنی مرکز فیضان مدینہ سمیت شہر کراچی میں 04 دورۃ الحدیث شریف قائم تھے۔

شعبہ جامعۃ المدینہ بوائز کی ٹیم کی بھر پورکوشش اور طلبہ کو علم دین سیکھنے میں آسانی فراہم کرنے کے لئے جامعۃ المدینہ فیضان احمد رضا نارتھ کراچی میں پانچویں دورۃ الحدیث شریف کا آغاز کردیا گیا ہے۔

اس سلسلے میں 04 مئی 2024ء کو جامعۃ المدینہ فیضان احمد رضا نارتھ کراچی میں عظیم الشان افتتاحی تقریب کا انعقاد کیا گیا جس میں مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی ، مفتی محمد سجاد عطاری مدنی مُدَّ ظِلُّہُ العالی ، مفتی محمد حسان عطاری مدنی مُدَّ ظِلُّہُ العالی ،اساتذۂ کرام، جامعۃ المدینہ کے طلبائے کرام، متعلقہ ذمہ داران اور مختلف شعبہ سے وابستہ افراد و شخصیات شریک ہوئیں۔

تقریب کا آغاز تلاوت قرآن پاک اور نعت رسول صلَّی اللہ علیہ واٰلہٖ وسلَّم سے ہوا۔ نگران شوریٰ نے سنتوں بھرا بیان کیا اور طلباء کو حرام اور حلال کے بارے میں معلومات فراہم کیں۔نگران شوریٰ نے شرکا کو رواں سال دورۃ الحدیث میں زیرِ تعلیم طلبہ و طالبات کی تعداد بیان کی اور جامعۃ المدینہ کے مختلف درجات کے بارے میں بتایا۔افتتاحی تقریب میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ کا آڈیو پیغام سنایا جس میں آپ دامت بَرَکَاتُہمُ العالیہ نے مبارک باد پیش کی اور دعاؤں سے نوازا۔ صلوۃ و سلام پر اجتماع کا اختتام ہوا۔

تقریب کے بعد نگران شوریٰ نے دورۃ الحدیث شریف میں قائم کمپیوٹر لیب کا وزٹ کیا اور شجر کاری کرتے ہوئے پودے بھی لگائے۔

پاکستان کے دار الحکومت اسلام آباد میں قائم جناح کنونشن سینٹر میں کنز المدارس بورڈ کے زیر اہتمام 8 مئی 2024ء بروز بدھ عظیم الشان Convocation Ceremonyکا انعقاد ہونے جارہا ہے جس میں مفتیان کرام، علمائے کرام اور مختلف شعبہ ہائے زندگی سے تعلق رکھنے والے عاشقان رسول شرکت کریں گے۔

اس عظیم الشان تقریب میں (9:50 PM) مفتی اہلسنت شیخ الحدیث مفتی محمد قاسم عطاری مُدَّ ظِلُّہُ العالی اور (10:20 PM) نگران مرکزی مجلس شوریٰ مولانا حاجی محمد عمران عطاری مُدَّ ظِلُّہُ العالی اپنے مخصوص انداز میں سنتوں بھرا بیان فرمائیں گے۔

تقریب کے اختتام پر کنز المدارس کے تحت پوزیشن حاصل کرنے والے اسٹوڈنٹس کو ایوارڈ دیئے جائیں گے۔

تمام عاشقان رسول سے اس Convocation Ceremony میں شرکت کرنے کی درخواست ہے۔ 

صوبۂ پنجاب پاکستان کے شہر ملتان میں پچھلے دنوں عاشقانِ رسول کی دینی تحریک دعوتِ اسلامی کے تحت  ایک میٹنگ ہوئی جس میں پاکستان سطح کے ذمہ دار اسلامی بھائیوں کی شرکت رہی۔

میٹنگ کے دوران مولانا ڈاکٹر محمد انس رضا عطاری مدنی (اسسٹنٹ پروفیسر NCBA&E)نے اسلامی بھائیوں کی تربیت و رہنمائی کی اور مختلف امور پر اُن کی ذہن سازی کی۔بعدازاں نگرانِ شعبہ تحفظِ اوراقِ مقدسہ مولانا محمد افضل عطاری مدنی نے مولانا ڈاکٹر محمد انس رضا عطاری مدنی کو تحائف پیش کئے۔( رپورٹ: حافظ نسیم عطاری سوشل میدیا آف ڈیپارٹمنٹ پاکستان ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیر اہتمام 02 مئی 2024ء  بعد نماز مغرب دنیابھر میں ہفتہ وار سنتوں بھرے اجتماعات کا انعقاد کیا جائیگا جن میں اراکینِ شوریٰ و مبلغین دعوتِ اسلامی سنتوں بھرے بیانات فرمائیں گے۔ ہفتہ وار اجتماع میں تلاوت کلامِ پاک، نعت شریف، بیان، ذکر و اذکار اور رقت انگیز دعا کا سلسلہ ہوتا ہے جس میں ہزاروں عاشقانِ رسول شریک ہوکر اپنی اصلاح کرتے ہیں۔

تفصیلات کے مطابق نگران پاکستان مشاورت حاجی محمد شاہد عطاری مدنی مرکز فیضانِ مدینہ فیصل آباد مدینہ ٹاؤن سے مدنی چینل پر لائیو سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں رکن شوریٰ حاجی محمد امین عطاری،مدنی مرکز فیضان مدینہ اسلام آباد میں رکن شوریٰ حاجی وقار المدینہ عطاری، عثمانیہ مسجد، نیشنل ہائی وے نزد رزاق آباد پولیس ٹریننگ سینٹرکراچی میں رکن شوریٰ مولانا حاجی عبد الحبیب عطاری، ابو حنیفہ مسجدمرے کالج روڈ سیالکوٹ میں رکن شوریٰ حاجی عبد الوہاب عطاری اور مدنی مرکز فیضان مدینہ گلشن کالونی 298 گوجرہ میں رکنِ شوریٰ مولانا حاجی جنید عطاری مدنی سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

24اور 25اپریل 2024ء کو   بہاولنگر میں بہاولنگر ڈسٹرکٹ کی تمام تحصیلوں (تحصیل فورٹ عباس ،تحصیل منچن آباد، تحصیل چشتیاں، تحصیل بہاولنگر اور تحصیل ہارون آباد) کے ذمہ داران کا مدنی مشورہ ہوا ۔

مدنی مشورے میں نگران بہاولپور ڈویژن ڈاکٹر حافظ عبدالرؤف عطاری نے 12دینی کاموں کے حوالے سے مدنی مشورے فرمائے اور رمضان المبارک میں عطیات کرنے پر حوصلہ افزائی فرمائی اور اچھی کارکرگی پر تحائف بھی عطا فرمائے ۔ نگران بہاولپور ڈویژن نے شرکا کو 12 دینی کاموں میں عملی طور پر شرکت کا ذہن دیا جس پر شرکانے اچھی اچھی نیتوں کا اظہار کیا۔ (رپورٹ: احمدرضا عطاری ڈویژن میڈیا ڈیپارٹمنٹ)

بہاولپور سٹی میں  27اپریل 2024ء کو یاد رمضان اجتماع منعقد ہوا جس میں نگران بہاولپور ڈویژن نے سنتوں بھرا بیان فرمایا ۔ اجتماع میں بہاولپور کے ذمہ داران نے شرکت کی۔

نگران بہاولپور ڈویژن نے رمضان المبارک عطیات کے حوالے سے اچھی کارکردگی پرذمہ داران کی حوصلہ افزائی فرمائی اور انہیں تحائف دیئے۔ اس موقع پر نگران بہاولپور نے 12دینی کاموں کے حوالے سے بریف کیا اور اہداف عطا فرمائے جس پر ذمہ داران نے اچھی اچھی نیتوں کا اظہار کیا۔ (رپورٹ احمدرضا عطاری، ڈویژن میڈیا ڈیپارٹمنٹ)

الحمدللہ عزوجل ہر سال کی طرح اس سال بھی عاشقان رسول کی عالمگیر تحریک دعوت اسلامی کے زیر اہتمام 5مئی2024بروز اتوار بعد نماز ظہر ہونے جارہا ہے ایک عظیم الشان حج تربیتی اجتماع جس کا انعقاد عالمی مدنی مدکز فیضانِ مدینہ کراچی میں ہوگا ۔

اجتماع کی تقریب دو نشستوں میں ہوگی پہلی نشست کا آغاز دوپہربعد نماز ظہر2-15pmپر ہوگا جس میں مبلغین دعوت اسلامی عازمینِ حج کو احرام باندھنے کا طریقہ اور حج کے متعلق دیگر احکام سکھائے جائیں گے۔

جبکہ دوسری نشست رات عشاء کی نماز کے بعد9-45pm پر شروع ہوگی جس میں خصوصی طور پر شیخ طریقت امیر اہل سنّت علامہ محمد الیاس عطار قادری دامت بَرَکَاتُہمُ العالیہ شرکت فرمائیں گے اور عازمینِ حج کی تربیت فرمائیں گے۔

اس موقع پر نعت خوانی اور تصورِ مدینہ کا سلسلہ بھی ہوگا جس میں نعت خوان حضرات یادِ مدینہ اور حج سے متعلق کلام پیش کرکےحاضرین کے عشق رسول میں اضافہ کریں گے۔

یاد رہے : امیر اہلِ سنت عازمین حج سے ملاقات بھی فرمائیں گے، لہذا عازمین حج اپنے حج فارم اور ضروری کاغذات وغیرہ کے ہمراہ فیضانِ مدینہ تشریف لائیں، حج فارم اور ضروری کاغذات وغیرہ کے بغیر ملاقات کا ٹوکن دستیاب نہیں ہوگا۔

نوٹ:یہ دونوں نشستیں مدنی چینل پر براہِ راست ٹیلی کاسٹ بھی کی جائیں گی۔

تمام عاشقان رسول سے اس اجتماع پاک میں شرکت کرنے کی درخواست ہے۔

(کراچی: ویب ڈیسک)گزشتہ رات دعوتِ اسلامی کے عالمی مدنی مرکز فیضانِ مدینہ کراچی میں ہفتہ وارسنتوں بھرے اجتماع کا انعقاد کیا گیا ۔ اجتماع میں مفتی اہل سنت مفتی محمد  قاسم عطاری مُدَّ ظِلُّہُ العالی نے سنتوں بھرا بیان کیا اور عاشقانِ رسول کو نمازوں کا اہتمام کرنے،دینی کاموں میں بڑھ چڑھ کر حصہ لینے سمیت مختلف نیک اعمال کرنے کا ذہن دیا۔

اجتماعِ پاک میں کراچی کے مختلف علاقوں سے بڑی تعداد میں عاشقانِ رسول نے شرکت کی۔ عاشقانِ رسول کی آسانی کے لئے پارکنگ کے خصوصی انتظامات کئے گئے تھے جبکہ ہر طرح کی ایمرجنسی سے نمٹنے کے لئے فائر برگیڈ اور ایمبولینس کا عملہ بھی فیضانِ مدینہ میں موجود تھا۔ اس موقع پر سیکیورٹی کے بھی فول پروف انتظامات کئے گئے تھے جبکہ پوری اجتماع گاہ کی کیمروں سے نگرانی بھی کی جارہی تھی۔

واضح رہے کہ دعوتِ اسلامی کا ہفتہ وار اجتماع ہر جمعرات کو مغرب کی نماز کے بعد دنیا بھر میں منعقد ہوتا ہے جس میں لاکھوں عاشقانِ رسول شرکت کرکے اپنی آخرت کو سنوارنے میں کوشاں رہتے ہیں۔

عاشقانِ رسول کی دینی تحریک دعوتِ اسلامی کے زیر اہتمام 25 اپریل 2024ء بعد نماز مغرب دنیابھر میں ہفتہ وار سنتوں بھرے اجتماعات کا انعقاد کیا جائیگا جن میں اراکینِ شوریٰ و مبلغین دعوتِ اسلامی سنتوں بھرے بیانات فرمائیں گے۔ ہفتہ وار اجتماع میں تلاوت کلامِ پاک، نعت شریف، بیان، ذکر و اذکار اور رقت انگیز دعا کا سلسلہ ہوتا ہے جس میں ہزاروں عاشقانِ رسول شریک ہوکر اپنی اصلاح کرتے ہیں۔

تفصیلات کے مطابق شیخ الحدیث والتفسیر مفتی محمد قاسم عطاری مُدَّ ظِلُّہُ العالی عالمی مدنی مرکز فیضان مدینہ کراچی سے مدنی چینل پر براہِ راست سنتوں بھرا بیان فرمائیں گے۔

اس کے علاوہ غوثیہ مسجد بلدیہ ٹاؤن کراچی میں رکنِ شوریٰ مولانا حاجی عبد الحبیب عطاری، جامع مسجد نورانی نشتر اسکوائر ماڈل ٹاؤن ملیر میں رکن شوریٰ حاجی محمد امین عطاری، مدنی مرکز فیضان مدینہ گوجرانوالہ میں رکن شوریٰ حاجی محمد اظہر عطاری، فیضان اسلام مسجد خیابان سحر فیز 7 ڈیفنس کراچی میں رکن شوریٰ حاجی محمد علی عطاری،کلثوم مسجد شاہ فیصل کالونی نمبر 03 میں رکنِ شوریٰ حاجی فضیل عطاری، میانوالی میں رکن شوریٰ مولانا حاجی ابو ماجد محمد شاہد عطاری مدنی اور مدنی مرکز فیضان مدینہ حیدر آباد لطیف آباد میں نگران مجلس شعبہ پروفیشنلز فورم محمد ثوبان عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

21اپریل 2024ءبروز اتوار   فیصل آباد،اقبال ٹاؤن کے علاقے کریم ٹاؤن میں واقع جامع مسجد فیضان جمال مصطفیٰ میں یاد رمضان و گیارہویں شریف کے سلسلے میں عید ملن اجتماع منعقد ہوا۔

یاد ِ رمضان اجتماع میں نگران فیصل آباد ڈویژن مشاورت حاجی محمد سلیم عطاری نے بیان کیا جس میں اعتکاف کرنے والے عاشقان رسول کو جس طرح رمضان میں مسجد آباد کی تھی اس طرح دوبارہ مسجد میں اپنا دل لگانے کے حوالے سے مدنی پھول دیئےاور ہر ماہ گیارہویں شریف کی نیاز کرنے کا ذہن دیا۔

اس کے علاوہ 12دینی کام کرنے کی ترغیب دلاتے ہوئے اس علاقے سے ہر ہفتے ، ہفتہ وار اجتماع میں شرکت کرنے کا ہدف دیا۔مزید ہفتہ وار اجتماع میں گاڑیاں لیکر آنے والے ذمہ داران کو تحائف بھی دیئے۔

آخر میں اسی مسجد میں روزانہ نماز عشا کے بعد 30منٹ کے نماز کورس کی کلاس کا بھی اعلان کیا جس پر شرکا نے کورس میں شرکت کرنے پر اپنی رضا مندی کااظہار کیا۔(رپورٹ: محمد عبدالرزاق عطاری شعبہ ہفتہ وار اجتماع و مدنی مذاکرہ، کانٹینٹ:رمضان رضا عطاری)

20 اپریل 2024ء کو دعوتِ اسلامی کے عالمی مدنی مرکز فیضانِ مدینہ کراچی میں عظیم الشان ”اجتماع افتتاحِ بخاری شریف“کا انعقاد کیا گیا جس میں خصوصی طور پردورۃ الحدیث اور جامعۃ المدینہ کے دیگر طلبائے کرام سمیت مختلف شہروں سے تعلق رکھنے والے عاشقانِ رسول نے شرکت کی جبکہ اس پروگرام کو مدنی چینل پر بھی براہِ راست نشر کیا گیا۔پروگرام میں مدنی چینل کے ذریعے ملک و بیرون ملک کے عاشقانِ رسول بھی شریک ہوئے۔ اجتماع کا باقاعدہ آغاز تلاوتِ کلام پاک اور نعتِ رسول مقبول صلَّی اللہ علیہ واٰلہٖ وسلَّم سے ہوا۔

اجتماع افتتاح بخاری شریف میں شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے گفتگو کرتے ہوئے فرمایا کہ پیارے پیارے طلبائے کرام اور مدنی چینل کے ذریعے شریک طالبات جن کا تعلق دورۃ الحدیث شریف سے ہے۔آپ سب کو بہت بہت مبارک ہو کہ الحمد للہ آپ دورۃ الحدیث شریف کے درجے میں آگئے اور ”افتتاح بخاری شریف“ کی تقریب میں شرکت کرنے کی سعادت پارہے ہیں۔ امیر اہلسنت دامت بَرَکَاتُہمُ العالیہ نے طلبۂ کرام کو نصیحت کرتے ہوئےکہا کہ دورۃ الحدیث شریف درسِ نظامی کی آخری کلاس ہے ، اس درجے میں کوتاہی نہیں کرنی بلکہ پچھلی کلاسز میں جو کوتاہی ہوئی ہے اس کی تلافی کرنی ہے اور سچا پکا ”عالمِ دین“ بن کر درسِ نظامی مکمل کرنی ہے۔مضبوط عالم بننے کے لئے صرف درسِ نظامی کرنا ضروری نہیں بلکہ مزید مطالعہ اور علماء کی صحبت اختیار کرنا بہت اہمیت کا حامل ہے۔ امیر اہلسنت دامت بَرَکَاتُہمُ العالیہ نے طلبۂ کرام کو درسِ نظامی کے بعد تخصصات میں بھی داخلہ لینے کی بھی ترغیب دلائی۔

وعظ و نصیحت کے بعد شیخ طریقت امیر اہلسنت دامت بَرَکَاتُہمُ العالیہ نے بخاری شریف کی پہلی حدیث پڑھ کر سنائی اور اس کی تشریح بیان کی۔ خصوصی مدنی مذاکرے میں امیر اہلسنت دامت بَرَکَاتُہمُ العالیہ نے طلبۂ کرام کو تعلیم کے ساتھ ساتھ 12 دینی کاموں میں بڑھ چڑھ کر حصہ لینے اور استقامت کے ساتھ تبلیغ دین کرنے کاذہن دیا۔

اس عظیم الشان اجتماع میں نگرانِ شوریٰ، دارُالافتاء اہلسنت کے مفتیانِ کرام اور جامعۃ المدینہ کے اساتذۂ کرام اور ناظمین بھی موجود تھے۔

دعوت اسلامی  کی جانب سے 18 اپریل 2024ء کو مدنی مرکز فیضان مدینہ شیخوپورہ میں ہفتہ وار اجتماع منعقد ہوا جس میں مقامی ذمہ داران اور عاشقانِ رسول شریک ہوئے۔

رکن مرکزی مجلس شوریٰ حاجی یعفور رضا عطاری نے ”صبح کس حال میں کی۔۔۔؟“ کے موضوع پر بیان کیا جس میں اللہ پاک کے پسندیدہ بندے،کامل مؤمن کون؟ صدیق اکبر رضی اللہُ عنہ کی نرالی صبح اور صبح کے وقت کرنے کے 10 کام کے حوالے سے بتایا ۔) کانٹینٹ:رمضان رضا عطاری)