دعوتِ اسلامی کا عالمی مدنی مرکز فیضانِ مدینہ کراچی نہ صرف دینی اور روحانی علوم کا مرکز ہے بلکہ تعلیم وتربیت کا ایک روشن میناربھی ہے۔اس مدنی مرکز میں آنے والے افراد نہ صرف اپنی علمی پیاس بجھاتے ہیں بلکہ دعوتِ اسلامی کی شب و روز ترقی بھی ان پر عیاں ہوتی ہے۔

اس ترقی کا مشاہدہ کرنے والوں میں مختلف شعبوں سے تعلق رکھنے والے پیشہ ور افرادبھی شامل ہیں جو دنیا کے کونے کونے سے اس مدنی مرکز میں کھنچےچلے آتے ہیں ۔

گزشتہ روز نجی پبلشنگ ادارے کے ڈائریکٹر جاوید اقبال صاحب نےاپنے وفد کے ہمراہ مدنی مرکز فیضانِ مدینہ کراچی کا دورہ کیا۔دعوتِ اسلامی کے پبلک ریلیشنز ڈیپارٹمنٹ کے سید عبدالرزاق عطاری نے انہیں فیضانِ مدینہ کراچی کے مختلف شعبہ جات کا دورہ کروایا اور دعوتِ اسلامی کی خدمات اور کارناموں سے آگاہ کیا۔

دارالمدینہ انٹرنیشنل اسلامک اسکول سسٹم کے چیف آپریٹنگ آفیسر مدنی رضا عطاری اور دارالمدینہ انٹرنیشنل یونیورسٹی پریس (DMIUP) کے ڈائریکٹر فاروق شاہ بھی اس موقع پر موجود تھے۔ انہیں دارالمدینہ انٹرنیشنل یونیورسٹی پریس کی ڈاکیومینٹری بھی دکھائی گئی اور دارالمدینہ کی مطبوعہ کتابوں کا تعارف بھی پیش کیاگیا۔

جاوید اقبال صاحب نے دعوتِ اسلامی کی دینی و فلاحی خدمات کو سراہا اور دعوتِ اسلامی کے ساتھ اپنی وابستگی جاری رکھنے کے عزم کا اظہار کیا۔دورے کے اختتام پر انہیں تحائف بھی پیش کئے گئے۔ (رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

قرآنِ مجید ہدایت کا سرچشمہ ہے۔ اس کی تلاوت اجر وثواب کا ذریعہ ،  رحمتوں اور برکتوں کے نزول کا باعث ہے، قرآن پاک کی محبت مسلمانوں کا اثاثہ ہے۔

شیخِ طریقت، امیر ِاہلِ سنت،بانی ٔ دعوتِ اسلامی ، حضرت علامہ مولانا ابو بلال محمدالیاس عطار قادری دامت برکاتہم العالیہ کی ترغیب پر جمعۃ المبارک 14جولائی 2023ء کو دارالمدینہ ہیڈآفس، ڈویژن آفیسز اور کیمپسز میں یومِ تلاوتِ قرآن ِپاک منایا گیا۔ اس موقع پر اسلامی بھائیوں نے اپنے دینی جذبے کے ساتھ خوب ذوق و شوق سے تلاوتِ کلامِ پاک کی۔

یومِ تلاوتِ قرآنِ پاک کے موقع پر دارالمدینہ کی جانب سے ایک پیغام بھی جاری کیا گیا:’’قرآنِ پاک کی محبت ایمان کی علامت ہے۔قرآن سے اپنا رشتہ اور تعلق مضبوط بنائیں اور اس کے لئے قرآنِ کریم کی تلاوت کو اپنا معمول بنائیں۔‘‘

دارالمدینہ انٹرنیشنل اسلامک اسکول سسٹم کے طلبہ اور سرپرستوں نے بھی اپنے اپنے گھروں میں تلاوتِ قرآنِ پاک کااہتمام کیا اور اپنے ویڈیو پیغامات بھی بھیجے۔ ایک طالب علم نے کہا کہ تلاوتِ قرآنِ پاک سے اللہ پاک خوش ہوتا ہے،تلاوت ِقرآنِ پاک سے دل کو سکون ملتا ہے۔کے جی کلاس کی طالبہ سمیت دوسرے طلبہ نے تلاوتِ قرآن کرتے ہوئے اپنی ویڈیوز بھی بھیجیں اور قرآنِ پاک سے محبت کا اظہار کرتے ہوئے نعرے بھی لگائے۔

دور ِجدیدمیں ڈیجیٹل لٹریسی بہت اہم ہے۔ آئی ٹی سمر کیمپ بچوں کو کمپیوٹر پروگرامنگ جیسی قیمتی مہارتیں سکھاتے ہیں اور ڈیجیٹل پلیٹ فارم پران کی موجودگی کو نمایاں کرنے میں اپنا کردار ادا کرتے ہیں۔آئی ٹی سمر کیمپ میں شامل سرگرمیوں کے ذریعے بچوں کو مستقبل کی ڈیجیٹل دنیا کے لئے  تیار کیا جاتاہے ۔

اس سلسلے میں 26 جون 2023ء کو دعوتِ اسلامی کے تعلیمی شعبے دارالمدینہ انٹرنیشنل اسلامک اسکول سسٹم ، گزری کیمپس کراچی میں آئی ٹی سمر کیمپ کا قیام عمل میں لایا گیا۔

اس سمر کیمپ میں ایکسل میجک،کوڈنگ ٹرینڈز جن میں++ C،جاوااسکرپٹ، پائی تھون اورAI(Artificial intelligence)یعنی مصنوعی ذہانت کا تعارف پیش کیا گیا۔مشین لرننگ کے بارے میں آگاہی دی گئی اورIoTیعنی انٹرنیٹ آف تھنگ کے متعلق بتایا گیا۔

سمر کیمپ میں دارُالمدینہ انٹرنیشنل اسلامک اسکول سسٹم کے مختلف کیمپس کے طلبہ نے حصہ لیا جس میں بچوں کو ٹیکنالوجی کے میدان میں مختلف کیریئر سے بھی روشناس کروایا گیا۔(رپورٹ: غلام محی الدین ترک ،اردو کانٹینٹ رائیٹر(مارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی)،کانٹینٹ:رمضان رضا عطاری)

تعلیمی اداروں میں پیرنٹ مینجمنٹ میٹنگ ٹیچرز اور والدین کے مابین بہتر تعلقات کا ایک ذریعہ ہے۔ پیرنٹ مینجمنٹ میٹنگ کےذریعے والدین کو طلبہ کی تعلیمی کیفیت ، حاضری ،رزلٹ اور ہم نصابی سرگرمیوں سے آگاہ کیا جاتا ہے ۔ طلبہ کے تعلیمی مسائل کا حل تلاش کیا جاتا ہے۔ٹیچرز والدین کو طلبہ کی تعلیمی کارکردگی کو بہتر بنانے کے مشورےدیتے ہیں ۔اس کے ساتھ تعلیمی عمل میں والدین کی تجاویز اور ان کے مشورے بھی نوٹ کئے جاتے ہیں۔

گزشتہ روز دارالمدینہ فیصل آباد ،ساہیوال ،پاک پتن،عارف والا،اوکاڑہ ، سمندری اورجھنگ کےکیمپسز میں پیرنٹ مینجمنٹ میٹنگز کا انعقاد ہوا۔ ان پیرنٹ مینجمنٹ میٹنگز میں دعوتِ اسلامی کے تنظیمی ذمے داران نے شرکت کی اور بیانات میں نیکی کی دعوت نیز دعوت اسلامی کے دینی ماحول سے منسلک رہنے کی ترغیب دلائی ۔

ڈویژنل ہیڈز نےوالدین کو دارالمدینہ کےتعلیمی نظام سے آگاہ کیا ۔ والدین کو تعلیمی عمل میں بچے کی دلچسپی،رویہ اور دینی تربیہ سے بھی آگاہ کیا گیا۔ انہیں پری اسکولنگ سے متعلق خصوصی رہنمائی فراہم کرنے کے علاوہ گھروں میں پری پرائمری کی سرگرمیاں کروانے سے متعلق مفید مشورے دیئے گئے۔ آخر میں والدین نے ایجوکیشنل اسٹاف سے اپنے امور کے حل کے لئے سوالات بھی کئے۔ (رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

کسی بھی اسکول میں طلبہ کے لئے منعقد ہونے والے ٹیسٹ یا امتحان کے نتائج ان کی قابلیت جانچنے کا ایک ذریعہ ہیں۔یہ نتائج تعلیمی نظام میں ترقی اور کامیابی کے کلچر کو فروغ دیتے ہیں۔ان نتائج سےمختلف مضامین میں طلبہ کی سمجھ اور کارکردگی کا جائزہ لینےمیں مدد ملتی ہے۔ مثبت نتائج طلبہ کی خود اعتمادی میں اضافہ کرتے ہیں ۔ نتائج طالب علم کی قابلیت کا ثبوت بھی فراہم کرتے ہیں۔ گزشتہ روز دارالمدینہ اورنگی بوائز ہائی اسکول میں سالانہ امتحانات کے نتائج کا اعلان کیا گیا۔ نتائج کا اعلان ایک پروقار تقریب میں کیا گیا۔

تقریب کا آغاز تلاوت قرآن پاک سے کیا گیا، بعد ازاں بارگاہِ رسالت مآب صَلَّى اللهُ عَلَيْهِ وَسَلَّمَ میں نعت ِ رسول مقبول پڑھی گئی ۔اس موقع پر طلبہ نے خاکے اور تقاریر بھی پیش کیں۔تقریب میں پوزیشن حاصل کرنے والے طلبہ میں انعامات اور سرٹیفیکیٹ بھی تقسیم کئے گئے۔ تقریب میں دعوتِ اسلامی اور دارالمدینہ کے ذمہ دار اسلامی بھائیوں نے بیان بھی کیا۔اس موقع پر والدین سے دارالمدینہ کے تعلیمی نظام کے بارے میں تجاویز بھی لی گئیں۔(رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

طلبہ کو موسم گرما کی چھٹیوں میں اپنی صلاحیتوں کو بہتر بنانے کی طرف توجہ دینی چاہیئے۔سمر کیمپ بھی طلبہ کی صلاحیتیں نکھارنے کا ایک ذریعہ  ہے۔ سمر کیمپ طلبہ کو کم وقت میں زیادہ سے زیادہ سیکھنے کا موقع بھی فراہم کرتا ہے۔

دارالمدینہ اور فیضان ایجوکیشن نیٹ ورکس کے انعقاد سےگلشن کیمپس میں سمرکیمپ کاآغازہوچکا ہے۔ سمر کیمپ کے افتتاحی دن طلبہ کو پبلک اسپیکنگ (عوامی فن تقریر )کے ذریعے لوگوں کا سامنا کرنے اور مؤثر ابلاغ کی اہمیت پر زور دیا گیا۔پبلک اسپیکنگ کے اصول سمجھائے گئے، آخر میں عملی مشق کروائی گئی۔ٹرینر اسلامی بھائی نے اس بات پر زور دیا کہ چھٹیوں کا بھرپور فائدہ اٹھائیے۔پبلک اسپیکنگ کی صلاحیت کے ذریعے اپنے اندر اعتماد پیدا کیجیے۔اگر آپ پُراعتماد ہوجائیں تو ہر سطح پر کامیابی حاصل کرنا آسان ہوجاتا ہے۔اس سمر کیمپ میں تربیہ ایکٹیویٹیز، پبلک اسپیکنگ،پینٹنگ، قصہ گوئی، آرٹ اینڈ کرافٹ اور بہت سی دلچسپ سرگرمیاں شامل ہیں۔ یہ سرگرمیاں طلبہ کی تخلیقی صلاحیتوں کو اُجاگر کرنے میں مدد فراہم کریں گی ۔ اس سمر کیمپ میں دارالمدینہ کے علاوہ دوسرے اسکولوں کےطلبہ بھی شرکت کر رہے ہیں۔(رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

طلبہ کو ان کی حوصلہ افزائی ہمیشہ یاد رہتی ہے۔رزلٹ ڈے کی تقریب بھی حوصلہ افزائی کا ایک ذریعہ ہے۔اس تقریب میں جہاں طلبہ اپنی کامیابی کا پھل پاتے ہیں ،وہیں تقاریر، خاکے اور دوسری ہم نصابی سرگرمیوں کے ذریعے ان کی خود اعتمادی میں بھی اضافہ ہوتا ہے۔

گزشتہ روز دارالمدینہ بوائز ہائی اسکول کے گلشن کیمپس،گزری کیمپس اور ملیر کیمپس کے رزلٹ ڈے کی تقریب این ای ڈی یونیورسٹی کے آڈیٹوریم میں منعقد ہوئی۔ اس پروقار تقریب کا آغاز تلاوت قراٰن پاک سے کیا گیا،اس کے بعد بارگاہ ِرسالت مآب صَلَّى اللهُ عَلَيْهِ وَسَلَّمَ میں نعت ِ رسول مقبول پڑھی گئی ۔

رزلٹ ڈے کی تقریب میں دعوتِ اسلامی کی مرکزی مجلس شوری ٰ کے رکن حاجی محمد علی عطاری نے ٹائم مینجمنٹ کے حوالے سے اپنے بیان میں کہا کہ ہر شخص کو چاہیئے کہ اپنے ہر کام کو کسی وقت کے اندر قید کرلے۔ میں تلاوت اس وقت کروں گا۔ درود پاک اس وقت پڑھوں گا۔ ماضی میں جن بزرگوں نے کامیابیاں حاصل کیں، ان کے لئے بھی 24گھنٹے کا دن تھا ۔وہ دنیا میں بھی کامیاب ہوئے اور آخرت میں بھی کامیاب ہوں گے (ان شاء اللہ عزوجل )۔رکنِ شوری نے زندگی کے مختلف امور میں نیکی کی دعوت اور دعوتِ اسلامی کے دینی کاموں کی اہمیت پر بھی روشنی ڈالی۔

دارالمدینہ انٹرنیشنل اسلامک ایجوکیشن سسٹم کے CEOڈاکٹر دانش اقبال گوڈیل عطاری کا کہنا تھاکہ مسلمانوں کی بھلائی کی نیت ہو تو ہم سائنسی علوم کے ذریعے ثواب کماسکتے ہیں ۔ انہوں نے والدین کو متوجہ کرتےہوئے کہا کہ آپ دارالمدینہ کے پارٹنرز ہیں۔ ہم مل کر دارالمدینہ کو ترقی کی راہ پر گامزن کرسکتے ہیں جبکہ دارالمدینہ اسٹرٹیجک کمیٹی کے رکن عرفان حسن نے کہا کہ طالب علموں کو اس بات پر شکر ادا کرنا چاہیئے کہ وہ دارالمدینہ میں تعلیم حاصل کررہے ہیں ۔

دارالمدینہ انٹرنیشنل اسلامک ایجوکیشن سسٹم کے COO اور نگران پنجاب مولانا زبیر عطاری مدنی نے کہا کہ دارالمدینہ آپ کے بچوں کے سینوں میں قرآنی الفاظ محفوظ کردیتا ہے۔ اس وقت تک 17ہزار سے زائد طلبہ مدنی قاعدہ اور پانچ ہزار سے زائد بچے ناظرہ قراٰن کی تکمیل کرچکے ہیں۔ ہمارا قرآنی مونٹیسوری کاایک نظام ہے ۔ پاکستان بھر کے منتخب کیمپسز میں حفظِ قراٰن اور پنجاب میں ترجمہ قراٰن کی تفہیم کا آغازبھی ہوچکا ہے۔ ہم ہر ماہ ایک تربیہ تھیم بناتے ہیں ۔ماہِ شعبان میں ایک ہفتے کی تھیم کی برکت سے ایک ارب سے زائد درود پاک بھیجے گئے۔

دارالمدینہ انٹرنیشنل اسلامک اسکول سسٹم کے COO اور نگرانِ سندھ مدنی رضا عطاری نےاظہار خیال کرتے ہوئے کہا کہ 2011 میں دارالمدینہ کے سفر کا آغاز ہوااور اب دنیا کے 7 ممالک کے195کیمپسزمیں تقریبا39ًہزارطلباوطالبات تعلیم حاصل کررہے ہیں۔رواں تعلیمی سال میں پاکستان کے میٹرک بورڈز میں ہونے والے امتحانات میں دارالمدینہ کے 73فی صد، کراچی کے 95فی صد اور کورنگی کیمپس ، کراچی کے 100فی صد طلباوطالبات نے اے ون اور اے گریڈحاصل کیا۔انہوں نے تعلیمی عمل میں والدین کے فیڈ بیک کی اہمیت اور پیرنٹ ٹیچرز میٹنگ میں ان کی شرکت پر زور دیا۔

تقریب میں دارالمدینہ کے طلبہ نے والدین کے آداب ، ری سائیکلنگ اور saving water پر تقاریر اور گفتگو کے آداب اور ماڈرن ٹیکنالوجیز پر مدنی خاکے بھی پیش کئے۔تقریب کے شرکاکو دارالمدینہ کی نئی ڈاکیومینٹری بھی دکھائی گئی ۔

اس تقریب میں دارالمدینہ انٹرنیشنل اسلامک اسکول سسٹم کے اراکین مجلس،ڈویژنل ہیڈز اورہیڈآف ڈیپارٹمنٹس کے علاوہ الکرم انٹرنیشنل انسٹیٹیوٹ کے وائس چانسلر محمد اسلم کمبوہ ، محکمہ تعلیم ،صوبہ سندھ کے افسران شمس الدین شیخ، ایڈیشنل سیکریٹری ایجوکیشن ڈیپارٹمنٹ،عبدالرشید بروہی، ڈپٹی سیکریٹری، کالج ایجوکیشن ڈیپارٹمنٹ اور عبدالستار عباسی، ٹاؤن ایجوکیشن آفیسرنے خصوصی طور پر شرکت کی۔

تقریب میں مدنی قاعدہ اور ناظرہ قراٰن کی تکمیل اور پوزیشن حاصل کرنے والے طلبہ میں انعامات تقسیم کیے گئے۔ دارالمدینہ ہیڈآفس میں بہتر کارکردگی پیش کرنے والے اسلامی بھائیوں میں بھی سرٹیفیکیٹ تقسیم کئے گئے۔ سلام اور دعا پر اس روح پرور نتائج کی تقریب کا اختتام ہوا۔ (رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

تعلیمی سرگرمیوں کے علاوہ زندگی کی مہارتوں کو نئے انداز اور نئے ماحول میں سیکھنا طلبہ کے لئے کافی فائدہ مند ہے۔سمر کیمپ ان باتوں کو نہ صرف بہتر انداز میں سرانجا م دیتا ہے بلکہ طلبہ کو کم وقت میں زیادہ سے زیادہ سیکھنے کا موقع بھی فراہم کرتا ہے۔

طلبہ کو موسم گرما کی چھٹیاں کسی ایسے سمر کیمپ میں گزارنی چاہییں جو اُن کی صلاحیتوں کو پروان چڑھاسکے۔ ایک اچھا سمر کیمپ نہ صرف ان کی ذہنی تھکاوٹ دور کرتا ہے بلکہ طلبہ پہلے سے زیادہ جوش و خروش سے تعلیمی عمل میں دلچسپی بھی لیتے ہیں۔

دارالمدینہ انٹرنیشنل اسلامک اسکول سسٹم کے سندھ ریجن میں 16جون سے22جون 2023ء تک سمر کیمپ شروع ہو رہا ہے۔

اس سمر کیمپ کے لئے دارالمدینہ کے ماہر ین نے منفرد سرگرمیاں تیار کی ہیں جو طلبہ کی تخلیقی صلاحیتوں کو اُجاگر کرنے ، نئی صلاحیتیں دریافت کرنے اور زندگی کی قیمتی مہارتیں حاصل کرنے میں مدد فراہم کریں گی ۔

طلبہ رنگوں کے ذریعے آگے بڑھنا چاہتے ہوں یا کہانیاں سناکر دوسروں کوحیران کرنا چاہتے ہوں یا پھر اپنے کردار سےمعاشرے میں مثبت اقدار کو فروغ دینا چاہتے ہوں،ان سب کے لئے دارالمدینہ سمر کیمپ میں بہترین سرگرمیاں موجود ہیں۔

اس سمر کیمپ میں تربیہ ایکٹیویٹیز، پینٹنگ، کہانیاں سنانا، آرٹ اینڈ کرافٹ ، اسپورٹس اور بہت سی دلچسپ سرگرمیوں میں طلبہ شرکت کرسکیں گے۔

اس سمر کیمپ میں دارالمدینہ کے علاوہ دوسرے اسکولوں کےطلبہ بھی شرکت کرسکیں گے۔ یہ کیمپ دارالمدینہ کے طلبہ کے لئے فری ہے جب کہ دوسرے اسکولوں کے طلبہ کے لئے سمر کیمپ میں شرکت کی فیس 1200روپے رکھی گئی ہے۔سمر کیمپ میں شرکت کے لئے

https://erp.darulmadinah.net/OnlinesummercampReg.aspx

طلبہ کی تعلیمی ،ذہنی ، جسمانی اور نفسیاتی نشوونما کے ساتھ ساتھ ان کی اخلاقی تربیت کرنا والدین اور اساتذہ کی اہم ذمہ داری ہے۔جس طرح درختوں کی نگہداشت سے ماحول کو سرسبزبنایا جاسکتا ہے اسی طرح طلبہ کی درست تعلیم وتربیت سے پورے معاشرے کو گلِ گلزار بنایا جاسکتا ہے۔تعلیم و تربیت کےاس سلسلے کو مؤثر بناتے ہوئے دارالمدینہ انٹرنیشنل اسلامک اسکول سسٹم گرمیوں کی چھٹیوں میں سمر ویکیشن ہوم ورک اور سمر تربیہ ہوم ورک جاری کررہاہے۔

سمرویکیشن ہوم ورک میں اُردو اور دیگر مضامین کے بنیادی کاموں کی دہرائی کے علاوہ ریاضی کی مہارت کو تقویت دینے کے لئے جیومیٹری، الجبرا،سیٹ اور دیگر تصورات پر مبنی مشقیں دی گئی ہیں ۔انگلش میں گرامراور الفاظ کی ورک بک کے ساتھ ساتھ زبان کی بنیادی مہارتوں کو بہتر بنانے کے لئے مشقیں اور سرگرمیاں دی گئی ہیں۔سائنس کی درسی کتابوں میں دیئے گئے تجربات، تصورات اور کارآمد باتوں سے متعلق ایسے عنوانات شامل کئے گئے ہیں جو طلبہ میں سائنسی سوچ کو فروغ دے سکیں۔

سمرتربیہ ہوم ورک میں مختلف کلاسز کے طلبہ کے لئے دینی ،اخلاقی اور تعلیمی سرگرمیاں ترتیب دی گئی ہیں۔ان میں تلاوتِ قراٰن،کلمے، دعائیں،حدیثِ پاک،بنیادی عقائدکی تفہیم،ایکٹیویٹی بیسڈ اسلامک نالج،وضو،غسل اور نماز کی معلومات کی فراہمی کے ساتھ ساتھ اخلاقی اوصاف پرمبنی سرگرمیاں بھی شامل ہیں۔ ساتھ ہی طلبہ کو گھر درس دینے اور مدنی مذاکرہ دیکھنے کی خصوصیت کے ساتھ دعوت بھی پیش کی گئی ہے۔ سمر تربیہ ہوم ورک میں اسلامیات کی درسی کتب کی سرگرمیاں بھی شامل کی گئی ہیں ۔

تمام ہی جماعتوں میں سمر تربیہ ہوم ورک اور سمر ویکیشن ہوم ورک تیار کرتے ہوئے طلبہ کی دلچسپیوں کو پیش نظر رکھا گیا ہے تاکہ طلبہ گرمیوں کی چھٹیوں کے دوران اپنے اندر پڑھنے اور سیکھنے کا شوق پیدا کرسکیں۔

سمر تربیہ ہوم ورک کو www.darulmadinah.net پر بھی رکھا گیا ہے تاکہ دارالمدینہ کے علاوہ دوسرے اسکولز میں پڑھنے والے بچّوں کے والدین بھی استفادہ کرسکیں اور اپنے بچوں کی بہترین تربیت کرسکیں۔ (رپورٹ: غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

دارُالمدینہ انٹرنیشنل اسلامک ایجوکیشن سسٹم کا ایک اہم ڈیپارٹمنٹ دارالمدینہ انٹرنیشنل یونیورسٹی پریس گزشتہ برسوں میں 150سے زائد درسی کتابیں شائع کرچکا ہے۔ یہ کتابیں دارالمدینہ انٹرنیشنل اسلامک اسکول سسٹم اور فیضان اسلامک اسکول سسٹم کے علاوہ دیگر نجی تعلیمی اداروں میں بھی پڑھائی جارہی ہیں۔

‫پاکستان میں یکساں قومی نصاب (Single National Curriculum)کے نفاذ کے بعد دارالمدینہ انٹرنیشنل یونیورسٹی پریس کی پری پرائمری اور پرائمری کی 70نصابی کتب پنجاب کریکولم اینڈ ٹیکسٹ بک بورڈ(PCTB) سے منظور ہوچکی ہیں۔ ان میں ’’روشن سفر اُردو، اُردو خوش خطی، واقفیت عامہ، یونیک میتھ میٹکس(Unique Mathematics)، ڈائنامکس انگلش(Dynamics English) اوراسمارٹ ICTکی کتابیں شامل ہیں ۔یہ درسی کتابیں دیدہ زیب ٹائٹل،معیاری کاغذاور عمدہ طباعت سے مزین ہیں۔

ان درسی کتابوں کی تیار ی میں بچوں کی نفسیات اور ان کی ذہنی سطح کو ملحوظ رکھا گیا ہے۔دارالمدینہ کا پری پرائمری نصاب ابتدائے بچپن کی تعلیم(Early Childhood Education)کے تقاضوں کو احسن انداز میں پوراکرتا ہے۔ طلبہ کی ذاتی اور سماجی نشوونما (Personal and Social Development)کے لئے اُن میں کام کرنے کی صلاحیت بڑھانے،تخلیقی صلاحیتوں کو پروان چڑھانے،اخلاقی قدروں کا خیال رکھنے،اُن کے تجربات اور مشاہدات کووسیع کرنے، اپنی صحت کا خیال رکھنے سے متعلق شعور و آگہی فراہم کرنادارُالمدینہ کے پری پرائمری نصاب کا حصہ ہیں ۔ اگلی درسی کتابوں میں توجہ مرکوز رکھنے، فیصلہ اور منصوبہ بندی کرنے اور اپنے کاموں کو بہتر انداز میں پیش کرنے جیسی کئی مہارتیں بھی شامل ہیں۔دارالمدینہ کی درسی کتابوں میں طلبہ کی ذہنی اور جسمانی نشوونما کی بہتری کے لئے دینی، اخلاقی، ذہنی ، تعلیمی، ادبی اور جسمانی سرگرمیاں خصوصیت کے ساتھ شامل کی گئی ہیں ۔

مذکورہ کتابوں کی ایک خاص بات یہ ہے کہ ماہرین کی زیر نگرانی تیار ہونے کے بعد علما بورڈ ان تمام کتب پر نظر ثانی کرتا ہے جس میں ان کتب کو عقائد، کفریہ عبارات، اخلاقیات اورفقہی مسائل وغیرہ کے حوالے سے حتی الامکان چیک کیا جاتا ہے اور اس بات کا بغور جائزہ لیا جاتا ہے کہ ان کتب کا متن ،تصاویراور کوئی بھی سرگرمی اسلامی تعلیمات اور روایات کے منافی نہ ہوں۔

دعوت اسلامی کے ذمہ داران اپنے علاقوں کے اسکولز میں ان کتب کو لگواکر اُمّت مسلمہ کے نونہالوں کی بہترین تربیت میں اپنا کردار اداکرسکتے ہیں۔کتابیں حاصل کرنے کے لیے2626037- 0313پر رابطہ کیا جاسکتا ہے۔(رپورٹ: غلام محی الدین ،اردو کانٹینٹ رائٹر(مارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی)،کانٹینٹ:رمضان رضا عطاری)

رمضانُ المبارک والدین کے لئے بچّوں کی تعلیم و تربیت کے حوالے سے ایک بہترین موقع ہے ۔

اس ماہ ِمبارک کی مناسبت سے دارالمدینہ انٹرنیشنل اسلامک اسکول سسٹم نے بچّوں کی تربیت کے لئے رمضان تربیہ ہوم ورک ترتیب دیا ہے جس میں مختلف کلاسز کے طلبہ کے لئے دینی اور تعلیمی سرگرمیاں ترتیب دی گئی ہیں ۔

ان سرگرمیوں میں تلاوتِ قراٰن،ذکرواذکار،نمازوں کی پابندی، نیکیوں کا کلینڈر،احادیثِ مبارکہ چارٹ اوررمضان کریم چارٹ مکمل کرنے سمیت اخلاقی اوصاف پرمبنی کئی سرگرمیاں شامل ہیں۔

اس تربیہ ہوم ورک کے ذریعے طلبہ رسول کریم صَلَّى اللهُ عَلَيْهِ وَسَلَّمَ کے اسوۂ حسنہ سے آگاہ ہوسکیں گے، معاشرے میں اسلامی اقدار و تعلیمات کے احیا کا فریضہ سرانجام دے سکیں گے،عبادات کی اصل روح ، ان کی اہمیت کو سمجھ سکیں گےاور خشوع و خضوع سے ان کی ادائیگی کرسکیں گے۔ساتھ ہی معاشرتی زندگی میں آداب معاشرت،حسنِ اخلاق و معاملات اور حقوق و فرائض سے متعلق اسلامی تعلیمات کی اہمیت سے واقف ہوں گے نیز ان کے فوائد و برکات سے آگاہ ہوتے ہوئے اپنی زندگی ان کے مطابق ڈھال سکیں گے۔