مسلمانوں کو علم دین کی روشنی سے منور کرنے کے عظیم جذبے کے تحت  دینِ اسلام کی عالمگیر تحریک دعوتِ اسلامی کے زیر اہتمام آج مؤرخہ 11جنوری 2024ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی مختلف مقامات پر سنتوں بھرے بیانات فرمائیں گے۔

تفصیلات کے مطابق آج مدنی چینل پر براہِ راست نشر ہونے والے ہفتہ وار اجتماع میں صفوات پیلس سمبڑیال موڑ سمبڑیال پنجاب سے رکن شوری حاجی محمد اظہر عطاری سنتوں بھرا بیان فرمائیں گے۔

اس کے علاوہ فیضان مدینہ نزد شیخاں والا قبرستان لالہ موسی میں نگران پاکستان مشاورت حاجی محمد شاہد عطاری، فیضان مدینہ G-11مرکز اسلام آباد میں رکن شوری حاجی وقار المدینہ عطاری ،کورنگی نمبر 4 رضا ئے مصطفی مسجد میں رکن شوری حاجی محمد برکت علی عطاری، فیضان مدینہ گھمبٹ سندھ میں رکن شوری مولانا حاجی عقیل عطاری مدنی،جامع مسجد سبحانی نزد13نمبر بس اسٹاپ اورنگی ٹاؤن کراچی میں رکن شوری حاجی محمد علی عطاری،مدینہ مسجد پنجابی کلب کھارادر کراچی میں رکن شوری حاجی رفیع عطاری،مدنی مرکز فیضان مدینہ العطار ٹاؤن میر پور خاص میں رکن شوری قاری محمد ایاز عطاری ، اعجاز النجف مارکی نزد الائیڈ بینک موڑ کھنڈا ننکانہ میں رکن شوری عبدالوہاب عطاری،گلشن مدینہ سانگھڑ روڈ نواب شاہ میں رکن شوریٰ حاجی اطہر عطاری ،فیضان اسلام مسجد 84/3لین10خیابان سحر فیز 7 DHAمیں رکن شوری مولانا ابو ماجد حاجی محمد شاہد عطاری مدنی،مرکزی جامع مسجد عثمانیہ (مین نیشنل ہائی وے) میں رکن شوری حاجی سید ابراہیم عطاری، حسن مہتاب مسجد جامعۃ المدینہ چرڑڈیفنس،لاہور کینٹ میں نگران شعبہ پروفیشنلزفورم محمد ثوبان عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

8 جنوری 2024ء  کو ڈسٹرکٹ سرگودھا میں شعبہ رابطہ برائے شخصیات دعوت اسلامی کے تحت مہر محمد یار لالی کے ختم قل کے موقع پر ایصال ثواب اجتماع کا انعقاد کیا گیا جس میں ڈاکٹر فرحت عباس سرجن، انچارج یورالوجی ڈیپارٹمنٹ ڈی ،ایچ،کیواسپتال سرگودھا ، ٹریفک پولیس مہر محسن عباس سمیت دیگر سیاسی شخصیات نے شرکت کی ۔

دعوت اسلامی سرگودھا سٹی کے نگران مولانا ارسلان عطاری مدنی نے بیان کیا نیز شرکا کو نیکی کی دعوت دیتے ہوئے نمازوں کی پابندی کرنے اور ہفتہ وار اجتماع میں شرکت کرنے کی دعوت دی ۔آخر میں مرحوم سمیت تمام امت مسلمہ کی مغفرت کے لئے دعا کروائی۔(رپورٹ: شہزاد عطاری شعبہ رابطہ برائے شخصیات پنجاب آفس ، کانٹینٹ:رمضان رضا عطاری)

دعوتِ اسلامی کے شعبہ رابطہ برائے شخصیات کے  زیرِ اہتمام 8 جنوری 2024ء کو ملتان سٹی میں صوبائی ذمہ دارمحمدلیاقت عطاری نے ڈویژنل ذمہ دارفداعلی عطاری اور سٹی ذمہ دارحاجی محمدمسعودعطاری کےہمراہ کمانڈنٹ پولیس ٹریننگ کالج کا دورہ کیا۔

ذمہ داران نے کمانڈنٹ پولیس ٹریننگ کالج میں ڈی آئی جی گوہرمشتاق بھٹہ،سی پی اوملتان صادق علی ڈوگر ،ایڈیشنل کمشنرارشدخان گوپانگ اورچیف سیکیورٹی آفیسرعلی طاہرودیگر سےملاقات کی۔

دوران ملاقات ذمہ داران نے شخصیات کو دعوت اسلامی کےمختلف شعبہ جات اور فرض علوم پر مشتمل ڈیجیٹل ایپ کے بارے میں معلومات دیں نیز 11جنوری 2024ء کو ملتان میں ہونیوالے ہفتہ وار اجتماع میں شرکت کی دعوت دی۔ساتھ ہی مکتبۃ المدینہ کی مطبوعہ مختلف تصانیف تحفےمیں پیش کیں۔

بعدازاں اسلامی بھائیوں نے سابق چیئرمین شیخ محمدعمران ارشد سےملاقات کی اور ان کےوالد صاحب کےانتقال پرتعزیت وفاتحہ خوانی کی نیز مرحوم کے لئے دعائے مغفرت بھی کروائی۔ (رپورٹ: شہزاد عطاری شعبہ رابطہ برائے شخصیات پنجاب آفس ، کانٹینٹ:رمضان رضا عطاری)

4جنوری  2024ء بروز جمعرات فیضان آن لائن اکیڈمی دعوت اسلامی کے ذیلی شعبہ مدرسۃ المدینہ بوائز کے پاکستان بھر کےڈویژن تعلیمی ذمہ داران کی ماہانہ میٹنگ ہوئی۔

مجلس تفتیش کے رکن محمد عرفان عطاری اور معاون رکن مجلس سید انس عطاری نے ماہانہ مدنی مشورے کے نکات پر گفتگو کی اور شرکا کو 12 دینی کام کرنے کے حوالے سے ترغیب دلائی۔ ساتھ ہی دینی کام کرنے والوں کی حوصلہ افزائی بھی کی۔ (رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

خلیفہ اوّل بلا فصل، افضل البشر بعد از انبیا، تاجدارِ صداقت سیدنا صدیقِ اکبر رضی اللہ عنہ کے عرس مبارک کے موقع پر 6 جنوری 2024ءبروز ہفتہ جامعۃ المدینہ امینیہ رضویہ واربرٹن کے تحت المدینہ میرج ہال واربرٹن میں طلبائے کرام میں شوقِ علمِ دین کو بڑھانے اور نئی نسل میں عقائد حقہ کو مزید پختہ کرنے کے سلسلہ میں سرپرست اجتماع کا انعقاد کیا گیا ۔

اجتماع پاک میں طلبائے کرام نے مختلف زبانوں میں نعت و بیان کئے نیز طلبائے کرام کی مختلف ٹیموں کے مابین سیرتِ صدیق اکبر رضی اللہ عنہ اور دیگر علمی موضوعات پر مشتمل سوالات و جوابات کا سلسلہ ہواجبکہ فائنل جیتنے والی ٹیم کو انعامات بھی دیئے گئے ۔

٭بعدازاں لاہور ڈویژن ذمہ دار جامعات المدینہ بوائز کے ذمہ دار مولانا محمد نوید مدنی عطاری نے ”شانِ صدیق اکبر رضی اللہ عنہ “کے موضوع پر سنتوں بھرا بیان کیا ۔

٭آخر میں سالانہ امتحان 2023 ء میں پوزیشن حاصل کرنے والے اسٹوڈنٹس میں اعزازی شیلڈز تقسیم کی گئیں ۔

اس پر کیف اجتماع میں مبلغِ دعوتِ اسلامی حاجی نصر اقبال عطاری ، ڈسٹرکٹ ننکانہ نگران محمد شکیل عطاری، امیر سنی علما کونسل واربرٹن کے مولانا اشفاق احمد رضوی صاحب ، مولانا اسد عطاری مدنی ، مفتی اکرم رضوی صاحب ، مفتی یونس مجددی صاحب ،مولانا محبوب عالم صاحب ، سیاسی و سماجی شخصیت چوہدری محمود قاضی ، سینئر صحافی لبیب مغل سمیت ادارے کے طلبائے کرام، سرپرست حضرات اور اساتذۂ کرام اور دیگر عاشقانِ رسول نے شرکت کرکے محبت صحابہ و اہلِ بیت  ر ضی اللہ عنہ و رضوان اللہ علیہم اجمعین کو جلا بخشی۔(رپورٹ: مولانا محمد رمضان عطاری مدرس جامعۃ المدینہ امینیہ رضویہ واربرٹن، کانٹینٹ:رمضان رضا عطاری مدنی )

05 جنوری  2024ء کو دعوت اسلامی کے شعبہ رابطہ برائے حکیم و ہومیوپیتھک کی جانب سے میرپورخاص میں میٹنگ ہوئی جس میں ڈویژن نگران اسلامی بھائی نے اپنے ماتحت ذمہ داران کی شعبے کے دینی کاموں میں مزید بہتری لانے کے اعتبار سے تربیت کی اور 2023 ء کے کارگردگی شیڈول پر گفتگو کرتے ہوئے انہیں 2024 ء کے اہداف دیئے۔(رپورٹ: محسن مدنی صوبائی ذمہ دار، کانٹینٹ:رمضان رضا عطاری)

دعوتِ اسلامی کے  شعبہ رابطہ برائے حکیم و ہومیوپیتھک کے زیرِ اہتمام حیدرآباد میں 07 جنوری 2024ء کو مدنی مشورہ منعقد ہوا جس میں ڈویژن نگران اسلامی بھائی نے اپنے ماتحت ذمہ داران کو شعبے کے دینی کاموں میں مزید بہتری لانے کے اعتبار سے رہنمائی کی اور 2023 ء کے کارگردگی شیڈول پر گفتگو کرتے ہوئے انہیں 2024 ء کے اہداف دیئے۔(رپورٹ: محسن مدنی صوبائی ذمہ دار، کانٹینٹ:رمضان رضا عطاری)

شعبہ  معاونت برائے اسلامی بہنیں دعوت اسلامی کے تحت 5جنوری 2024ء کو شالیمارٹاؤ ن طیبہ کالونی میں مدنی مشورہ ہوا جس میں ڈسٹرکٹ ذمہ دار نویدعطاری ، راوی ٹاؤن ذمہ دار تصورعطاری اور عزیزبھٹی ٹاؤن ذمہ دار بلال عطاری نے حاضری دی۔

صوبائی ذمہ دارعبدالماجدعطاری اورڈسٹرکٹ نگران حاجی محمدشہزادعطاری نےشعبے کا دینی کام کرنے حوالے سے اسلامی بھائیوں کی تربیت کی اور تقرریاں کی نیز نیو شیڈول سمجھایا اور2024ء کےاہداف دیئے جس پر شرکا نے بھلے جذبات کا اظہار کیا۔(کانٹینٹ:رمضان رضا عطاری)

شعبہ رابطہ برائے شخصیات دعوت اسلامی  کے زیرِ اہتمام ڈسٹرکٹ نواب شاہ میں ذمہ دار اسلامی بھائی نے اسسٹنٹ ڈائریکٹر ایجوکیشن عبد الستّار سے ملاقات کی۔

ذمہ دار اسلامی بھائی نے اسسٹنٹ ڈائریکٹر ایجوکیشن کو دعوت اسلامی کی دینی و فلاحی خدمات کے بارے میں بتایا اور ان کو مدنی مرکز فیضانِ مدینہ نواب شاہ میں بعد نماز عشا جمعرات کو ہونےوالےہفتہ وار اجتماع میں شرکت کی دعوت پیش کی جس پر انہوں نے اپنے اچھے جذبات کا اظہار کیا۔(رپورٹ: شعبہ رابطہ برائے شخصیات ڈسٹرکٹ نواب شاہ محمد انور عطاری، کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت 04 جنوری 2024ء کو فیضانِ مدینہ، اسٹیچفورڈ برمنگھم یوکے میں  ہفتہ وار سنتوں بھرے اجتماع کا انعقاد کیا گیا جس میں نگران ویلز UK اور FGRF یوکے کے ہیڈ حاجی سید فضیل رضا عطاری نے سنتوں بھرا بیان فرمایا۔

سید فضیل رضا عطاری نے سنتوں بھرے اجتماع میں شرکا کو نمازوں کی پابندی کرنے ، ہفتہ وار اجتماع میں شرکت کرنے اور دعوتِ اسلامی کے دینی ماحول سے وابستہ رہنے کا ذہن دیا۔(کانٹینٹ :محمد عمر فیاض مدنی)

دعوتِ اسلامی UK کی جانب سے برمنگھم میں ایک مدنی حلقے کا انعقاد کیا گیا جس میں کئی ڈاکٹرز ، پولیس اہلکار اور اسلامی اسکالرز نے شرکت کی۔ مدنی حلقے میں پاکستان سے تشریف لائے ہوئے دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے خصوصی بیان کیا اور شرکا کو دین اسلام کی تعلیمات پر عمل پیرا رہنے کے متعلق ذہن دیا۔

نگرانِ شوریٰ نے انہیں نمازوں کی پابندی کرنے اور اپنی اپنی فیلڈ میں رہتے ہوئے دعوت اسلامی کے دینی کاموں میں شمولیت اختیار کرتے رہنے کا ذہن بھی دیا۔

اس موقع پر FGRF یوکے کے نگران سید فضیل رضا عطاری اور دیگر ذمہ داران بھی مدنی حلقے میں موجود تھے۔(کانٹینٹ :محمد عمر فیاض مدنی)

دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی ان دنوں دینی کاموں کے سلسلے میں یوکے کے دورے پر ہیں جہاں انہوں نے UK کی کاروباری شخصیت ابرار حسین اور دیگر کاروباری شخصیات سے ملاقات کی۔

نگرانِ شوریٰ نے ان شخصیات کو دنیا بھر میں جاری دعوتِ اسلامی کے دینی ، اصلاحی اور فلاحی کاموں کے متعلق بریفنگ دی اور دعوتِ اسلامی کے ساتھ دینی کاموں میں اپنا حصہ ملانے کی ترغیب دلائی۔

شخصیات نے دعوت اسلامی کے دینی کاموں کو سراہا اور اپنی نیک تمناؤں کا اظہار کیا۔

اس موقع پر FGRF یوکے کے نگران سید فضیل رضا عطاری اور دیگر ذمہ داران بھی نگرانِ شوری کے ہمراہ تھے۔(کانٹینٹ :محمد عمر فیاض مدنی(